យោងតាមស្នងការនគរបាលខេត្តកណ្ដាលបានឲ្យដឹងថាការយល់ព្រមរំសាយនេះ គេឃើញមានវត្តមានផ្ទាល់ក្នុងការសម្របសម្រួលពីសំណាក់លោកនូវប៉េង ច័ន្ទតារា អភិបាលរងខេត្តកណ្ដាល , លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល លោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្ដាល និងអាជ្ញាធរពាក់ព័ន្ធ ស្រុកកៀនស្វាយផងដែរ។

នៅក្នុងការសម្របសម្រួលនេះ ក្រុមប្រជាពលរដ្ឋបានសំដែងការយល់ស្របនឹងការសម្របសម្រួលរបស់ថ្នាក់ដឹកនាំខេត្តកណ្ដាល ហើយយល់ព្រមចូលខ្លួនដោះស្រាយនៅសាលាស្រុកកៀនស្វាយជុំវិញបញ្ហាដីធ្លីនៅថ្ងៃទី ៣១ ខែឧសភា ឆ្នាំ ២០២១ស្អែកនេះ។

ទន្ទឹមនឹងការដោះស្រាយយុទ្ធសាស្ត្រឈ្នះ-ឈ្នះនេះ ក្រុមប្រជាពលរដ្ឋបានសំដែងការសប្បាយរីករាយដែលបានឃើញអាជ្ញាធរខេត្តចុះមកជួបពួកគាត់ និងយល់ព្រមទទួលយកសំណើររបស់ពួកគាត់ទៅដោះស្រាយនាថ្ងៃនេះ៕

លោក គង់ សោភ័ណ្ឌ អភិបាលខេត្តកណ្ដាល បានលើកឡើងកាលពីថ្ងៃទី១២ ខែមករា ឆ្នាំ២០២១ក្នុងការដឹកនាំកិច្ចប្រជុំពិនិត្យការរៀបចំសោភ័ណភាព សណ្ដាប់ធ្នាប់ ពាក់ព័ន្ធនឹងការដឹកដី ដឹកខ្សាច់ ក្នុងក្រុងតាខ្មៅថា ដើម្បីអោយទីក្រុងតាខ្មៅ ក្លាយជាទីក្រុងស្អាត និងទទួលបានផ្ការំដួល៣ទង និងទទួលបានជ័យលាភីទីក្រុងស្អាតអាស៊ាន។

លោកអភិបាលខេត្ដស្នើដល់ម្ចាស់ដេប៉ូដឹកដី ដឹកខ្សាច់ ទាំងអស់ មិនត្រូវដឹកហួសពីទ្រុងរថយន្ត ត្រូវមានគម្របគ្របអោយជិត ជៀសវាងការធ្លាក់ថ្ម ដី និងខ្សាច់ ហើយត្រូវដឹកខ្សាច់ស្ងួត ជៀសវាងហូរ ឬជ្រុះធ្លាក់លើផ្លូវ ។
គួរឲ្យដឹងផងដែរថា ក្នុងកិច្ចប្រជុំនេះមានការអញ្ជើញចូលរួមពីកងកម្លាំងទាំងបី មន្ទីរអង្គភាពពាក់ព័ន្ធ អាជ្ញាធរក្រុង និងម្ចាស់ដេប៉ូដឹកដី ដឹកខ្សាច់ទាំងអស់ ក្នុងក្រុងតាខ្មៅ៕