ឯកឧត្ដម ឧត្ដមសេនីយ៍ឯក ឃឹង សារ៉ាត់ បានបញ្ជាក់ឲ្យបានដឹងនៅថ្ងៃទី២៤ ខែវិច្ឆិកា ឆ្នាំ២០២៥ថា ការដុតបំផ្លាញផ្ទះសម្បែង និងបទល្មើសមួយចំនួន គឺកើតឡើងដោយសារការប្រើប្រាស់គ្រឿងញៀនលើសកម្រិត ព្រោះថាគ្រឿងញៀនដែលកំពុងធ្វើការរាតត្បាតសព្វថ្ងៃភាគច្រើនជាគ្រឿងញៀនសំយោគ ដែលធ្វើអោយប៉ះពាល់ដល់ប្រព័ន្ធប្រសាទយ៉ាងធ្ងន់ធ្ងរ ។

ឆ្លៀតក្នុងកាសនេះ ឯកឧត្ដមនាយកមន្ទីរប្រឆាំងបទល្មើសគ្រឿងញៀន សូមធ្វើការអំពាវនាវដល់ប្រជាពលរដ្ឋ មេត្តាចូលរួមសហការជាមួយសមត្ថកិច្ច រាយការណ៍ពីទីតាំងសង្ស័យ លួចលាក់ផលិត, រក្សាទុក ឬប្រើប្រាស់គ្រឿងញៀន អោយបានទាន់ពេលវេលា តាមរយៈលេខ Hotline ៦៧០ (ខលមិនគិតកម្រៃ) និង 093 456 888 / 011 24 8888 ដើម្បីសមត្ថកិច្ចធ្វើការបង្ក្រាប។ 

បន្ថែមពីលើនេះ ឯកឧត្ដម ឧត្ដមសេនីយ៍ឯក ឃឹង សារ៉ាត់ បានគូសបញ្ជាក់ថា ក្នុងអាណត្តិថ្មីរាជរដ្ឋាភិបាល បានចាត់ទុកបញ្ហាគ្រឿងញៀនគឺជាបញ្ហាចំបង ជាមួយគ្នានេះមន្ទីរប្រឆាំងបទល្មើសគ្រឿងញៀន បានពង្រឹងការសហការជាមួយស្នងការដ្ឋានរាជធានី-ខេត្ត ក្នុងការបង្ក្រាប, បង្ការទប់ស្កាត់ការរីករាលដាលនៃបទល្មើសគ្រឿងញៀនគ្រប់ទម្រង់ ដោយធ្វើការបង្ក្រាបអោយដល់ប្ញសគល់។

ទន្ទឹមនឹងនេះ មន្ទីរប្រឆាំងបទល្មើសគ្រឿងញៀន ក៏បានធ្វើការបង្ក្រាបបទល្មើសគ្រឿងញៀន ករណីធំៗជាច្រើន ដោយសហការជាមួយស្ថាប័នពាក់ព័ន្ធទាំងក្នុង និងក្រៅប្រទេស រួមទាំងធ្វើការបង្ក្រាបក្លឹបកម្សាន្ត ដែលលួចលាក់បង្កប់ការប្រើប្រាស់គ្រឿងញៀនខុសច្បាប់ ពីស្រទាប់យុវវ័យផងដែរ៕

រៀបរាប់ ប្រាប់មន្រ្តីព័ត៌មាន នៃក្រុមអ្នកនាំពាក្យក្រសួងមហាផ្ទៃ ក្នុងកិច្ចសម្ភាសនៅបណ្ណាល័យពន្ធនាគាររាជធានីភ្នំពេញ (PJ) យុវជនសម្បុរខ្មៅ ភ្នែកលឿងបន្តិច បានរម្លឹកថា ខ្លួនបានដើរលេងជាមួយពីមិត្តរួមការងារ ហើយក៏នាំគ្នាប្រើប្រាស់គ្រឿងញៀន ដោយសារចង់សាក ចង់ដឹង និងនិយមតាមបនភឿនដែលអះអាងថាវានាំឱ្យមានអារម្មណ៍សប្បាយ។

