ការបង្ក្រាបនេះធ្វើឡើងក្រោមការបញ្ជាផ្ទាល់ពី លោក តាន់ ផាន់ណារ៉ា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ និងមានការសម្របសម្រួលពី លោក មាស ច័ន្ទពិសិដ្ឋ ព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ។

ក្រោយទទួលបានបទបញ្ជា ក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បានសហការជាមួយការិយាល័យផលិតកម្ម និងបសុព្យាបាល នៃមន្ទីរកសិកម្មខេត្តបន្ទាយមានជ័យ និងកម្លាំងអធិការដ្ឋានស្រុកស្វាយចេក ចុះស្ទាក់ចាប់រថយន្ត១គ្រឿង ម៉ាក Ssangyong ពណ៌ស ជាប្រភេទរថយន្តដឹកអ្នកដំណើរ១៥កៅអី ពាក់ស្លាកលេខភ្នំពេញ2AH-1047តែម្ដង។

តាមចម្លើយម្ចាស់រថយន្តដឹកជ្រូក និងតាមការបំភ្លឺ ពីមន្ត្រីជំនាញ នៃការិយល័យផលិតកម្ម និងបសុព្យាបាលខេត្តបន្ទាយមានជ័យថា រថយន្តខាងលើនេះបានដឹកសត្វជ្រូករស់មកពីប្រទេសថៃ តាមច្រកតំបន់១ ស្ថិតក្នុង ភូមិចក់ពួក ឃុំស្លក្រាម ស្រុកស្វាយចេក ខេត្តបន្ទាយមានជ័យ ដឹកយកទៅចែកចាយនៅតាមបណ្តាខេត្តមួយចំនួន ដោយគ្មានលិខិតអនុញ្ញាតអ្វីទាំងអស់។

បច្ចុប្បន្នក្រុមការងារ បាននាំយកវត្ថុតាងទាំងអស់ ទៅរក្សាទុកនៅទីតាំងចត្តាឡីស័កសត្វ របស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីចាត់ការតាមនីតិវិធី៕

លោក រ័ត្ន ដាស៊ីណង អភិបាលស្រុកមង្គលបូរី បានឲ្យដឹងកាលពីថ្ងៃទី២៤ ខែមករា ឆ្នាំ២០២១ថា កាលពីថ្ងៃទី២២ ខែមករា ឆ្នាំ២០២១ មានប្រជាពលរដ្ឋខ្មែរម្នាក់ ដែលត្រឡប់ពីប្រទេសថៃ ធ្វើចត្តាឡីស័ករយៈពេល១៤ថ្ងៃ នៅមណ្ឌលវិទ្យាល័យមង្គលបូរី ឈ្មោះ ខា រិន ភេទប្រុស អាយុ២៣ឆ្នាំ រស់នៅភូមិតាម៉ៅ ឃុំសឿ ស្រុកមង្គលបូរី។

លោក ឃូរ ពៅ អភិបាលស្រុកព្រះនេត្រព្រះ បានបញ្ជាក់ថាកាលពីថ្ងៃទី២៣ ខែមករា ឆ្នាំ២០២១ មានប្រជាពលរដ្ឋខ្មែរដែលត្រឡប់ពីប្រទេសថៃដែលត្រូវបានធ្វើចត្តាឡីស័ករយៈពេល១៤ថ្ងៃ នៅមណ្ឌលស្រុកព្រះនេត្រព្រះ ឈ្មោះ ឡម ឡាយូ ភេទប្រុស អាយុ២៧ឆ្នាំ រស់នៅភូមិដូនច្រែង ឃុំ.ស្រុកព្រះនេត្រព្រះ។ ចំពោះប្រជាពលរដ្ឋខ្មែរចំនួន២នាក់ ដែលរត់ចេញពីមណ្ឌលធ្វើចត្តាឡីស័ករយៈពេល១៤ថ្ងៃ នៅមណ្ឌលស្រុកមង្គលបូរី១នាក់ មណ្ឌលស្រុកព្រះនេត្រព្រះ១នាក់ក្រុមការងារកំពុងសហការជាមួយអាជ្ញាធរកំពុងស្វែងរកនាំខ្លួនមកធ្វើចត្តាឡីស័ករយៈពេល១៤ថ្ងៃវិញ។

លោកឡេ ចាន់សង្វាត ប្រធានមន្ទីរសុខាភិបាលខេត្តបន្ទាយមានជ័យ បានឲ្យដឹងថាចាប់ពីថ្ងៃទី២០ ខែធ្នូ ឆ្នាំ២០២០ដល់ថ្ងៃទី២៤ ខែមករា ឆ្នាំ២០២១ ពលករខ្មែរត្រឡប់ពីប្រទេសថៃនិងអាជ្ញាធរថៃចាប់បញ្ជូនមកវិញដែលកំពុងធ្វើចត្តាឡីស័កនៅមណ្ឌលខេត្តបន្ទាយមានជ័យមានចំនួន១៧កន្លែង មានប្រជាពលរដ្ឋមកពីថៃធ្វើចត្តាឡីស័កចំនួន១០,៨៦៦នាក់ ស្រី៤,៨៥៨នាក់ និងធ្វើតេស្តសំណាក់មានចំនួន១០,៦៦៦នាក់ ស្រី៤,៧៧២នាក់ ហើយធ្វើចត្តាឡីស័កបញ្ចប់រយៈពេល១៤ថ្ងៃ ត្រឡប់ទៅផ្ទះវិញមានចំនួន៧,១៥១នាក់ ស្រី៣,១៧៣នាក់ នៅបន្តធ្វើចត្តាឡីស័កមានចំនួន៤,៥៥៨នាក់ ស្រី២,០០៩នាក់ វិជ្ជមានកូវីដ-១៩មានចំនួន២៦នាក់ ស្រី១៧នាក់៕