បើតាមលោក អ៊ុច សាវន អាយុ៦៧ឆ្នាំ មកពីខេត្តបាត់ដំបង បានបង្ហាញក្តីរំភើបពេលបានមកទស្សនាថ្ងៃរះនៅប្រាសាទអង្គរវត្ត ដ៏ស្កឹមស្កៃ ជាមួយនិងមនុស្សជាច្រើនពាន់នាក់ ជាពិសេសបរិស្ថានជុំវិញប្រាសាទ និងការរៀបចំសណ្តាប់ធ្នាប់មានរបៀបរៀនរយល្អដែលជាការទាក់ទាញ ក្រៅពីប្រាសាទ។

ទេសចរម្នាក់ទៀត លោក ម៉ុក សារិទ្ធិ រស់នៅខេត្តសៀមរាប ក្រោកតាំងពីព្រឹកមកទស្សនាថ្ងៃរះនៅប្រាសាទអង្គរ មានអារម្មណ៍ថាអស្ចារ្យចំពោះស្នាដៃរបស់ដូនតាខ្មែរដែលបានកសាងសំណង់ប្រាសាទដ៏អច្ឆរិយនេះ។

លោកសប្បាយចិត្តពេលមកឃើញមានភ្ញៀវជាតិ និងអន្តរជាតិមកពីទីជិតឆ្ងាយមកទស្សនាថ្ងៃរះនៅប្រាសាទអង្គរវត្ត ដែលលោករំពឹងថានឹងបន្តមានភ្ញៀវមកទស្សនាកើនឡើងបន្ថែមទៀត៕

យោតាមរយៈរបាយការណ៍មន្ទីរទេសចរណ៍ខេត្ដ បានឱ្យដឹងថា ក្នុងថ្ងៃទី៣១ ខែធ្នូ ឆ្នាំ២០២១ មានភ្ញៀវទេសចរដើរកម្សាន្ដសរុប ៣០ ៤៩៩នាក់ក្នុងនោះ ភ្ញៀវទេសចរជាតិមានចំនួន ៣០ ៣១៩នាក់ ភ្ញៀវទេសចរអន្តរជាតិ(ផ្ទៃក្នុង) ចំនួន ១៨០នាក់ និងភ្ញៀវទេសចរពេលរាត្រី ១២ ៥០០នាក់។ ហើយថ្ងៃទី០១ ខែមករា ឆ្នាំ២០២២ មានភ្ញៀវទេសចរដើរកម្សាន្ដសរុប ៧៣ ០០៩នាក់ក្នុងនោះ ភ្ញៀវទេសចរជាតិមានចំនួន ៧២ ៨៨៩នាក់ ភ្ញៀវទេសចរអន្តរជាតិ(ផ្ទៃក្នុង) ចំនួន ១២០នាក់ និងភ្ញៀវពេលរាត្រីមានចំនួន ៥០០០នាក់។ សម្រាប់ថ្ងៃទី០២ ខែមករា ឆ្នាំ២០២២ មានភ្ញៀវទេសចរដើរកម្សាន្ដសរុប ៣៦ ០២៩នាក់ក្នុងនោះ ភ្ញៀវទេសចរជាតិមានចំនួន ៣៥ ៩៩០នាក់ ភ្ញៀវទេសចរអន្តរជាតិ(ផ្ទៃក្នុង) ចំនួន ៣៩នាក់។

ចំពោះគោលដៅទេសចរណ៍ក្នុងខេត្ដបាត់ដំបងរួមមាន រមណីយដ្ឋានប្រាសាទបាណន់ រមណីយដ្ឋានភ្នំសំពៅ រមណីយដ្ឋានប្រាសាទឯកភ្នំ រមណីយដ្ឋានអាងកំពីងពួយ រមណីយដ្ឋានចំការស្វាយ រមណីយដ្ឋានស្ទឹងថ្មដាចំការធុរេន រមណីយដ្ឋានទឹកធ្លាក់ភ្នំ៥៣ ភ្នំព្រឹក រមណីយដ្ឋាននគរជុំភ្នំព្រឹក រមណីយដ្ឋានភ្នំកំពូល រមណីយដ្ឋានចំការធុរេនអូរតង រមណីយដ្ឋានវាលចម្បាំងខេមសាយ សហគមន៍អេកូទេសចរណ៍ទឹកអូរជាំ សហគមន៍អេកូទេសចរណ៍ព្រែកទាល់ មណ្ឌលកម្សាន្ដ ឡូរីជើងភ្នំបាណន់ រមណីយដ្ឋានចំការមៀន គោលដៅទេសចរណ៍វត្ដភ្នំចំបាំង មណ្ឌលកម្សាន្ដសួនទឹកសុភមង្គល ផ្ទះផ្កាBegonia សួនផ្កាភ្នំសំពៅ សួនផ្កាឈើទាល និងគោលដៅទេសចរណ៍នានាក្នុងខេត្ដបាត់ដំបងជាច្រើនទៀត។

