បេក្ខជនបានគោរពតាមការណែនាំរបស់គណៈមេប្រយោគ និងបទប្បញ្ញត្តិរបស់ក្រសួងអប់រំ  យុវជន និងកីឡា​ ដោយពុំបាននាំចូលនូវសំណៅឯកសារ ឧបករណ៍អេឡិចត្រូនិក និងសម្ភារៈហាមឃាត់ផ្សេងៗឡើយ។

ក្រសួងអប់រំ យុវជន និងកីឡា សូមអំពាវនាវដល់បេក្ខជនទាំងអស់ ត្រូវគោរពបទប្បញ្ញត្តិនៃការប្រឡងឱ្យបានល្អប្រសើរ ជាពិសេសមិនត្រូវលាក់ទុកជាប់នឹងខ្លួននូវឧបករណ៍អេឡិចត្រូនិកគ្រប់ប្រភេទចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។ ករណីរកឃើញថាបានប្រព្រឹត្តផ្ទុយនឹងបទប្បញ្ញត្តិ និងកម្រិតវិន័យ បេក្ខជននឹងត្រូវបានកំណត់ឱ្យធ្លាក់ដោយស្វ័យប្រវត្តិ៕

នេះគឺជា​ការបញ្ជាក់​ពី​លោក នួន ផា​រ័ត្ន អភិបាលរង​រាជធានី​ភ្នំពេញ ​ក្នុង​កិច្ចប្រជុំ​មួយ​នៅ​សាលា​រាជធានី​ភ្នំពេញ​នា​ថ្ងៃទី​២៤ ខែធ្នូ ឆ្នាំ​២០២១ ដើម្បី​ត្រៀមលក្ខណៈ​ក្នុងការ​ប្រឡង​បាក់​ឌុប ដែល​នឹង​ប្រព្រឹត្តទៅ​នៅ​ថ្ងៃទី​២៧ និង​២៨ ធ្នូ​ខាងមុខនេះ​។​

លោក​នួន ផា​រ័ត្ន បាន​​លើកឡើងថា សម្រាប់​ការប្រឡង​បាក់​ឌុប​ឆ្នាំនេះ​គឺ​អនុវត្ត មិន​ខុសពី​ឆ្នាំមុន​នោះទេ​​ប៉ុន្តែ​អ្វីដែល​ខុសប្លែក​គឺ​ដោយសារ​ឆ្នាំនេះ​មាន​ការរីក​រាលដាល​ជម្ងឺ​កូ​វីដ​-១៩ ការប្រឡង​គឺ​ស្ថិតនៅ ក្នុង​កិច្ចការពារ​ខ្លួន​ពី​ជំងឺ​កូ​វីដ​-១៩ បន្ថែម​ពីលើ​នេះ លោក​ក៏បាន​ជំរុញ​ឲ្យ កងកម្លាំង​ប៉ូលិស​, កងរាជអាវុធហត្ថ និង​អាជ្ញាធរ​ខណ្ឌ​ទាំងអស់​ត្រូវ​រៀបចំ​​សណ្ដាប់ធ្នាប់​ទាំង​ក្នុង និង​ក្រៅ​បរិវេណ​សាលារៀន​ឲ្យ​បានល្អ​ប្រសើរ ជៀសវាង​ឲ្យ​បាន​នូវ​ការកកស្ទះ​ចរាចរណ៍ ។

លោក​ក៏បាន​ជំរុញ​ឲ្យ​អាជ្ញាធរ សហការ​ជាមួយ​មន្ទីរអប់រំ​យុវជន និង​កីឡា ដើម្បី​ធានា​សុវត្ថិភាព​នៃ​ការប្រឡង​នេះ​ទទួលបាន​នូវ​ភាពជោគជ័យ​ បន្ថែម​ពីនេះ​ត្រូវបង្កើត​ឲ្យ​មាន​គណៈកម្មការ​ទីបញ្ជាការ​ស្រាល​មួយ ដើម្បី​ទទួល​ព័ត៌មាន​ក៏ដូចជា​ធ្វើ​អន្តរាគមន៍ ទៅលើ​អ្វី​ផ្សេងៗ​ដែល​កើតមាន និង​ធ្វើ​ការហាម​ដាច់ខាត​ចំពោះ​ការបើក​អាជីវកម្ម​នៅក្បែរ​សាលា​ពាក់ព័ន្ធ​នឹង​ការថត​ចម្លង​ឯកសារ​នានា​។​

