ឆេះផ្ទះ – Champey News

អគ្គិភ័យឆាបឆេះផ្ទះមួយកន្លែង នៅសង្កាត់បឹងកក់ទី១ គ្មានមនុស្សរងគ្រោះឡើយ

មករា — Mon, 20 Dec 2021 02:47:19 +0000

ភ្នំពេញ៖ កាលពីវេលាម៉ោង១៨:៤៥នាទី ថ្ងៃទី១៩ ខែធ្នូ ឆ្នាំ២០២១ មានអគ្គិភ័យបានឆាបឆេះផ្ទះមួយកន្លែង ស្ថិតត្រង់ចំណុចក្រុមហ៊ុន ហាវ៉ាស់ រីវើអឃីត នៅផ្ទះលេខ២៥អា តាមបណ្តោយផ្លូវលេខ៥៦៦ ក្រុម៤៤ ភូមិ១១ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។

បើតាមសមត្ថកិច្ចបានឲ្យដឹងថា ហេតុការណ៍អគ្គិភ័យឆាបឆេះនេះ បណ្តាលមកពីការឆ្លងចរន្តអគិ្គសនី ហើយបានធ្វើឲ្យខូចខាតឆេះផ្ទះថ្ម បេតុងប្រក់ស័ង្កសី ទំហំ ២០ម៉ែត្រ x ៣០ម៉ែត្រ និងឆេះខូចខាតសម្ភារៈក្នុង:ឃ្លាំង ស្តុកទុកបម្រើការងារថតស្ពតផ្សព្វផ្សាយផ្សាយពាណិជ្ជកម្ម ទំហំ ១០ម៉ែត្រ x ៣០ម៉ែត្រ អស់ចំនួន០១ឃ្លាំង និងពុំបណ្តាលឲ្យឆេះរាលដាលដល់ផ្ទះអ្នកនៅក្បែរខាងឡើយ។

នៅវេលាម៉ោង២០:០០នាទីយប់ ថ្ងៃដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់ រថយន្តការិយាល័យអគ្គិភ័យ រាជធានីភ្នំពេញ ចំនួន ១៦គ្រឿង ប្រើប្រាស់ទឹកអស់ ២៥ឡាន ស្មើរនឹង១០០ម៉ែត្រគូប៕

ឆ្លងចរន្តអគ្គិសនី បណ្ដាលឲ្យឆាបឆេះផ្ទះ១ខ្នងគ្មានសល់ នៅស្រុកស្ទឹងត្រង់

មករា — Wed, 11 Aug 2021 03:47:49 +0000

កំពង់ចាម៖ នៅថ្ងៃទី១០ ខែសីហា ឆ្នាំ២០២១ វេលាម៉ោង ២២ និង៣០នាទី ក្រោយពីទទួលបានព័ត៌មានថា មានអគ្គិភ័យឆេះផ្ទរបស់ប្រជាពលរដ្ឋភ្លាម លោក វរសេនីយ៍ឯក ប៉ាក ជាតបានដឹកនាំកម្លាំងនគរបាលនិងរថយន្តពន្លត់អគ្គិភ័យរបស់អធិការដ្ឋាននគរបាលស្រុកស្ទឹងត្រង់ចុះជួយអន្តរាគមន៍ពន្លត់អគ្គិភ័យមួយដែលបានឆាបឆេះផ្ទះមួយខ្នង បណ្ដាលមកពីឆ្លងចរន្តអគ្គិសនី ស្ថិតនៅភូមិគីឡូ១០ ឃុំអារក្សត្នោត ស្រុកស្ទឹងត្រង់ ខេត្តកំពង់ចាម។

មន្ត្រីនគរបាលស្រុកស្ទឹងត្រង់ បានឲ្យដឹងថា៖ ម្ចាស់ផ្ទះឈ្មោះ ផៃ ភឿន ភេទប្រុស អាយុ ៤៦ឆ្នាំ ទីលំនៅភូមិគីឡូ១០ ឃុំអារក្សត្នោត ស្រុកស្ទឹងត្រង់ ខេត្តកំពង់ចាម ។

ករណីនេះបណ្តាលអោយខូចខាតរួមមាន៖ ឆេះផ្ទះមួយខ្នង (ផ្ទះតៀម)ទំហំ ១៨ម៉ែត្រ គុណ ៦ម៉ែត្រធ្វើពីឈើរប្រក់ដែក ឆេះខូចខាតទាំងស្រុង ។ ១.ម៉ូតូចំនួន២គ្រឿង។ ២.គ្រឿងក្រអូប គិតជាប្រាក់ប្រហែល ២៥,០០០ $ (ពីរម៉ឺនប្រាំពាន់ដុល្លាអាមេរិច) ។

៣.ថ្នាំបាញ់ស្មៅ និងស្វាយចន្ទី គិតជាប្រាក់ប្រហែល ១០,០០០$ (មួយម៉ឺនដុល្លាអាមេរិច) ។ ៤.អីវ៉ាន់ចាប់ហួយប្រហែល ១០,០០០$ (មួយម៉ឺនដុល្លាអាមេរិច) ។