សម្រាប់ម្ចាស់រមណីយដ្ឋានគ្រប់រូប បានចូលរួមអនុវត្ដយ៉ាងយកចិត្ដទុកដាក់តាមវិធានការសុវត្ថិភាពទេសចរណ៍ និងនីតិវិធីប្រតិបត្តិស្ដង់ដាជាអប្បមា (SOP) តាមគន្លងក្រតីភាពថ្មី តាមការណែនាំរបស់រាជរដ្ឋាភិបាល និងក្រសួងសុខាភិបាលដោយតម្រូវឱ្យបុគ្គលិកពាក់ម៉ាស់ចាំវាស់កម្ដៅភ្ញៀវ បាញ់អាល់កុលជូនភ្ញៀវ តម្រូវឱ្យភ្ញៀវស្កេន QR Codeមុននឹងចូល និងរក្សាកម្លាតជាដើម។

ចំណែកប្រជាពលរដ្ឋ និងភ្ញៀវទេសចរ មានការយល់ដឹងច្រើនចូលរួមអនុវត្ដ ការពារខ្លួនពីជំងឺកូវីដ១៩ និងមានការចូលរួមរក្សាសណ្ដាប់ធ្នាប់ សុវត្ថិភាពជូនភ្ញៀវពីសំណាក់កងកម្លាំងទាំង៣ ផងដែរ។

ចំពោះបញ្ហាប្រឈម មានបន្តិចបន្តួចព្រោះភ្ញៀវទេសរតាមគោលដៅខ្លះមានចំនួនច្រើន នាំការអនុវត្ដវិធានការសុវត្ថិភាពមិនបានគ្រប់ជ្រុងជ្រោយ និងក្រោយពីមានការបើកដំណើរការប្រទេសវិញ ប្រជាពលរដ្ឋមានការធ្វើដំណើរទៅតាមបណ្ដាខេត្ដផ្សេងៗច្រើន ខេត្ដបាត់ដំបង ពុំបានរៀបចំព្រឹត្តិការណ៍ទេសចរណ៍ (ពិធីឆ្លងឆ្នាំ ការប្រគុំតន្រ្តី ការតាំងពិព័រណ៍ …) នៅក្នុងក្រុង ឬតាមគោលដៅទេសចរណ៍ក្នុងខេត្ដ បណ្ដាលឱ្យសំហូរភ្ញៀវទេសចរមកកាន់ខេត្ដបាត់ដំបងមានការថយចុះ៕

លោករដ្ឋមន្ត្រី ថោង ខុន បានបង្ហាញអំពីគោលដៅទេសចរណ៍សំខាន់ៗ រួមមាន៖ ខេត្តព្រះសីហនុទទួលបានភ្ញៀវ ៣៧,៦៤១ នាក់, រាជធានីភ្នំពេញទទួលបានភ្ញៀវ ៣៥,២១០ នាក់, ខេត្តកំពតទទួលបានភ្ញៀវ ១៦,៥០១ នាក់, ខេត្តសៀមរាបទទួលបានភ្ញៀវ ១៥,១០០ នាក់, ខេត្តពោធិ៍សាត់ទទួលបានភ្ញៀវ ១០,៤៤៧ នាក់។

ជាការកត់សម្គាល់របស់លោក ថោង ខុន ទោះបីពុំមានថ្ងៃឈប់សម្រាកជាបុណ្យជាតិ ប៉ុន្តែចរន្តភ្ញៀវទេសចរផ្ទៃ ក្នុងនៅតែមានភាពសកម្មនៅរៀងរាល់ចុងសប្តាហ៍។

