មាស សុខសោភា – Champey News

មាស សុខសោភា គ្រោងបង្ហាញបទថ្មីក្នុងថ្ងៃទទួលស្វាគមន៍ ចូលផលិតកម្មថ្មី

មករា — Wed, 03 Feb 2021 02:41:02 +0000

ភ្នំពេញ៖ មានអ្នកគាំទ្រជាច្រើនកំពុងមានចម្ងល់ថាតើតារាចម្រៀងសំនៀងផ្អែមរូបស្រស់សាច់ចាំមិនចេះចាស់ កញ្ញាមាស សុខសោភា បានដើរចេញពីទ្រនំចាស់ជាយូមកហើយតែមិនឃើញចូលផលិតកម្មល្បីណាមួយប្រចាំប្រទេសបែបនេះ។ យ៉ាងណាមិញកាលពីម្សិលមិញតារាចម្រៀងស្រីល្បីមួយរូបនេះបានបង្ហោះសារឲ្យអ្នកគាំទ្រអស់ចម្ងល់ អំពីថ្ងៃបើកកម្មស្វាគមន៍ចូលផលិតកម្មថ្មី នឹងបង្ហាញបទថ្មី នៅថ្ងៃតែមួយផងដែរ។

នៅលើហ្វេសបុកផេករបស់កញ្ញា មាស សុខសោភា បានបញ្ជាក់ថា “បងប្អូនអ្នកគាំទ្រជាទីគោរពស្រលាញ់ ថ្ងៃនេះនាងខ្ញុំសូមបកស្រាយនូវចង្ងល់របស់បងប្អូនថាតើនាងខ្ញុំនឹងចូលផលិតកម្មមួយណា? នាងខ្ញុំមាស សុខសោភាសូមបញ្ជាក់ជូនថានាងខ្ញុំបានសម្រេចចូលផលិតកម្មរាមជាផ្លូវការហើយព្រឹត្តិការណ៍ស្វាគមន៍វត្តមានរបស់នាងខ្ញុំ នឹងធ្វើឡើងនៅថ្ងៃទី ១៩ ខែកុម្ភៈ នៅ THE PREMIER CENTRE SENSOK ក៏ជាថ្ងៃដែលនាងខ្ញុំនឹងបង្ហាញបទចម្រៀងថ្មីរបស់នាងខ្ញុំដូចគ្នា។

សូមបងប្អូនរង់ចាំទស្សនាព្រឹត្តិការណ៍ នាថ្ងៃទី១៩ ខែកុម្ភៈខាងមុខនេះ ដែលយើងខ្ញុំបានត្រៀមនូវការសម្តែងដ៏អស្ចារ្យមួយសម្រាប់បងប្អូន ដើម្បីជាចំណងដៃ និងអនុស្សារីយ៍ដែលមិនអាចបំភ្លេចបានសម្រាប់នាងខ្ញុំ ក៏ដូចជាបងប្អូនអ្នកគាំទ្រ។
សូមចូល SUBCRIBE CHANEL YOUTUBE និង FB PAGE របស់ផលិតកម្មរាមខាងក្រោម Ream Production ដើម្បីតាមដានរាល់សកម្មភាពរបស់យើងខ្ញុំ “៕

មួយឈុតថ្ងៃកំណើត តារាចម្រៀងសំនៀងផ្អែម មាស សុខសោភា ផ្អើលអ្នកគាំទ្រ

មករា — Sun, 31 Jan 2021 03:12:39 +0000

ភ្នំពេញ៖ ធ្លាប់តែឃើញតារាចម្រៀងស្រីជួរមុខសំឡេងស្រទន់ រូបស្រស់សោភា និយម ស្លៀកសម្លៀកបំពាក់បែបបុរាណ តែនៅថ្ងៃកំណើតរបស់តារាចម្រៀងមាស សុខសោភា បានបង្ហាញរូបភាពមួយឈុតផ្អើល អស់អ្នកគាំទ្រ។

តាមការឲ្យដឹងក្នុងផេកហ្វេសប៊ុកផ្ទាល់ខ្លួនរបស់តារាចម្រៀងមាស សុខសោភា បញ្ជាក់ ថា ” Happy birthday to me I love you Meas Sok sopheaមាស សុខសោភា សម្រស់ធម្មជាតិ Sasa Ny បុស្បារាម-Bosbaram Sean Sithe Kun DIB Club “៕

ភ្ញាក់ផ្អើលរាជនីសំនៀងផ្អែម សម្ដែងការគួរសម និងបានថតរូបជាមួយអ្នកម៉ែ

មករា — Tue, 19 Jan 2021 12:14:48 +0000

ភ្នំពេញ៖ បើសិនជានិយាយដល់តារាចម្រៀងស្រីជួមុខសាច់ចាំមិនចេះប្រែរូបសម្រស់ដែលទើបនឹងចេញពីទ្រនំចាស់ផលិតកម្មថោន យើងនឹងនឹកឃើញភ្លាមដល់កញ្ញា មាស សុខសោភា ដែលតែងតែចេញបទចម្រៀងទាក់ទាញអារម្មណ៍ទាំងមនោសញ្ចេតនា ញាក់កន្រ្តាក់អារម្មណ៍ បែបអប់រំ និងប្រណីបុរាណផងនោះ។ នារសៀលថ្ងៃទី១៩ នេះកញ្ញាបានបញ្ចេញនៅរូបភាពជាច្រើនសន្លឹកធ្វើឲ្យអ្នកគាំទ្រភ្ញាក់ផ្អើលជាខ្លាំងដែលកញ្ញាបានបង្ហើបភ្ជាប់នឹងអត្ថន័យមួយឃ្លា។

នៅក្នុងហ្វេសប៊ុកផេកផ្ទាល់ខ្លួនរបស់កញ្ញា មាស សុខសោភាបានបង្ហោះរូបជាមួយ នឹងលោកជំទាវ ប៊ុនរ៉ានី ហ៊ុនសែន និងភ្ជាប់ជាមួយខ្លឹមសារដ៏មានន័យមួយថា”ពិតជាមហាកិត្តិយសរបស់នាងខ្ញុំ ដែលបានជួបសម្តែងការគួរសមជាមួយម៉ែធំ និងបានថតរូបអនុស្សារីយ៍ជាមួយអ្នកម៉ែហើយក៏សូមអរគុណដល់ម៉ែធំដែលយកចិត្តទុកដាក់ ស្រលាញ់ចំពោះកូនៗដែលជាសិល្បៈករ រៀបចំគ្រប់សព្វយ៉ាងរួមទាំងអាហារពេលល្ងាចនៅក្នុងកម្មវិធី សមគោរពជូនពរអ្នកម៉ែឱ្យទទួលបានសុខភាពល្អ និងជោគជ័យគ្រប់ពេលវេលា។ ដោយក្តីគោរពដ៏ខ្ពង់ខ្ពស់អំពីកូន ” ធ្វើឲ្យអ្នកគាំទ្រសៀបន្តនិង ចូលខមិនគោរពសរសើរដល់លោកជំទាវ ព្រមទាំងកញ្ញាយ៉ាងច្រើនហូរហែរ៕