កិច្ចប្រជុំ​នេះ​ត្រូវបាន​ធ្វើឡើង​នៅ​ថ្ងៃទី២៧ កញ្ញា ឆ្នាំ២០២១ តាមរយៈ​ប្រព័ន្ធ​វីដេអូ ក្រោម​អធិបតីភាព​ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ និង​ជា​ប្រធាន​គណៈកម្មការ ADMM 2022៕

ក្នុងជំនួបប្រជុំទ្វេភាគីជាមួយនាយឧត្ដមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ នៅព្រឹកថ្ងៃទី៣ មីនា ឆ្នាំ២០២១តាមរយៈប្រព័ន្ធវីដេអូ ភាគីទាំងពីរ បានសម្តែងនូវសេចក្ដីសោមនស្សរីករាយ ដោយចាត់ទុកថា នេះគឺជាជំនួបលើកទី១ ហើយ រវាងអគ្គបញ្ជាការកងទ័ពកម្ពុជា និងព្រុយណេ ដោយកិច្ចពិភាក្សាគ្នានេះ បានផ្លាស់ប្ដូរទស្សនៈដ៌មានសារៈសំខាន់ ក៏ដូចជាការបង្កើនភាពជិតស្និទ្ធ ក្នុងគោលបំណងជម្រុញកិច្ចសហប្រតិបត្តិការរវាងកងទ័ព ប្រទេសទាំងពីរឲ្យមានការរីកចម្រើនបន្ថែម និងរួមចំណែកក្នុងការថែរក្សាស្ថិរភាព សន្តិភាព និងការរីកចម្រើនក្នុងតំបន់អាស៊ាន។

ទាក់ទិនដល់កិច្ចសហប្រតិបត្តិការទេ្វភាគី ឧត្ដមសេនីយ៍ទោ អគ្គមេបញ្ជាការកងទ័ពភូមិន្ទព្រុយណេ បានគូសបញ្ជាក់ថា កន្លងមកនេះ ប្រទេសព្រុយណេបានផ្តល់ នូវវគ្គសិក្សាភាសាអង់គ្លេសជាបន្តបន្ទាប់ដល់កងទ័ពកម្ពុជា ប៉ុន្តែដោយសារការកើតឡើងនូវជំងឺឆ្លងកូវីដ១៩ វគ្គសិក្សាក៏ត្រូវអាក់ខាន។

ឧត្ដមសេនីយ៍ទោ អះអាងថា ប៉ុន្តែទោះជាយ៉ាងដូច្នេះក្តី ក្រោយបញ្ចប់ជំងឺកូវីដ១៩ រាជរដ្ឋាភិបាលព្រុយណេនឹងបានអនុញ្ញាតឲ្យមន្ត្រីកងទ័ពកម្ពុជាមកធ្វើការសិក្សាបន្តទៀត។

អគ្គមេបញ្ជាការកងទ័ពភូមិន្ទព្រុយណេ បានថ្លែងអំណរគុណភាគីកម្ពុជា ដែលបានចូលរួមរាល់គំនិតផ្តួចផ្តើមទាំងអស់របស់ព្រុយណេ ហើយព្រុយណេសូមគាំទ្រពេញទំហឹង ចំពោះកិច្ចសហប្រតិបត្តិការរវាងកម្ពុជា និងចិន (២០២១-២០២២) លើបញ្ហាដោះមីននិងសូមកោតសរសើរផងដែរចំពោះកម្ពុជា នៅក្នុងការគ្រប់គ្រងការរីកដុះដាលជំងឺកូវីដ១៩បានល្អ ដែលរហូតមកដល់ពេលនេះកម្ពុជាមិនទាន់មានអ្នកស្លាប់ដោយសារជំងឺនេះឡើយ។

ក្នុងកិច្ចឆ្លើយតប នាយឧត្ដមសេនីយ៍ វង្ស ពិសេន បានថ្លែងអំណរគុណកងទ័ពភូមិន្ទព្រុយណេ ដែលកន្លងមកបានផ្តល់អាហារូបករណ៍ដល់នាយទាហានកម្ពុជាទៅធ្វើការបណ្តុះ បណ្ដាលនៅប្រទេសព្រុយណេ ដោយនាយឧត្ដមសេនីយ៍ បានមានជំនឿថា នៅពេលកូវីដ១៩បានបញ្ចប់ កងទ័ពប្រទេសទាំងពីរបន្តពង្រឹងពង្រីកកិច្ចសហប្រតិបត្តិការ ឲ្យកាន់តែទូលំទូលាយថែមទៀត ជាពិសេសការផ្លាស់ប្ដូរប្រតិភូធ្វើទស្សនកិច្ច ការចែករំលែកព័ត៌មានចារកម្ម ការរួមគ្នាទប់ស្កាត់ឧក្រិដ្ឋកម្មឆ្លងដែន ភេរវកម្ម និងឧក្រិដ្ឋកម្មតាមប្រព័ន្ធព័ត៌មានវិទ្យាជាដើម។

