តាមរយៈគេហទំព័រហ្វេសប៊ុក នាព្រឹកថ្ងៃទី៦ ខែកញ្ញា ឆ្នាំ២០២១ សម្ដេច ទៀ បាញ់ បានលើកឡើងថា «អត្រាចម្លងជំងឺកូវីដ-១៩ បានថយចុះគួរឱ្យកត់សម្គាល់។ ទោះជាយ៉ាងនេះក្តី សូមបងប្អូនប្រជាពលរដ្ឋទាំងអស់ បន្តរក្សាភាពប្រុងប្រយ័ត្នខ្ពស់ និងអនុវត្តឱ្យបានម៉ឺងម៉ាត់បំផុតនូវវិធានការ “៣ការពារ ៣កុំ” ដើម្បីរួមគ្នាលុបបំបាត់ការចម្លងជំងឺដ៏កាចសាហាវនេះ»។

សូមបញ្ជាក់ថា គិតត្រឹមថ្ងៃទី៥ ខែកញ្ញា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៩៥,៣០០នាក់ ក្នុងនោះបានព្យាបាលជាសះស្បើយ ៩០,៦៨៤នាក់ និងស្លាប់១,៩៥៧នាក់។

ដោយឡែក គិតត្រឹមថ្ងៃទី៥ ដដែលនេះ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ១១,២៤២,៨០៦នាក់៕

តាមរយៈបណ្ដាញសង្គមហ្វេសប៊ុក នៅព្រឹកថ្ងៃទី២ ខែកញ្ញា ឆ្នាំ២០២១នេះ សម្ដេចពិជ័យសេនា ទៀ បាញ់ បានលើកឡើងថា «បណ្តាកងឯកភាព នៃកងយោធពលខេមរភូមិន្ទ ដែលមានភារកិច្ចដឹកជញ្ជូនវ៉ាក់សាំង សូមបន្តចូលរួមឱ្យអស់កម្លាំងកាយចិត្ត ក្នុងការដឹកជញ្ជូនវ៉ាក់សាំងកូវីដ-១៩ ទៅកាន់គោលដៅនានា»។

គួសបញ្ជាក់ថា គិតត្រឹមយប់ថ្ងៃទី០១ ខែកញ្ញា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ១០,៨៩៤,៧៩៥នាក់៕

តាមរយៈបណ្ដាញសង្គមហ្វេសប៊ុក នៅព្រឹកថ្ងៃទី១ ខែកញ្ញា ឆ្នាំ២០២១នេះ សម្ដេចពិជ័យសេនា ទៀ បាញ់ បានលើកឡើងយ៉ាងថា «សូមបងប្អូនប្រជាពលរដ្ឋ ដែលមានលទ្ធភាព ក៏ដូចជាវិស័យឯកជន ចូលរួមជាមួយ រាជរដ្ឋាភិបាលកម្ពុជា ដឹកនាំដោយ សម្តេចអគ្គមហាសេនាបតីតេជោ ហ៊ុន សែន ក្នុងការបង្កើតភាពស៊ាំសហគមន៍ តាមរយៈការរ៉ាប់រងថ្លៃវ៉ាក់សាំង ដើម្បីការពារអាយុជីវិតខ្លួន ក្រុមគ្រួសារ ញាតិមិត្ត និងសហគមន៍ របស់យើង ពីជំងឺកូវីដ-១៩ »។

គួសបញ្ជាក់ថា គិតត្រឹមយប់ថ្ងៃទី៣០ ខែសីហា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ១០,៨០១,៦៩១នាក់។

តាមរយៈបណ្ដាញសង្គមហ្វេសប៊ុក នៅព្រឹកថ្ងៃទី២០ ខែសីហា ឆ្នាំ២០២១នេះ សម្ដេចពិជ័យសេនា ទៀ បាញ់ បានលើកឡើងថា «ការបំផ្លាញសន្តិភាពគឺជាការងាយ តែការស្វែងរកនិងការរក្សាសន្តិភាព ទើបជាការលំបាក។ ប្រទេសមួយចំនួន ដែលត្រូវបានទាញទម្លាក់ចូល ក្នុងភ្លើងសង្គ្រាម នៅតែមិនទាន់អាចទទួលបាន សន្តិភាពរហូតមកដល់ពេលនេះ បើទោះជា ការប្រយុទ្ធគ្នា បានកើតឡើង អស់ជាច្រេីនឆ្នាំ និងបានសម្លាប់ជីវិត ជនស្លូតត្រង់ អស់រាប់សែនលាននាក់»។

