នៅក្នុងឱកាសការបើកបវេសនកាលនៃរដ្ឋសភា សម័យប្រជុំរដ្ឋសភាលើកទី៤ នីតិកាលទី៧ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបានផ្ញើព្រះរាជសារជូនអង្គរដ្ឋសភា ដោយបានមានព្រះរាជបន្ទូលកោតសរសើរ វាយតម្លៃខ្ពស់ចំពោះលទ្ធផលរដ្ឋសភា ក្រោមការដឹកនាំរបស់សម្តេចរដ្ឋសភាធិបតី ឃួន សុដារី បានបំពេញការងារស្នូលរបស់ខ្លួនយ៉ាងសកម្ម និងប្រកបដោយថាមពលខ្លាំងក្លា ហើយសម្រេចបាន នូវសមិទ្ធផលជាច្រើនគួរជាទីមោទនៈ រួមចំណែកយ៉ាងសំខាន់ដល់ការថែរក្សាសុខសន្តិភាព សណ្តាប់ ធ្នាប់សង្គម កំណើនសេដ្ឋកិច្ច និងការអភិវឌ្ឍប្រកបដោយបរិយាបន្ន។

ព្រះរាជសារបានបន្តថា ក្នុងអំឡុងចន្លោះសម័យប្រជុំរដ្ឋសភាកន្លងមកនេះ ថ្នាក់ដឹកនាំរដ្ឋសភា គណៈកម្មការនានា ន រដ្ឋសភា ព្រមទាំងសមាជិក សមាជិការដ្ឋសភា បានចុះបំពេញការងារយ៉ាងសកម្មនៅតាមមណ្ឌល រាជធានី ខេត្តនៅទូទាំងប្រទេស ដើម្បីស្វែងយល់អំពីស្ថានភាពជាក់ស្តែងមានជាអាទិ៍អំពីវឌ្ឍនភាព តម្រូវការបញ្ហាប្រឈម និងក្តីកង្វល់នានារបស់ប្រជារាស្ត្រ និងបានជួយអន្តរាគមន៍ ដោះស្រាយបញ្ហា ប្រឈម និងសំណូមពរ ជូនដល់ប្រជារាស្ត្រ បានយ៉ាងច្រើនគួរកោតសរសើរ។ បន្ថែមពីនេះ គណៈកម្មការនានារបស់រដ្ឋសភាក៏បានប្រជុំ ពិនិត្យ និងសិក្សាសេចក្តីព្រាងច្បាប់ សំខាន់ៗនានា ដែលស្នើឡើងដោយរាជរដ្ឋាភិបាលនឹងត្រូវអនុម័តក្នុងសម័យប្រជុំពេញអង្គរដ្ឋសភា ក្នុងពេលខាងមុខ ផ្ដល់នូវក្របខ័ណ្ឌច្បាប់ជាមូលដ្ឋាន សំដៅបម្រើជាឧត្តមប្រយោជន៍ជូនជាតិ មាតុភូមិ និងប្រជារាស្ត្រ។

ជាមួយគ្នានេះ រដ្ឋសភាក៏បានបំពេញការងារការទូតសភាយ៉ាងសកម្ម និងផុលផុស ដោយ បានទទួលជួបពិភាក្សា ការងារទ្វេភាគីជាមួយឥស្សរជនជាន់ខ្ពស់នៃសភា និងរដ្ឋាភិបាលនៃប្រទេស ជាមិត្ត ព្រមទាំងជាមួយអង្គទូតប្រចាំកម្ពុជា អង្គការជាតិនិងអន្តរជាតិនានា និងបានចូលរួមកិច្ចប្រជុំ អន្តរសភាថ្នាក់តំបន់ និងអន្តរជាតិ ដោយបានលើកកម្ពស់កិត្យានុភាពកម្ពុជានៅលើឆាកអន្តរជាតិ ក៏ដូចជាបង្ហាញពីតួនាទីដ៏សំខាន់របស់សភាកម្ពុជាក្នុងការរួមចំណែកដ៏មានតម្លៃដល់ការថែរក្សា សន្តិភាព ការអភិវឌ្ឍ និងវិបុលភាព ក្នុងតំបន់ និងសកលលោក។

