ចំប៉ី – Champey News

ក្រោយករណីឃាតកម្ម ម្តាយ ពេជ្រ សូលីកា ត្រូវបានបញ្ចូនទៅកាន់តុលាការព្រឹកនេះ

ចំប៉ី — Wed, 15 Jan 2020 02:46:04 +0000

ភ្នំពេញ៖ ម្តាយតារាចម្រៀង ពេជ្រ សូលីកា ដែលបានសម្លាប់គូស្នេហ៍ ស្រីស្រលាញ់ស្រីដូចគ្នា ត្រូវបានបញ្ជូនទៅកាន់តុលាការនៅព្រឹកនេះ បន្ទាប់ពីការស៊ើប អង្កេតសំណុំ រឿង ត្រូវបានបិទបញ្ចប់ ។

ជនសង្ស័យឈ្មោះ ស៊ិន ស្រីនាង អាយុ៤៥ឆ្នាំ បានសារភាពរួចហើយ ថា ពិតជាបានសម្លាប់ជនរងគ្រោះឈ្មោះ ងិន សុខលី អាយុ៥០ឆ្នាំ ពិតប្រាកដមែន ដោយសារតែភ្លើងប្រចណ្ឌ ។

បញ្ជាក់ផងដែរថា អំពើឃាតកម្មដ៏រន្ធត់នេះ គឺ បានកើតឡើងកាលពីវេលាម៉ោង២២ យប់ថ្ងៃទី១១ ខែមករា ឆ្នាំ២០២០ នៅចំណុចផ្ទះលេខ L42A ក្នុងបុរីវីឡាថោន ភូមិទួលរកា សង្កាត់ចាក់អង្រែក្រោម ខណ្ឌមានជ័យ៕

ពិតអត់! ក្មេងគេងស្រម៉ុកតាំងពីអាយុ២ទៅ៣ឆ្នាំ ធំឡើងអាចមានចរិកអាក្រក់

ចំប៉ី — Wed, 15 Jan 2020 02:32:10 +0000

ភ្នំពេញ៖ មនុស្សពេញវ័យភាគច្រើនគេងស្រម៉ុកដោយសារតែរាងកាយទទួលរងនូវសំពាធខ្លាំងពីការងារ ឬមានបញ្ហាសុខភាពផ្សេងៗ ក៏ប៉ុន្តែប្រសិនបើកុមារមានទម្លាក់គេស្រម៉ុកឮៗតាំងពីនៅតូច ពួកគេអាចប្រឈមមុខនឹងបញ្ហាជាច្រើនទៅថ្ងៃអនាគត់។

អ្នកស្រាវជ្រាវនៅមជ្ឈមណ្ឌល Cincinnati Children’s បានធ្វើតាមដានទៅលើកុមារចំនួន ២៤៩នាក់ រកឃើញថា កុមារដែលគេងស្រម៉ុកឮៗ តិចបំផុតត្រឹមមួយសប្តាហ៍ពីរដងនៅចន្លោះអាយុ ២ទៅ ៣ឆ្នាំ អាចមានអាកប្បកិរិយាអាក្រក់ច្រើនជាងកុមារដែលមិនគេងស្រម៉ុក។

វេជ្ជបណ្ឌិត Dean Beebe មានប្រសាសន៍ថា (ក្មេងដែលគេងស្រម៉ុកខ្លាំងៗដោយសារតែ ពួកគេរស់នៅក្នុងគ្រួសារដែលមានស្ថានភាពមិនល្អ និងបានបៅដោះម្តាយមានរយ:ពេលខ្លី)។

វេជ្ជបណ្ឌិតបន្ថែមទៀតថា (ការគេងស្រម៉ុក អាចធ្វើឲ្យមានឥរិយាបទកាន់តែអាក្រក់ នៅពេលដែលពួកគេចូលរៀន)។ ការរកឃើញនេះបានជួយជំរុញ និងលើកទឹកចិត្តដល់អ្នកម្តាយគ្រប់រូប ឲ្យបន្តការបំបៅដោះកូនឲ្យបានច្រើន ពីព្រោះក្នុងចំណោមក្មេង១០នាក់ មានក្មេងម្នាក់ហើយដែលគេងស្រម៉ុក។