ចូលអន្ទាក់គ្រឿងញៀនបាន៣ខែ យុវជនរូបនេះ អះអាងថាខ្លួន ហាក់ភ្ញាក់រលឹក ក៏បានលាលែងពីកន្លែងការងារ ដើម្បីគេចពីបនភឿន មករស់នៅជាមួយម្ដាយ ប៉ុន្តែការចាកឆ្ងាយពីគ្រឿងញៀន បានធ្វើឱ្យខ្លួននៅមិនសុខ ចេះតែខឹង មួរម៉ៅ និងបានអះអាងទៀតថា «នរណាមើលមុខ នរណានិយាយច្រើន ដាក់ខ្ញុំក៏បានដែរ»។

ពាក់អាវពណ៌ទឹកក្រូច អង្គុយនិយាយទាំងមានមន្រ្តីពន្ធនាគារឈរតាមដានសកម្មភាពក្នុងបទសម្ភាស យុវជនរូបនេះ បានអះអាងថា ដើមហេតុនាំឱ្យមានការប្រើប្រាស់អំពើហិង្សាលើម្ដាយ គឺដោយសារតែម្ដាយនិយាយរអ៊ូរទាំ ប្រើប្រាស់ពាក្យសម្ដីជេរប្រមាទមកលើខ្លួន និងហាមឃាត់កុំដើរលេងដាច់យប់ជាមួយមិត្តភក្តិដោយខ្លាចនាំឱ្យប្រើប្រាស់គ្រឿងញៀនទៀត។

«វាពិតជាអាក្រកណាស់» យុវជនលាត់មាត់ស្ដីបន្ទោសខ្លួនឯង ដោយបន្តទៀតថា «នៅពេលឮបែបនោះ គឺខ្ញុំដឹងតែពីខឹង……ក៏ឈានទៅវាយតប់ និងច្រានគាត់ឱ្យដួល….»។ គឺសកម្មភាពក្រោមអំណាចគ្រឿងញៀននេះហើយដែលយុវជនរូបនេះ ត្រូវសមត្ថកិច្ចឃាត់ខ្លួន បញ្ជូនទៅតុលាការ មុននឹងមកស្ថិតក្រោមការឃុំឃាំងនៅពន្ធនាគារPJ។ រៀបរាប់ទាំងអស់សង្ឃឹម លាយឡំនឹងទឹកភ្នែក យុវជនដដែល បានបន្ថែមទៀតថា ពេលបញ្ជូនមកដល់ពន្ធនាគារ ដំបូងខ្លួនមានអារម្មណ៍ថាភ័យខ្លាចជាខ្លាំង និងកាន់តែមានវិប្បដិសារីជាខ្លាំងលើសកម្មភាពរបស់ខ្លួន ហើយប៉ុន្មានខែមកនេះ ខ្លួនគ្មានសាច់ញាតិណាម្នាក់មកសួរសុខទុក្ខនោះទេ។ នៅពេលសួរថាចង់ឱ្យម្ដាយមកមើលទេ? យុវជនរូបនេះបានទម្លាក់ទឹកមុខចុះ ហើយបែរមុខចេញដោយយកដៃជូតទឹកភ្នែក។

តាមរយៈបទសម្ភាសជាមួយក្រុមការងារ យុវជនរូបនោះបានបង្ហាញពីក្ដីសង្ឃឹមថា«កុំធ្វើដូចខ្ញុំអី! ខ្ញុំខំគេចពីវាហើយតែវានៅតាមធ្វើបាបខ្ញុំ រហូតខ្ញុំមានទោសព្រោះវាយម្ដាយ។ ដកខ្លូនទៅ ពីគ្រឿងញៀន វាអាក្រក់ណាស់….ឥឡូវ ខ្ញុំជាប់ឃុំអស់រយៈពេល៤ខែហើយ ពុំមានអ្នកណាមកសួរសុខទុក្ខខ្ញុំទេ។ ខ្ញុំពិតជាខុសធ្ងន់ដែលលើកដៃវាយម៉ាក់ដូច្នេះ! ម៉ាក់!  បើម៉ាក់បានអាន ឬឃើញវីដេអូនេះ សូមម៉ាក់មកមើលខ្ញុំផង កូនដឹងកំហុសហើយ…»៕

