អាណិត! ក្មេងប្រុសម្នាក់ចុះលេងទឹកកំពង់មុខផ្ទះ បណ្តាលឲ្យលង់ស្លាប់

មករា — Mon, 17 Jan 2022 02:20:19 +0000

បាត់ដំបង៖ នៅថ្ងៃទី១៦ ខែមករា ឆ្នាំ២០២២ វេលាម៉ោង៩និង០០នាទី ត្រង់ចំណុចក្រុមទី១៣ ភូមិព្រែកត្រប់ ឃុំព្រែកនរិន្ទ ស្រុកឯកភ្នំ ខេត្តបាត់ដំបង មានករណីក្មេងលង់ទឹកស្លាប់ម្នាក់ ។

ជនរងគ្រោះឈ្មោះ វុធ ដាវឺន ភេទប្រុស អាយុ១ឆ្នាំ៦ខែ រស់នៅចំណុចកើតហេតុខាងលើ ។

តាមការបញ្ជាក់ពីសាច់ញាតិបានឲ្យដឹងថា ក្មេងរងគ្រោះនេះបានចុះលេងទឹកកំពង់មុខផ្ទះក្នុងអូរព្រែកត្រប់តែម្នាក់ឯង ខណៈឪពុកកំពុងរវល់គ្មានអ្នកមើលទើបបណ្តាលឲ្យលង់ស្លាប់តែម្តង។

ក្រោយពីទទួលបានព័ត៌មាន កម្លាំងនគរបាលស្រុកសហការជាមួយគ្រូពេទ្យជំនាញ បានចុះត្រួតពិនិត្យ និងវិភាគទីកន្លែងកើតហេតុលើក្មេងរងគ្រោះឈ្មោះ វុធ ដាវីន ពិតជាលង់ទឹកអូរព្រែកត្រប់ស្លាប់ពិតប្រាកដមែន និងបានប្រគល់ជូនទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕

អាណិត! ក្មេងប្រុសអាយុ១ឆ្នាំ លង់ទឹកខាប់មុខផ្ទះ បណ្តាលឲ្យស្លាប់

មករា — Mon, 20 Dec 2021 02:30:17 +0000

បន្ទាយមានជ័យ៖ ក្មេងប្រុសអាយុ១ឆ្នាំ បានលង់ទឹកពាងសម្រាប់ស្រោចដំណាំក្នុងចំការបណ្តាលឲ្យស្លាប់បង្កឲ្យមានការភ្ញាក់ផ្អើលនៅវេលាម៉ោង ១៣និង៣០នាទី ថ្ងៃទី១៨ខែធ្នូ ឆ្នាំ២០២១ នៅភូមិភ្នំធំត្បូង ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ ។

សមត្ថកិច្ចបានឲ្យដឹងថា ក្មេងរងគ្រោះឈ្មោះ សុភត់ រតនា អាយុ០១ឆ្នាំ នៅភូមិភ្នំធំត្បូង ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ ម្តាយឈ្មោះ យ៉ា ស្រីរ័ត្ន អាយុ២៧ឆ្នាំ លក់ដូរនៅនឹងផ្ទះនិងឪពុកឈ្មោះ រ៉ាន់ សុភត់ អាយុ៣១ឆ្នាំ ទៅធ្វើការនៅប្រទេសថៃ។

សមត្ថកិច្ចបញ្ជាក់ទៀតថា ជារៀងរាល់ថ្ងៃក្មេងរងគ្រោះ ត្រូវបានជីដូននាំយកទៅលេងមើលថែនៅឯផ្ទះរបស់ក្នុងចំការ ដោយម្តាយរបស់ក្មេងរងគ្រោះជាប់រវល់ល់ដូរ ។ នៅមុនពេលកើតហេតុ ជីដូនឈ្មោះ លាភ អាយុ៦៧ឆ្នាំ បានយកចៅទៅលេងនៅផ្ទះរបស់ក្នុងចំការ និងថែទាំដូចសព្វមួយដង ហើយនៅថ្ងៃកើតហេតុ សង្ស័យគាត់រវល់មើលដំណាំក្នុងចំការ ហើយក្មេងរងគ្រោះបានរត់លេងនៅទីនោះ ។ ក្រោយពីបាត់ចៅក៏ស្រែកហៅមិនឮឆ្លើយ គាត់បានដើររកស្រាប់តែឃើញចៅស្លាប់នៅក្នុងពាងខាប់មានទឹកជិតពេញនៅខាងមុខផ្ទះចម្ងាយប្រមាណជា៧ម៉ែត្រ ។

សមត្ថកិច្ចបានបញ្ជាក់ទៀត ក្រោយពីទទួលបានព័ត៌មាន ក៏បានបង្កើតក្រុមការងារ ចុះទៅពិនិត្យសាកសព ឃើញថាក្មេងរងគ្រោះពិតជាស្លាប់ដោយសារលង់ពាង(ខាប់ដាក់ទឹក) ប្រាកដមែន។ ក្រោយពិនិត្យរួច បានប្រគល់ជូនម្តាយរៀបចំធ្វើបុណ្យតាមប្រពៃណី៕

លង់ទឹក – Champey News

អាណិត! ក្មេង​ប្រុស​ម្នាក់​ចុះ​លេង​ទឹក​កំពង់​មុខ​ផ្ទះ​ បណ្តាល​ឲ្យ​លង់​ស្លាប់​

អាណិត! ក្មេង​ប្រុស​អាយុ​១​ឆ្នាំ ​លង់ទឹក​​ខាប់​​មុខ​ផ្ទះ ​បណ្តាល​ឲ្យ​ស្លាប់​

អាណិត! ក្មេងប្រុសម្នាក់ចុះលេងទឹកកំពង់មុខផ្ទះ បណ្តាលឲ្យលង់ស្លាប់

អាណិត! ក្មេងប្រុសអាយុ១ឆ្នាំ លង់ទឹកខាប់មុខផ្ទះ បណ្តាលឲ្យស្លាប់