តើកុមារគេងស្រម៉ុកតាំងពីតូច អាចប្រឈមនឹងបញ្ហាសុខភាពធ្ងន់ធ្ងរមែនទេ? លោកវេជ្ជបណ្ឌិត Beebe បានបង្ហាញថា (ឪពុកម្តាយភាគច្រើនមិនដឹងថា កុមារដែលគេងស្រម៉ុកខ្លាំងៗ ត្រូវប្រឈមនឹងបញ្ហាខុសប្រក្រតីនោះទេ ហើយអ្វីដែលក្មេងៗមានហានិភ័យខ្លាំងបំផុតនោះ គឺអាកប្បកិរិយាមិនល្អ ឬមិនគួរឲ្យស្រឡាញ់)។ មិនតែប៉ុណ្ណោះ ការគេងស្រម៉ុកអាចជាសញ្ញានៃបញ្ហាផ្លូវដង្ហើម ជាពិសេសការគេងនៅពេលយប់។

សរុបមកក្រុមអ្នកស្រាវជ្រាវបានធ្វើការសន្និដ្ឋានថា មានតែការបំបៅដោះកូនឲ្យបានពេញលេញទេ ដែលអាចជួយការពារកុមារតូចៗមិនឲ្យគេងស្រមុក រួមទាំងបញ្ហាផ្សេងៗទៀតដែលកើតមានក្នុងជីវិតរបស់កុមារ៕

សំខាន់ ឬមិនសំខាន់! ការរៀបចំផែនការហិរញ្ញវត្ថុសម្រាប់ជីវិតក្រោយអាពាហ៍ពិពាហ៍

ចំប៉ី — Thu, 09 Jan 2020 03:47:29 +0000

បន្ទាប់ពីការរៀបអាពាហ៍ពិពាហ៍ គឺការចាប់ផ្តើមជីវិតគូ ហើយមានរឿងមួយដែលគូស្វាមីភរិយាទាំងឡាយមិនអាចចៀសរួចនោះគឺរឿង “លុយកាក់” ព្រោះជីវិតគូភាគច្រើនតែងចាប់ផ្តើមរៀបចំផែនការសម្រាប់អនាគតរួមគ្នា ដែលមានទាំងការត្រៀមសម្លឹងរកមើលផ្ទះដើម្បីស្នាក់អាស្រ័យ រថយន្ត និងមានទាយាទសម្រាប់ស្នងត្រកូលជាដើម ដូច្នេះការរៀបចំផែនការចាត់ការប្រាក់ចំណូលចំណាយ គឺជារឿងសំខាន់ដែលត្រូវតែមានការសម្រេចចិត្តរួមគ្នា ដែលបើសិនជាទាំងពីរនាក់មានគោលការណ៍ក្នុងការចាត់ការរឿងនេះបានល្អនោះ នឹងធ្វើឱ្យរឿងលុយកាក់ក្នុងគ្រួសារងាយស្រួលឡើងមិនខាន ។

- ពិចារណាពីស្ថានភាពលុយកាក់ក្នុងពេលបច្ចុប្បន្ន

ធ្វើកំណត់ត្រាប្រាក់ចំណូល និងការចាយវាយក្នុងគ្រួសារ ទាំងប្រាក់ខែ និងប្រាក់ចំណូលផ្សេងទៀត ហើយតាមដោយការចាយវាយ ទាំងថ្លៃឈ្នួលផ្ទះ ថ្លៃធ្វើតំណើរ ថ្លៃម្ហូបអាហារ ថ្លៃគ្រឿងឧបភោគបរិភោគផ្សេងៗ និងថ្លៃចាយវាយផ្ទាល់ខ្លួនជាដើម ។

ប្រយោជន៍នៃការធ្វើកំណត់ត្រានឹងធ្វើឱ្យទាំងពីរនាក់បានដឹងពីប្រាក់ចំណូល និងប្រាក់ចំណាយទាំងអស់រួមគ្នា ដើម្បីឱ្យកើតមានការរៀបផែនការតទៅទៀតថា តើនឹងត្រូវទទួលខុសត្រូវរួមគ្នាបែបណា?

- កសាងអនាគតរួមគ្នា

ការកសាងគោលដៅនៅថ្ងៃខាងមុខរួមគ្នា នឹងធ្វើឱ្យទាំងពីរនាក់មានភាពក្លៀវក្លាស្វាហាប់ក្នុងការដើរទៅឱ្យដល់គោលដៅនោះយ៉ាងតាំងចិត្ត ដូចជា ការទិញផ្ទះ ទិញឡាន ការទៅដើរលេងកម្សាន្ត ការមានកូន និងការសិក្សារបស់កូនជាដើម ។ ក្រៅពីនេះ នៅត្រូវកំណត់រយ:ពេលទៀតផងថា តើគោលដៅដែលយើងចង់បាននោះនឹងកើតឡើងនៅពេលណា? នៅពេលមានគោលដៅ និងរយ:ពេលដែលច្បាស់លាស់ហើយនោះ សឹមពិចារណាក្នុងការចាត់លំដាប់ថ្នាក់ផែនការលុយកាក់ជាក្រោយ ។

