ខាងក្រោមនេះជាសេចក្ដីសម្រេចរបស់ រដ្ឋបាលខេត្តរតនគិរី៖

យោងតាមសេចក្ដីប្រកាសព័ត៌មាន បានឱ្យដឹងថា រយៈពេលតែពីរថ្ងៃប៉ុណ្ណោះ រកឃើញអ្នកវិជ្ជមានកូវីដ-១៩ ចំនួនដ៏ច្រើនលើសលុប ដែលខេត្តមួយនេះ មិនធ្លាប់មានកន្លងមក ធ្វើឲ្យប្រជាពលរដ្ឋក្នុងខេត្ត មានការតក់ស្លុត ភិតភ័យ ភ្ញាក់ផ្អើលយ៉ាងខ្លាំង។

ប្រភពដដែលបន្តថា នៅល្ងាចថ្ងៃទី-១៩ ខែមិថុនា ឆ្នាំ២០២១នេះ បានបញ្ជាក់ឲ្យដឹងថា អ្នកវិជ្ជមានជំងឺកូវីដ-១៩ ដែលក្រុមការងារឆ្លើយតប បន្ទាន់មន្ទីរសុខាភិបាល នៃរដ្ឋបាលខេត្តរតនគិរី ស្រាវជ្រាវរកឃើញចំនួន១០៤នាក់ នាថ្ងៃទី១៨ ថ្ងៃទី១៩ ខែមិថុនា ឆ្នាំ២០២១ នេះ ជាករណីផ្ទុះក្នុងសហគមន៍ ទ្រង់ទ្រាយធំលើកដំបូងក្នុងខេត្តរតនគិរី ហើយករណីនេះ ជាករណីពាក់ព័ន្ធ នឹងព្រិត្តិការណ៍សហគមន៍ ២០កម្ភៈ។ តាមរយៈលទ្ធផលរកឃើញថ្មីៗនេះ បញ្ជាក់ឲ្យឃើញថា ជំងឺកូវី-១៩ បានកំពុងផ្ទុះរាលដាល ដល់សហគមន៍ ទ្រង់ទ្រាយធំ ក្នុងខេត្តរតនគិរី ហើយអាចបន្តឆ្លងរាលដាលជាបន្តបន្ទាប់ ដែលបង្កជាហានិភ័យ ដល់សុខភាពសាធារណៈ របស់បងប្អូនប្រជាពលរដ្ឋនៅក្នុងខេត្តរតនគិរី។

បច្ចុប្បន្ន អ្នកវិជ្ជមានកូវីដ-១៩ ទាំងអស់ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តរតនគិរី និងកន្លែងសម្រាកព្យាបាលនៅវិទ្យាល័យត្រពាំងក្រហម ស្ថិតក្នុងភូមិ៣ ឃុំត្រពាំងក្រហម ស្រុកកូនមុំ ខេត្តរតនគីរី។

រដ្ឋបាលខេត្តរតនគិរី ក៏បានសូមអំពាវនាវផងដែរ ដល់សាធារណជន ទាំងអស់ដែលធ្លាប់ពាក់ព័ន្ធដោយផ្ទាល់ និងដោយប្រយោល ជាមួយបុគ្គលដែលមានឈ្មោះរាយនាមក្នុងបញ្ជី ដែលបានធ្វើតេស្តឃើញ សូមស្ម័គ្រចិត្តធ្វើតេស្តសំណាក ឬនៅដោយឡែកពីអ្នកដទៃ និងតាមដានសុខភាពជាប្រចាំ ក្នុងករណីមានការសង្ស័យ សូមរាយការណ៍ទៅកាន់សមត្ថកិច្ច និងអាជ្ញាធរនៅក្នុងមូលដ្ឋាន ឬទំនាក់ទំនងទៅកាន់លេខទូរស័ព្ទ ០៩៧៥៩៥៧៧៨៨ ,០៩២១២១៣៨៣ និងមួយខ្សែទទៀតលេច ០៩៧៧៧៥១២១២៕

យោងតាមសេចក្តីជូនដំណឹងរបស់ រដ្ឋបាលខេត្តរតនគិរី នៅថ្ងៃទី៤ ខែមេសា ឆ្នាំ២០២១បានឲ្យដឹងថា បុរសកើតជំងឺកូវីដ១៩នេះ មានឈ្មោះ ញឹក សុជា អាយុ ៣១ឆ្នាំ មានទីលំនៅក្នុងភូមិតាវែង ឃុំតាវែងលើ ស្រុកតាវែង ខេត្តរតនគិរី។

ជាមួយគ្នានោះដែរ រដ្ឋបាលខេត្តរតនគិរី បានអំពាវនាវដល់ប្រជាពលរដ្ឋ និងសាធារណជន ដែលមានជាប់ពាក់ព័ន្ធនឹងបុគ្គលឈ្មោះ ញឹក សុជា សូមផ្តល់ព័ត៌មាន ដើម្បីមន្ត្រីចុះយកសំណាក និងត្រូវធ្វើចត្តាឡីស័កខ្លួនឯងរយៈពេល ១៤ថ្ងៃ។ ក្នុងករណីសង្ស័យ ឬការប្រែប្រួលសុខភាព ទាក់ទងទៅទូរស័ព្ទលេខ ០៩៧ ៥៩៥ ៧៧៨ ៨ និង ០៩២ ១២១ ៣៨៣៕