លោកបញ្ជាក់ថា អ្នកស្លាប់ភាគច្រើនជាជនចាស់ជរា ឬមានជំងឺប្រចាំកាយ ដូចជា៖ ជំងឺទឹកនោមផ្អែម ជំងឺធាត់ លើសឈាម ..ល.. ដែលធ្វើឲ្យជំងឺកូវីដ១៩ ប្រល័យជីវិតកាន់តែឆាប់រហ័ស។

ការមិនសហការជាមួយអាជ្ញាធរ ការមិនអនុវត្តតាមវិធានការណែនាំរបស់ក្រសួងសុខាភិបាល ការលាក់បាំងព័ត៌មាន ការលួចបើកអាជីវកម្មដែលអាជ្ញាធរបានហាមឃាត់ ការរត់គេចពីតំបន់មានហានិភ័យ ឬរត់គេចពីមណ្ឌលចត្តាឡីស័ក នឹងធ្វើឲ្យការឆ្លងកាន់តែរីករាលដាល រហូតប៉ះពាល់ដល់អាយុជីវិតអ្នកដទៃ និងជាពិសេសប៉ះពាល់ទៅដល់ក្រុមគ្រួសាររបស់ខ្លួនផ្ទាល់។

សូមបញ្ជាក់ថា គិតត្រឹមថ្ងៃទី២៣ ខែមិថុនា ឆ្នាំ២០២១នេះ ខេត្តសៀមរាបមាន៖
-អ្នកឆ្លង ៦៧៦នាក់
-ជាសះស្បើយ ១៧៨នាក់
-កំពុងសម្រាកព្យាបាលចំនួន ៤៩១នាក់
-និងអ្នកបាត់បង់ជីវិតចំនួន ៧នាក់

ជាក់ស្តែងថ្ងៃនេះមានករណីមីងម្នាក់ អាយុ៦២ឆ្នាំ បានបាត់បង់ជីវិត ដោយកូវីដ១៩ អស់សួតទាំងសងខាង ត្រឹមរយះពេលមិនដល់ ១អាទិត្យនៃការឆ្លង។

លោក ទៀ សីហា បានអំពាវនាវដល់បងប្អូនប្រជាពលរដ្ឋ ត្រូវបន្តបង្កើនការប្រុងប្រយ័ត្ន យកចិត្តទុកដាក់ឲ្យបានខ្ពស់បន្ថែមទៀត ដោយចូលរួមអនុវត្តតាមវិធានការណែនាំ របស់ក្រសួងសុខាភិបាលឱ្យបានគ្រប់ៗគ្នា៕

លោក ទៀ សីហា អភិបាលខេត្តសៀមរាបបានលើកឡើងកាលពីថ្ងៃទី២៩ ខែមករា ឆ្នាំ២០២១ ក្នុងកិច្ចប្រជុំត្រួតពិនិត្យស្តីពីគម្រោងប្លង់កែលម្អផ្លូវស៊ីវុត្ថា ក្រុងសៀមរាបថា កន្លងមកផ្លូវស៉ីវត្ថា ចាប់ពីស្តុបសុខាអង្គររហូតដល់វត្តចកត្រូវបានធ្វើការកែសម្រួលប្រព័ន្ធលូក្រោមដីរួចមកត្រូវបានក្រុមការងារបច្ចេកទេសធនាគារអភិវឌ្ឍន៍អាស៊ី (ADB) ធ្វើការសាងសង់និងជួសជុលកំណាត់ផ្លូវនេះឡើងវិញឱ្យស្របតាមប្លង់បច្ចេកទេសដែលបានគ្រោងទុក។

លោកអភិបាលខេត្ដបន្ថែមថា ការកែលម្អផ្លូវនេះនឹងធ្វើឱ្យក្រុងសៀមរាបកាន់តែមានសោភ័ណភាពស្រស់ស្អាតនិងងាយស្រួលដល់ចរាចរបន្ថែមមួយកម្រិតទៀត ពិសេសគឺការកាត់បន្ថយការកកស្ទះផងដែរ។

លោកអភិបាលខេត្ត ក៏បានថ្លែងអំណរគុណចំពោះលោក វង្ស ពិសិដ្ឋ អនុរដ្ឋលេខាធិការ ក្រសួងសាធារណការ និងដឹកជញ្ជូន ដែលបានចំណាយពេលវេលាដ៏មានតម្លៃ និងដឹកនាំទីប្រឹក្សាបច្ចេកទេសធនាគារអភិវឌ្ឍន៍អាស៊ី (ADB) ដើម្បីធ្វើបទបង្ហាញស្តីពីគម្រោងប្លង់កែលម្អផ្លូវស៊ីវុត្ថា ក្រុងសៀមរាបនាពេលនេះ ។

គួឲ្យដឹងផងដែរថាក្នុងកិច្ចប្រជុំក៏មានការអញ្ជើញចូលរួមពីលោក វង្ស ពិសិដ្ឋ អនុរដ្ឋលេខាធិការ ក្រសួងសាធារណការ និងដឹកជញ្ជូន អភិបាលរងខេត្ត រដ្ឋបាលក្រុង នាយក នាយករងទីចាត់ការសាលាខេត្ត មន្ទីរ-អង្គភាពពាក់ព័ន្ធ ផងដែរ៕