លោក បានបន្តថា រមណីយដ្ឋានទេសចរណ៍ និងគោលដៅទេសចរណ៍ទូទាំងប្រទេសបានបើកដំណើរការ ទទួលភ្ញៀវទេសចរ ខណៈដែលមូលដ្ឋានអាជីវកម្មទេសចរណ៍ដែលបានផ្អាកសកម្មភាពកន្លងមក ក៏បានរៀបចំដើម្បីទទួលភ្ញៀវទេសចរ ក៏ដូចជាត្រៀមខ្លួនទទួលភ្ញៀវទេសចរនាពេលថ្ងៃឈប់សម្រាក ព្រះរាជពិធីបុណ្យអុំទូកខាងមុខផងដែរ។

ចំពោះការទប់ស្កាត់ការរីករាលដាលជំងឺកូវីដ-១៩ រដ្ឋមន្ត្រីក្រសួងទេសចរណ៍រូបនេះបានសង្កេតឃើញថា ទាំងម្ចាស់មូលដ្ឋានអាជីវកម្ម និងភ្ញៀវទេសចរមានការយល់ដឹងកាន់តែប្រសើរ និងបានចូលរួមអនុវត្តវិធានការនានា កាន់តែសកម្ម ពិសេសវិធានការ «៣កុំ និង ៣ការពារ» ស្របពេលដែលរដ្ឋបាលរាជធានី-ខេត្ត មន្ទីរទេសចរណ៍បាន បន្តជំរុញការអនុវត្តវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមា (SOP) ឲ្យបានគ្រប់មូលដ្ឋានអាជីវកម្ម៕

យោងតាមក្រសួងទេសចរណ៍បានឲ្យដឹងថា ក្នុងចំណោមភ្ញៀវទេសចរសរុបទាំងនោះមានភ្ញៀវជាតិ ១៨៨,៤៧២ នាក់ និងភ្ញៀវបរទេសផ្ទៃក្នុង ៤,៩៤៥ នាក់។ ចំនួនភ្ញៀវទេសចរបរទេសផ្ទៃក្នុងនៅចុងសប្ដាហ៍ទី៤នៃខែតុលានេះ គឺមានការកើនឡើងគួរឱ្យកត់សម្គាល់។

ប្រភពបន្តថា រយៈពេលពេញមួយខែតុលា ឆ្នាំ២០២១ ភ្ញៀវសរុបដែលបានចេញដើរកម្សាន្តមានចំនួន ១,៤៨៣,០៩៩ នាក់ កើនឡើង ៤០៣.១៦% ពោលគឺកើនឡើងប្រមាណ៤ដង ធៀបនឹងខែកញ្ញាកន្លងមក។

គោលដៅទេសចរណ៍សំខាន់ៗក្នុងខែតុលា រួមមាន៖ ខេត្តកំពត៖ ២៣០,០៤៦ នាក់, ខេត្តព្រះសីហនុ៖ ១៩៨,៩៦៥ នាក់, ខេត្តកែប៖ ១៤៨,២១៣ នាក់, រាជធានីភ្នំពេញ៖ ១២២,៣១៥ នាក់, ខេត្តពោធិ៍សាត់៖ ១០៨,១៤០ នាក់, ខេត្តសៀមរាប៖ ៨៣,៣៩៤ នាក់, ខេត្តបាត់ដំបង៖ ៧៤,៣៧១ នាក់, ខេត្តកំពង់ចាម៖ ៧២,១២៩ នាក់៕

ក្រសួងទេសចរណ៍បានបញ្ជាក់ឲ្យដឹងថា គោលដៅទេសចរណ៍សំខាន់ៗ រួមមាន៖ ខេត្តព្រះសីហនុ ២៨,៧២៨នាក់, រាជធានីភ្នំពេញ ២៥,៦៩៨នាក់, ខេត្តកំពត ១៨,៤៣៧នាក់, ខេត្តកំពង់ស្ពឺ ៨,៥៥៥នាក់, ខេត្តសៀមរាប ៧,៦៨៧នាក់, ខេត្តពោធិ៍សាត់ ៧,៤៥៩នាក់, ខេត្តកែប ៧,១៣៦នាក់។