- រៀបផែនការចាយវាយ និងសន្សំសំចៃរួមគ្នា

ពេលក្លាយជាគូជីវិតនឹងគ្នាហើយ ច្បាស់ជាស្គាល់ចិត្ត ស្គាល់និស្ស័យគ្នាច្បាស់មិនខាន អ្នកណាចូលចិត្តទិញ អ្នកណាចូលចិត្តសន្សំ ចេះទុកចេះចាយ តែភាគច្រើនខាងស្រីតែងមានភាពល្អិតល្អន់ និងប្រយ័ត្នប្រយែងជាងខាងប្រុស ទើបមិនមែនជារឿងផ្លែកឡើយ ដែលស្វាមីភរិយាជាច្រើនគូច្រើនលើកឱ្យខាងភរិយាជាអ្នកមើលការខុសត្រូវរឿងលុយកាក់នោះ។ តែនឹងបានទៅដល់គោលដៅដូចផែនការដែលបានរៀបចំរួមគ្នា ឬក៏អត់នោះ វាអាស្រ័យលើផែនការចាយវាយរបស់អ្នកទាំងពីរហ្នឹងឯង ។

ការពិតទៅ ការណែនាំខាងលើនេះអាចមិនមែនជាវិធីដែលល្អឥតខ្ចោះបំផុតសម្រាប់គ្រប់គូស្វាមីភរិយាទាំងអស់នោះទេ ព្រោះមួយគូៗតែងមានទង្វើខាងហិរញ្ញវត្ថុខុសផ្លែកពីគ្នា តែគោលការណ៍ទាំងអស់នេះ គឺជាវិធីសាស្ត្រតំបូងសម្រាប់នាំយកទៅពិចារណាកែច្នៃប្រើប៉ុណ្ណោះ ព្រោះអ្វីដែលសំខាន់បំផុតនោះគឺ ការរិះរកវិធីដែលសក្តិសមបំផុតសម្រាប់គូស្វាមីភរិយារបស់ខ្លួនឯងទៅវិញទេ៕

រមាស់ស្បែកនៅពេលមានផ្ទៃពោះ តើអាចបង្កគ្រោះថ្នាក់ដល់ម្ដាយ និងទារកដែរឬទេ?

ចំប៉ី — Thu, 09 Jan 2020 03:06:25 +0000

ជាទូទៅអាការៈរមាស់ស្បែកនៅពេលមានផ្ទៃពោះ ជារឿងធម្មតា ដែលអាការរមាស់កម្រិតស្រាល ជាទូទៅមិនបង្កគ្រោះថ្នាក់ដល់អ្នក ឬកូនក្នុងផ្ទៃនោះទេ ប៉ុន្តែពេលខ្លះវាអាចបង្កឲ្យមានភាពធ្ងន់ធ្ងរបាន។ ប្រសិនបើអ្នកព្រួយបារម្ភ ឬប្រសិនបើអ្នករមាស់ខ្លាំងចាំបាច់ត្រូវទៅជួបគ្រូពេទ្យជាបន្ទាន់។

ការបង្កើនការផ្គត់ផ្គងឈាម និងការលូតលាស់ធំបន្តិចម្តងៗនៃក្បាលពោះ អាចរួមចំណែកធ្វើឲ្យស្បែករបស់ស្ត្រីមានផ្ទៃពោះមានអាការរមាស់។ ដូច្នេះ អ្នកត្រូវចាត់វិធានការទាំងនេះ ដើម្បីកាត់បន្ថយអាការរមាស់៖

ជំហ៊ានទី១៖ អ្នកត្រូវបញ្ចៀសបញ្ហាស្បែកស្ងួត ដោយងូតទឹកក្តៅឧណ្ឌៗ ហើយសម្អាតខ្លួនជាមួយនឹងសាប៊ូដែលមានក្លិនស្រាល។

ជំហ៊ានទី២៖ ត្រូវចេះផ្តល់សំណើមដល់ស្បែក បន្ទាប់ពីការងូតទឹកដោយប្រើក្រែមផ្តល់សំណើមមានគុណភាពល្អ។

ជំហ៊ានទី៣៖ ស្លៀកសំលៀកបំពាក់រលុងៗ ទន់ៗដែលធ្វើឡើងពីកប្បាស់ ឬក៏សូត្រ ដើម្បីជៀសវាភាពអាប់អួ។

ជំហ៊ានទី៤៖ កុំអេះឲ្យសោះ ព្រោះការបញ្ចេញអ័រម៉ូនពេលមានផ្ទៃពោះអាចធ្វើឲ្យស្បែកកាន់តែស្តើង ហើយងាយដាច់រលាត់៕

ឧស្សាហ៍ «វិលមុខញឹកញាប់» តើកើតជំងឺអ្វី?

