ជាលទ្ធផល មន្ត្រីជំនាញបានរកឃើញទំនិញហួសកាលបរិច្ឆេទ ការប្រើប្រាស់មានដូចជា៖ នំក្មេង ភេសជ្ជៈ និងចាហួយក្មេងសរុបចំនួន ១០០.២គីឡូក្រាម។ បន្ទាប់មក មន្ត្រីសាខា ក.ប.ប. ខេត្តកំពង់ស្ពឺ បានធ្វើកំណត់ហេតុដកហូត ទំនិញទាំងនោះយកទៅរក្សាទុក ដើម្បីធ្វើការដុតកម្ទេចចោល។ ក្នុងឱកាសនោះ មន្ត្រីជំនាញក៏បានពន្យល់ផ្សព្វផ្សាយអប់រំណែនាំដល់អាជីវករ ឱ្យយល់ដឹងអំពីច្បាប់ស្តីពីការគ្រប់គ្រង គុណភាព សុវត្ថិភាព លើផលិតផលទំនិញនិងសេវា រួមជាគ្នានោះដែរមន្រ្តីសាខាបានចែក និងបិទផ្ទាំងរូបភាពផ្សព្វផ្សាយ (Poster) ចំនួន ១០០ផ្ទាំងផងដែរ៕