បើទោះបីថ្ងៃឈប់សម្រាករយៈពេលយូរនៃពិធិបុណ្យភ្ជុំបិណ្ឌបានកន្លងផុត ចរន្តភ្ញៀវទេសចរផ្ទៃក្នុងទៅកាន់ គោលដៅទេសចរណ៍នានានៅតែមានសកម្មភាពគួរកត់សម្គាល់ ទោះបីមានការថមថយចំនួនខ្លះក៏ដោយ។ ជាក់ស្តែង តួលេខចុងសប្តាហ៍ (៣ថ្ងៃ) ខាងលើ មានការថយចុះប្រមាណ ៤៣.៤៦% ធៀបនឹងចុងសប្តាហ៍កន្លងមកក្រោយ ពិធីបុណ្យភ្ជុំ ប៉ុន្តែបើធៀបនឹងចុងសប្តាហ៍មុនពិធីបុណ្យភ្ជុំ គឺមានការកើនឡើងប្រមាណ ១៨.២១%។

មន្ទីរទេសចរណ៍រាជធានី-ខេត្ត នៅតែបន្តខិតខំផ្សព្វផ្សាយ និងចុះវាយតម្លៃមូលដ្ឋានអាជីវកម្មស្របតាមវិធាន សុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមា (SOP) សម្រាប់សេវានានាដែលក្រសួងទេសចរណ៍ បានដាក់ចេញកន្លងមក ខណៈដែលការចូលរួម និងយល់ដឹងរបស់ភ្ញៀវទេសចរក្នុងការទប់ស្កាត់ការរាលដាលជំងឺកូវីដ-១៩ កាន់តែមានភាពល្អប្រសើរ ពិសេសតាមរយៈការបង្ហាញកាតចាក់វ៉ាក់សាំងនៅពេលចូលរមណីយដ្ឋានជាដើម។

ទន្ទឹមនឹងនេះ ក្រសួងទេសចរណ៍ក៏បានកំពុងរៀបចំ និងដាក់ចេញនាពេលឆាប់ៗនេះនូវវិធានសុវត្ថិភាពទេសចរណ៍ និង SOP សម្រាប់សេវាសំខាន់ៗផ្សេងទៀតផងដែរ៕

យោងតាមសេចក្ដីជូនដំណឹងរបស់គ្រឹះស្ថានអង្គរកាលពីពេលថ្មីៗនេះបានឲ្យដឹងថាគោលនយោបាយលើកទឹកចិត្តដល់ភ្ញៀវទេសចរបរទេសគិតចាប់ពីថ្ងៃទី១១ ខែមីនា ឆ្នាំ២០២១ ដល់ថ្ងៃទី៣១ ខែធ្នូ ឆ្នាំ ២០២១ មានដូចខាងក្រោម៖

១- ទិញបណ្ណចូលទស្សនារមណីយដ្ឋានអង្គរ ០១ថ្ងៃ អាចចូលទស្សនាបាន រយៈពេល ០២ថ្ងៃ

២- ទិញបណ្ណចូលទស្សនារមណីយដ្ឋានអង្គរ ០៣ថ្ងៃ អាចចូលទស្សនាបានរយៈពេល ០៥ថ្ងៃ

៣-ទិញបណ្ណចូលទស្សនារមណីយដ្ឋានអង្គរ ០៧ថ្ងៃ អាចចូលទស្សនាបានរយៈពេល ១០ថ្ងៃ

ខ. ប្រភេទបណ្ណរយៈពេលវែង (ភ្ញៀវបរទេសដែលមានទិដ្ឋាការរយៈពេល០៣ខែឡើងទៅ)

១-ទិញបណ្ណចូលទស្សនារមណីយដ្ឋាទអង្គររយៈពេល០១ខែ អាចចូលទស្សនាបានរយៈពេល ០២ខែ

២-ទិញបណ្ណចូលទស្សនារមណីយដ្ឋានអង្គររយៈពេល០៣ខែ អាចចូលទស្សនាបានរយៈពេល ០៦ខែ

៣-ទិញបណ្ណចូលទស្សនារមណីយដ្ឋានអង្គររយៈពេល០៦ខែ អាចចូលទស្សនាបានរយៈពេល ១២ខែ៕

យោងតាមហ្វេសប៊ុក ក្រសួងទេសចរណ៍ នៅថ្ងៃទី១៥ កុម្ភៈនេះ បានឲ្យដឹងថា ក្នុងចំណោមភ្ញៀវទេសចរសរុបមាន ភ្ញៀវជាតិប្រមាណ ៨៨០.៥៥៣ នាក់ កើនឡើង ៦,០៥% (ប្រៀបចូលឆ្នាំចិន ២០២០), ភ្ញៀវបរទេសផ្ទៃក្នុង ប្រមាណ ១២.០៨៥ នាក់ ថយចុះ ៨៥,៤០% (ប្រៀបចូលឆ្នាំចិន២០២០)។