រៀបរាប់ប្រាប់មន្រ្តីព័ត៌មាននៃក្រុមអ្នកនាំពាក្យក្រសួងមហាផៃ្ទកាលពីព្រឹកថ្ងៃទី១០ ខែមីនា ឆ្នាំ២០២៥ ក្នុងកិច្ចសម្ភាសនៅបណ្ណាល័យពន្ធនាគាររាជធានីភ្នំពេញ (PJ) សោភា (ឈ្មោះជំនួស) បានរម្លឹកថា ដំបូងឡើយនាងបានបើកចិត្តទទួលយកក្ដីស្រលាញ់ ជាមួយបុរសម្នាក់ដែលជាកូនអ្នករស់នៅភ្នំពេញរហូតប្រែពីអ្នកស្គាល់គ្នាធម្មតាទៅជាសង្សារដើរលេងជាមួយគ្នាទាំងយប់ទាំងថ្ងៃ។

សោភា អះអាងថា ពីដំបូងនៃចំណងស្នេហ៍នោះ នាងពុំបានដឹងថាបុរសនោះជាអ្នកប្រើប្រាស់ និងលក់គ្រឿងញៀនឡើយ លុះស្រលាញ់គ្នាបានជាងមួយឆ្នាំក្នុងជីវិតដូចប្ដីប្រពន្ធ ទើបនាងដឹងអំពីរឿងនេះ។ បន្ទាប់ពីដឹងរឿងសង្សារជាអ្នកលក់គ្រឿងញៀន ដោយក្ដីស្រលាញ់ រូបនាងក៏ព្យាយាមលួងលោម និងណែនាំឱ្យបញ្ឈប់សកម្មភាពនេះដែរ ប៉ុន្តែការព្យាយាមនោះបានបរាជ័យ និងថែមទាំងផ្ដល់លទ្ធផលផ្ទុយមកវិញ គឺត្រូវបុរសជាសង្សារបញ្ចុះបញ្ចូល រហូតឥទ្ធិពលក្តីស្រលាញ់ធ្វើឱ្យនាង សម្រេចចិត្តដើរលើផ្លូវនេះជាមួយសង្សារ។
ទីបំផុត ផ្លូវអន្តរាយនេះបានមកដល់ទីបញ្ចប់! សមត្ថកិច្ចបានស្រាវជ្រាវ និងឈានទៅចាប់ខ្លួននាង និងសង្សារ ព្រមទាំងបក្ខពួកជាបន្តបន្ទាប់។
«ខ្ញុំលក់សម្រាប់អ្នកដើរលេងយប់ជាប្រចាំរហូតដល់បែកធ្លាយ ក៏ត្រូវសមត្ថកិច្ចឃាត់ខ្លួនបញ្ជូនទៅតុលាការ ពេលនោះនាងខ្ញុំមិនហ៊ានប្រាប់ឪពុកម្តាយឱ្យបានដឹងរឿងនោះទេដោយសារភាពអៀនខ្មាស លុះពេលឃុំខ្លួននៅពន្ធនាគារទើបគាត់បានដឹងនូវព័ត៌មាននេះ»។

នាងបានបន្តទាំងទឹកភ្នែករលីងរលោងថា «នៅពេលដែលខ្ញុំត្រូវឃុំខ្លួននៅក្នុងពន្ធនាគារ ពេលវេលាមួយដែលខ្ញុំនឹកឃើញមុនគេ គឺឪពុកម្តាយ នឹកដំបូន្មានដែលគាត់ធ្លាប់ប្រៀនប្រដៅគ្រប់បែបយ៉ាង ហើយគាត់ធ្លាប់បានហាមប្រាម មិនឱ្យខ្ញុំឡើងមកធ្វើការនៅភ្នំពេញទេ ប៉ុន្តែខ្ញុំមិនព្រមស្តាប់គាត់ និងជឿតាមការលួងពីសង្សារផងទើបជួបលទ្ធផលបែបនេះ»។

ឆ្លងកាត់នូវបទពិសោធនេះ សោភា ក៏បានបង្ហាញនូវភាពសោកស្តាយរាល់កំហុសឆ្គង ព្រោះតែការមិនស្តាប់បង្គាប់ ទើបធ្វើឱ្យខ្លួនមានវិប្បដិសារីរហូតមកដល់សព្វថ្ងៃ។ នារីរូបនេះបានបន្ថែមថាក្រោយឃុំខ្លួននៅក្នុងពន្ធនាគារមួយរយៈ និងទទួលបានការអប់រំណែនាំពីមន្ត្រីពន្ធនាគារនូវដំបូន្មានល្អៗ «នាងខ្ញុំមានការភ្ញាក់រលឹក និងបានផ្លាស់ប្តូរចិត្តគំនិត ហើយខ្ញុំសូមប្តេជ្ញាចិត្តនៅពេលដែលចាកចេញពីពន្ធនាគារ ខ្ញុំសន្យាថានឹងធ្វើជាពលរដ្ឋល្អ កូនល្អ ស្តាប់បង្គាប់ឪពុកម្តាយ ថែរក្សាកិត្តិយសគ្រួសារមិនឱ្យរឿងនេះកើតឡើងជាលើកទីពីឡើយ»។