ចំប៉ី — Mon, 06 Jan 2020 01:18:02 +0000

ភ្នំពេញ៖ មិនថាតែពេលក្រោកចេញពីលើគ្រែហើយវិលមុខ ងើយ ឬឱនមុខយូរៗហើយវិលមុខ ឬនៅសុខៗក៏ស្រាប់តែមានអារម្មណ៍ដូចជាផ្ទះកំពុងវិលខ្ញាល់ជាដើម… អាការវិលមុខទាំងនេះសុទ្ធតែជាសញ្ញាគ្រោះថ្នាក់ ដែលអាចសាងបញ្ហាខាងសុខភាពដល់មនុស្សនៅពេលក្រោយ និងថែមទាំងជាគ្រោះថ្នាក់សម្រាប់មនុស្សចាស់ ដែលអាចនឹងកើតឧប្បត្តិហេតុដួលទាំងជំហរពេលក្រោកពីអង្គុយ ឬដួលនៅក្នុងបន្ទប់ទឹក ឬនៅត្រង់ជណ្ដើរ រហូតរងរបួសដល់ថ្នាក់ធ្វើឱ្យពិការបានទាំងអស់។

មូលហេតុនៃអាការវិលមុខ

វេជ្ជបណ្ឌិតជំនាញផ្នែក សោតឃានកណ្ឋរោគសាស្ត្រ បានបញ្ជាក់ថា អាការវិលមុខរបស់មនុស្សយើងកើតឡើងដោយសារតែប្រព័ន្ធទប់លំនឹងខ្លួនក្នុងរាងកាយបាត់បង់តុល្យភាព ដែលប្រព័ន្ធគ្រប់គ្រងការទប់លំនឹងខ្លួនរបស់រាងកាយនេះប្រកបដោយប្រព័ន្ធ 4 ដូចជា ប្រព័ន្ធការទប់លំនឹងខ្លួនរបស់ត្រចៀកស្រទាប់ខាងក្នុង ប្រព័ន្ធខ្សែភ្នែក ប្រព័ន្ធប្រសាទ និងសាច់ដុំសន្លាក់ រហូតដល់ប្រព័ន្ធដែលសំខាន់បំផុតគឺខួរក្បាល ដែលត្រូវធ្វើការស៊ីចង្វាក់គ្នា។

បើសិនប្រព័ន្ធណាមួយបាត់បង់តុល្យភាព នឹងធ្វើឱ្យយើងកើតអាការវិលមុខភ្លាមឡើងតែម្ដង។

ក្រៅពីនេះនៅមានមូលហេតុផ្សេងទៀត ដូចជា ៖

. គេងសម្រាកមិនគ្រប់គ្រាន់។
. ខ្វះការហាត់ប្រាណយ៉ាងជាប់លាប់ទៀងទាត់។
. កើតរោគលោហិតស្លេក។
. មានជំងឺប្រចាំកាយ ដូចជា ទឹកនោមផ្អែម លើសឈាម ជំងឺបេះដូង ជាតិខ្លាញ់នៅក្នុងឈាមខ្ពស់ ដែលគេប្រទះឃើញច្រើននៅលើមនុស្សចាស់។
. ជំងឺដុះសាច់របស់ប្រព័ន្ធប្រសាទការទប់លំនឹងខ្លួន ឬសរសៃប្រសាទការស្ដាប់ឮ អាចមានអាការវិលមុខ ព្រមទាំងមានសំឡេងរំខាននៅក្នុងត្រចៀក។
. រលាកស្រទាប់ត្រចៀកខាងក្នុង នឹងមានអាការវិលច្រើនថ្ងៃ បើមានអាការធ្ងន់ធ្ងរអាចនឹងបាត់បង់ការបានឮតែម្ដង។
. ឈាមហូរទៅចិញ្ចឹមខួរក្បាលមិនគ្រប់គ្រាន់។

