យោងតាមសេចក្ដីសម្រេចរបស់រដ្ឋបាលខេត្តសៀមរាប នៅថ្ងៃទី៩ ខែមិថុនា បានឲ្យដឹងថា កំណត់តំបន់ក្រហម នៅភូមិសាស្រ្ដឃុំកំពង់ឃ្លាំង ស្រុកសូទ្រនិគម, តំបន់លឿងទុំ នៅភូមិសាស្រ្ដឃុំគោកធ្លកក្រហម ស្រុកជីក្រែង និងតំបន់លឿង នៅភូមិសាស្រ្ដឃុំកំពង់ក្ដី ស្រុកជីក្រែង ខេត្តសៀមរាប។

សេចក្ដីសម្រេចដដែលឲ្យដឹងទៀតថា សម្រេចបិទខ្ទប់ភូមិសាស្រ្ដដែលមានការ ឆ្លងរាលដាល នៃជំងឺកូវីដ១៩ ជាបណ្ដោះអាសន្នរយៈពេល ២សប្ដាហ៍នេះ គឺចាប់ពីថ្ងៃទី៩ ដល់ថ្ងៃទី២២ ខែមិថុនា ដើម្បីទប់ស្កាត់ការឆ្លងរាលដាលនៃជំងឺកូវីដ១៩ នៅក្នុងសហគមន៍ស្រុកសូទ្រនិគម និងស្រុកជីក្រែង៕

ខាងក្រោមនេះជា សេចក្ដីសម្រេចរបស់រដ្ឋបាលខេត្តសៀមរាប៖

ទាហានដែលឆ្លងកូវីដទាំង៥នាក់នោះរួមមាន៖

១- ឈ្មោះ សេម សុខសាន្ត ភេទប្រុស អាយុ៣០ឆ្នាំ អាសយដ្ឋាននៅភូមិធ្លកអណ្ដូង សង្កាត់ស្លក្រាម ក្រុងសៀមរាប មុខរបរ យោធិន។
២- ឈ្មោះ ហឿង វាសនា ភេទប្រុស អាយុ៣៥ឆ្នាំ អាសយដ្ឋាននៅភូមិពោធិ៍បន្ទាយជ័យ សង្កាត់សៀមរាប ក្រុងសៀមរាប មុខរបរ យោធិន។
៣- ឈ្មោះ ជៀវ សំអឿន ភេទប្រុស អាយុ៥៦ឆ្នាំ អាសយដ្ឋាននៅភូមិស្ពានក្អែក ឃុំកណ្តែក ស្រុកប្រាសាទបាគង មុខរបរ យោធិន។
៤- ឈ្មោះ ជន់ សឿន ភេទស្រី អាយុ២៥ឆ្នាំ អាសយដ្ឋាននៅភូមិស្ពានក្អែក ឃុំកណ្តែក ស្រុកប្រាសាទបាគង មុខរបរ យោធិន។
៥- ឈ្មោះ សែន សៃ ភេទប្រុស អាយុ៣១ឆ្នាំ អាសយដ្ឋាននៅភូមិស្ពានក្អែក ឃុំកណ្តែក ស្រុកប្រាសាទបាគង មុខរបរ យោធិន។

រដ្ឋបាលខេត្តសៀមរាប បានបញ្ជាក់ថាចំពោះករណីឆ្លងពុំទាន់អាចសន្និដ្ឋានពីប្រភពចម្លងច្បាស់លាស់នៅឡើយ។

សូមបញ្ជាក់ថា គិតត្រឹមថ្ងៃទី៨ ខែមិថុនា ខេត្តសៀមរាបមានអ្នកវិជ្ជមានជំងឺកូវីដ-១៩ ចំនួន២៤៩នាក់។ ក្នុងនោះបានព្យាបាលជាសះស្បើយចំនួន៩០នាក់ ស្លាប់២នាក់ និង១៥៧នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប៕

លោក ម៉ក់ ប្រុស អភិបាលនៃគណៈអភិបាលស្រុកសូទ្រនិគម បានបញ្ជាក់ថា ដោយសារតែអ្នកវិជ្ជមានកូវីដ-១៩នៅតំបន់នេះ មានការកើនឡើងជាបន្តបន្ទាប់ រដ្ឋបាលខេត្តសៀមរាប បានសម្រេចឲ្យរដ្ឋបាលស្រុកយកទីតាំងវិទ្យាល័យដំដែក ស្ថិតនៅក្នុងទីរួមស្រុកសូទ្រនិគម ធ្វើជាកន្លែងព្យាបាលអ្នកជំងឺកូវីដ-១៩ ដែលមកពីស្រុកចំនួន៣ជាប់ព្រំប្រទល់គ្នា គឺសូទ្រនិគម ស្រុកជីក្រែង និងស្រុកស្វាយលើ។ គិតមកដល់ពេលនេះ​ អាជ្ញាធរស្រុកបានរៀបចំកន្លែងរួចរាល់ហើយដែលជំហានដំបូងនេះ ទីតាំងនេះអាចដាក់អ្នកជំងឺបានចំនួន ៦០នាក់។