ប្រភពបន្តទៀតថា ករណីខាងលើនេះ មិនបណ្ដាលឲ្យប៉ះពាល់ដល់អាយុជីវិតមនុស្សទេ។

គួរបញ្ជាក់ផងដែរថា ក្នុងការពន្លត់អគ្គិភ័យ កម្លាំងនគរបាល បានប្រើប្រាស់រថយន្តចំនួ២គ្រឿង-រថយន្តរបស់អធិការដ្ឋាននគរបាលស្រុកស្ទឹងត្រង់១គ្រឿង និងរថយន្តរបស់ក្រុមហ៊ុន ឡុង ស្រេង ចំការកៅស៊ូបឹងកេត១គ្រឿង ដោយប្រើអស់ទឹកចំនួន៤ស៊ីទែន៕

ទាំងព្រឹក! អគ្គិភ័យឆេះផ្ទះ នៅសង្កាត់បឹងរាំង បណ្តាលឲ្យមនុស្ស៤នាក់ស្លាប់

មករា — Tue, 29 Jun 2021 04:21:59 +0000

ភ្នំពេញ៖ នៅថ្ងៃទី២៩ ខែមិថុនា ឆ្នាំ២០២១ នៅវេលាម៉ោង៤ និង៣០ នាទីទៀបភ្លឺ មានអគ្គិភ័យមួយកន្លែងកើតឡើងស្ថិតនៅផ្ទះលេខ៤៤និង៤៦ ផ្លូវលេខ២០០ ក្រុម០២ ភូមិ១ សង្កាត់បឹងរាំង ខណ្ឌដូនពេញ រាជធានីភ្នំពេញ បណ្តាលឲ្យស្លាប់មនុស្សចំនួន៤នាក់ និងរបួសស្រាល១នាក់។

យោងតាមអគ្គស្នងការនគរបាលជាតិបានឲ្យដឹងថាម្ចាស់ផ្ទះដែលត្រូវភ្លើងឆេះមានឈ្មោះ ហុង ពេជ្រ ហោះ ភេទ ប្រុស អាយុ ៧១ ឆាំ្ន មុខរបរ ជរានៅផ្ទះ ប្រភេទសំណង់ថ្មបេតុង ទំហំ ០៩ម៉ែត្រx៣០ម៉ែត្រ ចំនួន៣ ជាន់ មូលហេតុកំពុងបន្តការស្រាវជ្រាវ ។ សម្ភារៈខូចខាតរួមមាន ៖ ឆេះផ្ទះជាន់ផ្ទាល់ដី ទំហំ ០៩ ម៉ែត្រx ៣០ ម៉ែត្រ អស់ទាំងស្រុង, ឆេះរថយន្ត Ford Willdrak ពណ៌ខ្មៅ ពាក់ស្លាកលេខ ភ្នំពេញ ២BB-៨២៣៣ ចំនួន ១ គ្រឿង, ឆេះរថយន្ត Luxus ៣៣០ ពណ៌ស ពាក់ស្លាក់លេខ ភ្នំពេញ ២AL-១១៥៨ ចំនួន ១ គ្រឿង, ឆេះម៉ូតូសរុបចំនួន៧ គ្រឿង នឹងពុំបានឆេះរាលដាលដល់ផ្ទះអ្នកជិតខាងឡើយ ។

ករណីអគ្គិភ័យខាងលើបណ្តាលឲ្យស្លាប់មនុស្សចំនួន៤ នាក់ប្រុស (មិនទាន់ស្គាល់អត្តសញ្ញាណជនរងគ្រោះ) និងរបួសស្រាល១ នាក់ ឈ្មោះ ម៉ូច សីហា ភេទ ប្រុស អាយុ ២៤ ឆ្នាំ មុខរបរ មន្រ្តីកិច្ចសន្យាអគ្គិភ័យ ។

ក្នុងការពន្លត់អគ្គិភ័យនេះ សមត្ថកិច្ចបានប្រើប្រាស់រថយន្តការិយា ល័យ អគ្គិភ័យចំនួន ៣៨ គ្រឿង ប្រើប្រាស់ទឹកអស់ចំនួន ៣៨ ឡាន ស្មើនឹង ១៥២ ម៉ែត្រគូបនិងរថយន្តជំនួយអន្តរាគមន៍ ពន្លត់រថយន្តក្រុមហ៊ុនស្រាបៀរកម្ពុជាចំនួន ១ គ្រឿង ប្រើប្រាស់ទឹកអស់ចំនួន២ ឡាន សើ្មនឹង ១២ ម៉ែត្រគូប បានពន្លត់ចប់នៅម៉ោង ៦ និង០០នាទីព្រឹក នាថ្ងៃខែឆ្នាំដដែល៕