នៅលើគេហទំព័រហ្វេសប៊ុក នៅថ្ងៃទី១៨ ខែសីហា ឆ្នាំ២០២១នេះ សម្ដេច ទៀ បាញ់ បានលើកឡើងថា «ទោះបីជា អត្រាចម្លងជំងឺកូវីដ-១៩ ហាក់បង្ហាញសញ្ញាថមថយបន្តិច តែករណីចម្លងជំងឺកូវីដ-១៩ ប្រភេទដែលតា (Delta) នៅតែមាននៅឡើយ ដែលទាមទារឱ្យយើងបន្តរក្សាភាពប្រុងប្រយ័ត្នខ្ពស់។ សូមបងប្អូនប្រជាពលរដ្ឋទាំងអស់ ចូលរួមអនុវត្តឱ្យបានម៉ឺងម៉ាត់បំផុតនូវវិធានការ “៣ការពារ ៣កុំ”»។

សួមបញ្ជាក់ថា គិតត្រឹមព្រឹក ថ្ងៃទី១៧ ខែសីហា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន៨៦.៥៩៧នាក់ ក្នុងនោះបានព្យាបាលជាសះស្បើយ៨១.៩១៨នាក់ និងស្លាប់១.៧១៨នាក់។ យោងតាមក្រសួងសុខាភិបាល បានឱ្យដឹងថា គិតត្រឹមថ្ងៃទី១៧ ខែសីហាឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ៩,១៥៧,២៤៥នាក់៕

នៅលើបណ្ដាញសង្គមហ្វេសប៊ុក សម្ដេច ទៀ បាញ់ បានលើកឡើងថា «សូមបងប្អូនដែលត្រូវ ធ្វើចត្តាឡីស័ក ជាពិសេស បងប្អូនដែលធ្វើដំណើរត្រឡប់ចូលមកប្រទេសវិញ អនុវត្តកាតព្វកិច្ចរបស់ខ្លួន ឱ្យបានម៉ឺងម៉ាត់បំផុត ដើម្បីការពារ ការចម្លងជំងឺកូវីដ-១៩ ទៅកាន់ក្រុមគ្រួសារ ញាតិមិត្ត និងសហគមន៍របស់យើងទាំងអស់គ្នា»។

សូមរំលឹកថា ក្រសួងសុខាភិបាល បានណែនាំឱ្យប្រជាពលរដ្ឋគ្រប់រូប ត្រូវបង្កើនការប្រុងប្រយ័ត្នខ្ពស់ ចំពោះការចម្លងវីរុសបំប្លែងថ្មីនេះ ដោយវាអាចសម្ងំក្នុងខ្លួន មនុស្សលើសពី១៤ថ្ងៃទៅទៀត ដូចនេះនៅពេលដែលប្រជាពលរដ្ឋ ធ្វើចត្តាឡីស័ករួច គ្រប់១៤ថ្ងៃហើយ ត្រូវតែបន្តធ្វើចត្តាឡីស័ក១សប្តាហ៍បន្ថែមទៀត ឲ្យបានត្រឹមត្រូវជាទីបំផុត នៅតាមផ្ទះសំបែង ឬទីតាំងណាមួយដែលកំណត់ដោយអាជ្ញាធរមូលដ្ឋាន។

ជាមួយគ្នានេះ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា បានដាក់បទបញ្ជាទៅ កងទ័ព ឱ្យបញ្ចេញរថយន្ត ចំនួន២០០ គ្រឿង សម្រាប់ដឹកជញ្ជូនពលករខ្មែរ ដែលបាន ធ្វើចត្តាឡីស័ក រយៈពេល ១សប្ដាហ៍រួចមកហើយនៅតាមបណ្ដាខេត្តជាប់ព្រំដែន ឱ្យមកបន្តធ្វើ ចត្តាឡីស័ក បន្ថែមទៀតនៅ តាម បណ្ដា ខេត្តជា ស្រុកកំណើតរបស់ពួកគ៕

