សូមបញ្ជាក់ថា ការឧបត្ថម្ភទាំង៣លើកនេះ គិតជាថវិកាសរុបមានចំនួន ៨៥លានរៀល (ប៉ែតសិបប្រាំលាន)រៀល ស្មើនឹង៨៥នាក់រួចហើយ។

លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ តំណាងឲ្យមន្ត្រីនគរបាលទាំង២០នាក់ សូមថ្លែងអំណរអរគុណយ៉ាងជ្រាលជ្រៅបំផុតចំពោះលោក គួច ចំរើន និងភរិយា សូមមានសុខភាពល្អបរិបូណ៌ អាយុយឺនយូរ ចៀសផុតពីជំងឺដង្កាត់ផងទាំងពួង និងបានប្រកបដោយពុទ្ធពរទាំងឡាយ បួនប្រការ គឺ អាយុ វណ្ណៈសុខ: ពលៈ កុំបីឃ្លៀងឃ្លាតឡើយ៕

លោក គួច ចំរើន បានលើកឡើងតាមរយ:បណ្ដាញសង្គមហ្វេសប៊ុក នាថ្ងៃទី៣ ខែមេសា ឆ្នាំ២០២១នេះថា ” មានឡានប្រេីហេីយ​ បេីកមកចតលេីសួនស្មៅយ៉ាងស្អាត​ ។
ប្រិយមិត្ត​ តេីនេះជាអំពេីបែបណា​ សង្ហា​ ឈ្លេីយ​ ថោកទាប​ ឬ​ ល្ងង់ខ្លៅ? កុំភ្លេច​ យកលុយមកបង់ថ្លៃពិន័យផង​ ហេីយត្រូវរងចាំ​ មួយរយ:ពេលសមរម្យសិន​ “៕

បើតាមលិខិតរបស់អភិបាលខេត្តព្រះសីហនុ នៅថ្ងៃទី១ មេសា បានឲ្យដឹងថា ការសម្រេចបិទនេះ ដោយយោងតាមលទ្ធផលតេស្តវត្ថុសំណាក ដែលក្រុមឆ្លើយតបបន្ទាន់នៃ មន្ទីរសុខាភិបាលខេត្តបានយកពី ប្រជាពលរដ្ឋនៅតំបន់ទំនប់រលក ស្ថិតភូមិ៣ សង្កាត់លេខ១ ក្រុងព្រះសីហនុ បានបញ្ជាក់ថា មានករណីវិជ្ជមានវីរុសកូវី៥-១៩ កើនឡើងជាបន្តបន្ទាប់ ពាក់ព័ន្ធជាមួយមនុស្សនៅក្នុងតំបន់នោះ។

ដើម្បីទប់ស្កាត់ការរីករាលដាលជំងឺកូវីដ-១៩ បន្តទៀត រដ្ឋបាលខេត្តសម្រេចបិទខ្ទប់តំបន់ទំនប់រលកមួយផ្នែក(ចាប់ពីក្រុមទី៦ ដល់ក្រុមទី១១ ក្រុមទី១៦ ដល់ក្រុមទី២៤ និងក្រុមទី៣២) ជាបន្ទាន់ ចាប់ពីមាត់សមុទ្រដល់ផ្លូវរថភ្លើង ដោយកំណត់បិទចាប់ពីមុខស្នាក់ការកងរាជអាវុធហត្ថទំនប់រលក រហូតដល់ផ្លូវឡើងទៅរោងចក្រ អរ ស៊ី អាយ (ទាំងសងខាងផ្លូវ) ដោយមិនអនុញ្ញាតឲ្យមានការចេញ-ចូលតំបន់នោះបន្តទៀតឡើយ។

ចំពោះប្រជាពលរដ្ឋរស់នៅក្នុងតំបន់ទំនប់រលំកអាចធ្វើដំណើរដោយថ្មើរជើងដើម្បីទិញម្ហូបអាហារ សម្ភារប្រើប្រាស់ចាំបាច់នានានៅផ្សារក្នុងភូមិ ដោយអ្នកលក់ និងអ្នកទិញត្រូវពាក់ម៉ាស់បាញ់អាល់កុល ឬជែលសម្លាប់មេរោគ រក្សាគម្លាតសុវត្ថិភាព ព្រមទាំងដាក់ខ្សែចងនៅមុខកន្លែងលក់ដូរឲ្យបានត្រឹមត្រូវ។

