យោងតាមអគ្គស្នងការនគរបាលជាតិបានឲ្យដឹងថា ក្នុងកិច្ចប្រតិបត្តិការនេះ ជនសង្ស័យជាមេខ្យល់ ក្នុងករណី នាំចេញដោយមិនស្របច្បាប់សម្រាប់នាំឆ្លងដែន (ចូលទៅប្រ ទេ សថៃ) ១.ឈ្មោះ ចាម តឹក ភេទប្រុស អាយុ ៣៨ឆ្នាំ មានទីលំនៅភូមិស្រឡៅជ្រុំ ឃុំសិរីមានជ័យ ស្រុកសំពៅលូន ខេត្តបាត់ដំបង និង២.ឈ្មោះ នី វណ្ណៈ ហៅ ណាក់ ភេទប្រុស អាយុ៥០ឆ្នាំ មានទីលំនៅភូមិស្រឡៅជ្រុំ ឃុំសិរីមានជ័យ ស្រុកសំពៅលូន ខេត្តបាត់ដំបង។

សូមជម្រាបជូនថា ករណីឃាត់ខ្លួនមុខសញ្ញាជាមេខ្យល់ទាំងពីរនាក់នេះ គឺបន្ទាប់ពីពួកគេបាន ធ្វើសកម្មភាពនាំប្រជាពលរដ្ឋលួចឆ្លងដែនដោយខុស ច្បាប់ចូលទៅក្នុងប្រទេសថៃ នាចំណុច មាត់អូរព្រំដែនកម្ពុជា-ថៃ ជាប់ភូមិសាស្ត្រភូមិស្រឡៅជ្រុំ ឃុំសិរីមានជ័យ ស្រុកសំពៅលូន ខេត្តបាត់ដំបង ចំនួន០៨នាក់ កាលពីយប់ថ្ងៃទី០៦ ខែកញ្ញា ឆ្នាំ២០២១។

ឆ្លងតាមរយៈការស្រាវជ្រាវទើបសមត្ថកិច្ចកំណត់មុខសញ្ញាបាន និងឈានដល់ការឃាត់ខ្លួនតែម្តង។

តាមចម្លើយសារភាពរបស់ជនសង្ស័យខាងលើ សមត្ថកិច្ចកំណត់បានមុខសញ្ញាជាមេខ្យល់ មួយចំនួនផ្សេងទៀត ដែលកំពុងគេចខ្លួន ហើយសមត្ថកិច្ចនឹងចាត់វិធានការតាមនីតិវិធី នៅពេលក្រោយ។ បច្ចុប្បន្នសមត្ថកិច្ចនគរបាលស្រុកសំពៅលូន បានរៀបចំសំណុំរឿងបញ្ជូន មកការិយាល័យជំនាញ ដើម្បីចាត់ការបន្តតាមនិតិវិធីច្បាប់៕

លោកស្រីឧត្តមសេនីយ៍ត្រី ឌី សុជាតិ ស្នងការរងទទួលផែនការងារប្រឆាំងការជួញដូរមនុស្ស និងការពារអនីតិជន បានឲ្យដឹងថា មេខ្យល់ទាំង១០នាក់នេះគឺពាក់ព័ន្ធករណី នាំមនុស្សឆ្លងដែន ទៅប្រទេសថៃមិនស្របច្បាប់ ហើយត្រូវបានកម្លាំងនគរបាលវរសេនាតូចការពារព្រំដែនលេខ ៩១១ បានធ្វើការឃាត់ខ្លួនចំនួន ២លើក ដោយឡែកពីគ្នា នៅក្នុងភូមិសាស្ត្រក្រុងប៉ោយប៉ែត ខេត្តបន្ទាយមានជ័យ នាថ្ងៃទី២៦ ខែមិថុនា ឆ្នាំ២០២១ រួចបានធ្វើការប្រគល់ឲ្យនគរបាលអធិការដ្ឋានក្រុងប៉ោយប៉ែត រៀបចំសំណុំរឿងបញ្ជូនមកការរិយាល័យជំនាញ ប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្ត។

