ក្នុងឱកាសអញ្ជើញសម្ពោធសមិទ្ធផលនានានៅតំបន់អភិវឌ្ឍន៍បឹងជង្រុកតេជោឈ្នះឈ្នះ ស្ថិតនៅភូមិបឹងជង្រុកតេជោឈ្នះឈ្នះ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ នាព្រឹកថ្ងៃទី២៩ ខែវិច្ឆិកា ឆ្នាំ២០២៤នេះសម្តេចធិបតី បានអំពាវនាវដល់បងប្អូនប្រជាពលរដ្ឋទាំងអស់ជាពិ សេសបងប្អូនដែលកំពុងរស់នៅតំបន់អភិវឌ្ឍន៍បឹងជង្រុកតេជោឈ្នះ ឈ្នះកុំជឿតាមការញុះញង់ និងអុច អាលរបស់ក្រុមឧទ្ទាមក្រៅប្រទេស ឬខ្មោចគណបក្សប្រឆាំង គប្បីជឿជាក់លើការដឹកនាំ និងយន្តការដោះ ស្រាយរាជរដ្ឋាភិបាលដែលខិតខំគ្រប់យ៉ាងដើម្បីផលប្រយោជន៍រួមរបស់ជាតិ និងរបស់បងប្អូនប្រជាពលរដ្ឋ នោះ។

សម្តេចធិបតី លើកឡើងថា ក្រុមនិន្នាការប្រឆាំងនៅតែ បន្តចិញ្ចឹមចិត្ត និងផែនការនានាដើម្បីធ្វើការញុះញង់ឲ្យដុតបំផ្លាញប្រទេសជាតិដើម្បីតែបំពេញមហិច្ឆិតារបស់ពួកផងខ្លួនដើម្បីឲ្យប្រជាពលរដ្ឋស្អប់ និងប្រឆាំងរាជរដ្ឋាភិបាលស្របច្បាប់ដែលកើតចេញពីការបោះ ឆ្នោត។ដូច្នេះបងប្អូនប្រជាពលរដ្ឋទាំងអស់កុំស្តាប់តាមការអុចអាលរបស់ពួកទាំងនោះ គប្បីរួមគ្នាខិតខំបន្តថែរក្សាសុខសន្តិភាព និងភាពសុខសាន្តដែលយើងកំពុងមានសព្វថ្ងៃនេះ៕