ទាក់ទិនបញ្ហាចោទសួរនេះដែរ ត្រូវបានអគ្គនាយកដ្ឋានអន្តោប្រវេសន៍ ចេញមកឆ្លើយតបថា ការគ្រប់គ្រងការតាំងទីលំនៅ និងការរៀបចំសណ្តាប់ធ្នាប់លំនៅដ្ឋាន គឺជាតួនាទីភារកិច្ចរបស់អាជ្ញាធរដែនដី ដែលមិនស្ថិតក្រោមតួនាទីភារកិច្ច របស់អគ្គនាយកដ្ឋានអន្តោប្រវេសន៍ឡើយ។

អគ្គនាយកដ្ឋានអន្តោប្រវេសន៍ បានបញ្ជាក់បន្ថែមក្នុងសេចក្ដីបំភ្លឺ កាលពីថ្ងៃទី១៥ មិថុនា ថា ភារកិច្ចស្នូលអគ្គនាយកដ្ឋាន មានតួនាទីភារកិច្ចធ្វើជាសេនាធិការជូនក្រសួងមហាផ្ទៃ លើការគ្រប់គ្រងជនបរទេស ក៏ដូចជាការអនុវត្តច្បាប់ចំពោះជនបរទេសដែលស្នាក់នៅ និងបម្រើការងារដោយខុសច្បាប់ នៅទូទាំងព្រះរាជាណាចក្រកម្ពុជា។ កន្លងមកអគ្គនាយកដ្ឋានអន្តោប្រវេសន៍ បានពង្រឹងការអនុវត្តច្បាប់ជាប្រចាំ ចំពោះជនបរទេសខុសច្បាប់តាមគ្រប់រូបភាព ដោយធ្វើការឃាត់ខ្លួនកសាង សំណុំរឿងបញ្ជូនទៅតុលាការ និងអនុវត្តការបណេ្តញ ចេញពីព្រះរាជាណាចក្រកម្ពុជា ស្របតាមច្បាប់ស្តីពីអន្តោប្រវេសន៍។ ជាក់ស្ដែងចាប់តាំងពីឆ្នាំ២០១៤ រហូត ដល់០៥ខែ ដើមឆ្នាំ២០២១នេះ អគ្គនាយកដ្ឋានអន្តោប្រវេសន៍ បានធ្វើការបណ្ដេញជនបរទេសខុសច្បាប់ ចេញពីព្រះរាជាណាចក្រកម្ពុជា សរុបចំនួន ១៨,៤៧០នាក់ ស្រី ៣,០៦០នាក់ មាន ១០៤សញ្ជាតិ។

ជាមួយគ្នានេះ អគ្គនាយកដ្ឋានអន្តោប្រវេសន៍ ក៏បានថ្លែងអំណរគុណដល់ លោកនាយកសារព័ត៌មានដើមអំម្ពិល ចំពោះមតិដែលបានលើកឡើង ដែលបង្ហាញអំពីស្មារតីចូលរួម ក្នុងការការពារផលប្រយោជន៍របស់ប្រទេសជាតិ។ ដោយឡែកដើម្បីប្រែក្លាយស្មារតីនេះ ទៅជាលទ្ធផលជាក់ស្ដែង អគ្គនាយកដ្ឋានស្នើសុំលោកនាយកសារព័ត៌មាន ផ្តល់កិច្ចសហការ តាមរយៈការផ្ដល់ព័ត៌មានជាក់លាក់ អំពីជនបរទេសខុសច្បាប់ ដើម្បីអគ្គនាយកដ្ឋាន ចាត់កម្លាំងទៅធ្វើការត្រួតពិនិត្យ ស្របតាមនីតិវិធីច្បាប ។

ទាក់ទិនករណីនេះដែរ លោក សយ សុភាព ដែលបានតាមដានយ៉ាងដិតដល់ នូវចំណាត់ការក្ដៅរបស់អភិបាលរាជធានីភ្នំពេញ ចុះរុះរើផ្ទះបណ្ដែតទឹក និងបែចិញ្ចឹមត្រី ដែលភាគច្រើនជារបស់ជនជាតិវៀតណាមនោះ ធ្លាប់បានលើកឡើងថា ប្រទេសថៃមិនបានផ្តល់សញ្ជាតិឱ្យ និគមជនវៀតណាម-ចិនទេ ទោះបី រស់នៅរហូតដល់ជិតស្លាប់ទៅវិញក៏ដោយ៕

យោងតាមសេចក្ដីសម្រេចរបស់រដ្ឋបាលរាជធានីភ្នំពេញបានឲ្យដឹងថា ទីតាំងដែល ត្រូវកំណត់ជា «តំបន់ក្រហម» នៅរាជធានីភ្នំពេញនោះរួមមាន៖

ទី១៖ ភូមិសាស្ដ្រសង្កាត់ស្ទឹងមានជ័យទី១, សង្កាត់ស្ទឹងមានជ័យទី២ និងសង្កាត់ស្ទឹងមានជ័យទី៣ នៃខណ្ឌមានជ័យ

