ភ្នំពេញ៖ ក្រោយមួយរយៈចុងក្រោយនេះបញ្ហាកង្វក់ខ្យល់អាកាសបានកើតឡើងជាខ្លាំងនៅប្រទេសថៃ ហើយនៅប៉ុន្មានថ្ងៃនេះក៏បានឃើញកើតឡើងនៅប្រទេសកម្ពុជាផងនោះ។ ថ្ងៃនេះយើងនាំគ្នាមកស្គាល់អំពីខ្យល់ក្រខ្វក់ M2.5 ដែលជាភាគល្អិតនិយលតូចៗនៅក្នុងខ្យល់ដែលមានអង្គត់ផ្ចិតតូចជាង ២,៥ មីក្រុង។ ភាគល្អិតនិចលនេះមានប្រភពមកពីការដុតឥន្ធនៈផូស៊ីល និងកំទេចធូលីផ្សេងៗ។ ភាគល្អិតនិយលនេះអាចស្រូបចូលទៅដល់សួតនិងពេលខ្លះដល់សសៃឈាមដែលអាចបង្កការប៉ះពាល់ដល់សុខភាពមនុស្សប្រសិនបើស្រូបចូលលើសកម្រិតកំណត់។
ក្នុងនោះដើម្បីការពារខ្យល់ដែលមានការបំពុល PM2.5 យើងអាចពាក់ម៉ាសប្រភេទ N-95 ដែលអាចការពារបានរហូត ដល់ទៅ ៩៥%។ ប៉ុន្តែក្នុងករណីចង់អោយមានសុវត្ថិភាពជាង នេះ គឺអាចប្រើប្រាស់ម៉ាសប្រភេទ N-99 និង N-100 ដែលអាច ការពារបានរហូតដល់ទៅ ៩៩% ទៅ ១០០% តែម្តង។ ចំណែក ប្រភេទម៉ាសពេទ្យ គឺមិនអាចការពារបាននៅខ្យល់កង្វក់កំរិត PM2.5 នោះទេ៕
