តាមពត៌មានបែកធ្លាយពីមន្ត្រីម្នាក់នៅខេត្តកែបបានប្រាប់មកអ្នកសារពត៌មានក្នុងលក្ខខណ្ឌមិនបញ្ចេញឈ្មោះបានប្រាប់ឲ្យដឹងថាឈ្មោះ លុយ ដាវុធ ដែលជាអាជីវករ និងជាអ្នករក ស៊ី ខាងដីធ្លី ដ៏ល្បីល្បាញ ខាងរកស៊ីលក់ដីខ្យល់ រួមនឹងដៃគូម្នាក់ជាជនជាតិហូឡង់ មានសញ្ជាតិ ខ្មែរ ឈ្មោះ អូវឺមេតផូលឺស ចូហានណេសចូសេភឺស និងមានគូកនផ្សេងៗទៀតជា ម្ចាស់ក្រុម ហ៊ុនអចលនទ្រព្យដ៏ធំ និងមេធាវី ផង បានធ្វើសកម្មភាពលក់ខ្យល់ និងមានជន រងគ្រោះជា អ្នក វិនិយោគបានត្រូវចាញ់បោកអស់ជាច្រើនលានដុល្លា តែជនរងគ្រោះជាជនជាតិចិន និងខ្មែរ មិន មានលទ្ធភាពប្តឹងជនទាំងនោះ ដោយពួកនេះមានអាងអំណាច អ្នកមានឥទ្ធិពល លោកធំ កាងពី ក្រោយខ្នង។ការឆបោកជាប្រព័ន្ធនេះគឺសង្ស័យអាចមានការពាក់ព័ន្ធមន្រ្តីមួយចំនួនដែលជួយលាក់បាំង និងជួយជោមជ្រែងនៅពិក្រោយផងដែរ។

ថ្មីៗនេះមានពត៌មានមិនច្បាស់ការណ៍ពីអ្នករកស៊ីដីធ្លីដែលធ្លាប់រងគ្រោះបាននិយាយថា ពួកជនខិលខូចទាំងអស់នេះកំពុងរងនូវបណ្តឹងជាច្រើននៅខេត្តកែប និងនៅកំពត ហើយកំ ពុងសំងំលាក់ខ្លួនពីការតាមរកចាប់ខ្លួនពីសមត្ថកិច្ច ក្នុងបទល្មើសឆបោកជាប្រព័ន្ធ ក្នុងការលក់ ដីខ្យល់ ដែលធ្វើឲ្យអ្នកវិនិយោគជនជាតិបរទេសខ្លាចក្រែងរអា មិនហ៊ានមកវិនិយោគ នៅប្រទេសកម្ពុជា។

ជនរងគ្រោះទាំងនោះសំណូមពរថ្នាក់ដឹកនាំ ជាពិសេសសម្តេចមហាបវរធិបតី ហ៊ុន ម៉ាណែត ជួយចាត់វិធានការណ៍ និងវះកាត់ភាពអសកម្មរបស់មន្ត្រីដែលមានការពាក់ព័ន្ធ និងឃុបឃិត ក្នុងការក្លែងឯកសារដីធ្លី រួមគំនិតក្នុងការឆបោកអ្នកវិនិយោគផ្សេងៗ ដែលធ្វើឲ្យ ប៉ះពាល់ដល់កេរ្តិ៍ឈ្មោះប្រទេស និងស្នើអង្គភាពប្រឆាំងអំពើពុករលួយ ជួយសើបអង្កត និងវះកាត់សាច់ស្អុយ ក្នុងអាណត្តិថ្មីរបស់រាជរដ្ឋាភិបាល ក្រោមការដឹកនាំរបស់ សម្តេចធិបតី ហ៊ុន ម៉ាណែត ក្នុងន័យរួមគ្នាជួយជម្រុញការជឿទុកចិត្តពីអ្នកវិនិយោគទុន ដែលសម្តេចប្រឹង ប្រែងទាំងកម្លាំងកាយ ចិត្ត បញ្ញា ក្នុងការគៀងគរឲ្យពួកគេមករកស៊ីនៅខ្មែរយើង។ យ៉ាងណាក្តីសារព័ត៌មានមិនទាន់សុំការបញ្ជាក់ពីសាម៊ីខ្លួនខាងលើបាននោះទេចំពោះករណីនេះ៕