លោកបានបន្តថា ដោយសារតែអ្នកពាក់ព័ន្ធមានច្រើន ដូចនេះក្រុមគ្រួពេទ្យ បានចុះទៅយកសំណាកពួកគាត់នៅតាមគោលដៅនីមួយៗ ដោយមិនឲ្យពួកគាត់ប្រមូលផ្តុំគ្នាច្រើននោះទេ។​ ពាក់ព័ន្ធនឹងបញ្ហានេះដែរ អាជ្ញាធរមិនទាន់សម្រេចបិទភូមិណាមួយនៅឡើយទេ ដោយសម្រេចបិទតែតាមតំបន់មួយចំនួនដែលមានការប៉ះពាល់ប៉ុណ្ណោះ ព្រោះនៅតំបន់ជនបទអ្នកភូមិរស់នៅឆ្ងាយៗពីគ្នា។

សូមបញ្ជាក់ថា រដ្ឋបាលខេត្តសៀមរាបបានបង្ហាញថា នៅក្នុងរយៈពេលប៉ុន្មានថ្ងៃកន្លងមកនេះ មានការឆ្លងរាលដាជំងឺកូវីដ-១៩ ក្នុងសហគមន៍ស្រុកសូទ្រនិគម និងស្រុកជីក្រែង សរុបចំនួន៦៦នាក់ (ស្រុកសូទ្រនិគម៣១នាក់ និង ស្រុកជីក្រែង៣៥នាក់) ដែលករណីនេះ គឺជាការឆ្លងក្នុងសហគមន៍ ហើយពុំទាន់អាចកំណត់មុខសញ្ញាច្បាស់លាស់ អំពីប្រភព នៃការឆ្លងរាលដាលជំងឺកូវីដ-១៩នៅឡើយ។

រដ្ឋបាលខេត្តសៀមរាប សូមបន្តអំពាវនាវដលលប្រជាពលរដ្ឋត្រូវបង្កើនការប្រុងប្រយ័ត្នខ្ពស់ចំពោះការឆ្លងរាលដាលនៃជំងឺកូវីដ-១៩ ក្នុងសហគមន៍ ដែលកំពុងមានក្នុងភូមិសាស្រ្តស្រុកសូទ្រនិគម និង ស្រុកជីក្រែង ខេត្តសៀមរាប ដោយត្រូវបន្តអនុវត្តន៍ឲ្យបានខ្ជាប់ខ្ជួន តាមគោលការណ៍ណែនាំរបស់រាជរដ្ឋាភិបាល នូវវិធានការ”៣កុំ ៣ការពារ” និងអនុវត្តន៍វិធានការរបស់ក្រសួងសុខាភិបាលឲ្យបានជាប្រចាំ៕

ជាមួយគ្នានោះដែររដ្ឋបាលខេត្តបាន អំពាវនាវដល់ប្រជាពលរដ្ឋ បានទៅទីតាំងខាងលើ សូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ។ ចាប់ពីថ្ងៃទី២៥ ខែឧសភា ឆ្នាំ២០២១ ដែលអ្នកបានប៉ះពាល់ ឬបានទៅទីកន្លែងមានហានិភ័យនេះ សូមមេត្តាពាក់ម៉ាស់ រក្សាគម្លាត និងឧស្សាហ៍លាងដៃ និង៣ការពារ ត្រូវពាក់ម៉ាស់ ត្រូវលាងដៃ ត្រូវរក្សាគម្លាតបុគ្គល៣កុំ កុំនៅបន្ទប់បិទជិត កុំនៅកន្លែងកុះករ កុំប៉ះពាល់គ្នា៕

បើតាមសេចក្ដីប្រកាសព័ត៌មានរបស់រដ្ឋបាលខេត្តសៀមរាបបានឲ្យដឹងថា​ ចំពោះករណីពាក់ព័ន្ធនឹងអ្នកវិជ្ជមានជំងឺកូវីដ-១៩ ឈ្មោះ ឈួន សុជាតា ឈ្មោះ លីស ជី និងឈ្មោះ ហឿល សុភាព រដ្ឋបាលខេត្តសម្រេចបិទការចេញ-ចូល ទីតាំង ផ្ទះចំនួន១៤ ក្នុងភូមិសាស្រ្តក្រុងសៀមរាប និងផ្នែកខ្លះនៃស្រុកប្រាសាទបាគង កាលពីថ្ងៃទី២-៤ ខែឧសភា ឆ្នាំ២០២១។

