សន្និសីទស្តីពី វេទិកាសន្តិសុខសាធារណៈសកល ឆ្នាំ២០២៣ ឬហៅថាវេទិកា “លានអ៉ីនកាង” នឹងរៀបចំធ្វើឡើងនៅខេត្តជាំងស៊ូ នៃសាធារណរដ្ឋប្រជាមានិតចិន ចាប់ពីថ្ងៃទី១៩-២១ ខែកញ្ញា ឆ្នាំ២០២៣ ដែលនឹងពិភាក្សាសំខាន់លើខ្លឹមសារ One World, Common Security ឆ្លុះបញ្ចាំងអំពីតថភាពបច្ចុប្បន្ន នៃចក្ខុវិស័យវែងឆ្ងាយ ស្តីពីភាពចាំបាច់នៃកិច្ចសហប្រតិបត្តិការទូលំទូលាយប្រកបដោយចីរភាព ដែលផ្តោតសំខាន់លើទស្សនៈថែរក្សាសន្តិសុខសកល។

តាមកម្មវិធីដែលបានគ្រោងទុក នាឱកាសនោះនាយឧត្តមសេនីយ៍ ប៉ោ ភក្តិ រដ្ឋលេខាធិការក្រសួងមហាផ្ទៃ នឹងថ្លែងសុន្ទរកថា គាំទ្រ និងមានចំណាប់អារម្មណ៍លើកឡើងអំពីការវិវត្តន៍ នៃស្ថានភាពសន្តិសុខក្នុងតំបន់ និងសកល ក៏ដូចជាកិច្ចការពង្រឹងកិច្ចសហប្រតិបត្តិច្បាប់ ក្នុងវេទិកាសន្តិសុខសាធារណៈសកលនោះផងដែរ៕