ប្រជាពលរដ្ឋជាច្រើនគ្រួសារដែលរស់នៅក្នុងសង្កាត់ព្រែកហូរ ក៏ដូចប្រ ជាពលរដ្ឋដែលរងគ្រោះដោយសារគម្រោងអភិវឌ្ឃន៍ព្រលានយន្តហោះបានឲ្យដឹងថា នាពេលថ្មីៗនេះ សកម្មភាពឈូសឆាយដីប្រជាពលរដ្ឋពីសំណាក់ជនខិលខូ ចសហការគ្នាឃុ បឃិតជាមួយមន្ត្រីជាប្រព័ន្ធ មានសកម្មភាពកាន់តែខ្លាំងឡើងទាំងយប់ទាំងថ្ងៃដោយឈូសផ្ទះ បូមចាក់ដីលិចលង់ផ្ទះសម្បែង លំនៅដ្ឋាន ភោគផលដំណាំ និងចូលទន្ទ្រានរំលោ ភចូលកាន់កាប់ដោយមិនញញើតនឹងច្បាប់ អាងមានមន្ត្រីថ្នាក់ខេត្តជួយការពារ កាងនៅពីក្រោយការរំលោភបំពាននេះ។

បើតាមប្រជាពលរដ្ឋបានថ្លែងឲ្យដឹងថា ចាប់តាំងពីមានការធ្វើព្រលានថ្មីមក ពួកគាត់ពុំដែលឃើញអាជ្ញាធរណាមកប្រាប់ពួកគាត់ ឬជូនដំណឹងប្រកាសដល់ពួកគាត់ ឲ្យយល់ច្បាស់ពីគម្រោងការធ្វើផ្លូវ ពន្យល់ពីផលប៉ះពាល់ និងស្វែងរកដំណោះ ស្រាយម្តងណាឡើយ មានតែលឺពាក្យគំរាមឲ្យពួកគាត់ចាកចេញ បើមិនចេញឈូសយក ហើយចង់ប្តឹងទៅព្រះឥន្ឌក៏ពួកនោះមិនខ្លាចដែរ ហើយសព្វថ្ងៃនេះរស់នៅទីនោះដោយ ភាពភ័យខ្លាច មានការគំរាមកំហែងពីក្រុមហ៊ុនព្រលាន បុគ្គលិកព្រលាន ទោះបីខ្លួន ទៅពឹងពាក់អាជ្ញាធរភូមិ ឃុំ ស្រុក រហូតដល់ខេត្ត តែពួកគាត់ហាក់មិនខ្វល់នឹងពួកគាត់ ហើយថែមទាំងជួយការពារឬកាងសកម្មភាពខុសច្បាប់ និងការពារជនខិលខូច ដែលរំលោភបំពានដីធ្លីពួកគាត់ថែមទៀត យើឲ្យពួកគាត់រំពឹងអ្នកណាបើអាជ្ញាធរធ្វើបែប នេះទៅហើយ ហើយមានតែសម្តេចតេជោ ហ៊ុន សែន ដែលជាទីពឹងរបស់ប្រជា ពលរដ្ឋចុងក្រោយបង្អស់ ដែលអាចជួយផ្តល់យុត្តិធម៌ដល់ពួកគាត់ជាជនរងគ្រោះ ដែលកន្លងមកពត៌មានពិតពីការរំលោភបំពានដីធ្លី ការឈឺចាប់ របស់ពួកគាត់ ត្រូវបានបំបិតចោល ហើយពួកគាត់មិនដឹងទៅទីពឹងអ្នកណា។