វិធីកាត់បន្ថយអាការវិលមុខ

1. គេងលក់សម្រាកឱ្យបានគ្រប់គ្រាន់។
2. ហាត់ប្រាណឱ្យបានទៀងទាត់ និងជាប់លាប់។
3. ផ្លាស់ប្ដូរឥរិយាបថយឺតៗ និងមិនបង្វិលខ្លួនឬក្រោកពីកៅអី ឬក្រោកពីដំណេក ឬបែរមុខ ឬបែរខ្លួនលឿនៗឡើយ។
4. បន្ថយការជក់បារី និងបន្ថយការញ៉ាំគ្រឿងស្រវឹង រួមទាំងកាហ្វេផង។
5. ញ៉ាំទឹកឱ្យបានច្រើន។
6. ព្យាយាមបន្ថយអាការតានតឹងធុញថប់ក្នុងអារម្មណ៍ ឬវិតក្កកង្វល់ឱ្យបានច្រើន។
7. ក្នុងអំឡុងពេលដែលមានអាការវិលមុខញឹកញាប់ គួរចៀសវាងពីទង្វើ ឬទីកន្លែងដែលអាចបង្កគ្រោះថ្នាក់ ដូចជា បើកបររថយន្ត ឬឡើងទៅលើទីខ្ពស់ជាដើម។បើសិនជាកើតអាការវិលមុខញឹកញាប់ និងមិនដឹងពីមូលហេតុច្បាស់លាស់ គួរទៅប្រឹក្សាជាមួយគ្រូពេទ្យដើម្បីពិនិត្យមើលអាការយ៉ាងលម្អិត៕

ចូរប្រយ័ត្ន! ទឹកចូលត្រចៀកកុមារជាបញ្ហាធ្ងន់ធ្ងរ ហើយបើឃើញរោគសញ្ញាទាំងនេះ គួរប្រញាប់ទៅជួបពេទ្យភ្លាម

ចំប៉ី — Mon, 06 Jan 2020 01:03:06 +0000

ទោះបីជាត្រចៀក អាចទប់ទល់នឹងការហូរចូលនៃទឹកស្ទើរតែគ្រប់លក្ខខណ្ឌយ៉ាងណាក៏ដោយ ប៉ុន្តែពេលខ្លះទឹកនៅតែអាចជ្រាបចូលបានដដែល។

ជាទូទៅទឹកនឹងហូរចេញដោយខ្លួនឯង តែបើទឹកនៅតំកល់ក្នុងត្រចៀកយូរពេកធ្វើអោយមានភាពសើមកើតឡើង ដែលជាឱកាសល្អសម្រាប់បាក់តេរី និងផ្សិតលូតលាស់ ហើយចុងក្រោយត្រចៀករបស់កុមារនឹងរលាក។

ប្រសិនបើកូនរបស់អ្នកមានរោគសញ្ញាទាំងនេះ គួរនាំពួកគេទៅមន្ទីរពេទ្យភ្លាមៗ៖

– ស្បែកត្រចៀខាងក្រៅឡើងត្រហម
– រមាស់ខ្លាំងក្នុងត្រចៀក
– មានការឈឺចាប់ (ជាពិសេសនៅពេលយកដៃប៉ះវានឹងរីករាលដាលទៅក មុខ ឬតំបន់ក្បាល)
– ហូរខ្ទុះចេញពីត្រចៀក
- ហើមកូនកណ្តុរនៅតំបន់ក ឬជុំវិញត្រចៀកភ្លាមៗ
– ហើមរង្វង់ត្រចៀកផ្នែកខាងក្រៅ
– ស្តាប់មិនលឺ
- មានអារម្មណ៍ធ្ងន់ត្រចៀក…

បើអ្នកមិនខ្វាយខ្វល់ចេះតែបណ្តោយចាំអោយជាដោយខ្លួនឯង ករណីខ្លះត្រចៀរបស់កុមារអាចជួបប្រទេះបញ្ហាឈឺចាប់កាន់តែខ្លាំង ឬខូចត្រចៀកស្តាប់លែងលឺរហូត។

រើប្រាស់កន្សែងមិនត្រឹមត្រូវ បង្កអោយសូមបញ្ជាក់ផងដែរថា ការឆ្លងមេរោគត្រចៀកក៏អាចបណ្តោលមកពីការប្រើប្រាស់សំឡីត្បាល់ត្រចៀកមិនត្រឹមត្រូវ និងការខ្វារអាចម៍ត្រចៀកញឹកញាប់ផងដែរ៕

ស្ត្រីមានផ្ទៃពោះត្រីមាសដំបូងត្រូវប្រញាប់ទៅពេទ្យភ្លាម បើសិនជួបអាការៈ ៥យ៉ាងនេះ

ចំប៉ី — Fri, 03 Jan 2020 02:15:51 +0000

ភ្នំពេញ៖ រឿងសំខាន់ជាងគេ ដែលស្ត្រីមានផ្ទៃពោះទាំងឡាយត្រូវយកចិត្តទុកដាក់ឲ្យបានខ្លាំងបំផុត គឺបញ្ហាសុខភាព ព្រោះក្នុងដំណាក់កាលនេះ ស្ត្រីអាចមានអាការមិនប្រក្រតីមួយចំនួនអាចកើតមានឡើង ដែលតម្រូវឲ្យធ្វើការព្យាបាលជាបន្ទាន់ បើពុំដូច្នោះទេអាចប៉ះពាល់ដល់សុវត្ថិភាពម្តាយ និងកូន។

