សូមបញ្ជាក់ថា ការឧបត្ថម្ភសម្ភារការិយាល័យ និងគ្រឿងអេឡិចត្រូនិចទៅដល់សាលាពលទាហានយោធភូមិភាគទី៣ និងសាលាពលទាហានយោធភូមិភាគពិសេស នៅពេលនេះ គឺដូចគ្នាទៅនិងការឧបត្ថម្ភទៅកាន់សាលាពលទាហានយោធភូមិភាគទី១,ទី២,ទី៤ និងទី៥កន្លងទៅដែរ ដោយក្នុងមួយអង្គភាពទទួលបាន កុំព្យូទ័រយួដៃ ចំនួន៦គ្រឿង កុំព្យូទ័រលើតុ ចំនួន ១៤គ្រឿង ម៉ាស៊ីនព្រីនធ័រ ចំនួន ១៣គ្រឿង ម៉ាស៊ីនកូពីខ្នាតធំ ចំនួន១គ្រឿង ម៉ាស៊ីនស្លាយ ចំនួន៦គ្រឿង ក្តារខៀនចល័ត ចំនួន ១៨ផ្ទាំង តុការិយាល័យ ចំនួន ១១ តុដាក់កុំព្យូទ័រ ចំនួន ១៤ និងទូរដាក់ឯកសារ ចំនួន៣។

ពិធីប្រគល់-ទទួល ត្រូវបានប្រារព្ធធ្វើ ដែលមានការអញ្ជើញចូលរួមពីតំណាងសាលាពលទាហានយោធភូមិភាគទី៣ និងតំណាងសាលាពលទាហានយោធភូមិភាគពិសេស និងវរសេនីយ៍ត្រី ហេង ភក្តី ក្រុមការងារជំនួយការ មេបញ្ជាការកងទ័ពជើងគោក ព្រមទាំងនាយទាហានមួយចំនួនទៀតផងដែរ៕