ប្រជាពលរដ្ឋសំណូមពរដល់ប្រមុខថ្នាក់ដឹកនាំ ក្រសួងពាក់ព័ន្ធនានា បើកការស៊ើបអង្កេតឯករាជ្យលើការបំពេញមុខងាររបស់មន្ត្រីសាធារណៈដែលមានជាប់ពន្ធ័នឹងការរំលោភបំពាន ការឈូសឆាយដីធ្លីយ៉ាងអនាធិបតេយ្យ និងបង្កើតគណៈកម្មា ការរបស់ថ្នាក់ជាតិដោះស្រាយសំណង និងផលប៉ះពាល់ ប្រសិនបើប៉ះចំដីធ្លីផ្ទះសំបែង ផលដំណាំរបស់ពួកគាត់ ដោះស្រាយដោយឈរលើគោលការណ៍ច្បាប់ ដែលសព្វថ្ងៃពួកគាត់អស់ជំនឿលើអាជ្ញាធរដែនដី ដែលមិនបានបម្រើនិងការពារពួកគាត់ បែរជាឃុបឃិតការពារជនខិលខូចដែលទៅរំលោភដីធ្លីពួកគាត់ជាថ្នូរនឹងផលប្រយោជន៍ និងលាភសក្ការៈទៅវិញ ក្រោមលេសពាក្យថាអភិវឌ្ឍន៍ តែប្រជាពលរដ្ឋសាទរ និងសប្បាយចិត្ត បើការអភិវឌ្ឍន៍នោះពិតប្រាកដ ដោះស្រាយសំណងសមរម្យ ធ្វើតាមនីតិវិធីច្បាប់ និងមានយន្តការដោះស្រាយដោយយុត្តិធម៌ ក្រោមគោលនយោបាយឈ្នះឈ្នះ ដែលសម្តេចតេជោ ហ៊ុន សែន តែងតែអនុវត្តន៍កន្លងមក។

បើតាមមតិប្រជាពលរដ្ឋសំដែងការហួសចិត្តចំពោះអភិបាលខេត្តដែលពេលថ្មីៗនេះ បានចេញលិខិតជូនដំណឹងអំពីការសាងសង់ផ្លូវទៅកាន់ប្រលានយន្តហោះថ្មី លេខ10 70សជណ ចុះថ្ងៃទី09 ខែសីហា ឆ្នាំ2022 ជូនដំណឹងឲ្យប្រជាពលរដ្ឋចូលរដ្ឋសហការហើយនឹងដោះស្រាយទូទាត់សំណងបើមានផលប៉ះពាល់ ក្នុងខណៈដែលពួកគាត់ពុំបានដឹង ឬក៏មានអាជ្ញាធរណាមកប្រកាសផ្សព្វផ្សាយប្រាប់ឲ្យពួកគាត់បានដឹងអំពីគម្រោងធ្វើផ្លូវ ឬមានការដោះស្រាយផលប៉ះពាល់ ឬទទួលបានសំណងម្តងណាឡើយ ។

ប្រជាពលរដ្ឋនិយាយបន្ថែមថា លោកអភិបាលខេត្តហាក់បីចេះច្បាប់តែធ្វើមិនចេះច្បាប់ អាងអំណាចដោយមិនខ្លាចក្រែងច្បាប់ប្រើប្រាស់តួនាទី ចង់ចេញលិខិ តរដ្ឋបាលអ្វីស្រេ ចតែអំពើចិត្ត មិនយកច្បាប់មកអនុវត្តន៍ ដែលខ្លឹមសារលិខិតនោះគឺផ្ទុយនឹ ងច្បាប់រដ្ឋធម្មនុញ្ញត្រង់មាត្រាទី44 ចែងអំពីសិទ្ធិជាកម្មសិ ទ្ធិស្របច្បាប់មិនមានអ្នក ណារំលោ ភបាន និងត្រូវការពារដោយច្បាប់ និងច្បាប់អាស្សា មិករណ៍មាត្រាទី4 ដែលចែងអំពីការទូទាត់ សំណងជាមុន សមរម្យ និងយុត្តិធម៌ មុននឹងធ្វើការដកហូតកម្មសិទ្ធិឯកជនពីប្រជាពលរដ្ឋមកឱ្យក្រុមហ៊ុនអភិវឌ្ឍន៍៕