ក្នុងចំនួនសរុបខាងលើ ចំនួនភ្ញៀវតាមថ្ងៃនីមួយៗ រួមមាន៖
-ថ្ងៃទី១ ទី១២ ខែកុម្ភៈ៖ ភ្ញៀវសរុបប្រមាណ ២០៥.០៧៥ នាក់
-ថ្ងៃទី២ ទី១៣ ខែកុម្ភៈ៖ ភ្ញៀវសរុបប្រមាណ ៤០៨.៥២១ នាក់
-ថ្ងៃទី៣ ទី១៤ ខែកុម្ភៈ៖ ភ្ញៀវសរុបប្រមាណ ២៧៩.០៤២ នាក់

គោលដៅទេសចរណ៍សំខាន់ៗមួយចំនួនរយៈពេល៣ថ្ងៃនេះ រួមមាន៖
-រាជធានីភ្នំពេញ៖ ១១៨,៥០២នាក់
-ខេត្តសៀមរាប ៖ ១១៧.៧៨៩ នាក់
-ខេត្តកំពត៖ ១០២.០២៦នាក់
-ខេត្តកែប៖ ៩២.៨០៤ នាក់
-ខេត្តព្រះសីហនុ៖ ៨២.០៦៥នាក់
-ខេត្តកណ្តាល៖ ៧២.៥១០ នាក់
-ខេត្តបាត់ដំបង៖ ៦២.៤៦៤នាក់
-ខេត្តកោះកុង៖ ៣៥.២២៥ នាក់
-ខេត្តកំពង់ស្ពឺ៖ ២៩.៧៧០នាក់
-ខេត្តពោធិ៍សាត់ ៖ ២៤.៧២៣នាក់

ជាការគួរកត់សម្គាល់លើចំណុច សំខាន់ៗប្រចាំថ្ងៃកន្លងមក ដូចខាងក្រោម៖

-ដោយសារពិធីបុណ្យប៉ះចំចុងសប្តាហ៍ (សុក្រ សៅរ៍ អាទិត្យ) លំហូរភ្ញៀវទេសចរផ្ទៃក្នុងមានភាពផុសផុលទូទាំងប្រទេស ហើយបងប្អូនប្រជាពលរដ្ឋមានឱកាសដើរកម្សាន្ត ក្នុងស្រុកច្រើន(ដោយសារយើងទប់ស្កាត់ការឆ្លងជំងឺកូវីដ-១៩ ក្នុងសហគមន៍បាន)។ ទន្ទឹមនឹងនេះ ក៏នៅមានបងប្អូនប្រជាពលរដ្ឋខ្លះ នៅមិនទាន់ត្រលប់ចូលមករាជធានីភ្នំពេញវិញទេ ហើយអាជីវកម្មមួយចំនួនក៏នៅបន្តបិទទ្វាររហូតដល់ថ្ងៃទី១៦ ខែកុម្ភៈ ដោយតាមទំលាប់បងប្អូនដែលជាប់ខ្សែស្រឡាយចិន ពួកគាត់ច្រើននៅបន្តដើរកម្សាន្តរហូតដល់ថ្ងៃស្អែកមួយថ្ងៃទៀត។

-តាមការវាយតំលៃបឋម៖ ការចំណាយរបស់ភ្ញៀវទេសចរ ហាក់មានកម្រិតទាបជាងពេលឈប់សម្រាកកន្លងមក ដោយពួកគាត់មួយចំនួនជ្រើសរើសការដើរកម្សាន្តនៅគោលដៅជិតៗ ចេញទៅពេលព្រឹក ហើយតត្រឡប់មកវិញពេលល្ងាច) ការដើរកម្សាន្តជាក្រុមគ្រួសារ និងខ្លះទៀតបានរៀបចំម្ហូបអាហារដែលសល់ពីការសែនមកតាមខ្លួនខ្លះ។ ទោះយ៉ាងណា លំហូរភ្ញៀវទេសចរទៅគ្រប់គោលដៅទេសចរណ៍នៅតាមបណ្តារាជធានីខេត្ត នៅតែជាចលករសំខាន់ក្នុងការទ្រទ្រង់វិស័យទេសចរណ៍មួយផ្នែក និងបង្កើតប្រាក់ចំណូលទៅដល់បងប្អូនប្រជាជននៅតាមមូលដ្ឋាន និងវិស័យឯកជនផងដែរ។