រៀបរាប់ដោយអួលដើមករ និងទាំងទឹកមុខក្រហម នារីដែលចាញ់បោកការលួងលោមរបស់សង្សាររូបនេះ បានលើកដៃសំពះខមាលទោសអ្នកមានគុណរបស់ខ្លួនពីចម្ងាយ និងបានផ្តាំផ្ញើដល់ដល់បងប្អូនទាំងអស់សូមកុំជ្រើសរើសយកមុខរបរនេះដូចរូបនាង ព្រោះធ្វើឱ្យប៉ះធ្ងន់ធ្ងរដល់ខ្លួនឯង គ្រួសារ និងសង្គមជាតិទាំងមូល៕

ជនសង្ស័យជនជាតិវៀតណាមចំនួន០៥ នាក់ ដែលសមត្ថកិច្ចឃាត់ខ្លួននោះរួមមាន៖ ១.ហ្វាម ឌឹកគឿង ប្រុស អាយុ ២៨ ឆ្នាំ

, ២.កាប ឌឹកអាញ់  ប្រុស អាយុ ៣៨ ឆ្នាំ, ៣.ង្វៀង វ៉ាន់ទូ ប្រុស អាយុ ២១ ឆ្នាំ, ៤. ង្វៀង វ៉ាន់មិ ប្រុស អាយុ ៣៣ ឆ្នាំ, ៥.ច្រឹង ដឹកម៉ាន់ ប្រុស អាយុ ២៥ ឆ្នាំ។

ក្នុងប្រតិបត្តិការនេះ សមត្ថកិច្ចចាប់យក និងដកហូតសម្ភារ:វត្ថុតាងរួមមាន៖- ថ្នាំញៀនប្រភេទកេតាមីន ទម្ងន់ ១៦៩៣,៣៧ក្រាម – ថ្នាំញៀនប្រភេទ អ៊ិចស្តាស៊ី ទម្ងន់ ២៣៤៣,៩៥ក្រាម – ថ្នាំញៀនប្រភេទមេតំហ្វេតាមីន ទម្ងន់ ៦៣៥,១៦ក្រាម(សរុបសារធាតុញៀនទម្ងន់ ៤៦២៨,៨៩ក្រាម) ៤kg៦២៨,៨៩g។ – អាវុធខ្លី០៥ ដើម បង់០៥ គ្រាប់៥៤ គ្រាប់- រថយន្ត ០១ គ្រឿង- ម៉ូតូ០២ គ្រឿង-លិខិតឆ្លងដែន ០២ ក្បាល – អត្តសញ្ញាណបណ្ណ័វៀតណាម០១ សន្លឹក – ប្រាក់ដុល្លា 1000ដុល្លារ- ប្រាក់ដុង ៤.០០០.០០០ដុង រួមទាំងឧបករណ៍ សម្ភារប្រើប្រាស់គ្រឿងញៀនមួយចំនួនទៀត។

បច្ចុប្បន្នជនសង្ស័យរួមជាមួយវត្ថុតាងត្រូវបានកម្លាំងជំនាញបញ្ជូនទៅកាន់សាលាដំបូងខេត្តដើម្បីចាត់ការបន្តតាមច្បាប់៕

ជនទាំង៥នាក់ រួមមាន ៖ ១-ឈ្មោះ សៅ សិលា  ភេទប្រុស អាយុ៣៥ឆ្នាំ មុខរបរ ជាងសំណង់ ។ ២-ឈ្មោះ សៅ ហ៊ុយ ភេទប្រុស អាយុ៣៨ឆ្នាំ មុខរបរ មិនពិតប្រាកដ។ ៣-ឈ្មោះ ហ៊ុយ រតនៈ ភេទប្រុស អាយុ៣៥ឆ្នាំ មុខរបរ ជាងសំណង់។ ៤-ឈ្មោះ នៅ ចាន់នី ភេទប្រុស អាយុ៣៦ឆ្នាំ មុខរបរ មិនពិតប្រាកដ។៥-ឈ្មោះ សម្បត្តិ សាវេត ហៅ ខ្មៅ ភេទប្រុស អាយុ៣៣ឆ្នាំ មុខរបរ មិនពិតប្រាកដ។