ក្នុងឱកាសអញ្ជើញប្រគល់សញ្ញាបត្រ ជូនដល់និស្សិតជ័យលាភីថ្នាក់ បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ នៃសាកលវិទ្យាល័យជាតិបាត់ដំបង នាថ្ងៃទី២០ មករានេះ សម្តេច ស ខេង បានថ្លែងយ៉ាងដូច្នេះថា «ប្រសិនបើចែកទៅដល់កូនជាលុយ ជាប្រាក់ ដីធ្លី គង់តែថ្ងៃណាមួយទ្រព្យទាំងនោះនឹងអស់ ប្រសិនបើអ្នកបន្តវេនមិនចេះថែរក្សា មិនចេះការពារ ហើយយកទៅចាយវាយដោយពុំមានការពិចារណារ ប៉ុន្តែបើយើងចែកឱ្យកូននូវចំណេះដឹងៗនោះគឺជាទ្រព្យសម្បត្តិនេះមិនចេះរីងស្ងួតហើយមានតម្លៃ និងកាន់តែមានតម្លៃនៅពេលដែលកូនខិតខំសិក្សារៀនសូត្រ ព្រោះការសិក្សារៀនសូត្រជាទ្រព្យសម្បត្តិមានតម្លៃដែលចាយមិនចេះចប់ និងមិនចេះអស់នោះទេ»។

សម្តេចបន្តថា ការអប់រំអាចធ្វើឱ្យមនុស្សផលិតបាននូវអ្វីៗគ្រប់យ៉ាង ដើម្បីបំពេញសេចក្តីត្រូវការរបស់មនុស្សជាតិ អាចនិយាយក្នុងន័យប្រៀបធៀបបានថា មនុស្សផលិតមាសបាន ហើយមាសដែលផលិតចេញពីខួរក្បាលមនុស្សគឺមិនចេះអស់នោះទេ ហេតុនេះការអប់រំមនុស្សឱ្យមានបញ្ញា មានចំណេះដឹង មានជំនាញ មានសីលធម៌ មានទ្រព្យសម្បត្តិនឹងរួចផុតពីភាពក្រីក្រគឺជាគោលដៅអតិភាពរបស់រាជរដ្ឋាភិបាល។

សម្តេចលើកឡើងថា ប្រទេសដែលមានការរីកចំរើន និងអភិវឌ្ឍន៍ជឿនលឿនគឺជាប្រទេសដែលសំបូរដោយធនធានមនុស្សគ្រប់ជំនាញដែលបានពីការអប់រំបណ្តុះបណ្តាលត្រឹមត្រូវ និងប្រកបដោយគុណភាព ដោយគុណភាពគឺជាកត្តាអទិភាពមួយដែលគ្រប់ភាគីពាក់ព័ន្ធត្រូវរួមគ្នាឱ្យតម្លៃ រួមគ្នាទទួលខុសត្រូវ និងរួមគ្នាបេ្តជ្ញាចិត្តធ្វើឱ្យបានក្នុងការផលិតនូវធនធានមនុស្សប្រកបដោយសមត្ថភាព វិជ្ជាជីវៈពិតប្រាកដ៕

