ក្នុងឱកាសចុះមកពិនិត្យទិដ្ឋភាពជាក់ស្តែងនៃការកាប់ ឈូសឆាយ និងដុតបំផ្លាញ ដើម្បីទន្ទ្រានយកដីកាន់កាប់ ជាកម្មសិទ្ធិផ្ទាល់ខ្លួនលើដីចម្ការស្រល់សម្បទានសេដ្ឋកិច្ចខុសច្បាប់ពី សំណាក់ជនអនាធិបតេយ្យ ស្ថិតក្នុងភូមិសាស្រ្ត ឃុំសែនមនោរម្យ ស្រុកអូររាំង កាលពីពេលថ្មីៗនេះ លោក វេង សាខុន បញ្ជាក់ថា «ភាគីពាក់ព័ន្ធសហការ ជាមួយអាជ្ញាធរខេត្ត តុលាកា និងកងកំលាំងមានសមត្ថកិច្ច ចាត់កំលាំងចុះមកដក និងបំផ្លាញបង្គោលព្រំដីទាំងអស់ ព្រមទាំងប្រមូលវត្ថុតាង កសាងសំណុំរឿងទៅតុលាកា»។

លោករដ្ឋមន្ត្រីបន្ដថា ត្រូវរៀបចំសាងសង់ស្នាក់ការ ឬជាប៉ុស្តិត្រួតពិនិត្យ និងលើប៉ាណូជាផែនទីបញ្ជាក់ ជាដីកម្មសិទ្ធិរបស់រដ្ឋ ស្ថិតក្រោមការគ្រប់គ្រងរបស់រដ្ឋបាលព្រៃឈើ។

លោក វេង សាខុន បន្ថែមថា រៀបចំផែនការអភិវឌ្ឍតំបន់នេះឲ្យក្លាយជាតំបន់រុក្ខទេសចរណ៍ ស្ថានីយបង្កាត់ ពូជផ្កាព្រៃ និងរុក្ខជាតិលម្អ និងឱសថ ធ្វើយ៉ាងណាប្រើប្រាស់ព្រៃចម្លារស្រល់ឲ្យសក្តានុពល ដើម្បីទាញយក ប្រយោជន៍សម្រាប់ប្រជាពលរដ្ឋ និងសង្គមជាតិនាពេលអនាគត៕