រដ្ឋបាលខេត្តបន្តថា ក្រោមការតាមដានយ៉ាងយកចិត្តទុកដាក់របស់ក្រុមការងារជំនាញ និងវិធានចត្តាឡីស័ក បានធ្វើឲ្យករណីនេះបានវិលទៅរកភាពប្រក្រតី និងស្ថិតក្រោមការគ្រប់គ្រង ដូចនេះគណៈបញ្ជាការឯកភាពរដ្ឋបាលខេត្ត សម្រេចបើកការចេញ-ចូល ឬដំណើរការឡើងវិញ ទីតាំង ផ្ទះចំនួន១៤ ក្នុងភូមិសាស្រ្តក្រុងសៀមរាប និងផ្នែកខ្លះនៃស្រុកប្រាសាទបាគង ចាប់ពីកាលបរិច្ឆេទជូនដំណឹងនេះតទៅ។ គណៈបញ្ជាការឯកភាពរដ្ឋបាលក្រុងសៀមរាប និងស្រុកប្រាសាទបាគង ត្រូវដឹកនាំកម្លាំងមានសមត្ថកិច្ច ចុះអនុវត្តប្រកាសបើកដំណើការ ទីតាំងពាក់ព័ន្ធដូចមានតារាងជូនភ្ជាប់។

រដ្ឋបាលខេត្ត សូមអំពាវនាវដល់បងប្អូនប្រជាពលរដ្ឋ និងសាធារណជន មេត្តាយកចិត្តទុកដាក់អនុវត្តនូវវិធានការរបស់ក្រសួងសុខាភិបាល និងអនុសាសន៍ដ៏ខ្ពង់ខ្ពស់របស់ សម្តេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា គឺ ៣ ការពារ (ត្រូវពាក់ម៉ាស់ ត្រូវលាងដៃជាមួយសាប៊ូ ឬជែល និងត្រូវរក្សាគម្លាតសង្គម) ៣កុំ (កុំចូលទៅកន្លែងបិទជិតគ្មានខ្យល់ចេញ-ចូល កុំទៅកន្លែងមានមនុស្សច្រើនកុះករ និងកុំប៉ះពាល់គ្នា)។

ទទួលបានសេចក្តីជូនដំណឹងនេះ ស្នងការនគរបាលខេត្ត មេបញ្ជាការកងរាជអាវុធហត្ថខេត្ត រដ្ឋបាលក្រុងសៀមរាប រដ្ឋបាលស្រុកប្រាសាទបាគង ប្រធានមន្ទីរ-អង្គភាពពាក់ព័ន្ធ មេឃុំ ចៅសង្កាត់ បងប្អូនប្រជាពលរដ្ឋ និងសាធារណជន មេត្តាជ្រាប និងចូលរួមសហការអនុវត្តសេចក្តីជូនដំណឹងនេះដោយស្មារតីទទួលខុសត្រូវខ្ពស់៕

យោងតាមសេចក្ដីណែនាំរបស់ រដ្ឋបាលខេត្តសៀមរាបបានឲ្យដឹងថា សូមណែនាំឲ្យប្រជាពលរដ្ឋ ជួបជុំក្រុមគ្រួសារតាមគេហដ្ឋានរៀងៗខ្លួន ហើយចៀសវាងការធ្វើដំណើរចេញក្រៅផ្ទះប្រសិនបើមិនចាំបាច់ ក៏ដូចជាចៀសវាងការធ្វើដំណើរឆ្លងខេត្តជាដើមរដ្ឋបាលក្រុង ស្រុក គ្រប់មន្ទីរ-អង្គភាព ចាត់វិធានការចាំបាច់នានា សំដៅរក្សាសន្ដិសុខ សណ្ដាប់ធ្នាប់ឲ្យមានរបៀបរៀបរយនាអំឡុងបុណ្យចូលឆ្នាំចាប់ពីថ្ងៃទី១៤ ដល់ថ្ងៃទី១៦ ខែមេសា។

