យោងតាម ការចុះផ្សាយរបស់Royal du Cambode បានឲ្យដឹងថា ការប្រោសព្រះរាជទានព្រះរាជទ្រព្យនេះដើម្បីគាំទ្រនូវ សកម្មភាពមនុស្សធម៌នានាទាំងឡាយនៅក្នុងព្រះរាជាណាចក្រកម្ពុជា ដែលជាព្រះរាជសកម្មភាពលើវិស័យមនុស្សធម៌ដ៏ឧត្តុង្គឧត្តម បន្តចាប់តាំងពី ព្រះករុណា ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុតនៃយើងតរៀងមក៕

ទាំងអស់នេះគឺក្រោមព្រះរាជតម្រិៈដង្ហែតាមជានិច្ចចំពោះព្រះរាជសកម្មភាពដ៏ឧត្តុង្គឧត្តម នៃព្រះករុណា ព្រះវររាជបិតាសុខាភិបាលជាតិ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត ចាប់តាំងពីសម័យសង្គមរាស្រ្តនិយមដ៏រុងរឿងនៃយើង ដែលព្រះអង្គតែងតែមានព្រះរាជហឫទ័យទុកដាក់ខ្ពស់ចំពោះវិស័យសុខាភិបាល ជាពិសេសបញ្ហាសុខភាពរបស់បងប្អូនប្រជានុរាស្រ្តជាកូនចៅ ដោយបានកសាងនូវព្រះរាជសមិទ្ធផលជាច្រើនបម្រើឲ្យវិស័យសុខាភិបាលនៅទូទាំងព្រះរាជាណាចក្រមានភាពល្អប្រសើរឡើង និងត្រូវបានប្រជានុរាស្រ្តថ្វាយព្រះបរមនាមថា ព្រះវររាជបិតាសុខាភិបាលជាតិ។

គួរបញ្ចាក់ផងដែរថា នេះជាលើកទី៤ហើយ ដែលព្រះអង្គទាំងទ្វេ សព្វព្រះរាជហឫទ័យប្រោសព្រះរាជទានវិភាគទានជាព្រះរាជទ្រព្យផ្ទាល់ ជូនដល់រាជរដ្ឋាភិបាលកម្ពុជា ដើម្បីប្រយុទ្ធប្រឆាំងទៅនឹងជំងឺកូវីត១៩ ក្នុងព្រះរាជាណាចក្រកម្ពុជា ដែលសរុបទាំង៤លើក មានចំនួន ៣,៧០០,០០០ ដុល្លារសហរដ្ឋអាមេរិក៕

មន្ទីរពេទ្យព្រះកុសមៈ ជាមន្ទីរពេទ្យបង្កើតឡើងក្រោមស្នាព្រះហស្ត សម្តេចព្រះមហាក្សត្រីយានី ស៊ីសុវត្ថិ មុនីវង្ស កុសមៈ នារីរតន៍ សេរីវឌ្ឍនា ដើម្បីជាកិច្ចគាំទ្រដល់សកម្មភាព របស់មន្ទីរពេទ្យក្នុងការព្យាបាលពិនិត្យ និងព្យបាលជំងឺជូនដល់ប្រជានុរាស្រ្តកម្ពុជា៕

ការប្រោសព្ររាជទាននេះ ធ្វើឡើងក្នុងឱកាសដែល ព្រះអង្គទាំងទ្វេព្រះរាជានុញ្ញាតឲ្យលោកបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល និងសហការី ចូលក្រាបថ្វាយបង្គំគាល់។

ក្នុងចំណែកទឹកប្រាក់ ១លានដុល្លារ ក្នុងនោះ ៥០ម៉ឺនដុល្លា ជាព្រះរាជទ្រព្យរបស់ព្រះមហាក្សត្រ និង៥០ ម៉ឺនដុល្លារទៀត ជាព្រះរាជទ្រពញយរបស់ សម្តេចម៉ែ ហើយព្រះរាជទ្រព្យរបស់ ព្រះអង្គទាំងទ្វេបានផ្តល់ជូនតាមរយៈលោក ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណកម្មការ ប្រយុទ្ធប្រឆាំងជំងឺកូវីដ-១៩៕