អាស្រ័យដោយមូលដ្ឋានច្បាប់ដែលស្ថាប័ននីតិប្បញ្ញត្តិបានកសាងឡើង រាជរដ្ឋាភិបាល ក្រោមការដឹកនាំប្រកបដោយភាពឈ្លាសវៃ និងថាមវន្តរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅតែបន្តធានាថែរក្សា ការពារបានយ៉ាងរឹងមាំនូវសន្តិសុខ សណ្ដាប់ធ្នាប់សាធារណៈ ធានាដល់ការរស់នៅរបស់ប្រជារាស្ត្រប្រកបដោយភាពសុខដុមរមនា។

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា មានព្រះរាជអង្គការបន្ថែមថា សូមចូលរួមអបអរសាទរចំពោះសា្ថប័ននីតិប្បញ្ញត្តិ និងស្ថាប័ននីតិប្រតិបត្តិ ដែលបានសហការគ្នាយ៉ាងល្អ ក្នុងការជំរុញការអនុវត្តច្បាប់ កម្មវិធីនយោបាយ និងយុទ្ធសាស្ត អភិវឌ្ឍជាតិ ក្នុងស្មារតីកសាង និងអភិវឌ្ឍព្រះរាជាណាចក្រកម្ពុជាឱ្យកាន់តែមានភាពរីកចម្រើនប្រសើរ ឡើងជាលំដាប់ ជាប្រទេសដែលមានការអភិវឌ្ឍសេដ្ឋកិច្ចសង្គមប្រកបដោយចីរភាព និងបរិយាបន្ន ដោយបន្តជំរុញការធ្វើសមាហរណកម្ម និងពិពិធកម្មសេដ្ឋកិច្ចទៅក្នុងតំបន់ និងសកល ជាពិសេសលើ វិស័យកសិ-ឧស្សាហកម្ម ឧស្សាហកម្ម ទេសចរណ៍ បច្ចេកវិទ្យា នវានុវត្តន៍ និងអភិវឌ្ឍន៍ជនបទ៕

ជាមួយគ្នានេះសម្តេចបវរធិបតីនាយករដ្ឋមន្ត្រី ក៏បានប្រកាសថានឹងមិនមានការកែសម្រួល ព្រំដីនៃបឹងទន្លេសាបទៀតនោះទេ ដោយមិនមានការកែប្រែតំបន់ ៣ មកតំបន់ ២ ព្រោះការបោះបង្គោលព្រំដីបឹងទន្លេសាប គឺបានសម្រេចរួចរាល់ ១០០% ដោយសម្រេចតម្កល់ការការពារបឹងទន្លេសាបជាការបម្រើផលប្រយោជន៍ប្រជាជនជាង ១៧លាននាក់, ការពារបរិស្ថាន, ការពារប្រព័ន្ធអេកូឡូស៊ី និង ជីវចម្រុះសម្រាប់កម្ពុជា។ ជាមួយគ្នានេះ, សម្តេចបវរធិបតីនាយករដ្ឋមន្ត្រី ក៏បានគូសបញ្ជាក់ថា សម្រាប់អ្នកដែលប្រើប្រាស់ដីក្នុងតំបន់ ២ គឺត្រូវគោរពតាមក្រឹត្យក្រមដែលបានកំណត់ និងការប្រើប្រាស់ជីឱ្យបានត្រឹមត្រូវ ដើម្បីបញ្ចៀសការបង្កហានិភ័យដល់ជីវចម្រុះ។

មុននឹងបញ្ចប់ សម្តេចបវរធិបតីនាយករដ្ឋមន្ត្រី ក៏បានប្រកាសផងដែរថា រាជរដ្ឋាភិបាលបានកំណត់ចក្ខុវិស័យច្បាស់លាស់ក្នុងការការពារតំបន់ ៤០០គីឡូម៉ែត្រការ៉េ នៃតំបន់រមនីយដ្ឋានអង្គរ តាមរយៈការ៖ ១/ ការកំណត់លក្ខខណ្ឌនៃការប្រើប្រាស់ដី និងរក្សាឱ្យបានអត្តសញ្ញាណជាខ្មែរជាអាទិភាព ដោយបានណែនាំឱ្យក្រសួងរៀបចំដែនដី នគរូបនីយកម្ម និងសំណង់, ក្រសួងវប្បធម៌ និងវិចិត្រសិល្បៈ, ស្ថាបត្យកម្ម និងវិនិយោគិន ត្រូវរៀបចំការគ្រប់គ្រងការសាងសង់ឱ្យបានស្របតាមការរចនាបទខ្មែរ គ្រប់គ្រងរូបភាពខាងក្រៅ និងអនុញ្ញាតឱ្យមានការធ្វើទំនើបកម្ម និងទាន់សម័យ ដោយត្រូវកំណត់ផែនការសម្រាប់រៀបចំភូមិក្នុងរយៈពេល ៥០ឆ្នាំមុខ។