ក្នុងនោះ រដ្ឋបាលខេត្តបានដាក់ចេញនូវវិធានការចំនួន៥ចំណុច សម្រាប់ការបង្ការ និងទប់ស្កាត់ការរាតត្បាតជំងឺកូវីដ១៩ អំឡុងពេលចូលឆ្នាំ ក្នុងនោះក្រៅពីសុំឲ្យពលរដ្ឋជួបជុំគ្រួសារក្នុងផ្ទះ និងចៀសវាងការធ្វើដំណើរចេញក្រៅ អាជ្ញាធរក៏ប្រាប់ពលរដ្ឋកុំឲ្យទៅកាន់ទីតាំងដែលមានហានិភ័យខ្ពស់ ដែលដាក់ចេញដោយក្រសួងសុខាភិបាល។ ចំណុចទី៣ ចៀសវាងរៀបចំពិធីផ្សេងៗរៀបរាប់ពិធីសាសនា និងជួបជុំកម្សាន្តផ្សេងៗ។ ទី៤ អនុវត្ត៣កុំ ៣ការពារ និងទី៥ រដ្ឋបាលខេត្តអំពាវនាវឲ្យម្ចាស់អាជីកម្មដឹកជញ្ជូនកុំដំឡើងថ្លៃសេវាដឹកជញ្ជូន និងយកចិត្តទុកដាក់អនុវត្តវិធានការសុខាភិបាល។

អាជ្ញាធរខេត្តក៏បាន ប្រាប់ដល់ម្ចាស់អាជីវកម្មដ្ឋាន សណ្ឋាគារ សេវាកម្មដ្ឋាន ភោជនីយដ្ឋាន ជាដើម ត្រូវអនុវត្តតាមវិធានការសុខាភិបាល ពាក់ម៉ាស់ និងរក្សាគម្លាត ស្របតាមគោលការណ៍ និងវិធានសុខាភិបាល៕

រដ្ឋបាលខេត្តសៀមរាប មានកិត្តិយស សូមជម្រាបជូន សាធារណជនឱ្យបានជ្រាបថាដើម្បីទប់ស្កាត់ការរីករាលដាលជំងឺកូវីដ-១៩ គណៈបញ្ជាការឯកភាពរដ្ឋបាលខេត្តសៀមរាប បានសម្រេចបិទចរាចរចេញ-ចូល សង្កាត់គោកចក ក្រុងសៀមរាប ចាប់ពីវេលាម៉ោង ១៩:០០នាទី ថ្ងៃទី២០ ខែមីនា ឆ្នាំ២០២១ នេះតទៅ។

ជាមួយគ្នានេះ បងប្អូនដែលបានជួបប្រាស្រ័យទាក់ទងនឹងបុគ្គលដូចបានជម្រាបជូនខាងលើ ឬមានករណីសង្ស័យ ឬបានធ្វើដំណើរទៅកាន់ទីកន្លែងមួយចំនួនរួមមាន៖ពេទ្យ ចាវ ចាន់ នៅផ្សារភូមិភាគ៤ (ចាប់ថ្ងៃទី១៣ ខែមីនា ឆ្នាំ២០២១) ពេទ្យ ទូច កូ នៅខាងលិចផ្សារដើមក្រឡាញ់ (ចាប់ពីថ្ងៃទី១៥ ខែមីនា ឆ្នាំ២០២១) ពេទ្យ៧៧៧ នៅផ្លូវជាតិលេខ៦ ខាងលិចស្តុបទន្លេសាប (ចាប់ពីថ្ងៃទី១៧ ខែមីនា ឆ្នាំ២០២១) និងគ្លីនិកសុខភាព (ចាប់ពីយប់ថ្ងៃទី១៩ ខែមីនា ឆ្នាំ២០២១) សូមរួសរាន់មកយកសំណាក នៅមណ្ឌលចត្តាឡីស័កសាលាគរុកោសល្យ និងអ្នករស់នៅក្បែរមន្ទីរពេទ្យ៧៧៧ សូមយកសំណាកនៅមន្ទីរពេទ្យ៧៧៧ ចាប់ពីថ្ងៃជូនដំណឹងនេះតទៅ។ រាល់ព័ត៌មានបន្ថែម សូមទំនាក់ទំនងទូរស័ព្ទលេខ ០១២ ៥២២ ៤២៧, ០៦៦ ៣៦៤ ៦៤៦ និង០៦៩ ៧៧៣ ២២៣។

ចំពោះការផ្អាកចរាចរណ៍ចេញ-ចូលបណ្តោះអាសន្ននេះ នឹងដំណើរការឡើងវិញ ក្រោយស្ថានភាពការរីករាលដាលជំងឺកូវីដ១៩ មានសភាពធូស្រាល និងវិលមករកប្រក្រតីភាពឡើងវិញ ដោយរដ្ឋបាលខេត្តនឹងជូនដំណឹងនាពេលក្រោយ។

