ក្លិបនាយកដ្ឋានអង្គរក្ស – Champey News

អេលីត សាន់ ជាកីឡាករទី១ក្នុងក្លិបនាយកដ្ឋានអង្គរក្ស ដែលទទួលបានប្រាក់លេីកទឹកចិត្ត៥០០$ ពីលើតម្លៃខ្លួនតាមច្បាប់ថ្មី ក្រោយផ្ដួលដៃគូឱ្យសន្លប់

មករា — Sat, 30 Jan 2021 08:35:56 +0000

ភ្នំពេញ៖ អេលីត សាន់ ជាកីឡាករដំបូងគេបង្អស់ក្នុងក្លឹបនាយកដ្ឋានអង្គរក្ស ដែលបានទទួលប្រាក់លេីកទឹកចិត្ត៥០០$ ពីលើតម្លៃខ្លួនតាមច្បាប់ថ្មី ក្រោយ ផ្ដួលដៃគូឱ្យសន្លប់ក្នុងទឹកទី២។

យោងតាមផេកហ្វេសប៊ុកផ្លូវការរបស់លោក គ្រូ ស៊ន អេលីត បានឲ្យដឹងថា អេលីត សាន់ ផ្តួល ពុធ ពិឃាត សន្លប់ទឹក២ ហើយក៏ជាកីឡាករទី១ក្នុង ក្លឹបនាយកដ្ឋានអង្គរក្ស ដែលអាចKOដៃគូឱ្យសន្លប់បន្ទាប់ពីចេញច្បាប់ថ្មីបើផ្តួលដៃគូសន្លប់ថែមជូន៥០០$លើតម្លៃខ្លួន៕

វ៉ន វីវ៉ា ស៊ន សៀវម៉ី និងសិស្សគុនក្នុងក្លិបនាយកដ្ឋានអង្គរក្ស រ៉ៃអង្គាសថវិកាជួយដល់កីឡាករ សិលា ចក្រវាឡ

មករា — Tue, 19 Jan 2021 02:36:47 +0000

ភ្នំពេញ៖ អតីតអ្នកប្រដាល់ជើងខ្លាំង វ៉ន វីវ៉ា និងម្ចាស់ខ្សែក្រវ៉ាត់តៃក្វាន់ដូរ កញ្ញា ស៊ន សៀវមុីព្រមទាំងសិស្សគុនក្នុងក្លិបប្រដាល់នាយកដ្ឋានអង្គរក្សបានធ្វើការរ៉ៃអង្គាសថវិកាជួយដល់កីឡាករ សិលា ចក្រវាឡដែលជួបគ្រោះថ្នាក់ចរាចរណ៍ រងរបួសយ៉ាងធ្ងន់ធ្ងររហូតដល់វះកាត់គ្រាប់ភ្នែកចេញម្ខាង និងត្រូវការជំនួយយ៉ាងចាំបាច់ក្នុងការព្យាបាល។

លោកគ្រូ ស៊ន អេលីត បានលើកឡើងតាមរយៈគេហទំព័រហ្វេសប៊ុកថា”សូមអរគុណដល់កូនសិស្សនៅក្នុងក្លឹបប្រដាល់ នាយកដ្ឋានអង្គរក្សដែលបានរៃថវិការគ្នាជួយដល់ កីឡាករ សិលាចក្រវាឡ សរុបជាទឹកប្រាក់ ៣២មុឺនរៀល”។

ចំណែក អតីតអ្នកប្រដាល់ជើងខ្លាំង វ៉ន វីវ៉ា និង កញ្ញា ស៊ន សៀវមុី ក៏បានជួយជាថវិកាដល់កីឡាករ សិលាចក្រវាឡជាទឹកប្រាក់ក្នុងម្នាក់ ៤០មុឺនរៀល។

ពេលលឺដំណឹងនិងមើលឃើញពីភាពខ្វះខាតរបស់កីឡាករថ្នាលគុនខ្មែរ សិលាចក្រវាឡ ដែលបានជួបគ្រោះថ្នាក់ចរាចរណ៍និងរងរបួសយ៉ាងធ្ងន់ធ្ងររហូតដល់វះកាត់គ្រាប់ភ្នែកចេញម្ខាងនិងត្រូវការជំនួយយ៉ាងចាំបាច់ក្នុងការព្យាបាលនោះ លោកស៊ន អេលីត ជាគ្រូបង្វឹកនៅក្លឹបប្រដាល់ នាយកដ្ឋានអង្គរក្ស បានជួយជាថវិកាចំនួន ៤០មុឺនរៀលផងដែរ៕

មកស្គាល់ពីកីឡាករកម្រិតAទាំង៧រូប ក្នុងក្លិបនាយកដ្ឋានអង្គរក្ស និងគោលការណ៍បង្កើនប្រាក់រង្វាន់

មករា — Mon, 18 Jan 2021 08:57:04 +0000

ភ្នំពេញ៖ លោក សន អេលីត គ្រូបង្វឹកគុនខ្មែរប្រចាំក្លិបនាយកដ្ឋានអង្គរក្សបានបង្ហាញសមាសភាពកីឡាករកម្រិតA ទាំង៧រូបព្រមជាមួយគោលការណ៍ថ្មីក្នុងក្លិបប្រដាល់ដែលធ្វើឲ្យសិស្សម្នាក់ៗមានស្មារតីខិតខំហ្វឹកហាត់បន្ថែមទៀត។

បើតាមការបង្ហាញរបស់លោកគ្រូ សន អេលីត សមាសភាពកីឡាករកម្រិតAក្នុងក្លិបនាយកដ្ឋានអង្គរក្សរួមមាន៖ សែន រ៉ាដេត , អេលីត សាន់ , អេលីត ភក្ដី , សុខ សាវិន ,អេលីត ចំរើន ,អេលីត ឡុងឡី និង លី ភា។
បើតាមលោកគ្រូ សន អេលីត បានឲ្យដឹងតាមរយៈគេហទំព័រហ្វេសប៊ុកថាគោលការថ្មីក្នុងក្លឹបប្រដាល់ នាយកដ្ឋានអង្គរក្សចាប់ពីសប្តាហ៍នេះតទៅ មានដូចខាងក្រោម៖

១.សម្រាប់កីឡាករទាំង៧រូបនេះចាត់ទុកជាកីឡាករលំដាប់ល្អកម្រឹតA នៅក្នុងក្លឹបដូចនេះរាល់ការប្រកួររបស់ពួកគេ បើឈ្នះដោយផ្តួលដៃគូសន្លប់នោះនឹងទទួលបានទឹកប្រាក់ឧបត្ថមបន្ថែម ២លានរៀល (500$) តែបើឈ្នះពិន្ទុទទួលបាន ១លាន២សែនរៀល (300$)។

២.ដោយឡែកកីឡាករដ៏ទៃផ្សេងទៀតនៅក្នុងក្លឹប នាយកដ្ឋានអង្គរក្ស ចាត់ទុកជាកម្រឹតមធម្យ (B) ក៏ទទួលបានការឧបត្ថមដូចគ្នាដោយ ឈ្នះសន្លប់ទទួលបាន ១លានរៀល (250$) និងឈ្នះពិន្ទុ ទទួលបាន៦០មុឺនរៀល(150$)៕