សម្ដេចតេជោ ហ៊ុន សែន បានមានប្រសាសន៍ ក្នុងពិធីសម្ពោធសមិទ្ធផលថ្មី របស់ក្រសួងសាធារណការ និងដឹកជញ្ជូន នាព្រឹកថ្ងៃទី២២ មករានេះ ថា នៅទីក្រុងភ្នំពេញកាលពីមុន សុទ្ធតែបឹងទាំងអស់ សូម្បីតែផ្ទះរបស់សម្ដេច និងវិមានឯករាជ ក៏សាងសង់លើព្រែកដែរ។

សម្ដេចតេជោបញ្ជាក់ថា «យើងមានបឹងរាំង បឹងព្រលឹត បឹងកេងកង យើងមានបឹងនេះ បឹងនោះ សុទ្ធតែបឹងទាំងអស់ នៅទីក្រុងភ្នំពេញ ចុះពេលនោះម៉េចគេលុបបាន ឥឡូវម៉េចក៏ខ្ញុំលុបមិនបាន ក្រែងត្រូវកាអភិវឌ្ឍន៍ បើត្រូវការអភិវឌ្ឍន៍ វាត្រូវការលុប ម៉េចជំនាន់មុនធ្វើបាន ជំនាន់ខ្ញុំធ្វើមិនបាន»។

សម្ដេចតេជោនាយករដ្ឋមន្ត្រី សង្កត់ធ្ងន់ថា «ខ្ញុំសុំបញ្ចាក់ថា និយាយពីបឹងតាមោកមួយ ខ្ញុំស្ដាយនោះស្ដាយ ស្ដាយត្រង់ខ្ញុំចុះហត្ថលេខា លើអនុក្រឹត្យមួយខុស ម៉េចបានថាខុស ឲ្យមកធ្វើអនុក្រឹត្យឲ្យឯងចុះហត្ថលេខា ទឹកឡើងដល់ណាព្រំដែនដល់នោះ អាហ្នឹងកាលពីមុនអត់មានអនុក្រឹត្យ ដល់ពេលឲ្យទៅធ្វអនុក្រឹត្យ យកតាមគំរូ លី គឹមហាន ។ ប្រជាពលរដ្ឋបានសួរថា តើព្រំដែនឡូនេសាទនៅដល់ណា បងលី គឹមហាន គាត់ឆ្លើយថា ទឹកឡើងដល់ណា គឺឡូនេសាទដល់ទីនោះ ដល់ចឹងទេខ្ញុំ ចង់ឲ្យកំណត់តំបន់ដែលត្រូវការពារ ស្រាប់តែមកព្រះអើយ ទៅមើលក្នុងអនុក្រឹត្យ សុទ្ធតែស្រែប្រាំងរបស់ប្រជាជន ខ្ញុំនឹងកាត់បន្តទៀតប្រាប់ឲ្យហើយ ព្រោះសុទ្ធតែស្រែប្រាំងប្រជាជន បើមិនកាត់ឲ្យប្រជាជន»។

សម្ដេចបន្តថា ដីប្រជាជនកំពុងតែធ្វើស្រែប្រាំង យកដាក់ក្នុងអនុក្រឹត្យ ឲ្យទៅជាដីរដ្ឋដែរ ខណៈដែលខែប្រាំងគោកទឹកអស់ ថាជាបឹងដែរ ។ សម្ដេចបញ្ជាក់ខ្លីថា «ខ្ញុំស្ដាយណាស់ ប៉ុន្តែអនុក្រឹត្យនេះទុកឲ្យខ្ញុំចាត់ចែង»។

សម្ដេចបន្ថែមថា អភិវឌ្ឍកាន់តែច្រើន ទីក្រុងប្រទេសយើងក៏កាន់តែរីកធំ កន្លែងធ្វើការក៏កាន់តែច្រើន។ សម្ដេចក៏បានឲ្យអគ្គបញ្ជាការកងទ័ព និងមន្ទីរពេទ្យពីរកន្លែង (ក្នុងនោះមានពេទ្យកាល់ម៉ែត) ពង្រីកមកខាងបឹងតាមោក ហើយការពង្រីកនេះគ្មានពាក់ព័ន្ធ ជាមួយកាស្តុកទឹកនោះទេ៕

ក្នុងន័យនេះ រាជរដ្ឋាភិបាលកម្ពុជា បានសម្រេចកាត់យកដីបឹងតាមោកចំនួន ២០ហិកតា ពីលោក លន់ ហាក់ និងអ្នកស្រី ឈុន ចាន់ធី ត្រឡប់មកទុកជាសម្បត្តិរដ្ឋវិញ។
សូមរំលឹកថា កាលពីថ្ងៃទី៥ ខែមករា ឆ្នាំ២០២១ រាជរដ្ឋាភិបាល ក៏បានសម្រេចកាត់យកដីបឹងតាមោកប្រមាណ ៣០ហិកតាមករក្សាទុកវិញផងដែរ៕

យោងតាមលិខិតរបស់ ទីស្ដីការគណៈរដ្ឋមន្ដ្រី ចេញផ្សាយនាពេលថ្មីៗនេះ បានឲ្យដឹងថា «និរាករណ៍លិខិតចុះថ្ងៃទី១ ខែកញ្ញា ឆ្នាំ២០២០ របស់ទីស្ដីការគណៈរដ្ឋមន្ដ្រី ស្ដីពី សំណើរសុំគោលការណ៍អនុញ្ញាតកាត់ផ្ទៃបឹងតាមោក (បឹងកប់ស្រូវ) ទំហំ១៥ហិកតា ស្ថិតនៅខណ្ឌព្រែកព្នៅ រាជធានីភ្នំពេញ សម្រាប់សាងសង់អគារទីស្ដីក្រសួងអភិវឌ្ឍន៍ជន បទ និងនិរាករណ៍អនុក្រឹត្យ ចុះថ្ងៃទី១ ខែកញ្ញា ឆ្នាំ២០២០ ស្ដីការកែសម្រួលផ្ទៃបឹងតាមោក (បឹងបក់ស្រូវ) ស្ថិតក្នុងរាជធានីភ្នំពេញ»។
ជាមួយ គ្នា នោះ រាជរដ្ឋាភិបាល ក៏បាន និរាករណ៍ សជណមួយចំនួនទៀតព្រមទាំងដោះដូរអគារទីស្ដីការក្រសួងមួយចំនួនផងដែរ៕