ស្ថានទូតចិន – Champey News

គម្រោងពង្រីកផ្លូវជាតិលេខ១១ ដែលមានប្រវែងសរុប៩៦គីឡូម៉ែត្រ ត្រូវបានទទួលស្គាល់ និងប្រគល់ដោយជោគជ័យ

មករា — Fri, 16 Jul 2021 01:37:27 +0000

ភ្នំពេញ÷ យោងតាមហ្វេសប៊ុកស្ថានទូតចិនប្រចាំកម្ពុជា បានឲ្យដឹងថា ថ្មីៗនេះ វិញ្ញាបនប័ត្រតេស្តគុណភាពចុងក្រោយសម្រាប់គម្រោងពង្រីកផ្លូវជាតិលេខ១១ដែលមានប្រវែងសរុប៩៦ គីឡូម៉ែត្រតភ្ជាប់រវាងអ្នកលឿងនិងកំពង់ចាម ត្រូវបានចុះទទួលស្គាល់ និងបានប្រគល់ដោយជោគជ័យ។

ក្នុងអំឡុងពេលនៃការដ្ឋានគម្រោងខាងលើនេះ ក្រុមហ៊ុនសាជីវកម្មស្ពានថ្នល់ចិន(CRBC) ដែលជាភាគីទទួលសាងសង់បានប្រើប្រាស់កម្មករប្រមាណ១១០០នាក់សម្រាប់កិច្ចការនេះ។ ភោជនីយដ្ឋាន ផ្ទះសំណាក់ និងហាងអាជីវកម្មដែលនៅតាមដងផ្លូវមានចំនួនកាន់តែច្រើនឡើងៗ បានជួយជំរុញនូវវិស័យអាជីវកម្មបានយ៉ាងល្អប្រសើរ។

ក្នុងរយៈពេលនៃការសាងសង់ លោក ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង សាធារណការនិងដឹកជញ្ជូនបានអញ្ជើញចុះត្រួតពិនិត្យជាច្រើនដង និងបានវាយតម្លៃខ្ពស់ចំពោះគុណភាពនៃគម្រោងខាងលើ។

លោក ស៊ុន ចាន់ថុលធ្លាប់មានប្រសាសន៍ថា ពេលបញ្ចប់គម្រោងនឹងជួយកែលម្អបណ្ដាញផ្លូវជាតិសំខាន់នៅក្នុងប្រទេសកម្ពុជា ជួយកែលម្អស្ថានភាពចរាចរណ៍ក្នុងតំបន់និងជួយជំរុញការអភិវឌ្ឍន៍លើវិស័យទេសចរណ៍ ការងារ និងសេដ្ឋកិច្ចពាណិជ្ជកម្មនៅក្នុងតំបន់ផងដែរ។

រដ្ឋាភិបាលចិនបានផ្តល់ការជួយនិងគាំទ្រដល់ការកសាងហេដ្ឋារចនាសម្ព័ន្ធនិងជំរុញគម្រោងជីវភាពរស់នៅរបស់ប្រជាជនក្នុងប្រទេសកម្ពុជាដោយតាមរយៈការផ្តល់ជំនួយឥត សំណងនិងហិរញ្ញប្ប ទាន សម្បទាន៕

ពហុកីឡាដ្ឋានជាតិមរតកតេជោ នឹងបញ្ចប់ការសាងសង់ពាក់កណ្ដាលឆ្នាំនេះ ដែលអាចផ្ទុកអ្នកទស្សនាបានជាង ៦ម៉ឺននាក់

មករា — Thu, 25 Mar 2021 11:35:44 +0000

ភ្នំពេញ÷ ពហុកីឡាដ្ឋានជាតិមរតកតេជោដែលជាជំនួយសាងសង់ដោយរដ្ឋាភិបាលចិននឹងបញ្ចប់ការសាងសង់នាពាក់កណ្ដាលឆ្នាំ ២០២១ នេះ នឹងអាចផ្ទុកអ្នកទស្សនាបានជាង ៦ ម៉ឺននាក់។

យោងតាមហ្វេសប៊ុករបស់ស្ថានទូតចិនប្រចាំកម្ពុជានាថ្ងៃទី២៥ ខែមីនានេះបានឲ្យដឹងថា ពហុកីឡាដ្ឋានខាងលើនេះ គឺជាពហុកីឡាដ្ឋានដែលមានកម្រិតស្ដង់ដារខ្ពស់បំផុតក្នុងប្រទេសកម្ពុជានាបច្ចុប្បន្ននេះ។ ហើយពិធីបើកនិងបិទនៃការប្រកួតកីឡាអាស៊ីអាគ្នេយ៍ (SEA Games)លើកទី ៣២ ដែលកម្ពុជានឹងធ្វើជាម្ចាស់ផ្ទះនាឆ្នាំ ២០២៣ ខាងមុខនេះ នឹងត្រូវបានរៀបចំឡើងនៅទីនោះផងដែរ៕

សម្តេចព្រះមហាក្សត្រី យាងបំពេញព្រះរាជទស្សនកិច្ចនៅស្ថានទូតចិន ប្រចាំកម្ពុជា

មករា — Thu, 14 Jan 2021 06:50:07 +0000

ភ្នំពេញ៖ នាវេលាព្រឹកថ្ងៃទី១៤ ខែមករា ឆ្នាំ២០២១ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត តបតាមសេចក្តីក្រាបបង្គំសូមយាងរបស់ លោក Wang WenTian ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ព្រះអង្គសព្វព្រះរាជហឫទ័យស្តេចយាងបំពេញព្រះរាជទស្សនកិច្ចស្ថានទូត នៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជានិងយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងព្រះរាជពិធីសម្ពោធ «សួនមិត្តភាពកម្ពុជា-ចិន» ។នេះបើយោងតាម Royal du Cambodge៕