ទី២៖ ភូមិសាស្ដ្រសង្កាត់ចោមចៅទី១ ខណ្ឌពោធិ៍សែនជ័យ

ទី៣៖ ភូមិ១៤, ភូមិ១៦ និងភូមិ១៧ នៃសង្កាត់បឹងសាឡាង ខណ្ឌទួលគោក៕

ខាងក្រោមនេះជាសេចក្ដីសម្រេចរបស់រដ្ឋបាលរាជធានីភ្នំពេញ៖

ក្នុងសេចក្ដីអំពាវនាវដដែល លោក ឃួង ស្រេង ក៏បានសុំឱ្យម្ចាស់ផ្ទះ ឬបន្ទប់ជួល យោគយល់អធ្យាស្រ័យចំពោះការយឺតយ៉ាងក្នុងការបង់ថ្លៃឈ្នួលផ្ទះ ឬឈ្នួលបន្ទប់ផងដែរ។ បន្ថែមពីលើនោះ គួរលើកលែងការពិន័យឱ្យបង់ប្រាក់បន្ថែម ឬដកយកប្រាក់កក់ចំពោះការយឺតយ៉ាវក្នុងការបង់ប្រាក់ថ្លៃឈ្នួលផងដែរ។

លោកអភិបាលរាជធានីភ្នំពេញ ក៏បានស្នើមិនឱ្យមានការបណ្តេញអ្នកជួលចេញពីផ្ទះ ឬបន្ទប់ ព្រោះតែការយឺតយ៉ាវក្នុងការបង់ថ្លៃជួលផ្ទះ និងបន្ទប់ផងដែរ។

ជាមួយគ្នានោះដែរ អភិបាលរាជធានីភ្នំពេញ
សង្ឃឹមថា ម្ចាស់ផ្ទះ និងបន្ទប់ជួល នៅរាជធានីភ្នំពេញ នឹងចូលរួមដោយស្មារតីយោគយល់អធ្យាស្រ័យខ្ពស់៕

លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានលើកឡើងកាលពីរសៀលថ្ងៃទី១៤ ខែមករា ឆ្នាំ២០២១ នៅក្នុងអង្គប្រជុំពិភាក្សាមួយដើម្បីស្ដារប្រឡាយមេធំមួយ នៅប្រឡាយទួលពង្រ ១ ខណៈតំបន់នេះ បានទទួលរងនូវការលិចលង់ដោយជំនន់ទឹកភ្លៀងនាពេលកន្លងមកនេះ ប្រឡាយទួលពង្រ១ ដែលគ្រោងស្តារឡើងវិញនេះទំហំប្រឡាយ មានលក្ខណៈរួមតូច មានគេចាក់ដីបិទមុខទឹកហូរ ដែលតម្រូវឱ្យធ្វើការស្ដារប្រឡាយនេះជា បន្ទាន់ ហើយការសាងសង់ប្រឡាយនេះ ត្រូវសាងសង់ឡើងជាប្រឡាយបេតុងឱ្យបានទទឹង ៨ម៉ែត្រ និងបណ្ដោយ ៤៥៤៥ម៉ែត្រ ចាប់ពីភូមិព្រៃព្រីងខាងត្បូងដល់បុរីជីបម៉ុង។ ដាក់លូប្រអប់ទំហំ ២,៦៥ម៉ែត្រ គុណនឹង ២,៦៥ម៉ែត្រ មានចំនួន៣ជួរ ប្រវែង ៤៤៥ម៉ែត្រ ចាប់ពីបុរីជីបម៉ុងដល់ប្រឡាយបឹងហា។ ដាក់លូប្រអប់ស្របតាមផ្លូវជាតិ លេខ៣ទំហំ ៦ម៉ែត្រគុណ នឹង២ម៉ែត្រប្រវែង ១២២០ម៉ែត្រ ចាប់ពីបូរី GreenVill ដល់ដើមប្រឡាយ ទួលពង្រ និងដាក់លូជ្រុងចំណុចផ្លូវឆ្លងកាត់មានចំនួន ៧កន្លែងផងដែរ។

លោក ឃួង ស្រេង អភិបាលរាជធានីភ្នំពេញ បានបញ្ជាក់ឱ្យដឹងនៅក្នុងកិច្ចប្រជុំថា កិច្ចប្រជុំនេះធ្វើឡើង ដើម្បីពិភាក្សាគ្នារកដំណោះស្រាយដើម្បីស្តារប្រឡាយមេមួយនេះឱ្យ បានធំ ក្រោយពីទឹកជំនន់បានជន់លិចនាពេលកន្លងមក។

លោកអភិបាលបន្តថា បើកិច្ចប្រជុំលើកនេះ មិនមានដំណោះស្រាយ ឱ្យបានល្អនៅឡើយទេ រដ្ឋបាលរាជធានីភ្នំពេញ និងលើកជាអង្គប្រជុំនៅសប្តាហ៍ក្រោយទៀត ដើម្បីធ្វើយ៉ាងណា អនុវត្តន៍ការ ស្ដារប្រឡាយនេះឱ្យបានជោគជ័យ បញ្ចៀសនូវការលិចលង់ លំនៅឋានរបស់ប្រជាពលរដ្ឋ។

លោកក៏បានជំរុញឱ្យ មន្ទីរពាក់ព័ន្ធដូចជាមន្ទីរធនធានទឹក មន្ទីរសាធារណការ និងដឹកជញ្ជូន និងអាជ្ញាធរខណ្ឌរួមគ្នា ដើម្បីអញ្ជើញប្រជាពលរដ្ឋដែលពាក់ព័ន្ធជាមួយនឹងប្រឡាយនេះ មកប្រជុំធ្វើការដោះស្រាយ ធ្វើយ៉ាងណាជំរុញការងារនេះឱ្យបានលឿន និងទាន់ពេលវេលាផងដែរ៕