នគរបាលស្រុកមោងឫស្សី ចុះធ្វើកិច្ចសន្យាបញ្ឈប់សកម្មភាពម្ចាស់ទីតាំងជល់មាន់

មករា — Thu, 06 Jan 2022 02:42:02 +0000

បាត់ដំបង៖ នគរបាលស្រុកមោងឫស្សី បានដឹកនាំកម្លាំងផ្នែកនគរបាលយុត្តិធម៌ រួមនឹងកម្លាំងប៉ុស្តិ៍នគរបាលរដ្ឋបាលគារចុះធ្វើកិច្ចសន្យាអប់រំកន្លែងលួចលេងល្បែងស៊ីសង (ជល់មាន់) មួយកន្លែងឱ្យបញ្ឈប់លេងចាប់ពីថ្ងៃនេះតទៅដែលទីតាំងនោះមានម្ចាស់ឈ្មោះធុច វុត ភេទប្រុសអាយុ៥៩ឆ្នាំរស់នៅភូមិរការឈ្មោល ឃុំគារ ស្រុកមោងឫស្សី ខេត្តបាត់ដំបង។

ការចុះធ្វើកិច្ចសន្យានេះបានធ្វើឡើង នៅថ្ងៃទី៥ខែមករាឆ្នាំ ២០២២ ម៉ោង ៨ និង ៣០ នាទី ស្ថិតនៅចំណុចព្រៃពពេលក្រុមទី៣ ភូមិរកាឈ្មោល ឃុំគារ ស្រុកមោងឫស្សី ខេត្តបាត់ដំបង។

ក្នុងនោះនគរបាលបានដកហូតវត្ថុតាងរួមមាន៖ សង្វៀនចំនួន១, តង់កៅស៊ូគ្របពីលើសង្វៀនចំនួន១, ឆ្នាំងដាំទឹកក្តៅចំនួន១, កៅអីជ័រចំនួន៣កៅអី៕

បង្រ្កាបករណីភ្នាល់ជល់មាន់មួយករណី ឃាត់ខ្លួនអ្នកប្រព្រឹត្ត៤នាក់ នៅក្រុងបាត់ដំបង

មករា — Sun, 24 Oct 2021 02:33:49 +0000

បាត់ដំបង៖ លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល នៃស្នងការខេត្តបាត់ដំបង បានដឹកនាំកម្លាំងក្រុមអន្តរាគមន៍ ចុះប្រតិបត្តិការ បង្ក្រាបករណី ល្បែងស៊ីសង ( ភ្នាល់មាន់ជល់ ) ចំនួន១ ករណីនិងបានធ្វើការនាំខ្លួនមនុស្សចំនួន៤ នាក់ មកកាន់ស្នងការដ្ឋានដើម្បីសាកសួរ។

ការបង្ក្រាបនេះបានធ្វើឡើងនៅ នៅទី២៣ខែតុលា ឆ្នាំ២០២១ វេលាម៉ោង១៣និង២៤នាទីនៅចំណុចភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង។

សមត្ថកិច្ចបានឲ្យដឹងថា មនុស្សទាំង៤នាក់ដែលឃាត់ខ្លួនបាននោះរួមមានឈ្មោះ៖ ១-ឈ្មោះ សុខ ផន ភេទប្រុស អាយុ ៦៨ ឆ្នាំ មានទីលំនៅភូមិត្រាង ឃុំអូរតាគី ស្រុកថ្មគោល ខេត្តបាត់ដំបង ។

២-ឈ្មោះ ឡុង លុច ភេទប្រុស អាយុ៥៤ឆ្នាំ មានទីលំនៅភូមិអូរតានប់ សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង ។៣-ឈ្មោះ សួន ណារិន ភេទប្រុស អាយុ៣១ឆ្នាំ មានទីលំនៅភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង។ ៤-ឈ្មោះ សារី សុខន ភេទប្រុស អាយុ៤០ឆ្នាំ មានទីលំនៅ ភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង ។

វត្ថុតាងដកហូតរួមមាន៖ សង្វៀនសម្រាប់ជល់មាន់ចំនួន១, មាន់ជល់៣ ក្បាល, ស៊ុម សម្រាប់ក្រុងមាន់១, ជញ្ជីងសម្រាប់ថ្លឹងមាន់ជល់១, ឆ្នាំងដាំទឹកសម្រាប់ស្អំមាន់ជល់១។

បច្ចុប្បន្នការិយាល័យជំនាញកំពុងរៀបចំសំណុំរឿង បញ្ជូនទៅតុលាការអនុវត្តតាមនីតិវិធីច្បាប់៕

ជល់មាន់ – Champey News

នគរបាលស្រុកមោងឫស្សី ចុះធ្វើកិច្ចសន្យាបញ្ឈប់សកម្មភាពម្ចាស់ទីតាំងជល់មាន់

បង្រ្កាបករណីភ្នាល់ជល់មាន់មួយករណី ឃាត់ខ្លួនអ្នកប្រព្រឹត្ត៤នាក់ នៅក្រុងបាត់ដំបង​

បង្រ្កាបករណីភ្នាល់ជល់មាន់មួយករណី ឃាត់ខ្លួនអ្នកប្រព្រឹត្ត៤នាក់ នៅក្រុងបាត់ដំបង