សូមរំលឹកថា សម្រាប់​ការប្រឡង​បាក់​ឌុប​ឆ្នាំនេះ នឹង​ចាប់ផ្ដើម​ប្រឡង​នៅ​ថ្ងៃ​ចន្ទ ទី​២៧ និង​២៨ ធ្នូ ឆ្នាំ​២០២១ នៅ​មណ្ឌល​ប្រលង​ចំនួន ២៨ មណ្ឌល មាន​៨៤០​បន្ទប់ និង​មាន​បេក្ខជន​ប្រលង​ចំនួន​២០៧.២៥៤​នាក់៕

តាមរយៈសេចក្តីប្រកាសព័ត៌មាន របស់ក្រសួងអប់រំ នាថ្ងៃ២០ធ្នូនេះបានឲ្យដឹងថា សម្រាប់គណៈ មេប្រយោគ និងគណៈកម្មការនានា ចំនួន ៣១ ៤៣២នាក់ ។ ចំពោះការបិទបញ្ជីឈ្មោះ បេក្ខជនប្រឡងធ្វើឡើង ២ដង ។ លើកទី១នាថ្ងៃ២០ ធ្នូនេះ តែម្តង និងលើកទី២ នាថ្ងៃ២៦ ធ្នូ ។ បេក្ខជនទាំងអស់ត្រូវមកវាស់កំដៅ ពិនិត្យសុខភាព និងទទួលយកស្ទីកឃ័រកម្តៅ ធម្មតានៅមុនថ្ងៃប្រឡងមួយថ្ងៃ ។ ចំពោះបេក្ខជនប៉ះពាល់ ជាមួយអ្នកវិជ្ជមានកូវីដ នឹងស្ថិតកក្នុងអំឡុងពេលធ្វើចត្តាឡីស័ក ត្រូវធ្វើស្វ័យប្រកាសយ៉ាងតិច មួយថ្ងៃមុនដំណើរការសំណេរ ។

ជាមួយគ្នានោះក្រសួងក៏បានពង្រឹង កិច្ចសហការជាមួយក្រសួង-ស្ថាប័នចំនួន៧ រួមមាន៖ ក្រសួងមហាផ្ទៃ ក្រសួងសុខាភិបាល កងរាជអាវុធលើផ្ទៃប្រទេស អង្គភាពប្រឆាំងអំពើពុករលួយ សហព័ន្ធសហភាពយុវជនកម្ពុជា អគ្គិសនីកម្ពុជា និងក្រុមគ្រូពេទ្យស្ម័គ្រចិត្ត យុវជនសម្តេចតេជោ៕

លោកថា ការកំណត់យកថ្ងៃទី២៧ ខែធ្នូនេះ គឺបានរំកិល ពេល២១ថ្ងៃ ពីកាលបរិច្ឆេទចាស់ដែល កំណត់យកថ្ងៃទី៦ ធ្នូ។

ថ្លែងក្នុងពិធីបិទយុទ្ធនាការចាក់វ៉ាក់សាំងបង្ការ ជំងឺកូវីដ-១៩ ជុំទី១ សម្រាប់ក្រុមអាយុចាប់ពី ៦ឆ្នាំឡើង ក្នុងក្របខណ្ឌទូទាំងប្រទេស និង ប្រកាសបើកយុទ្ធនាការចាក់វ៉ាក់សាំងបង្ការ ជំងឺកូវីដ-១៩ ជូនកុមារអាយុ៥ឆ្នាំ កាលពីពេលថ្មីៗនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថានឹងមិនលុប ការប្រឡងបាក់ឌុបក្នុងឆ្នាំនេះដូចឆ្នាំ២០២០ នោះទេ ដោយជំរុញដល់សិស្សដែលរៀនទី១២ ប្រឹងរៀនសូត្រដើម្បីទទួលបានលទ្ធផលល្អក្នុងការ ប្រឡង៕