លោកស្រីបន្តថា ក្នុងការឃាត់ខ្លួនមេខ្យល់ទាំង១០នាក់នេះ កម្លាំងសមត្ថកិច្ចបានដកហូតវត្ថុតាងមានម៉ូតូចំនួន ៥គ្រឿង ដែលជាម្យោបាយសម្រប់បម្រើឲ្យបទល្មើសដឹកជញ្ជូនពលករ ដើម្បីឆ្លនដែននៅតាមព្រំដែនតាមចម្លើយបំភ្លឺរបស់ពលករទាំង ៥នាក់ ក្នុងនោះជនជាតិថៃ ១នាក់ បានឆ្លើយសារភាព ថាពួកគេពិតជាឲ្យមេខ្យល់ចេញទៅប្រទេសថៃដោយ មិនស្របច្បាប់ពិតប្រាកដមែន។

ចំពោះពលករចំនួន ៥នាក់ ត្រូវបានធ្វើកិច្ចសន្យាអប់រំឲ្យពួកគាត់វិលទៅលំនៅឋានវិញ ចំណែកឯជានជាតិថៃ ១នាក់ ត្រូវបានបញ្ជូនទៅធ្វើចត្តាឡីស័កនៅវិទ្យាល័យនិមិត្ត៕

យោងតាម អធិការដ្ឋាននគរបាលស្រុកបូរីជលសារ បានអោយដឹងថា នៅថ្ងៃទី ១៨ ខែ មីនា ឆ្នាំ ២០២១ ដោយអនុវត្តបទបញ្ជាយ៉ាងម៉ឺងម៉ាត់របស់ ឧត្ដមសេនីយ៍ទោ សុខ សំណាង ស្នងការនៃស្នងការដ្ឋាននគរបាលខេត្តតាកែវ លោកវរសេនីយ៍ឯក ផាន ផលអធិការ នៃអធិការដ្ឋាននគរបាលស្រុកបូរីជលសារ បានសហការជាមួយកម្លាំងប៉ុស្ដិ៍ន គរបាលរដ្ឋបាលបូរីជលសារ បានចុះល្បាតមូលដ្ឋានស្រុកបូរីជលសារ បានឃាត់រថយន្តមួយគ្រឿងម៉ាកស៊ីណា ពណ៌ស ពាក់ស្លាកលេខ តាកែវ 2B : 7875 ដែលជាមុខសញ្ញានាំ ជនជាតិវៀតណាមខុសច្បាប់ មកកម្ពុជា មានមនុស្សសរុបចំនួន ០៦នាក់ ស្រី០នាក់ ក្នុងនោះជនជាតិវៀតណាមចំនួន ០៣នាក់ (មិនស្គាល់អត្តសញ្ញាណ ដោយមិនមានអ្នកបកប្រែ)។

ដោយឡែកជនជាតិខ្មែរមានចំនួន ០៣នាក់ ក្នុងនោះអ្នកបេីកបរម្នាក់ឈ្មោះ អម អាន ភេទប្រុស អាយុ៣៨ឆ្នាំ រស់នៅភូមិត្រពាំងប្រិយ ឃុំអង្គខ្នុរ ស្រុកទ្រាំង ខេត្តតាកែវ និងមេខ្យល់នាំផ្លូវចំនួន ០២នាក់ ទី១ ឈ្មោះ សុខ រ៉ាវុធ ភេទ ប្រុស អាយុ ២៥ឆ្នាំ រស់នៅភូមិសង្គមមានជ័យ ឃុំកំពង់ក្រសាំង ស្រុកបូរីជលសារ ខេត្តតាកែវ និងទី២ ឈ្មោះ ភូ ហេងសេង ភេទប្រុស អាយុ ២០ឆ្នាំ រស់នៅភូមិសង្គមមានជ័យ ឃុំកំពង់ក្រសាំង ស្រុកបូរីជលសារ ខេត្តតាកែវ ឃាត់ខ្លួនបាននៅចំណុច ភូមិស្នាចដួច ឃុំបូរីជលសារ ស្រុកបូរីជលសារខេត្តតាកែវ៕