ដោយឡែកប្រជាពលរដ្ឋរស់នៅក្នុងក្រុមទី៩, ១២, ១៣, ១៤ និងក្រុមទី១៥ កំពុងធ្វើចត្តាឡីស័កនៅតាមផ្ទះគឺមិនអនុញ្ញាតឲ្យចេញពីទីតាំងរបស់ខ្លួនឡើយ។ ក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ នឹងចុះស្រាវជ្រាវ សម្ភាសន៍អ្នកពាក់ព័ន្ធនៅក្នុងទីតាំងនោះ ហើយក្រុមឆ្លើយតបបន្ទាន់នៃ មន្ទីរសុខាភិបាលខេត្ត នឹងចុះយកវត្ថុសំណាកពីអ្នករស់នៅក្នុងតំបន់នោះទាំងអស់គ្នា ដើម្បីធ្វើតេស្តរកវីរុសកូវីដ-១៩៕

លោក គួច ចំរើន ក៏បានណែនាំឲ្យអាជ្ញាធរក្រុងស្រុក ទាំង៥ ត្រូវបន្តអប់រំផ្សព្វផ្សាយប្រជាពលរដ្ឋត្រូវពាក់ម៉ាស និងវិធានការបង្ការ ការពារ ទប់ស្កាត់ការឆ្លងរាលដាលជំងឺកូវីដ-១៩ នៅក្នុងសហគមន៍មូលដ្ឋាន និងអនុវត្តតាមគោលការណ៍ របស់ក្រសួងសុខាភិបាល ជាពិសេសវិធានការការពារ របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ៣.ការពារ និង ៣.កុំ។

វិធានការ ៣ការពារ និង៣កុំ របស់ប្រមុខរាជរដ្ឋាភិបាល រួមមានដូចខាងក្រោម៖

-៣.ការពារ (១.ពាក់ម៉ាស ២.លាងដៃ ៣.រក្សាគម្លាតសុវត្ថិភាពសង្គម និងគម្លាតសុវត្ថិភាពបុគ្គលចាប់ពី ១,៥០ម៉ែត្រឡើងទៅឱ្យបានគ្រប់គ្នានៅគ្រប់ទីកន្លែងនិងអនុវត្តឱ្យបានគ្រប់គ្នាចំណុចបីប្រការនេះ វាមានសារ:សំខាន់ណាស់ ដូច្នេះទើបយើងអាចយកឈ្នះលើកូវីដ-១៩ បានជោគជ័យ)។

-៣កុំ (១.កុំចូលទៅកន្លែងបិទជិតគ្មានខ្យល់ចេញ-ចូល និងប្រើម៉ាស៊ីនត្រជាក់ច្រើនពេក រកកន្លែងមានខ្សល់ចេញ-ចូល ២.កុំទៅកន្លែងមានមនុស្សច្រើនកុះករ ៣.កុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នាជាដើម)៕

យោងតាមសេចក្ដីជូនដំណឹង របស់រដ្ឋបាលខេត្តព្រះសីហនុ នៅថ្ងៃទី២ កុម្ភៈនេះ បានឲ្យដឹងថា រដ្ឋបាលខេត្តព្រះសីហនុ បានពិនិត្យឃើញថា សំណង់របស់លោក លោកស្រី ដែលកំពុងរស់នៅ និងប្រកបអាជីវកម្មត្រង់ចំណុចពីយយាយម៉ី និងឆ្នេរតាបារាំង ក្នុងភូមិឫទ្ធិ២ ឃុំកែវផុស ស្រុកស្ទឹងហាវ ខេត្តព្រះសីហនុ គឺស្ថិតនៅលើដីចំណីឆ្នេរសាធារណៈរបស់រដ្ឋ ដែលធ្វើឱ្យប៉ះពាល់ដល់បរិស្ថាន អនាម័យ សណ្តាប់ធ្នាប់ និងសោភ័ណភាពឆ្នេរ។