សម្តេចបវរធិបតីនាយករដ្ឋមន្ត្រី បានបង្ហាញការគាំទ្រចំពោះ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និង សំណង់ ដែលបានដាក់ចេញនូវសមរភូមិការងារសំខាន់ៗ ទាំង ៥ របស់ក្រសួង ដោយឈរលើមូលដ្ឋាននៃសមិទ្ធផលសម្រេចបាននាពេលកន្លងមក ព្រមទាំងការតម្រង់ទិសឆ្ពោះទៅរកចក្ខុវិស័យកម្ពុជាឆ្នាំ ២០៥០ ប្រកបដោយភាពជាក់ស្តែង និង ប្រាកដនិយម។ ក្នុងនោះសមរភូមិទាំង ៥រួមមាន៖ ១/ ការរៀបចំផ្ទះសម្បែងឱ្យរៀបរយ, ២/ ការកាត់បន្ថយ និងលុបបំបាត់បញ្ហាចម្រូងចម្រាសក្នុងសង្គម, ៣/ ការកសាង និងពូនជ្រំរដ្ឋបាលសាធារណៈទំនើប ឆ្លាតវៃ និងវាងវៃ, ៤/ ការងាររៀបចំដែនដី និងនគរូបនីយកម្ម និង ៥/ ស្ថាបត្យកម្មខ្មែរនាសហសម័យកម្ពុជា។

ឆ្លៀតក្នុងឱកាសនេះ សម្តេចបវរធិបតីនាយករដ្ឋមន្ត្រីលើកទឹកចិត្តដល់ថ្នាក់ដឹកនាំ និង មន្រ្តីរាជការគ្រប់លំដាប់ថ្នាក់នៃក្រសួងរៀបចំដែនដី នគរូបនីយកម្ម និងសំណង់ អនុវត្តការងារបន្តលើសមរភូមិការងាររបស់ខ្លួន ឱ្យកាន់តែមានប្រសិទ្ធភាព និងសម្រេចបាននូវសមិទ្ធផលថ្មីៗបន្ថែមទៀត៕

យោងតាមផែនទី(ប្លង់GPSមួយមិនផ្លូវការ) ដែលបង្ហាញតគ្នានោះ ថាមានការស្នើ សុំបង្កើត គ្រឹះស្ថានបណ្តុះ បណ្តាល និងហ្វឹកហ្វឺនកងកម្លាំ ងនគរបាលជាតិក្នុងដែន ជម្រកសត្វភ្នំឱរ៉ាល់ស្រុកឱរ៉ាល់ខេត្តកំពង់ស្ពឺចំនួន ដល់៣០០១ហិកតា បើដូច្នេះមែននោះវានឹងធ្វើឲ្យប៉ះពាល់ដីកម្មសិទ្ធិរបស់ប្រជាពលរដ្ឋច្រើនរយហិកតានៅតំបន់នោះផងដែរ។

បើតាមប្រជាពលរដ្ឋក្នុងចំណោមប្រជាពលរដ្ឋជិត២០០នាក់ម្ចាស់ដីបាននាំគ្នាផ្តិតមេដៃក្នុងចំណោមម្ចាស់ដីប្រមាណជាង៥០០គ្រួសារដែលមានកម្មសិទ្ធិ ហើយកំពុងអាស្រ័យផលលើ ដីនោះបានសំដែងការភិតភ័យនៅពេលឃើញមន្រ្តីចម្រុះចុះមកកំណត់ទំហំដីដោយមិនបានជូនដំណឹងដល់ពួកគាត់ទេ នៅក្នុងចំណុចភូមិដូនជន់​ ភូមិថ្មី​ ភូមិសូរិយា​ និងភូមិកេះ​ ក្នុងឃុំតាសាល ស្រុកឱរ៉ាល ខេត្តកំពង់ស្ពឺ។

