យោងតាមសេចក្ដីប្រកាសព័ត៌មានរបស់ គ្រឹះស្ថានអង្គរ នៅថ្ងៃទី១ ខែមិថុនា ឆ្នាំ២០២១នេះបានឲ្យដឹងថា សម្រាប់ថវិកាចំណូល បានពីការលក់បណ្ណចូលទស្សនាអង្គរក្នុងរយៈពេល១ខែឧសភា ឆ្នាំ២០២១ បានលក់បណ្ណជូនភ្ញៀវចំនួន ២៤៦នាក់ ធ្លាក់ចុះ៨៦.១៥ភាគរយ បើធៀបនឹងខែដូចគ្នាឆ្នាំ២០២០ ដោយទទួលបានចំណូល ៩,៩៩២ដុល្លារអាមេរិក ធ្លាក់ចុះ៨៦.១៣ភាគរយ។

ប្រភពបន្ថែមថា ក្នុងខែឧសភានេះផងដែរ គឺថវិកាចំនួន ៤៩២ដុល្លារ ត្រូវបានឧបត្ថម្ភដល់មូលនិធិគន្ធបុប្ផា ដើម្បីទ្រទ្រង់ដំណើរការរបស់មន្ទីរពេទ្យគន្ធបុប្ផា សម្រាប់ជួយសង្គ្រោះជីវិត និងព្យាបាលជំងឺកុមារកម្ពុជា ហើយបើសរុបថវិកាទាំង០៥ខែ គឺមានចំនួន ៩,៥៤៨ដុល្លារ សម្រាប់ឧត្ថម្ភមូលនិធិ មន្ទីរពេទ្យគន្ធបុប្ផាកម្ពុជា៕

ការសម្រេចបើកឲ្យចូលទស្សនាឡើងវិញនេះធ្វើឡើងបន្ទាប់ពីរាជរដ្ឋាភិបាល​បានចេញសេចក្ដីសម្រេចបញ្ចប់ការហាមឃាត់ការធ្វើដំណើរ និងបញ្ចប់ការបិទរមណីយដ្ឋានទេសចរណ៍ នៅទូទាំងប្រទេស។

យោងតាមសេចក្ដីប្រកាសព័ត៌មានរួម​ អាជ្ញាធរជាតិអប្សរា និងគ្រឹះស្ថានអង្គរ​ បាន​អះអាង​ថា​ «សូមក្រសួង ស្ថាប័នជាតិ អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទ្ទេសក៍ទេសចរណ៍ សមាគមដឹកជញ្ជូនភ្ញៀវទេសចរ ក្រុមហ៊ុន ទេសចរណ៍ ភ្ញៀវទេសចរជាតិ-អន្តរជាតិ សាធារណជន មេត្តាជ្រាបជាព័ត៌មាន»។

សូមរំលឹកថា​ កាលពីថ្ងៃទី៧ ខែមេសា ឆ្នាំ២០២១អាជ្ញាធរជាតិអប្សរា និងគ្រឹះស្ថានអង្គរ បានបិទការទស្សនាប្រាសាទនានា និងផ្អាកការលក់សំបុត្រចូលទស្សនានៅក្នុងរមណីយដ្ឋានអង្គរ ដើម្បីទប់ស្កាត់ការឆ្លងរាលដាលនៃជំងឺវីដ-១៩៕

យោងតាមសេចក្ដីជូនដំណឹងរបស់គ្រឹះស្ថានអង្គរកាលពីពេលថ្មីៗនេះបានឲ្យដឹងថាគោលនយោបាយលើកទឹកចិត្តដល់ភ្ញៀវទេសចរបរទេសគិតចាប់ពីថ្ងៃទី១១ ខែមីនា ឆ្នាំ២០២១ ដល់ថ្ងៃទី៣១ ខែធ្នូ ឆ្នាំ ២០២១ មានដូចខាងក្រោម៖

១- ទិញបណ្ណចូលទស្សនារមណីយដ្ឋានអង្គរ ០១ថ្ងៃ អាចចូលទស្សនាបាន រយៈពេល ០២ថ្ងៃ

២- ទិញបណ្ណចូលទស្សនារមណីយដ្ឋានអង្គរ ០៣ថ្ងៃ អាចចូលទស្សនាបានរយៈពេល ០៥ថ្ងៃ

៣-ទិញបណ្ណចូលទស្សនារមណីយដ្ឋានអង្គរ ០៧ថ្ងៃ អាចចូលទស្សនាបានរយៈពេល ១០ថ្ងៃ

ខ. ប្រភេទបណ្ណរយៈពេលវែង (ភ្ញៀវបរទេសដែលមានទិដ្ឋាការរយៈពេល០៣ខែឡើងទៅ)

១-ទិញបណ្ណចូលទស្សនារមណីយដ្ឋាទអង្គររយៈពេល០១ខែ អាចចូលទស្សនាបានរយៈពេល ០២ខែ

២-ទិញបណ្ណចូលទស្សនារមណីយដ្ឋានអង្គររយៈពេល០៣ខែ អាចចូលទស្សនាបានរយៈពេល ០៦ខែ

៣-ទិញបណ្ណចូលទស្សនារមណីយដ្ឋានអង្គររយៈពេល០៦ខែ អាចចូលទស្សនាបានរយៈពេល ១២ខែ៕

យោងតាមសេចក្ដីប្រកាសព័ត៌មាន របស់គ្រឹះស្ថានអង្គរ នៅថ្ងៃទី១ មីនានេះ បានឲ្យដឹងបន្តថា រយៈពេល ២ខែ ឆ្នាំ២០២១ មានភ្ញៀវទេសចរបរទេស ចំនួន ៤.១៩៤នាក់ បានចូលទស្សនានារមណីដ្ឋានអង្គរ និងទទួលចំណូល ចំនួន ១៧២.៨២៣ដុល្លារ៕

បើតាមសេចក្ដីប្រកាសព័ត៌មាន ស្តីពីស្ថិតិភ្ញៀវទេសចរបរទេសទិញបណ្ណចូលទស្សនារមណីយដ្ឋានអង្គរ ប្រចាំឆ្នាំ២០២០ នៅថ្ងៃទី១ ខែមករា ឆ្នាំ២០២១នេះ បានឲ្យដឹងថាសម្រាប់ខែធ្នូ ឆ្នាំ២០២០នេះ គឺគ្រឹះស្ថានអង្គរ រកចំណូលបាន ៥២,៥៤៣ដុល្លារអាមេរិក ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ ចំនួន ១,១៦៩នាក់។

សម្រាប់ឆ្នាំ២០២០នេះដែរ គឺភ្ញៀវបរទេសដែលបាននទិញបណ្ណចូលទស្សនារមណីយអង្គរ គឺមានការថយចុះ ៨១.៨២% បើប្រៀបធៀបទៅនឹងរយៈពេលដូចគ្នាឆ្នាំ២០១៩ ។ សម្រាប់ចំណូលសរុប ១៨,៦៥៤,៨២៨ដុល្លារអាមេរិក គឺមានការថយចុះ ៨១.១៧% បើប្រៀបធៀបទៅនឹងរយៈពេលដូចគ្នា នាឆ្នាំ២០១៩កន្លងទៅ។
ក្នុងឆ្នាំ២០២០នេះដែររដ្ឋាភិបាលបានឧបត្ថម្ភមូលនិធិនៃមន្ទីរពេទ្យគន្ធបុប្ផាកម្ពុជា ចំនួនសរុប ៨០១,៧៧៨ដុល្លារអាមេរិកដែលបានមកពីចំណែកនៃការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ៕