លោក គួច ចំរើន បញ្ជាក់ថា «រដ្ឋបាលខេត្តព្រះសីហនុ សូមជូនដំណឹងដល់លោក លោកស្រី ត្រូវរុះរើសំណង់ និងការ្យផ្សេងៗ ដែលបានសង់នៅលើដី ចំណីឆ្នេរសាធារណៈរបស់រដ្ឋ ស្ថិតនៅចំណុចព្យយាយម៉ី និងឆ្នេរបារាំង ចាប់ពីថ្ងៃចេញសេចក្តីជូនដំណឹងនេះ រហូតដល់ថ្ងៃទី២៨ ខែកុម្ភៈ ឆ្នាំ២០២១ ជាកំហិត»។

លោកអភិបាលខេត្តសង្កត់ធ្ងន់ថា ក្នុងករណីលោក លោកស្រី មិនរុះរើតាមសេចក្តីជូនដំណឹងនេះ រដ្ឋបាលខេត្តព្រះសីហនុ នឹងសហការជាមួយគណៈបញ្ជាការឯកភាព រដ្ឋបាលស្រុកស្ទឹងហាវ ចុះអនុវត្តវិធានការរដ្ឋបាល និងវិធានការច្បាប់ ដោយមិនទទួលខុសត្រូវរាល់ ការខូចខាតសម្ភារ ឬបាត់បង់ទ្រព្យសម្បត្តិរបស់បងប្អូនឡើយ៕

យោងតាមហ្វេសបុកផេកផ្ទាល់ខ្លួនរបស់លោក គួច ចំរើន អភិបាលខេត្ដព្រះសីហនុ បានបង្ហោះពាក្យមួយឃ្លាថា ” តេីនេះជាទង្វេីរ ឡូយឆាយ ឬ អួតអាង ថោកទាប ប្រិយមិត្ត? ” អមនឹងរូបភាពរថយន្តមួយគ្រឿនដែលមិនស្គាល់ពីអត្តសញ្ញាណម្ចាស់ឡើយ។ ក្នុងអត្ថន័យបង្ហោះក៏អាចបង្ហាញផងដែរថា លោកពិតជាមិនពេញចិត្ដនឹងទង្វើររបស់បុគ្គលជាម្ចាស់ឡានឡើយ៕

លោក គួច ចំរើន អភិបាលខេត្តព្រះសីហនុ បាន មានប្រសាសន៍ផ្ដាំផ្ញើ ក្នុងឱកាសអញ្ជើញជាអធិបតីភាពក្នុងកិច្ចប្រជុំបិទផ្សាយជាសាធារណ:នូវឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណ:ជាប្រព័ន្ធស្ថិតនៅភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុកាលពីថ្ងៃទី១២ ខែមករា ឆ្នាំ២០២១ ដល់សាធារណជនដែលជាអ្នកកាន់កាប់ដី លំនៅឋានស្ថិតនៅក្នុងតំបន់ធ្វើការវិនិច្ឆ័យការចុះបញ្ជីដីធ្លីដែលមានលក្ខណៈជាប្រព័ន្ធដើម្បីអនុវត្តតាមខ្លឹមសារខាងលើ គណៈកម្មការ រដ្ឋបាល នឹង ធ្វើការ បិទផ្សាយ ជា សាធារណៈ នូវ ឯកសារ នៃ ការ វិនិច្ឆ័យ ប្លង់សុរិយោដី និងបញ្ជីឈ្មោះម្ចាស់ដី ដែលក្រុមចុះបញ្ជីដីធ្លី នៃមន្ទីររៀបចំដែន ដីនគរូបនីកម្ម សំណង់ និងសុរិយោដីខេត្ត បានធ្វើការវាស់វែង និងប្រមូលទិន្នន័យកន្លងមក។