ក្នុងឱកាសថ្លែងសារពិសេស ជូនជនរួមជាតិពាក់ព័ន្ធ នឹងស្ថានភាពជំងឺកូវីដ-១៩ និងការទិញវ៉ាក់សាំងជំងឺកូវីដ-១៩ នាព្រឹកថ្ងៃទី១៥ ធ្នូនេះ សម្ដេចតេជោ ហ៊ុន សែន បានមានប្រសាសន៍ថា «ខ្ញុំមិនឱ្យរៀបចំការ ប្រឡងបាក់ឌុបនៅថ្ងៃទី១១ ខែមករា ឆ្នាំ២០២១ទេ ។ ខ្ញុំថាឆ្នាំសិក្សា ២០១៩-២០២០ បាក់ឌុបឲ្យជាប់ទាំងអស់ អាហ្នឹងឆាប់ចប់ ហើយក្មេងៗប្រឹងរៀន ដោយចាប់ផ្តើមចុះឈ្មោះចូលរៀន នៅ មហាវិទ្យាល័យណាដែលខ្លួនស្រឡាញ់»។

សូមរំលឹកថា បេក្ខជនដែលបានដាក់ពាក្យប្រឡង សញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២០នេះ មានចំនួនជាង ១២ម៉ឺននាក់៕

យោងតាមលិខិតរបស់រដ្ឋមន្ត្រីក្រសួងអប់រំ យុវជន និងកីឡា ផ្ញើជូនប្រធានក្រុមប្រឹក្សាភិបាល នៃសមាគមគ្រឹះស្ថានឧត្តមសិក្សាកម្ពុជា នៅថ្ងៃទី១០ ខែធ្នូ ឆ្នាំ២០២០ នេះថា បន្ទាប់ពីទទួលបានគោលការណ៍ អនុញ្ញាតដ៏ខ្ពង់ខ្ពស់ពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រសួងអប់រំ យុវជន និងកីឡានឹងរៀបចំការប្រឡងសញ្ញាបត្រមធ្យមសិក្សាទុតិយភូមិ សម្រាប់ឆ្នាំសិក្សា ២០១៩-២០២០ នៅតាមគ្រឹះស្ថានមធ្យមសិក្សា (ទុតិយភូមិ) តាមលំនាំនៃការប្រឡងសញ្ញាបត្រមធ្យមសិក្សាបឋមភូមិ។ ក្រសួងនឹង ប្រគល់សិទ្ធិអំណាច និងការទទួលខុសត្រូវទាំងស្រុងទៅដល់មន្ទីរអប់រំ យុវជន និងកីឡារាជធានី ខេត្ត និងគណៈគ្រប់គ្រងនៃគ្រឹះស្ថានមធ្យមសិក្សាទាំងក្នុងដំណាក់កាលរៀបចំដំណាក់កាលសំណេរដំណាក់កាលកំណែ ដំណាក់កាលបូកស្រង់ និងការប្រកាសលទ្ធផល។

ក្រសួងអប់រំ យុវជន និងកីឡានឹងទទួលស្គាល់លទ្ធផលនៃការប្រឡងតាម គ្រឹះស្ថានមធ្យមសិក្សា ដើម្បីជាមូលដ្ឋានសម្រាប់ការចេញសញ្ញាបត្រមធ្យមសិក្សាទុតិយភូមិ។

ក្រសួងសម្រេចកំណត់ សម័យប្រឡង ៖ ១១ មករា ២០២១ ជាកាលបរិច្ឆេទនៃការប្រឡងសញ្ញាបត្រមធ្យម សិក្សាទុតិយភូមិ ឆ្នាំសិក្សា ២០១៩-២០២០។ ក្រសួងនឹងចេញសេចក្តីណែនាំលម្អិតស្តីពីការរៀបចំ និងការប្រព្រឹត្តទៅ នៃការប្រឡងសញ្ញាបត្រមធ្យមសិក្សាទុតិយភូមិ ក្នុងពេលឆាប់ៗនេះ។

ក្នុងន័យនេះ ក្រសួងស្នើសុំឱ្យសមាគមគ្រឹះស្ថានឧត្តមសិក្សាកម្ពុជា មេត្តាសម្របសម្រួលផ្ទៃក្នុង និងផ្តល់ ព័ត៌មានត្រឡប់អំពី គ្រឹះស្ថានសិក្សាឯកជនដែលមិនមានលទ្ធភាពរៀបចំការប្រឡងដោយខ្លួនឯងមកក្រសួងវិញត្រឹមថ្ងៃទី ១៥ ខែ ធ្នូ ឆ្នាំ ២០២០ ដើម្បីធ្វើការពិនិត្យនិងសម្រេច៕