-គ្រប់គោលដៅទេសចរណ៍បានខិតខំអនុវត្តតាមគោលណែនាំរបស់ក្រសួងសុខាភិបាល និងវិធានសុវត្ថិភាពទេសចរណ៍របស់ក្រសួងទេសចរណ៍ដើម្បីទប់ស្កាត់ការរីករាលដាលនៃជំងឺកូវីដ-១៩ ក្រោមការណែនាំ និងចុះពិនិត្យផ្ទាល់ដល់មូលដ្ឋានរបស់គណៈអភិបាលរាជធានីខេត្ត។ ប៉ុន្តែ នៅតាមគោលដៅទេសចរណ៍ដែលបងប្អូនសម្រុកទៅកម្សាន្តច្រើនក្នុងពេលតែមួយ នៅមិនទាន់អាចអនុវត្តបានពេញលេញនៅឡើយ។

-ចំពោះការគ្រប់គ្រងសន្តិសុខ សណ្ដាប់ធ្នាប់៖ ជាទូទៅមានភាពល្អប្រសើរ មិនមានបញ្ហា ឬការរំខានណាមួយកើតឡើងគួរកត់សម្គាល់ទេ។ បញ្ហាសំរាម គ្រប់គ្រងបានល្អជាងមុន តែនៅតែមានបញ្ហានៅកន្លែងមួយចំនួននៅឡើយ៕

ស្ថិតិនេះត្រូវបានបង្ហាញឡើង ក្នុងកិច្ចប្រជុំរដ្ឋមន្រ្តីទេសចរណ៍អាស៊ាន លើកទី២៤ នាព្រឹកថ្ងៃទី៤ ខែកុម្ភៈ ឆ្នាំ២០២១។

កិច្ចប្រជុំរដ្ឋមន្រ្តីទេសចរណ៍អាស៊ាន លើកទី២៤ និងកិច្ចប្រជុំពាក់ព័ន្ធមួយចំនួននាឱកាសនេះ ត្រូវបានដឹកនាំដោយលោកបណ្ឌិត ថោង ខុន រដ្ឋមន្រ្តីក្រសួងទេសចរណ៍។

រដ្ឋមន្រ្តីទេសចរណ៍អាស៊ាន បានបង្ហាញនូវកង្វល់អំពី ផលប៉ះពាល់នៃវិបត្តិជំងឺកូវីដ១៩ លើវិស័យទេសចរណ៍ វិស័យការងារ ពិសេសគឺវិស័យសេដ្ឋកិច្ច។ បន្ថែមពីនេះទៀត រដ្ឋមន្រ្តីទេសចរណ៍អាស៊ាន ក៏បានបង្ហាញពីការសោកស្តាយយ៉ាងខ្លាំង ចំពោះការធ្លាក់ចុះនៃចំនួនភ្ញៀវទេសចរអន្តរជាតិ មកកាន់តំបន់អាស៊ាន ដោយនៅក្នុងឆ្នាំ២០២០ ចំនួនទេសចរអន្តរជាតិធ្វើដំណើរ មកកាន់អាស៊ានមានត្រឹមប្រមាណ ២៦លាននាក់ប៉ុណ្ណោះ ធា្លក់ចុះ ៨០.៥%។

ជាការឆ្លើយតប នាកិច្ចប្រជុំដ៏មានសារៈសំខាន់នេះ រដ្ឋមន្រ្តីទេសចរណ៍អាស៊ានទាំងអស់ បានឯកភាពគ្នាអនុម័ត លើសកម្មភាពការងាររស្តា រវិស័យទេសចរណ៍អាស៊ានឡើងវិញ ក្នុងផែនការយុទ្ធសាស្រ្តទេសចរណ៍អាស៊ាន ២០១៦-២០២៥ (ATSP 2016-2025) ដំណាក់កាលទី២។

គួរបញ្ជាក់ថា កាលពីឆ្នាំ២០១៩ តំបន់អាស៊ានទាំងមូលទទួលបាន ភ្ញៀវទេសចរអន្តរជាតិប្រមាណ ១៣៣លាននាក់ កើនឡើង ៧ភាគរយ បើធៀបនឹងឆ្នាំ២០១៨៕

