យោងតាមសេចក្តីប្រកាសព័ត៌មាន របស់ស្ថានទូតកម្ពុជាប្រចាំអាមេរិក នៅថ្ងៃទី១៨ មីនា បានឲ្យដឹងថា «ស្ថានទូតសូមអំពាវនាវដល់បងប្អូនទាំងអស់ ប្រកាន់យកការប្រុងប្រយ័ត្នខ្ពស់បំផុត ចំពោះករណីអំពើហិង្សាខាងលើ ហើយក្នុងករណីទទួលរង ឬមើលឃើញហេតុការណ៍ ហិង្សាណាមួយកើតឡើង សូមរាយការណ៍អំពីករណីនោះទៅប៉ូលិស ឬអាជ្ញាធរមូលដ្ឋាន»។

ក្នុងករណីត្រូវការអន្តរាគមន៍ របស់ស្ថានទូត សូមទាក់ទងតាមរយៈទូរស័ព្ទលេខ ២០២ ៧២៦ ៧៧៤២ ឬ ២០២ ៩៩៧ ៧០៣១ ឬអ៊ីម៉ែល consular.camemb.usa.gmail.com ស្ថានទូតនឹងខិតខំរួមចំណែក ដោះស្រាយតាមគ្រប់លទ្ធភាព៕

យោងតាមសេចក្ដីជូនដំណឹង របស់ទូតកម្ពុជា ប្រចាំម៉ាឡេស៊ី នៅថ្ងៃទី៣ កុម្ភៈនេះ បានឲ្យដឹងថា គិតត្រឹមថ្ងៃទី២ ខែកុម្ភៈ ឆ្នាំ២០២១ តួលេខអ្នកឆ្លងជំងឺកូវីដ-១៩ នៅប្រទេសម៉ាឡេស៊ី សរុបមានចំនួន ២២២,៦២៨នាក់        ក្នុងនោះជាសះស្បើយចំនួន ១៧៣,៩៩០នាក់ កំពុងសម្រាកព្យាបាលនៅមន្ទីពេទ្យ ចំនួន ៤៧,៨៤៧នាក់          និងស្លាប់ចំនួន ៧៩១។

ជាថ្មីម្តងទៀត ដើម្បីសុវត្ថិភាព និងសុខភាព ស្ថានឯកអគ្គរាជទូត បានអំពាវនាវដល់បង ប្អូនប្រជាពលរដ្ឋកម្ពុជាទាំងអស់ ត្រូវថែរក្សាអនាម័យផ្ទាល់ខ្លួនឱ្យបានខ្ជាប់ខ្លួន ដោយត្រូវលាងដៃ នឹងសាប៊ូ ឬទឹកអាល់កុលអនាម័យឱ្យបានញឹកញាប់ ប្រសិនជាចាំបាច់ត្រូវចេញទៅទីសាធារណៈ ឬទីកន្លែងប្រជុំជន សូមបងប្អូនត្រូវពាក់ម៉ាស់ការពារជានិច្ច និងត្រូវរក្សាគម្លាតសុវត្ថិភាពយ៉ាងតិច ១ម៉ែត្រ និងមិនត្រូវធ្វើដំណើរទៅកាន់ ទីកន្លែងដែលអាជ្ញាធរម៉ាឡេស៊ី បានហាមឃាត់ដាច់ខាត៕