ក្រោយពេលស្តាប់ចម្លើយជនសង្ស័យទាំង០៥នាក់ បានសារភាពឲ្យដឹងដូចគ្នាថា ពួកខ្លួនពិតជាធ្លាប់បានធ្វើសកម្មភាពលួចជាច្រើនលើកនូវសម្ភារ សំណង់ និងសម្ភារមួយទៀត នៅចំណុចដីឡូតិ៍ខាងលើ ពិតប្រាកដមែន និងធ្លាប់លួចសម្ភារសំណង់នៅក្នុងការដ្ឋានសាងសង់ស្ពានអាកាសក្បាលថ្នល់ថែមទៀតផង ហើយពួកខ្លួនក៏ជាមុខសញ្ញាប្រើប្រាស់សារធាតុញៀនយ៉ាងសកម្មផងដែរ។ ចំណែកឯជនសង្ស័យឈ្មោះ សៅ ហ៊ុយ បានឲ្យដឹងទៀតថា កន្លងមកខ្លួនធ្លាប់ជាប់ពន្ធនាគារចំនួន១ឆ្នាំ​ ពាក់ព័ន្ធករណីហិង្សា។

បច្ចុប្បន្នជនសង្ស័យទាំង៥នាក់ខាងលើ រួមទាំងវត្ថុតាង ត្រូវបានកម្លាំងជំនាញការិយាល័យប្រឆាំងបទល្មើសព្រហ្មទណ្ឌ នៃ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕

កាលពីថ្ងៃទី២២ ខែសីហា ឆ្នាំ២០២២ វេលាម៉ោង១៧និង៣០នាទី កម្លាំងជំនាញ(ក១០) នៃមន្ទីរប្រឆាំងគ្រឿងញៀន ដឹកនាំដោយលោកឧត្ដមសេនីយ៍ទោ សារី បុត្រសត្យា. លោកវរសេនីយ៍ឯក យឹម សែនឧត្តម នាយករងមន្វីរ. លោកវរសេនីយ៍ឯក តឹក សូនី នាយការិយាល័យ(ក១០). មានការចូលរួមពីកម្លាំង ជំនាញនៃស្នងការដ្ឋាននគរបាលរាជាធានីភ្នំពេញ ព្រមទាំងមានការដឹកនាំសម្របសម្រួលពីលោក អ៊ុ សុភ័ក្រ ព្រះរាជអជ្ញារងនៃអយ្យការអមសាលាដំបូងរាជធានីភ្នំពេញ បានស៊ើបអង្កេត ស្រាវជ្រាវ បង្ក្រាប នៅ ២គោលដៅផ្សេងគ្នាជាបន្តបន្ទាប់៖ នៅចំណុច មុខខុនដូរអិល ផ្លូវបេតុង ស្ថិតក្នុងសង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ -រួចបន្តទៅឆែកឆេរខុនដូរប៉ាវលី បន្ទប់លេខ១៦១៨ ជាន់ទី១៦ ផ្លូវ១៣៩ សង្កាត់វាលវង់ ខណ្ឌ៧មករា រាជាធានីភ្នំពេញ។

ក្នុងប្រតិបត្តិការខាងលើសមត្ថកិច្ចបានឃាត់ខ្លួនជនសង្ស័យ១នាក់ៈឈ្មោះ ចាង ហ្វុង ភេទប្រុស អាយុ ២៦ឆ្នាំ ជនជាតិចិន។ សមត្ថកិច្ចបានដកហូតវត្ថុតាង៖ អ៊ិចស្តាស៊ី(MDMA)ទម្ងន់សុទ្ធ ៧ គ.ក្រ ៥៣.៦ក្រាម, សារធាតុគីមី ១០ គ.ក្រ ៧៦០ក្រាម។

បច្ចុប្បន្នជនសង្ស័យ និងវត្ថុតាងចាប់យកខាងលើ សមត្ថកិច្ចជំនាញយើងបានកសាងសំណុំរឿង បញ្ជូនទៅសាលាដំបូងរាជធានីភ្នំពេញ បន្តតាមនីតិវិធី៕