ដូច្នេះ ប្រសិនបើអ្នកសង្កេតឃើញមានបញ្ហាមួយចំនួនដូចខាងក្រោមនេះ ត្រូវប្រញាប់ទៅជួបគ្រូពេទ្យភ្លាម៖

ហូរឈាមតាមទ្វារមាស៖ បើឈាមចេះតែហូរចេញមកតាមទ្វារមាសក្នុងពេលមានផ្ទៃពោះ អ្នកត្រូវតែទៅជួបគ្រូពេទ្យជាបន្ទាន់ ព្រោះវាអាចជារោគសញ្ញានៃការមានផ្ទៃពោះក្រៅស្បូន ឬការរលូតកូន។ តែប្រសិនបើការឈឺចាប់ និងហូរឈាមកើតឡើងនៅចន្លោះខែទី៧ ឬទី៨ វាអាចបណ្តោលមកពីសុកមានបញ្ហា។

ទារកគ្មានសកម្មភាព៖ ប្រសិនបើកូននៅក្នុងផ្ទៃគ្មានសកម្មភាព ឬលែងធាក់អ្នកទេនោះ អ្នកត្រូវទៅជួបគ្រូពេទ្យដើម្បីពិនិត្យភ្លាម ព្រោះមានតែឧបករណ៍អេឡិចត្រូនិកទេ ទើបអាចមើលឃើញ។

ការរាគនោម៖ ស្ត្រីមួយចំនួនអាចរាគនោមដោយមិនដឹងខ្លួន នេះដោយសារតែស្បូនរីកធំប្រជ្រៀតផ្លោកនោមក្នុងពេលមានផ្ទៃពោះ។ កត្តាមួយនេះ អ្នកក៏ត្រូវពគ្រោះជាមួយគ្រូពេទ្យដែរ។

ឈឺពោះ និងឈឺក្បាលខ្លាំង៖ បើអ្នកម្តាយមានសម្ពាធឈាមខ្ពស់ ហើយចេះតែឈឺក្បាលធ្ងន់ធ្ងរកើតឡើងក្នុងត្រីមាសទី៣ វាអាចជាជំងឺក្រឡាភ្លើង។ ហេតុនេះហើយ អ្នកម្តាយត្រូវប្រញាប់ទៅជួបគ្រូពេទ្យជាបន្ទាន់។

កើតជំងឺផ្កាសាយ៖ តាមរយៈការសិក្សាមួយចំនួនបានបង្ហាញថា ស្ត្រីដលមានផ្ទៃពោះ គឺងាយនឹងកើតជំងឺផ្កាសាយខ្លាំងណាស់។ ដូច្នេះប្រសិនបើអ្នកម្តាយគ្រប់រូបដឹងថា ខ្លួនពិតជាមានជំងឺផ្កាសាយត្រូវប្រញាប់ពិគ្រោះជាមួយគ្រូពេទ្យភ្លាម៕

សម្រាប់អ្នកជ្រុះសក់ច្រើន អាចសាកល្បងជាមួយវិធីនេះដើម្បីបណ្ដុះសក់ឡើងវិញ

ចំប៉ី — Fri, 03 Jan 2020 00:40:14 +0000

ភ្នំពេញ៖ ថ្ងៃនេះគេហទំព័រ ចំប៉ី សូមបង្ហាញជូននូវវិធីសាស្រ្ដបណ្ដុះសរសៃរសក់ នឹងជួយជំរុញការលូតលាស់របស់សរសៃសក់ ទាំងសរសៃសក់ថ្មី គល់សក់ ព្រមទាំងជួយបន្ដឹងសក់ឲ្យមានជីវិត តាមវីធីសាស្រ្ដបែបធម្មជាតិដែលចាស់ៗបុរាណនិយមប្រើ។

នេះជាវិធីសាស្រ្ដនៃការរក្សាសក់ជាមួយ ស្លឹកត្របែក ព្រោះដោយសារតែនៅក្នុងស្លឹកត្របែក មានវីតាមីន B ដែលជាគុណប្រយោជន៍មួយជួយបំប៉នសរសៃសក់ និងជំរុញការលូតលាស់របស់សរសៃសក់បានយ៉ាងល្អ ។