ប្រភពពីប្រជាពលរដ្ឋបានបញ្ជាក់ថាកាលពីថ្ងៃទី១៨ខែកញ្ញានេះមានមន្រ្តីបានយកផ្ទាំងប៉ាណូកំណត់ទីតាំងគ្រោងបង្កើតគ្រឹះស្ថានបណ្តុះបណ្តាលនិងហ្វឹកហ្វឺនកម្លាំងនគរបាលពិតមែន។ហើយនៅព្រឹកថ្ងៃទី១៩ខែកញ្ញានេះប្រជាពលរដ្ឋបាននាំគ្នាមកកាន់ទីតាំងនោះដើម្បីតវ៉ាថាបញ្ហានេះសូមមេត្តាថ្នាក់ដឹកនាំជួយរកដំណោះស្រាយផងព្រោះការកំណត់ទីតាំងនោះអាចប៉ះពាល់ដីកម្មសិទ្ធិពួកគាត់។

ដោយមានការរងគ្រោះដូចនេះប្រជាពលរដ្ឋសូមសំណូមពរដល់សម្តេចសេនាបតីតេជោ ហ៊ុន សែននាយករដ្ឋមន្រ្តី នៃព្រះរាជាណាចក្រកម្ពុជា​ ជួយរកដំណោះស្រាយជូនប្រជាពលរដ្ឋផង។

បើតាមសម្តីប្រជាពលរដ្ឋបានឲ្យដឹងដែរថាមន្រ្តីបរិស្ថានចុះ មកកំណត់តាមGPS ប៉ះ ចំដីស្ថិតក្នុងឃុំតាសាលស្រុកឱរ៉ាល់ខេត្តកំពង់ស្ពឺនេះ​ ពួកគាបានចូលកាន់កាប់រស់តាំងពីដូនតាគាត់មកម្ល៉េះតាំងពីសម័យខ្មែរក្រហម​ រហូតដល់សព្វថ្ងៃ​ ។ប្រជាពលរដ្ឋបានចូលរួមផ្តិតមេដៃសូមដល់សម្តេចតេជោហ៊ុនសែនមន្រ្តីថ្នាក់លើពាក់ព័ន្ធមេត្តាជួយដោះ ស្រាយជូនពលរដ្ឋម្ចាស់ដីផង។

ចំណែកមន្រ្តីក្រុមប្រឹក្សាឃុំតាសាលម្នាក់ទើបជាប់ឆ្នោតថ្មីៗបញ្ជាក់ថាពលរដ្ឋជាម្ចាស់កម្មសិទ្ធិលើដីខាងលើមាន ទទួលស្គាល់ពីមេឃុំចាស់ ពីមន្រ្តីថ្នាក់ស្រុកនិងខ្លះមានប្លង់ រឹងទៀត ផង។ប្រជាពលរដ្ឋបាននាំគ្នាផ្តិតមេដៃស្នើសុំទៅសម្តេចតេជោ ហ៊ុន សែននាយករដ្ឋមន្រ្តីនិងមន្រ្តីថ្នាក់លើមេត្តាជួយដោះស្រាយជូនពួកគាត់ផង ។

សូមជម្រាបថាកាលពីចុងខែសីហា ឆ្នាំ២០២២ សមត្ថកិច្ចចម្រុះប្រមាណជិត ១០០នាក់ បានចុះស្រាវជ្រាវវាស់វែងលើផ្ទៃទំហំ៣០០១ហិកតាក្នុង៤ភូមិ​ គឺ ភូមិដូនជន់​ ភូមិថ្មី​ ភូមិសូរិយា​ ភូមិកេះ​ ឃុំតាសាល ស្រុកឱរ៉ាល់​ការកំណត់ផ្ទៃដីទាំងនោះបានប៉ះពាល់ដីមានកម្មសិទ្ធិប្លង់រឹង០០១​ របស់ពលរដ្ឋនិងដីកំពុងអាស្រ័យផលមានស្រែ​ចំការកសិដ្ឋានជាដើម៕

ខាងក្រោមនេះជាអនុក្រឹត្យរបស់រាជរដ្ឋាភិបាល៖

គួរជម្រាបថា ក្រសួងបរិស្ថានបានអភិរក្សភ្នំគុហារហ្លួង (ល្អាងប្រចៀវ) ជាតំបន់បេតិកភណ្ឌ សម្រាប់ជាមរតកមនុស្សគ្រប់ជំនាន់ ហើយគុហារហ្លួង ក៏បានចុះបញ្ជីជាទីតាំងបុរាណរបស់ក្រសួងវប្បធម៌ និងវិចិត្រសិល្បៈផងដែរ៕