​ការបង្ក្រាបនេះបានធ្វលឡើងដោយ អនុវត្ត​តាម​បញ្ជា​នាយ​ឧត្ដម​សេនិយ៍​ សន្តិ​បណ្ឌិត​ នេ​ត​ សា​វឿ​ន​ អគ្គស្នងការ​នគរបាល​ជាតិ​ និង​នាយ​ឧត្ដម​សេនិយ៍​ ម៉ក់​ ជី​តូ​ អគ្គស្នងការ​រង​ទទួល​ផែន​ប្រឆាំង​បទល្មើស​គ្រឿងញៀន​ ក្រោម​ការ​បញ្ជា​ដឹកនាំ​ផ្ទាល់​ របស់​ឧត្ដមសេនីយ៍ឯក​ ឡឹ​ក​ វណ្ណៈ​ នាយក​មន្ទីរ​ប្រឆាំង​ បទល្មើស​គ្រឿងញៀន​។​

ជាក់ស្ដែងនៅ​ថ្ងៃ​ទី​១៨​ ខែមករា​ ឆ្នាំ​ ២០២២​ វេលា​ម៉ោង​២២​និង​៣០​នាទី​ កម្លាំង​ជំនាញ​នៃ​មន្ទីរ​ប្រឆាំង​បទល្មើស​គ្រឿងញៀន​(​ក​១០)​ ដឹកនាំ​ដោយ​ឧត្តមសេនីយ៍ទោ​ សារី​ បុត្រ​សត្យា​,​ លោក​វរសេនីយ៍ឯក​ យឹ​ម​ សែន​ឧត្តម​ នាយករង​មន្ទីរ​ និង​លោក​ តឹក​ សូ​នី​ នាយការិយាល័យ​ ចូលរួម​ពី​កម្លាំង​អធិការដ្ឋាន​នគរបាល​ខណ្ឌមានជ័យ​ ព្រមទាំង​មានការ​សម្របសម្រួល​ពី​លោក​ អ៊ុំ​ សុ​ភក្តិ​ ព្រះរាជអាជ្ញា​រង​ នៃ​អយ្យការ​អម​សាលាដំបូង​រាជធានី​ភ្នំពេញ​ បាន​ធ្វើការ​ស៊ើបអង្កេត​ ស្រាវជ្រាវ​ ឈាន​ទៅ​បង្ក្រាប​បង្ក្រាប​នៅ​ចំណុច​បន្ទប់​ជួល​លេខ​៩​ ផ្លូវលំ​ ភូមិ​សន្សំ​កុសល​ សង្កាត់​បឹង​ទំពុន​១​ ខ័​ណ្ឌ​មាន​ជ័យ​ រាជធានី​ភ្នំពេញ​ ។​

ក្នុង​ប្រតិបត្តិការ​ខាងលើ​ កម្លាំង​បាន​ឃាត់ខ្លួន​ជនសង្ស័យ​ម្នាក់​ ឈ្មោះ​ អ៊ា​ត​ ម៉ា​ទី​ ភេទ​ប្រុស​ អាយុ​៣៧​ឆ្នាំ​ ជនជាតិ​ខ្មែរ​ មុខរបរ​ មិន​ពិតប្រាកដ​។​

វត្ថុ​តាង​ចាប់​យករួម​មាន​៖​ មេ​តំ​ហ្វេ​តា​មីន​(ICE)​ទម្ងន់​ ២០.៩៩០,៧៣​ក្រាម​, ​អ៊ិ​ច​ស្តា​ស៊ី​(MDMA)​ ២.៨០០​ក្រាម​ -​កេ​តា​មីន​(Ketamine)​ ១.៤០២​ក្រាម​ សរុប​ទម្ងន់​ ២៥.​ ១៩២.៧៣​ក្រាម​ ។​-​អាវុធ​វែង​ ២​ដើម​ និង​គ្រាប់​ចំនួន​ ៩៦​គ្រាប់​។​

​បច្ចុប្បន្នជនសង្ស័យ​ និង​វត្ថុ​តាង​ កម្លាំង​ជំនាញ​បាន​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ​ តាម​ចាត់ការ​បន្ត​នីតិវិធី​៕