ខាងក្រោមនេះជាវិធីធ្វើ និង ធាតុផ្សំ ៖

១.ប្រើស្លឹកត្របែក មួយបាច់ ស្ងោជាមួយទឹករយៈ ២០នាទី

២. ទុកចោលឲ្យត្រជាក់

៣. យកទឹកស្លឹកត្របែក ដែលត្រជាក់ហើយមកកក់ជាមួយសក់ និងស្បែកក្បាល យ៉ាងហោចណាស់ម៉ាស្សាសរសៃសក់រយៈពេល ២ ទៅ ៣ ម៉ោង

៤. អាចនឹងល្អប្រសើបំផុត ប្រសិនបើលោកអ្នក កក់សក់ទុកចោលពេលយប់ ហើយចាំលាងសម្អាតចេញនៅពេលព្រឹក

៥. ក្រៅពីនេះគឺលាងសម្អាតសក់ឲ្យស្អាត ។

ជាធម្មតា ស្លឹកត្របែក មានប្រសិទ្ធភាពខ្ពស់ក្នុងការព្យាបាលអ្នកដែលមានអាការៈ ជ្រុះសក់ច្រើន សក់តិច សក់ទំពែក បានយ៉ាងមានប្រសើរ ព្រោះជារុក្ខជាតិឱសថបុរាណដ៏សក្ដសិទ្ធមួយដែរ ៕

អគារភ្លោះ Royal One របស់អ្នកឧកញ៉ាគិត ម៉េង ចាប់ផ្ដើមបើកការដ្ឋានសាងសង់ជាផ្លូវការហើយ

ចំប៉ី — Thu, 05 Dec 2019 02:26:14 +0000

ភ្នំពេញ៖ ក្រោយពីហ៊ុំព័ទ្ធរបងអស់មួយរយៈនេះពេលនេះគម្រោងអគារមជ្ឈមណ្ឌលពាណិជ្ជកម្ម លំដាប់ពិភពលោក Royal One ដែលជាអគារភ្លោះកំពស់ ៦៨ជាន់ របស់ក្រុមហ៊ុន Royal Group ដែលមានអ្នកឧកញ៉ាគិត ម៉េង ប្រធានក្រុមប្រឹក្សាភិបាល បានចាប់ផ្តើមបើកការដ្ឋានសាង់សាង់ជាផ្លូវការ។

តាមអង្កេតនៅក្នុងបរិវេណការរដ្ឋាននៃអគារភ្លោះពាណិជ្ជកម្ម Royal One គេឃើញមានគ្រឿងចក្ររបស់ក្រុមហ៊ុន SH Tech បាននិងកំពុងដំណើរសាងសង់ ដោយក្នុងនោះគេក៏ឃើញមានការរៀបចំពិធីក្រុងពាលីបុកគ្រឹះសងអគារនេះ ដោយមានការចូលរួមពីម្ចាស់អគារ និងកម្មករសំណង់ជាច្រើននាក់នៅក្នុងការរដ្ឋាននៃអគារ។

យោងតាមប្រភពជិតស្និទ្ធបានឱ្យដឹងថា អ្នកឧកញ៉ា គិត ម៉េង ប្រធានក្រុមប្រឹក្សាភិបាលនៃក្រុមហ៊ុន Royal Group និងជាប្រធានសភាពាណិជ្ជកម្មកម្ពុជា បានសហការរួមគ្នាជាមួយវិនិយោគិនចិន បោះទុនទឹកប្រាក់ចំនួន ២៣០លានដុល្លារ សាងសាង់អគារភ្លោះពាណិជ្ជកម្មកំពស់ ៦៨ជាន់នេះ ដែលមានទីតាំងស្ថិតនៅលើមហាវិថីសហព័ន្ធរុស្ស៊ី និងមហាវិថីមន្នីវង្ស ព្រមទាំងស្ថិតនៅក្នុងតំបន់ពាណិជ្ជកម្ម និងប្រជុំដោយអគារខ្ពស់ៗដូចជា អគារកាណាឌីយ៉ា អគារវឌ្ឍនៈថៅវើរ រួមទាំងអគារ Exchange Square ជាដើម។
មជ្ឈមណ្ឌលពាណិជ្ជកម្ម Royal One នឹងមានសេវាកម្មចម្រុះដូចជា ខុនដូ ផ្សារទំនើប សណ្ឋាគារ ក្លឹបកំសាន្ត ក្លឹបហាត់ប្រាណ ភោជនីយដ្ឋាន និងមជ្ឍមណ្ឌលកំសាន្តផ្សេងៗជាដើម៕

