យោងតាមសេចក្តីសម្រេចរបស់រដ្ឋបាលខេត្ត បានបញ្ជាក់ថា យោងស្ថានភាពនៃការឆ្លងរីករាលដាលនៃជំងឺកូវីដ១៩ ក្នុងព្រឹត្តិការណ៍ «សហគមន៍ ២០-កុម្ភៈនៅមិនទាន់មានសភាព ធូរស្រាលនៅឡើយ ពិសេសការរកឃើញនូវករណ៏វិជ្ជមានកូវីដ១៩ ជាបន្តបន្ទាប់នៅក្នុងខេត្តកំពង់ចាម រដ្ឋបាលខេត្ត សូមបន្តសុពលភាព នៃការអនុវត្តវិធានការរដ្ឋបាល ដើម្បីទប់ស្កាត់ការឆ្លងរាលដាលនៃជំងឺកូវីដ១៩ និងការពង្រឹងការអនុវត្តវិធានការបិទខ្ទប់ភូមិ ឬខ្នងផ្ទះ ក្នុងករណីរកឃើញប្រជាពលរដ្ឋវិជ្ជមានកូវីដ១៩៕

ជាមួយគ្នានោះរដ្ឋបាលខេត្តសូមអំពាវនាវដល់អ្នកពាក់ព័ន្ធ និងប្រាស្រ័យទាក់ទងជាមួយអ្នកជំងឺខាងលើសូមទៅពិនិត្យសុខភាព និងយកសំណាកនៅមន្ទីពេទ្យបង្អែកដែលនៅជិតផ្ទះ ឬត្រូវរាយការណ៍ជូនអាជ្ញាធរមូលដ្ឋានបន្ទាន់ ឬតាមរយៈលេខទូរសព្ទ ០៧០ ៨២ ៨៧ ៨៨​និង០១២ ៧៣៦ ៧៥៥៕