ក្នុងសន្និសីទសារព័ត៌មាន ស្តីពីវឌ្ឍនភាពមូលដ្ឋានឃុំ សង្កាត់ និងទិសដៅការងារបន្ត របស់រដ្ឋបាលខេត្តព្រះសីហនុ នៅថ្ងៃទី១៤ មករានេះលោក ឃាង ភារម្យ បញ្ជាក់ថា «ខ្ញុំចង់ឲ្យលោកកំណត់និយមន័យឲ្យច្បាស់ ថាតើអ្វីជាទំនាស់ដីធ្លី? ចឹងមិនមែនថាការទៅ កាន់កាប់ ទៅរុករានទន្ទ្រានយកដីរដ្ឋ ជាទំនាស់ដីធ្លីទេ។ កាលណាបើសិនជាគូភាគី ទៅទាស់គ្នាលើដីរបស់រដ្ឋ អាចជាដីព្រៃ ដីអភិរក្ស និងដីផ្សេងៗនោះ គឺគូភាគីទាំងពីរនោះខុសច្បាប់  ដូចគ្នា រដ្ឋអំណាចរបស់យើង នឹងដកហូតយកដី ហើយក៏ត្រូវផ្ដន្ទាទោសអ្នកដែល ទៅទន្ទ្រានយកដីធ្លីរបស់រដ្ឋ» ។

លោកបន្ថែមថា កន្លងមកសំណុំរឿងទំនាស់ដីធ្លី នៅក្នុងខេត្តព្រះសីហនុ ដែលកំពុងតែស្រាវជ្រាវ និងដោះស្រាយ សម្របសម្រួលបន្តមានចំនួន ៨៨៦ករណី គិតចាប់ពីខែមករា ដល់ខែធ្នូ ឆ្នាំ២០២០។ ក្នុងនោះបានដោះស្រាយសម្របសម្រួល ដោយរដ្ឋបាលខេត្តមាន ១៥ករណី បញ្ជូនទៅស្ថាប័នពាក់ព័ន្ធចំនួន ១០៧ករណី បានឆ្លើយតបទៅម្ចាស់សំណើមានចំនួន ២១០ករណី និងធ្វើរបាយការណ៍ទៅក្រសួងពាក់ព័ន្ធមាន ៦៣ករណី សរុបទាំងអស់មាន ៣៩៥ករណី៕

លោក គួច ចំរើន អភិបាលខេត្តព្រះសីហនុ បាន មានប្រសាសន៍ផ្ដាំផ្ញើ ក្នុងឱកាសអញ្ជើញជាអធិបតីភាពក្នុងកិច្ចប្រជុំបិទផ្សាយជាសាធារណ:នូវឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណ:ជាប្រព័ន្ធស្ថិតនៅភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុកាលពីថ្ងៃទី១២ ខែមករា ឆ្នាំ២០២១ ដល់សាធារណជនដែលជាអ្នកកាន់កាប់ដី លំនៅឋានស្ថិតនៅក្នុងតំបន់ធ្វើការវិនិច្ឆ័យការចុះបញ្ជីដីធ្លីដែលមានលក្ខណៈជាប្រព័ន្ធដើម្បីអនុវត្តតាមខ្លឹមសារខាងលើ គណៈកម្មការ រដ្ឋបាល នឹង ធ្វើការ បិទផ្សាយ ជា សាធារណៈ នូវ ឯកសារ នៃ ការ វិនិច្ឆ័យ ប្លង់សុរិយោដី និងបញ្ជីឈ្មោះម្ចាស់ដី ដែលក្រុមចុះបញ្ជីដីធ្លី នៃមន្ទីររៀបចំដែន ដីនគរូបនីកម្ម សំណង់ និងសុរិយោដីខេត្ត បានធ្វើការវាស់វែង និងប្រមូលទិន្នន័យកន្លងមក។