ស្ត្រីមានផ្ទៃពោះ៖ វិធីសាស្ត្របំបាត់ការឈឺក្បាល

ចំប៉ី — Thu, 05 Dec 2019 02:03:36 +0000

នៅពេលស្ត្រីចាប់ផ្ដើមមានផ្ទៃពោះ ក៏ចាប់ផ្ដើមមានអារប្លែកៗកើតឡើងផងដែរ ជាពិសេសគឺ អាការឈឺក្បាល ដែលវាជាជំងឺទូទៅមួយកើតឡើងចំពោះស្ត្រីមានផ្ទៃពោះភាគច្រើន ជាពិសេសនៅត្រីមាសទី១ នឹងកើតមានឡើងជាញឹកញាប់បំផុត។

អាការឈឺក្បាល លេចឡើងពាក់ព័ន្ធជាមួយនឹងការផ្លាស់ប្តូរនៅក្នុងផ្លូវសរសៃប្រសាទ សារធាតុគីមី និងលំហូរឈាមក្នុងខួរក្បាល។ អ្នកស្រាវជ្រាវជឿជាក់ថា កោសិកាខួរក្បាលរំភើបហួសហេតុជំរុញឲ្យមានការបញ្ចេញសារធាតុគីមី ហើយធ្វើឲ្យរលាកសរសៃឈាមនៅលើផ្ទៃខួរក្បាល។

នោះហើយជាមូលហេតុធ្វើឲ្យសរសៃឈាមហើម និងរំញោចការឆ្លើយតបភាពឈឺចាប់។ទោះជាយ៉ាងណា ដើម្បីទប់ស្កាត់អាការឈឺក្បាលពេលមានផ្ទៃពោះ ស្ត្រីគួរផ្លាស់ប្តូរទម្លាប់រស់នៅ ព្យាយាមសម្រាកឲ្យទៀងទាត់ លំហែអារម្មណ៍ឲ្យបានច្រើន ធ្វើលំហាត់ប្រាណយូហ្គា ឬធ្វើសមាធិ…។

ចំពោះការប្រើប្រាស់ថ្នាំប៉ារ៉ាសេតាម៉ុល តាមវេជ្ជបញ្ជារត្រូវបានគេចាត់ទុកជារឿងមានសុវត្ថិភាពចំពោះស្ត្រីមានផ្ទៃពោះ។ ក៏ប៉ុន្តែថ្នាំបំបាត់ការឈឺចាប់មួយចំនួន ស្ត្រីមានផ្ទៃពោះមិនគួរប្រើឡើយ លើកលែងតែមានវេជ្ជបញ្ជាពីគ្រូពេទ្យ៕

អានបន្ថែម៖ ស្ត្រីមានផ្ទៃពោះគួរធ្វើ និងមិនគួរធ្វើនៅពេលគេង

ចំប៉ី – Champey News

ក្រោយ​ករណី​ឃាតកម្ម​ ​ម្តាយ​ ​ពេជ្រ​ ​សូលី​កា​ ​ត្រូវ​បាន​បញ្ចូន​ទៅកាន់​តុលាការ​ព្រឹក​នេះ​

ពិត​អត់​!​ ​ក្មេង​គេង​ស្រ​ម៉ុ​ក​តាំងពី​អាយុ២ទៅ៣ឆ្នាំ​ ​ធំឡើង​អាច​មាន​ចរិ​ក​អាក្រក់​

សំខាន់ ឬមិនសំខាន់! ការរៀបចំផែនការហិរញ្ញវត្ថុសម្រាប់ជីវិតក្រោយអាពាហ៍ពិពាហ៍

រមាស់​ស្បែក​នៅពេល​មានផ្ទៃពោះ​ ​តើ​អាច​បង្ក​គ្រោះថ្នាក់​ដល់​ម្ដាយ​ ​និង​ទារក​ដែរ​ឬទេ​?​

ឧស្សាហ៍​ «វិលមុខ​ញឹកញាប់​» តើ​កើតជំងឺ​អ្វី​?

ស្ត្រី​មានផ្ទៃពោះ​ត្រីមាស​ដំបូង​ត្រូវ​ប្រញាប់​ទៅពេទ្យ​ភ្លាម​ បើសិន​ជួប​អាការៈ​ ៥យ៉ាងនេះ​

សម្រាប់​អ្នក​ជ្រុះសក់​ច្រើន​ អាច​សាកល្បង​ជាមួយ​វិធី​នេះ​ដើម្បី​បណ្ដុះ​សក់​ឡើងវិញ​

អគារ​ភ្លោះ​ Royal​ One​ របស់​អ្នកឧកញ៉ា​គិត​ ម៉េ​ង ចាប់ផ្ដើម​បើក​ការដ្ឋាន​សាងសង់​ជា​ផ្លូវការ​ហើយ

ស្ត្រី​មានផ្ទៃពោះ​៖ វិធីសាស្ត្រ​បំបាត់​ការ​ឈឺក្បាល​