យោងតាមសេចក្តីប្រកាសព័ត៌មាន របស់គ្រឹះស្ថានអង្គរ នៅថ្ងៃទី១ ខែកុម្ភៈ ឆ្នាំ២០២១នេះបានឲ្យដឹងថា ខែមករា ឆ្នាំ២០២១នេះ រមណីដ្ឋានអង្គរទទួលបានភ្ញៀវទេសចរបរទេសជាង ១ ២១៣នាក់ ធ្លាក់ចុះជាង ៩៩ភាគរយ។

សម្រាប់ថវិកា ដែលបានពីលក់បណ្ណចូលទស្សនាអង្គរ រយៈពេល១ខែមកនេះ ត្រូវបានរំលែកចំនួន ២ ៤២៦ដុល្លារ ដើម្បីឧបត្ថម្ភដល់មូលនិធិគន្ធបុប្ផាកម្ពុជា៕

យោងតាមក្រសួងព័ត៌មានបានឲ្យដឹងថា តំបន់ទេសចរណ៍ទំនប់ស្ទឹងភេ នៅខេត្តកំពតកំពុងទាក់ទាញភ្ញៀវឱ្យមកកម្សាន្តតាមបែបធម្មជាតិ ដោយសារទីនោះ មានទឹកល្ហល្ហេវមើលឆ្លុះដល់បាតដី អមជាមួយសោភ័ណភាពស្រស់ត្រកាលនៃព្រៃភ្នំខៀវស្រងាត់។

លោក សយ ស៊ីណុល ប្រធានមន្ទីរទេសចរណ៍ខេត្តកំពត បានថ្លែងថា ទំនប់ស្ទឹងភេ ជាអាងស្តុកទឹកដ៏សំខាន់ មួយ សម្រាប់បម្រើដល់វិស័យកសិកម្ម ហើយទំនប់ស្ទឹងភេនេះ បានទាក់ទាញអារម្មណ៍ភ្ញៀវទេសចរជិតឆ្ងាយឱ្យមកលម្ហែ កម្សាន្តជាមួយទេសភាពដ៏ស្រស់បំព្រង តាមបែបធម្មជាតិក្នុងតំបន់ចុងកាត់មាត់ញក។ លោកបានបន្តថា មុនទៅដល់ រមណីយដ្ឋានទេសចរណ៍ទំនប់ស្ទឹងភេ ភ្ញៀវទេសចរក៏បានគយគន់ចម្ការដំណាំអ្នកភូមិ យ៉ាងជក់ចិត្ត ជាមួយនឹងផ្លូវគមនាគមន៏ យ៉ាងល្អទៀតផង។

លោកបន្តថា ពេលភ្ញៀវទេសចរទៅដល់អាងទំនប់ស្ទឹងភេ នឹងទទួលបានអារម្មណ៍រីករាយ ដោយបាន ស្រូបយកខ្យល់អាកាសត្រជាក់បរិសុទ្ធ ជាមួយនឹងការដើរលម្ហែលើស្ពានឫស្សីប្រវែងជាង២០០ម៉ែត្រ និងបានផ្តិតយករូបភាព ទុកជាអនុស្សាវរីយ៍ក្នុងកញ្ចុះលើផ្ទៃទឹកថ្លាឆ្វង់។

លោកបន្ថែមថា លើសពីនោះ ភ្ញៀវបានអង្គុយគយគន់ទេសភាពបណ្តើរ ញ៉ាំអាហារបណ្តើរ ដោយខ្លះបានបោះតង់សម្រាករ់ចាំមើលថ្ងៃរះនិងថ្ងៃលិចនៅលើខ្នងភ្នំ ក្រោមពន្លឺរស្មីក្រហមព្រឿងៗ បង្កប់នូវអារម្មណ៏ ស្រស់ស្រាយ បាត់អស់ក្តីកង្វល់។

លោកបន្តទៀតថា ទីនេះយើងមានលក្ខណៈធម្មជាតិមានអតីតជាទំនប់ទឹកមួយនៅក្នុងតំបន់ព្រៃភ្នំ ដែលមានសក្ដានុពលបែបធម្មជាតិ ទាក់ទាញភ្ញៀវទេសចរ ប៉ុន្តែយើងមិនទាន់មានសេវាអីធំដុំសម្រាប់ទាក់ទាញភ្ញៀវទេសចរឱ្យច្រើននៅឡើយទេ ប៉ុន្តែយើងមានប្រជាពលរដ្ឋមួយក្រុមកំពុងលក់ដូរដូចជាមានកញ្ចុះសម្រាប់ទទួលទានអាហារជាដើម៕