ឯកឧត្តម អ៊ុយ សុធាវី៖ ការដាក់ដំណើរការសាខាធនាគារអភិវឌ្ឍន៍ជនបទនិងកសិកម្ម បង្ហាញពីភាពរីកចម្រើននៃវិស័យហិរញ្ញវត្ថុនិងធនាគារ ក្នុងខេត្តបាត់ដំបង

មករា — Wed, 08 Mar 2023 04:25:54 +0000

បាត់ដំបង៖ ឯកឧត្តម អ៊ុយ សុធាវី អភិបាលរងខេត្ត និងជាតំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបងបានលើកឡើងថា ការដាក់ឲ្យដំណើរការនូវសាខាធនាគារអភិវឌ្ឍន៍ជនបទនិងកសិកម្មនៅថ្ងៃនេះ បានបង្ហាញពីភាពរីកចម្រើននៃវិស័យហិរញ្ញវត្ថុនិងធនាគារ ក្នុងខេត្តបាត់ដំបងដែលបាននិងកំពុងប្រតិបត្តិការយ៉ាងច្រើនដើម្បីពង្រីកនូវទំហំ និងវិសាលភាពកិច្ចប្រតិបត្តិការធនាគាររបស់ខ្លួនតាមរយៈការបើកសាខានិងដាក់ឲ្យដំណើរការដើម្បីបម្រើដល់អតិថិជនទូទៅ។

ឯកឧត្តម អ៊ុយ សុធាវី បន្តថា ក្នុងន័យនេះការបើកឲ្យដំណើរការជាផ្លូវការធនាគារអភិវឌ្ឍន៍ជនបទនិងកសិកម្មARDBសាខាខេត្តបាត់ដំបងនាពេលនេះ គឺពិតជាបានរួមចំណែកក្នុងការអភិវឌ្ឍន៍សេដ្ឋកិច្ចសង្គមនិងផ្តល់សេវាធនាគារកាន់តែមានភាពងាយស្រួលបន្ថែមទៀតជូនដលអតិថិជនទូទៅក្នុងខេត្ត។

ឯកឧត្តមបន្ថែមថា ជាពិសេស បងប្អូនប្រជាកសិករ ក្នុងសហគមន៍កសិកម្ម ម្ចាស់រោងម៉ាស៊ីនកិនស្រូវ និង ម្ចាស់សហគ្រាសនានាផ្សេងទៀតដែលកំពុងតែប្រកបផលរបរ នៅក្នុងវិស័យកសិកម្ម និងកសិ-ឧស្សាហកម្មនៅក្នុងខេត្តនេះនិងទទួលបានអត្ថប្រយោជន៍ជាច្រើន៕

ធនាគារអភិវឌ្ឍន៍ជនបទ – Champey News