តាមរយ:បណ្ដាញសង្គមហ្វេសប៊ុក នាព្រឹកថ្ងៃទី១៥ ខែកក្កដា ឆ្នាំ២០២១នេះថា “ក្រោមការ ដឹកនាំប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រី នៃ ព្រះរាជាណាចក្រ កម្ពុជា នាវាកម្ពុជានៅតែអាចបន្តដំណើរទៅមុខប្រកបដោយមោទនភាពខ្ពស់ បើទោះជាយើងបាននិងកំពុងប្រឈមជាមួយជំងឺកូវីដ-១៩។ កម្ពុជានៅតែអាចរក្សាបានយ៉ាងល្អនូវ ស្ថិរភាពនយោបាយ សន្តិសុខ និងសណ្តាប់ធ្នាប់សង្គម ដែលជាមូលដ្ឋានគ្រឹះយ៉ាងសំខាន់ សម្រាប់ជំរុញរាល់ការអភិវឌ្ឍនានា”៕

សម្ដេចបានលើកឡើងបែបនេះ ដោយមើលឃើញពីការឆ្លងជំងឺកូវីដ១៩ នៅកម្ពុជាគ្មានការថមថយឡើយពីមួយថ្ងៃទៅមួយថ្ងៃ។

សម្ដេចទៀ បាញ់ បានលើកឡើងតាមបណ្ដាញសង្គមហ្វេសប៊ុក នៅព្រឹកថ្ងៃទី៦ ខែកក្កដា ឆ្នាំ២០២១នេះ យ៉ាងដូច្នេះថា “អត្រាចម្លងជំងឺកូវីដ-១៩ កាន់តែមានការកើនឡើង គួរឱ្យបារម្ភជាទីបំផុត។ សូមបងប្អូនប្រជាពលរដ្ឋទាំងអស់ ទាំងអ្នកដែលបានចាក់វ៉ាក់សាំងរួច និងអ្នកដែលមិនទាន់បានចាក់ បន្តចូលរួមអនុវត្ត ឱ្យបានម៉ឺងម៉ាត់បំផុត នូវវិធានការ “៣ការពារ ៣កុំ”។

សូមរំលឹកថា គិតត្រឹមព្រឹកថ្ងៃទី៥ ខែកក្កដា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៥៥,១៨៧នាក់ ក្នុងនោះអ្នកជាសះស្បើយ សរុបចំនួន ៤៧,៣៨៦នាក់ និងស្លាប់សរុបចំនួន ៧៤៨នាក់៕

តាមេយៈបណ្ដាញសង្គមហ្វេសប៊ុកនាព្រឹកថ្ងៃទី២៦ ខែឧសភា ឆ្នាំ២០២១នេះ សម្ដេចពិជ័យសេនា ទៀ បាញ់ បានឲ្យដឹងថា”ដោយធ្លាប់ហែលឆ្លងនូវសង្គ្រាម អស់ជាច្រើន ទសវត្សន៍ខ្លួនឯងផ្ទាល់ កម្ពុជាយល់ច្បាស់អំពីផលវិបាកនៃសង្គ្រាម។ ហេតុនេះ ទើបយើងបាន និងកំពុងចូលរួមយ៉ាងសកម្ម ក្នុងចំណោមប្រទេសដែលបានបញ្ជូនកម្លាំង បំពេញបេសកកម្មរក្សាសន្តិភាពក្រោមឆត្រអង្គការសហប្រជាជាតិ ក្នុងន័យរួមចំណែកស្វែងរកសន្តិភាពជូនបណ្តាប្រទេសកំពុងមានជម្លោះ”៕

តាមរយៈបណ្ដាញសង្គមហ្វេសប៊ុក នាព្រឹកថ្ងៃទី២៥ ខែឧសភា ឆ្នាំ២០២១នេះ បានឲ្យដឹថា “អត្រាចម្លងនៃមេរោគ កូវីត-១៩ នៅតែបន្តកើនឡើងជារៀងរាល់ថ្ងៃ នៅតាមបណ្តាប្រទេសនានា នៅលើពិភពលោក ដូចនេះសូមក្មួយៗ កងទ័ព សិស្ស និស្សិតដែលកំពុងបំពេញបេសកកម្មរក្សាសន្តិភាព និងសិក្សានៅតាមបណ្ដាប្រទេសនានា ត្រូវប្រុងប្រយ័ត្ន និងថែទាំសុខភាព អនាម័យឱ្យបានល្អ ព្រមទាំងអនុវត្តនូវវិធានការការពារ “៣ការពារ ៣កុំ” ឱ្យបានខ្ជាប់ខ្ជួន”៕