លោកអភិបាលខេត្ដបានបន្តទៀតថាការចុះបញ្ជីដីធ្លី គឺជាសកម្មភាពពិត នៃការផ្ដល់សុវត្ថិភាពដីធ្លី និង ការបង្កេីនមូលធន ជូនកម្មសិទ្ធិករ។
លោកអភិបាលខេត្ត ក៏បានអំពាវនាវដល់សាធារណជន និងអង្គភាពនានា ដែល ពាក់ព័ន្ធដីធ្លី ក្នុងតំបន់ វិនិច្ឆ័យ ខាងលើឱ្យ ចូល រួមពិនិត្យ លើទិន្នន័យដែលមាននៅក្នុងឯកសារនៃការវិនិច្ឆ័យ ដើម្បីបញ្ជាក់នៃភាពត្រឹមត្រូវ ឬខុសឆ្គង ដែលត្រូវកែតម្រូវ ឬជំទាស់ លើទិន្នន័យទាំងនោះ ក្នុង រយៈពេល ១៥ថ្ងៃ ដោយ គិតចាប់ពីថ្ងៃទី១២ ដល់ថ្ងៃទី ២៦ ខែមករា ឆ្នាំ២០២១ ជាកំហិត នៅក្នុងបរិវេណវត្ត ឧត្តម មុនី វង្ស ហើយដល់ថ្ងៃផុតកំណត់ គណៈកម្មការ រដ្ឋបាល សន្មត ថា ទិន្នន័យ ដែលបានបិទផ្សាយជូន ពិនិត្យ ជា សាធារណៈ នេះមាន ភាពត្រឹមត្រូវហើយ មិន អាច ជំទាស់ ឬតវ៉ានៅពេលក្រោយទៀតបានទៀតទេ។

ក្នុងឱកាសនោះលោក ចេង ស្រុង ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុ ក៏បាន សំណូមពរដល់ ម្ចាស់ក្បាលដីមួយចំនួនដែល នៅជាប់ផ្លូវ រឺត្រូវបើកផ្លូវ ឱ្យចូលរួមសហការជាមួយមន្ត្រីជំនាញសុរិយោដី ដោយធ្វើ សប្បទាន រឺ បរិច្ចាគ ដី ផ្នែក ខ្លះ សម្រាប់ ទុក ធ្វើ ផ្លូវ លូ បណ្ដាញ ផ្លូវ រំដោះ ទឹក ដើម្បី បម្រើ ជា ប្រយោជន៍ រួម របស់ សាធារណៈ ហើយជាលទ្ធផលក្នុងថ្ងៃនេះនិងប្រជាពលរដ្ឋជាម្ចាស់ដីនិងអ្នកកាន់កាប់ដីទទួលបាននូវសារៈប្រយោជន៍ដូចជា៖ រដ្ឋគ្រប់គ្រងដីធ្លីទាំងដីរដ្ឋ និងដីឯកជន ដែលធ្វើឲ្យរដ្ឋមានការងាយស្រួលក្នុងការងាររៀបចំដែនដីការបែងចែកដី ការលើកស្ទួយកម្រិតជីវភាព រស់នៅរបស់ប្រជាពលរដ្ឋនិងការកាត់បន្ថយទំនាស់ព្រមទាំងធានាសុវត្ថិភាពក្នុងការកាន់កាប់ដីធ្លីរបស់ប្រជាពលរដ្ឋ ហើយអាចប្រើប្រាស់ប័ណ្ណកម្មសិទ្ធិដីដើម្បីផលប្រយោជន៍ផ្សេងៗ ក្នុងការប្រកបមុខរបរ ឬអាជីវកម្មរបស់ខ្លួនទទួលបាននូវសិទ្ធិស្របច្បាប់ ក្លាយជាម្ចាស់ដីពិតប្រាកដ ដែលត្រូវបានការពារដោយច្បាប់ និងធានាដោយរដ្ឋ ដែលអាចធ្វើការបង្កបង្កើនផល ឬប្រកបមុខរបរផ្សេងៗទៀត លើដីធ្លីរបស់ខ្លួនដោយគ្មានការព្រួយបារម្ភ៕