សូមបញ្ជាក់ថា ឆ្នាំ២០២១នេះ គឺជាឆ្នាំគម្រប់ខួបទី២៩ នៃទំនាក់ទនងការទូតកម្ពុជា ព្រុយណេ។ ប្រទេសទាំងពីរ ក្នុងកំឡុងពេលជាច្រើនឆ្នាំមកនេះ តែងមានទំនាក់ទំនងយ៉ាងល្អប្រសើរ ទាំងការគាំទ្រគ្នានៅលើឆាកអន្តរជាតិ ទាំងក្នុងក្របខ័ណ្ឌអាស៊ាន ក្របខ័ណ្ឌតំបន់ និងក្របខ័ណ្ឌអង្គការសហប្រជាជាតិ។ ក្រៅពីទំនាក់ទំនងលើវិស័យនយោបាយការទូត ប្រទេសទាំងពីរក៏មានកិច្ចសហប្រតិបត្តិការល្អលើវិស័យ សេដ្ឋកិច្ច ទេសចរណ៍ និងពាណិជ្ជកម្ម ជាពិសេស ជាដៃគូរបស់ព្រុយណេក្នុងការនាំអង្ករពីកម្ពុជាទៅទីផ្សារព្រុយណេ៕

លោក ឧត្ដមសេនីយ៍បានថ្លែងបែបនេះ ក្នុងជំនួបជាមួយ ឧត្តមសេនីយ៍ត្រី THURA HLA MIN អនុព័ន្ធយោធាថ្មី នៃសាធារណរដ្ឋសហភាពមីយ៉ាន់ម៉ា ប្រចាំកម្ពុជា កាលពីថ្ងៃទី២៤ ខែកុម្ភ:។

ក្នុងជំនួបសម្តែងការគួរសម ដែលបានធ្វើឡើងនៅអគ្គបញ្ជាការដ្ឋាន ឧត្តមសេនីយ៍ត្រី THURA HLA MIN បានសម្តែងនូវក្តីមោទនៈ ដែលបានមកបំពេញបេសកកម្មការទូតនៅកម្ពុជា ដោយក្នុងនោះលោកឧត្តមសេនីយ៍ បានថ្លែងអំណរគុណដល់កងយោធពលខេមរភូមិន្ទ ដែលបានជួយឧបត្ថម្ភដល់កម្មសិក្សាមីយ៉ាន់ម៉ា កំពុងសិក្សានៅសកលវិទ្យាល័យការពារជាតិ។

លោកអនុព័ន្ធយោធាថ្មីប្រទេសមីយ៉ាន់ម៉ា បានជម្រាបជូនអគ្គមេបញ្ជាការ ពីសភាពការណ៍មួយចំនួនដែលកំពុងកើតមាននៅសាធារណរដ្ឋមីយ៉ាន់ម៉ា ដោយលោក ឧត្តមសេនីយ៍ត្រី បានបញ្ជាក់ថា ប្រទេសមីយ៉ាន់ម៉ានឹងរៀបចំការបោះឆ្នោតឡើងវិញ ដើម្បីឱ្យមានសេរីភាពត្រឹមត្រូវ និងធានាដល់គោលនយោបាយបរទេស។

ក្នុងកិច្ចឆ្លើយតប នាយឧត្ដមសេនីយ៍ វង្ស ពិសេន បានថ្លែងនូវការស្វាគមន៍ចំពោះអនុព័ន្ធយោធាថ្មីប្រទេសមីយ៉ាន់ម៉ា ដោយនាយឧត្ដមសេនីយ៍ បានគូសបញ្ជាក់ថា ប្រទេសមីយ៉ាន់ម៉ា និង កម្ពុជា ធ្លាប់មានទំនាក់ទំនងការទូតជាមួយគ្នាតាំងពីឆ្នាំ១៩៥៥ ដែលទំនាក់ទំនងនេះមានភាពល្អប្រសើរ ទាំងវិស័យនយោបាយ និង យោធា។

នាយឧត្ដមសេនីយ៍ អគ្គមេបញ្ជាការ បានលើកឡើងនូវគោលនយោបាយដឹកនាំរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខ តែងគោរពលើអធិបតេយ្យភាពប្រទេសជាមិត្ត មិនជ្រៀតជ្រែកកិច្ចការផ្ទៃក្នុងផងគ្នា ពិសេសការគោរពចំពោះធម្មនុញ្ញអាស៊ាន។

នាយឧត្ដមសេនីយ៍ វង្ស ពិសេន បានមានជំនឿថា នៅពេលខាងមុខ សាធារណរដ្ឋមីយ៉ាន់ម៉ា និងរក្សាបាននូវស្ថេរភាពល្អឡើងវិញ ហើយអ្វីដែលកងទ័ពប្រទេសទាំងពីរត្រូវប្រកាន់ភ្ជាប់ទៅថ្ងៃខាងមុខ គឺការទំនាក់ទំនងល្អជាមួយគ្នា ទាំងការផ្លាស់ប្តូរពត៌មានកិច្ចសហប្រតិបត្តិការបង្រ្កាបបទល្មើសឆ្លងដែន ក៏ដូចជាកិច្ចសហការបណ្តុះបណ្តាលធនធានមនុស្ស និងការផ្លាស់ប្ដូរទស្សនកិច្ចនៅគ្រប់កំរិត៕

សូមអានខ្លឹមសារដើម ទាំងស្រុងដូចខាងក្រោម៖