រដ្ឋបាលខេត្តសៀមរាប សង្ឃឹមយ៉ាងមុតមាំថា បងប្អូនប្រជាពលរដ្ឋក្នុងខេត្ត ពិសេសបងប្អូនដែលរស់នៅក្នុងសង្កាត់គោកចក ក្រុងសៀមរាប ចូលរួមអនុវត្តឱ្យបានម៉ឺងមាត់ និងអនុវត្តនូវវិធានការការពាររបស់រាជរដ្ឋាភិបាល និងតាមការណែនាំរបស់ក្រសួងសុខាភិបាល៕

អ្នកជំនាញនៃក្រុមការងារចិនដែលកំពុងប្រតិបត្តិការនៅការដ្ឋានសាងសង់អាកាសយានដ្ឋានអន្តរជាតិសៀមរាប-អង្គរបានឲ្យដឹងថាតាមផែនការសម្រាប់ឆ្នាំ២០២១នេះការសាងសង់គម្រោងទាំងមូលគ្រោងនឹងសម្រេចឲ្យបានប្រមាណជា៦៧%ដែលនៅក្នុងនោះការសាងសង់ស្ថានីយ៍អ្នកដំណើរគ្រោងនឹងសម្រេចឲ្យបាន៧៨% ការកសាងតំបន់ហោះហើរគ្រោងនឹងសម្រេចឲ្យបាន៤៥% និង សំណង់ហេដ្ឋារចនាសម្ព័ន្ធទូទៅរបស់អាកាសយាដ្ឋានគ្រោងនឹងសម្រេចឲ្យបាន៥០%។

ម្យ៉ាងទៀត តាមផែនការឆ្នាំ២០២១ អាកាសយានដ្ឋានអន្តរជាតិសៀមរាប-អង្គរ គ្រោងនឹងពន្លឿនការសាសង់ឲ្យបាន៦៧% និងបញ្ចប់ការសាងសង់ ឈានទៅបំពេញលក្ខខណ្ឌប្រតិបត្តិការរបស់អាកាសយានដ្ឋាន នាពាក់កណ្តាលខែមីនា ឆ្នាំ២០២៣ខាងមុខ។

ការឲ្យដឹងយ៉ាងដូច្នេះអ្នកជំនាញចិនរូបនោះបានរំលឹកឲ្យដឹងដែរថាការដ្ឋានសាងសង់ស្ថានីយ៍អ្នកដំណើរដែលចាប់ផ្តើមដំណើរការនាពាក់កណ្តាលខែមីនា មកដល់ចុងឆ្នាំ២០២០ គឺសម្រេចបាន១៥% ជាមួយនេះសំណង់តំបន់ហោះហើរដែលចាប់ផ្តើមការដ្ឋាន នាពាក់កណ្តាលខែតុលា មកដល់ចុងឆ្នាំ២០២០ដូចគ្នា សម្រេចបានប្រមាណជា១០%។

ក្នុងនោះដែរក៏ធានាបានថាការហោះហើរនិងចុះចតមិនមានផលអវិជ្ជមាននៃប្រតិបត្តិការរបស់អាកាសយានដ្ឋាន ចំពោះប្រាសាទអង្គវត្ត និងសំណង់ស្ថាបត្យកម្មជុំវិញនោះឡើយ ម៉្យាងទៀត ការសាងសង់អាកាសយានដ្ឋាននេះ ក៏រក្សានូវបរិស្ថានធម្មជាតិទៀតផង។

អាកាសយានដ្ឋានថ្មីនេះ ស្ថិតក្នុងលំដាប់4E មានផ្លូវរត់ប្រវែង ៣ពាន់៦០០ម៉ែត្រ ទទឹង ៤៥ម៉ែត្រ            មាន៣៨ចំណតយន្តហោះ និង មានក្រឡាផ្ទៃស្ថានីយ៍អ្នកដំណើរជាង៨ម៉ឺនម៉ែត្រក្រឡា ដែលអាចទទួល            អ្នកដំណើរជាប្រចាំឆ្នាំប្រមាណជាង៧លាននាក់។ អាកាសយានដ្ឋានអន្តរជាតិខ្នាតដ៏ធំមួយនេះដែរ ត្រូវបានស្ថិតក្រោមកិច្ចព្រមព្រៀង BOT រយៈពេល៥៥ឆ្នាំ ដែលក្រោយពេលប្រតិបត្តិការត្រូវបានបញ្ចប់ គម្រោងនេះនឹងត្រូវប្រគល់ជូនរាជរដ្ឋាភិបាលកម្ពុជា៕