គ្រាន់តែសម្អាតត្រចៀកអោយស្អាតសោះ ហេតុអ្វីបង្កផលប៉ះពាល់ច្រើនម៉្លេះ?

ចំប៉ី — Thu, 21 Nov 2019 02:32:33 +0000

ដើម្បីអនាម័យ និងដើម្បីសុខភាពត្រចៀក មនុស្សភាគច្រើនតែងតែសម្អាតត្រចៀកដោយប្រើដុំសំឡីផ្សេងៗ ឬប្រើវិធីសាស្ត្រផ្សេងៗ ជាពិសេសនៅពេលមានអារម្មណ៍ថាដូចជាមានអាចម៍ត្រចៀកច្រើន និងនៅក្រោយពេលងូតទឹករួច។

សកម្មភាពបែបនេះ លោកអ្នកបានគិតថា ជាសកម្មភាពដ៏ល្អមួយ ដើម្បីអនាម័យខ្ពស់ដល់ត្រចៀក ប៉ុន្តែតាមការស្រាវជ្រាវបានឲ្យដឹងថា ការសម្អាតត្រចៀកញឹកញាប់ធ្វើឲ្យប៉ះពាល់ដល់ត្រចៀកទៅវិញ ជាពិសេសគឺការសម្អាតមិនបានត្រឹមត្រូវ។

បើដូច្នេះមែន តើគួរធ្វើយ៉ាងណា?

អ្នកជំនាញខាងវះកាត់ត្រចៀករបស់អាមេរិកបានព្រមានថា ការប្រើឧបករណ៍ត្បារត្រចៀកញឹកញាប់ អាចប្រឈមមុខនឹងគ្រោះថ្នាក់ (ជំងឺថ្លង់)។ ជាធម្មតាអាចម៍ត្រចៀកត្រូវបានអ្នកជំនាញបញ្ជាក់ដឹងថា វាបានដើរតួនាទីយ៉ាងសំខាន់ក្នុងការសម្អាតត្រចៀក ដោយខ្លួនឯង ដូចជា ផ្តល់ជាតិប្រេង រក្សាលំនឹងសំណើមក្នុងត្រចៀក និងប្រឆាំងមេរោគបាក់តេរី។

ជាទូទៅអាចម៍ត្រចៀក កើតមកពីកាកសំណល់បញ្ចេញពីក្រដាសត្រចៀក ធ្វើដំណើរបន្តចេញក្រៅតាមរន្ធត្រចៀក និងធ្វើការសម្អាតសម្ងួត ដោយខ្លួនឯង រួចជ្រុះមកក្រៅ ។ ប្រសិនបើគ្មានអាចម៍ត្រចៀកទេ ត្រចៀកអ្នកនឹងមានសភាពស្ងួត ហើយរមាស់មិនខាន។

ដូច្នេះអ្នកគួរចៀសវាងទម្លាប់ត្បារត្រចៀកដោយឧបករណ៍រឹងផ្សេងៗ ព្រោះវាក៏អាចធ្វើឱ្យប៉ះពាល់ដល់ក្រដាសត្រចៀក និងអាចបង្កជាបញ្ហាសុខភាពផ្សេង។

ការសម្អាតត្រចៀកអាចធ្វើទៅបានលុះ ណាតែមានការអនុញាត និងធ្វើឡើងដោយ គ្រូពេទ្យជំនាញ ព្រោះបើមិនដូច្នោះទេ អ្នកអាចប្រឈមមុខនឹងបញ្ហាឈឺត្រចៀក ដាច់រលាត់រលាក កើតតេតាណុស និងកើតបាក់តេរីបន្ថែមទៀត បើឧបករណ៍ត្បារត្រចៀកគ្មានអនាម័យ។

បើតាមលោកវេជ្ជបណ្ឌិត Backous បានស្នើឱ្យអ្នកប្រើ សំឡីជ្រលក់ទឹកខ្មេះបន្តិច ឬអាល់កុល និងទឹកយកទៅត្បារសម្អាតត្រចៀកបាន ប្រសិនបើអ្នកទម្លាប់សម្អាត និងមិនអាចបពា្ឈប់ទម្លាប់នេះបានទេ៕

សម្អាតត្រចៀក – Champey News

គ្រាន់តែ​សម្អាត​ត្រចៀក​អោយ​ស្អាត​សោះ​ ហេតុអ្វី​បង្ក​ផល​ប៉ះពាល់​ច្រើន​ម៉្លេះ​?

គ្រាន់តែសម្អាតត្រចៀកអោយស្អាតសោះ ហេតុអ្វីបង្កផលប៉ះពាល់ច្រើនម៉្លេះ?