ការលើកឡើងរបស់ នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង ធ្វើឡើងក្នុងពេលចូលរួមបិទវគ្គហ្វឹកហ្វឺនបំប៉នត្រួតពិនិត្យនិងថែទាំប្រព័ន្ធបញ្ជាប្រយុទ្ធនិងកាំជ្រួចការពារអាកាស រយៈកម្ពស់ទាប QW.3 សហការជាមួយកងទ័ពរំដោះប្រជាជនចិន នាព្រឹកថ្ងៃទី១៧ ខែកញ្ញា នៅភ្នំស្រង់ ខេត្តកំពង់ស្ពឺ ដោយមានការចូលរួមពីលោកវរសេនីយ៍ឯកពិសេស ថាំង ហាវ ប្រធានការិយាល័យអនុពន្ធ័យោធាចិនប្រចាំកម្ពុជា។

នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង បានថ្លែងថា នៅក្នុងដំណើរទស្សនកិច្ចជាផ្លូវការរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅសាធារណរដ្ឋប្រជាមានិតចិនថ្មីៗនេះ ប្រមុខរាជរដ្ឋាភិបាលកម្ពុជាបានគាំទ្រនយោបាយចិនតែមួយដូចនេះ កងយោធពលខេមរភូមិន្ទ និងកងទព័រំដោះចិន ក៏ជាជាមិត្តដែកថែបនោះដែរ។

ក្នុងនាមនាយឧត្ដមសេនីយ៍ ទៀ សីហា រដ្ឋមន្រ្តីក្រសួងការពារជាតិ និងនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ, នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង បានវាយតម្លៃខ្ពស់ចំពោះកងទ័ពរំដោះប្រជាជនចិនដែលបានចំណាយពេលវេលាស្មារតី និងថវិកាមកជួយហ្វឹកហ្វឺនដល់កងយោធពលខេមរភូមិន្ទ នេះសបញ្ជាក់ឲ្យឃើញពីចំណងមិត្តភាពសហប្រតិបត្តិការដែកថែបរវាងកងទ័ពនិងប្រជាជនកម្ពុជាចិន។

កន្លងមក កងទ័ពប្រជាជនរំដោះចិនបានជួយឧបត្ថម្ភទាំងស្មារតីសម្ភារៈ ថវិកា ថ្នាំសង្កូវ វ៉ាក់សាំងកូវីដ១៩ និងកសាងជំរុំជម្រកដល់កងយោធពលខេមរភូមិន្ទ និងបានចូលរួមបណ្ដុះបណ្ដាលធនធានមនុស្សផ្នែកកងទ័ពដល់កងយោពលខេមរភូមិន្ទ។

នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង បានផ្ដាំផ្ញើដល់សិក្ខាកាមទាំងអស់ត្រូវយកចំណេះដឹងដែលទទួលបានល្អនាពេលនេះ ការពាររាជរដ្ឋាភិបាលស្របច្បាប់នីតិកាលទី៧នៃរដ្ឋសភា ដោយអនុវត្តឱ្យបានខ្ជាប់ខ្ជួនអភិក្រមរបស់បញ្ជាការដ្ឋានអង្គរក្សគឺ ស្មោះត្រង់ការពារ និងបម្រើ ជាពិសេសការពារសន្តិសុខសុវត្ថិភាពជូនសម្ដេចតេជោ ហ៊ុន សែន សម្ដេចកិត្តិព្រឹទ្ធបណ្ឌិត និងក្រុមគ្រួសារ និងការពារសម្ដេចបវរអធិបតីបណ្ឌិត ហ៊ុនម៉ាណែត ជានាយករដ្ឋមន្ត្រី និងលោកជំទាវ ក្រុមគ្រួសារក្នុងនីតិកាលទី៧ខាងមុខនេះ ឱ្យបាន១០០%។

ក្នុងឱកាសនោះដែរ នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង បានឧបត្ថម្ភថវិការដល់សិក្ខាកាមហ្វឹកហ្វឺនយោធាចារ្យ និងក្រុមបច្ចេកទេសភាគីមិត្តចិនអ្នកក្រុមការងារសម្របសម្រួលនិងគ្រប់គ្រងវគ្គក្រុមគ្រូជំនួយផងដែរ៕

ដោយ៖ បាន ធារ៉ា

ការចុះពិនិត្យនេះបានធ្វើឡើងដោយយោងតាមអនុសាសន៍ដ៏ខ្ពង់ខ្ពស់ របស់ សម្ដេចតេជោ ហ៊ុនសែន នាយករដ្ឋមន្រ្ដីក្រកម្ពុជា បានអនុញ្ញាតឲ្យ នាយឧត្តមសេនីយ៍ ហ៊ីង ប៊ុនហៀង និងក្រុមករងារប្រមូលទិញនូវកសិផល មៀនប៉ៃលិន នៅតាមបណ្ដាខេត្តជាប់ព្រំដែន កម្ពុជា-ថៃ ដែល ដែលកំពុងជួបប្រទះក្នុងការនាំចេញទៅក្រៅប្រទេស ដែលបណ្ដាលមកពីការឆ្លងរីករាលដាល នៃជំងឺកូវីដ-១៩ នៅតាមព្រំដែនប្រទេសជិតខាង។