លោកអភិបាលខេត្ដបានបន្តទៀតថាការចុះបញ្ជីដីធ្លី គឺជាសកម្មភាពពិត នៃការផ្ដល់សុវត្ថិភាពដីធ្លី និង ការបង្កេីនមូលធន ជូនកម្មសិទ្ធិករ។
លោកអភិបាលខេត្ត ក៏បានអំពាវនាវដល់សាធារណជន និងអង្គភាពនានា ដែល ពាក់ព័ន្ធដីធ្លី ក្នុងតំបន់ វិនិច្ឆ័យ ខាងលើឱ្យ ចូល រួមពិនិត្យ លើទិន្នន័យដែលមាននៅក្នុងឯកសារនៃការវិនិច្ឆ័យ ដើម្បីបញ្ជាក់នៃភាពត្រឹមត្រូវ ឬខុសឆ្គង ដែលត្រូវកែតម្រូវ ឬជំទាស់ លើទិន្នន័យទាំងនោះ ក្នុង រយៈពេល ១៥ថ្ងៃ ដោយ គិតចាប់ពីថ្ងៃទី១២ ដល់ថ្ងៃទី ២៦ ខែមករា ឆ្នាំ២០២១ ជាកំហិត នៅក្នុងបរិវេណវត្ត ឧត្តម មុនី វង្ស ហើយដល់ថ្ងៃផុតកំណត់ គណៈកម្មការ រដ្ឋបាល សន្មត ថា ទិន្នន័យ ដែលបានបិទផ្សាយជូន ពិនិត្យ ជា សាធារណៈ នេះមាន ភាពត្រឹមត្រូវហើយ មិន អាច ជំទាស់ ឬតវ៉ានៅពេលក្រោយទៀតបានទៀតទេ។

ក្នុងឱកាសនោះលោក ចេង ស្រុង ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុ ក៏បាន សំណូមពរដល់ ម្ចាស់ក្បាលដីមួយចំនួនដែល នៅជាប់ផ្លូវ រឺត្រូវបើកផ្លូវ ឱ្យចូលរួមសហការជាមួយមន្ត្រីជំនាញសុរិយោដី ដោយធ្វើ សប្បទាន រឺ បរិច្ចាគ ដី ផ្នែក ខ្លះ សម្រាប់ ទុក ធ្វើ ផ្លូវ លូ បណ្ដាញ ផ្លូវ រំដោះ ទឹក ដើម្បី បម្រើ ជា ប្រយោជន៍ រួម របស់ សាធារណៈ ហើយជាលទ្ធផលក្នុងថ្ងៃនេះនិងប្រជាពលរដ្ឋជាម្ចាស់ដីនិងអ្នកកាន់កាប់ដីទទួលបាននូវសារៈប្រយោជន៍ដូចជា៖ រដ្ឋគ្រប់គ្រងដីធ្លីទាំងដីរដ្ឋ និងដីឯកជន ដែលធ្វើឲ្យរដ្ឋមានការងាយស្រួលក្នុងការងាររៀបចំដែនដីការបែងចែកដី ការលើកស្ទួយកម្រិតជីវភាព រស់នៅរបស់ប្រជាពលរដ្ឋនិងការកាត់បន្ថយទំនាស់ព្រមទាំងធានាសុវត្ថិភាពក្នុងការកាន់កាប់ដីធ្លីរបស់ប្រជាពលរដ្ឋ ហើយអាចប្រើប្រាស់ប័ណ្ណកម្មសិទ្ធិដីដើម្បីផលប្រយោជន៍ផ្សេងៗ ក្នុងការប្រកបមុខរបរ ឬអាជីវកម្មរបស់ខ្លួនទទួលបាននូវសិទ្ធិស្របច្បាប់ ក្លាយជាម្ចាស់ដីពិតប្រាកដ ដែលត្រូវបានការពារដោយច្បាប់ និងធានាដោយរដ្ឋ ដែលអាចធ្វើការបង្កបង្កើនផល ឬប្រកបមុខរបរផ្សេងៗទៀត លើដីធ្លីរបស់ខ្លួនដោយគ្មានការព្រួយបារម្ភ៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី៧ មករា លោក គួច ចំរើន បានសរសេរថា “ជនចង្រៃ លួចគាស់យកគម្របលូ អស់១១ នៅវិថីសែនជ័យ ។ មិនត្រឹមតែបំផ្លាញទេ គឺបង្ករគ្រោះថ្នាក់ថែមទៀត។ ប្រិយមិត្តណាបានឃេីញ បានដឹង ជួយប្រាប់ផង”៕