ជនត្រូវចោទឈ្មោះ ឈ្មោះ ជឹម កុសល់ ភេទប្រុស អាយុ៣៤ឆ្នាំ នៅភូមិសាលាគ្រួស ឃុំព្រះនិព្វាន  ស្រុកគងពិសី ខេត្តកពង់ស្ពឺ តាមដីកា ២ ទី១-ដីកាបង្គាប់ឲ្យចាប់ខ្លួនលេខ ២១៥ ចុះថ្ងៃទី០៩ ខែមិថុនា ឆ្នាំ២០២០ របស់លោក តុប ឈុនសុង ចៅក្រមស៊ើបសួរសាលាដំបូងខេត្តកំពង់ស្ពឺ ពីបទៈ រក្សាទុក ឬ ជួញដូរ និង ប្រើប្រាស់ដោយខុសច្បាប់នូវសារធាតុញៀន។ ទី២-ដីកាបង្គាប់ឲ្យចាប់ខ្លួន និង ឃុំខ្លួនលេខ៨២៨ ចុះថ្ងៃទី២៧ ខែវិច្ឆិកា ឆ្នាំ២០២០ របស់លោក ហង់ ស៊ីថា ចៅក្រមជំនុំជម្រះសាលាដំបូងខេត្តកំពង់ស្ពឺ ពីបទៈ រក្សាទុក ឬ ជួញដូរ និង ប្រើប្រាស់ដោយខុសច្បាប់នូវសារធាតុញៀន។

បច្ចុប្បន្នកម្លាំងការិយាល័យជំនាញ បានបញ្ជូនជនត្រូវចោទទៅលោកចៅក្រម ចាត់ការតាមនីតិវិធី៕

ការបង្ក្រាបនេះបានធ្វើឡើងដោយអនុវត្តតាមបញ្ជានាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង នាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន ។

ជាក់ស្ដែងនៅថ្ងៃទី២៨ ខែធ្នូ ឆ្នាំ២០២១ វេលាម៉ោង១៦ និង៣០នាទី កម្លាំងជំនាញនៃមន្ទីរប្រឆាំងគ្រឿងញៀន (ក៥) មានការសម្របសម្រួលពីលោក អ៊ុំ សុភក្តិ ព្រះរាជអជ្ញារង នៃអយ្យការអមសាលាដំបូងរាជធានីភ្នំពេញ ដឹកនាំដោយលោកឧត្តមសេនីយ៍ទោ សាន សុទ្ធី, លោកឧត្តមសេនីយ៍ត្រី គឹម តូ នាយករងមន្ទីរ, លោកវរ:សេនីយ៍ឯក ជាវ វណ្ណា នាយការិយាល័យ (ក៥) មានការសហការស្នងការដ្ឋាននគរបាលរាជធានីភ្នំពេញ បានធ្វើការស៊ើបអង្កេត ស្រាវជ្រាវ បង្រ្កាប នៅចំណុចផ្លូវអូស៊ីអាយស៊ី រង្វង់មូលនាងមច្ឆា ជិតស្ពានម៉ាឡេ ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

ជាលទ្ធផល ៖ឃាត់ខ្លួនជនសង្ស័យម្នាក់ឈ្មោះ អ៊ូច លីន ភេទប្រុស អាយុ១៨ឆ្នាំ ជនជាតិវៀតណាម សញ្ជាតិខ្មែរ ។
ចាប់យកវត្ថុតាង៖ គ្រឿងញៀនប្រភេទ មេតំហ្វេតាមីន (ICE)សរុបរួមទម្ងន់ ២៣ គីឡូក្រាម ៧៣៨ក្រាម ។

បច្ចុប្បន្នជនសង្ស័យ ព្រមទាំងវត្ថុតាងចាប់យកខាងលើ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕

ដោយ​អនុវត្តតាម​បញ្ជា​នាយ​ឧត្ដម​សេនិយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ និង នាយ​ឧត្ដម​សេនិយ៍ ម៉ក់ ជី​តូ អគ្គ​ស្នងការរង​ទទួល​ផែន​ប្រឆាំង​បទល្មើស​គ្រឿងញៀន ក្រោម​ការបញ្ជា​ដឹកនាំ​ផ្ទាល់ លោក​ឧត្ដមសេនីយ៍ឯក ឡឹ​ក វណ្ណៈ នាយក​មន្ទីរ​ប្រឆាំង​បទល្មើស​គ្រឿងញៀន កាល​ថ្ងៃទី​ ២៥ ខែ​វិច្ឆិកា ឆ្នាំ ២០២១ វេលា​ម៉ោង​ ២០ និង​៣០​នាទី កម្លាំង​ជំនាញ នៃ​មន្ទីរ​ប្រឆាំង​គ្រឿងញៀន (​ក​១០) ដឹកនាំ​ដោយ លោក ឧ​ត្ត​ម​សេនីយ៍​ទោ សារី បុត្រ​សត្យា​.​លោក​វរសេនីយ៍ឯក យឹម សែន​ឧ​ត្ត​ម លោក​វរសេនីយ៍ទោ ញ៉ុ​ង រស់​ប្រាថ្នា នាយករង​មន្ទីរ លោក វរសេនីយ៍ឯក តឹក សូ​នី នាយការិយាល័យ (​ក​១០) សហការ​ជាមួយ​កម្លាំង​ស្នងការដ្ឋាន​នគរបាល​រាជធានី​ភ្នំពេញ ក្រោម​ការសម្របសម្រួល​ពី​លោក អ៊ុំ សុភ​ក្តិ ព្រះរាជអាជ្ញារង នៃ​អយ្យការ​អម​សាលាដំបូង​រាជធានី​ភ្នំពេញ ស៊ើបអង្កេត ស្រាវជ្រាវ​បង្ក្រាប​បទល្មើស​គ្រឿងញៀន ២​គោលដៅ​ផ្សេងគ្នា។​

គោលដៅ​ទី​១: នៅ​ចំណុច ផ្លូវ​លេខ ១០៥ ជិត​ផ្សារ​បឹងត្របែក (​ផ្លា​ស្សា​) សង្កាត់​បឹង​ត្របែង ខណ្ឌចំការមន និង​គោលដៅ​ទី​២: ផ្ទះ​លេខ ៩៩ ផ្លូវ​ ១៤៦ ក្រុម​ ៣ ភូមិ​ ២ សង្កាត់​ផ្សារ​ដេប៉ូ​២ ខណ្ឌទួលគោក រាជធានី​ភ្នំពេញ ដោយ​ឃាត់ខ្លួន​ជនសង្ស័យ ៣​នាក់ ១.ឈ្មោះ តាំង លាក ភេទ​ប្រុស អាយុ​ ៦០ ឆ្នាំ ជនជាតិខ្មែរ ។ ២.ឈ្មោះ GOH SEOW SIAN ភេទ​ប្រុស កើត​ឆ្នាំ ១៩៥៣ ជនជាតិ សិង្ហ​បុរី កាន់​លិខិតឆ្លងដែន​លេខ K0447332B ។ ៣. ឈ្មោះ លី ជាង​ហ្វុ​ង ភេទ​ប្រុស អាយុ​ ២៧ ​ឆ្នាំ ជនជាតិវៀតណាម​។

​វត្ថុតាងដែលដកហូតបានរួមមាន -​អ៊ិ​ច​ស្តា​ស៊ី (MDMA) ទម្ងន់​សុទ្ធ ២៤ គ​.​ក្រ ០៤២​ក្រាម, កេ​តា​មីន (KETAMIN) ទម្ងន់​សុទ្ធ ១១៨.៣៩​ក្រាម, ​កា​ទី​ណូន​(4CEC) ទម្ងន់​សុទ្ធ ១៧០.៥១ ក្រាម​។ សរុប សារធាតុ​ញៀន ទម្ងន់​សុទ្ធ ២៤ គ​.​ក្រ ៣៣០.៩០​ក្រាម​សារធាតុ​ផ្សំ ១ គ​.​ក្រ ០១០.១១ ក្រាម, ជញ្ជីង​ថ្លឹង ៥​គ្រឿង និង​ឧបករណ៍​កែច្នៃ​មួយ​ចំនួន​ធំ។

ចំពោះ​ជនសង្ស័យ ព្រមទាំង​វត្ថុតាង​ខាងលើ សមត្ថកិច្ច​ជំនាញ​មន្ទីរ​ប្រឆាំង​គ្រឿងញៀន បាន​កសាង​សំណុំរឿង​បញ្ជូនទៅ​សាលាដំបូង​រាជធានី​ភ្នំពេញ ដើម្បី​ចាត់ការ​បន្ត​តាម​នីតិវិធី៕