ក្នុងពេលចុះពិនិត្យ នាយឧត្តមសេនីយ៍ ហ៊ីង ប៊ុនហៀង បានមានប្រសាសន៍ថា សម្រាប់មៀនប៉ៃលិន (ផ្លែតាង៉ែន)នេះ គឺនឹងយកទៅចែកជូនដល់កងទ័ព នគរបាល កងរាជអាវុធហត្ថ គ្រូពេទ្យ អ្នកជំងឺ និងពលរដ្ឋដែលកំពុងធ្វើចត្តាឡីស័ក និងដើម្បីជួយរំលែកកុំឲ្យប្រជាកសិករខាតបង់ច្រើនពេក ហើយការចុះប្រមូលទិញនេះមិនទាន់កំណត់ពេលវេលានោះទេ ពោលគឺបន្តប្រមូលទិញជាបន្តបន្ទាប់ទៀត។

ចំណែក លោក ងួន រតនៈ អភិបាល នៃគណៈអភិបាលខេត្ត បានមានប្រសាសន៍ថា ដើម្បីឲ្យសម្រេចបានជោគជ័យក្នុងការប្រមូលទិញផ្លែតាង៉ែន តាមការណែនាំពីប្រមុខដឹកនាំរាជរដ្ឋាភិបាល រដ្ឋបាលខេត្តបាត់ដំបង បានចូលរួមសហការជាមួយក្រុមការងារសម្តេចតេជោ ដោយបានណែនាំដល់រដ្ឋបាលស្រុកទាំង៦របស់ខេត្តបាត់ដំបង ដែលមានដាំដំណាំផ្លែមៀនប៉ៃលិន ឬផ្លែតាង៉ែនគឺស្រុកសំពៅលូន ភ្នំព្រឹក កំរៀង សំឡូត រតនៈមណ្ឌល និងស្រុកបាណន់ និងស្រុកមួយចំនួនទៀត ក្នុងការជូនដំណឹងដល់កសិករក្នុងមូលដ្ឋានរបស់ខ្លួនបានដឹង ។

ដោយឡែក តំណាងប្រជាកសិករដាំដំណាំមៀនប៉ៃលិន (តាង៉ែន) បានបង្ហាញនូវភាពសប្បាយរីករាយ ខណៈទីផ្សារផ្លែមៀនរបស់គាត់លែងជាបញ្ហាចោទ ដោយសារតែមានការប្រមូលទិញពីក្រុមការងាររបស់សម្ដេចតេជោ ដែលធ្វើឲ្យការខាតបង់ថ្លៃដើមផលិតត្រូវបានកាត់បន្ថយបានច្រើន។

សូមបញ្ជាក់ថា តាមរយៈនៃការចុះទិញផ្លែតាង៉ែន របស់ក្រុមការងារបានកំណត់យកតម្លៃ ព្រមព្រៀងគ្នានៅនឹងចម្ការផ្ទាល់ គឺ១៨០០៛ ក្នុងមួយគីឡូក្រាម ដោយឡែក បើដឹកទៅដល់ទីតាំងនៅទីលានបាល់ទាត់វាលបែកចាន ក្រុងបាត់ដំបង មានតម្លៃ២៥០០៛ ក្នុងមួយគីឡូក្រាម តែក្នុងនោះផ្លែតាង៉ែនទាំងអស់ត្រូវបានកាត់តែងឲ្យបានស្អាតត្រឹមត្រូវដូចការវេចខ្ចប់សម្រាប់យកទៅលក់លើទីផ្សារ និងការនាំចេញផងដែរ៕

យោងតាមអនុសាសន៍ ដឹកនាំដ៏ខ្ពង់ខ្ពស់ របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអនុញ្ញាតឱ្យ នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង នាយករងខុទ្ទកាល័យសម្តេចតេជោ ហ៊ុន សែន ដើម្បីប្រមូលទិញនូវ កសិផល របស់ប្រជាកសិករ គឺផ្លែមៀន នៅតាមបណ្តាខេត្តជាប់ព្រំដែនកម្ពុជា-ថៃ ដែលកំពុងជួបបញ្ហាប្រឈមក្នុងការនាំចេញទៅលក់នៅក្រៅប្រទេស ដែលបណ្តាលមកពីការឆ្លងរីករាលដាលនៃជំងឺកូវីដ-១៩ នៅតាមព្រំដែនប្រទេសជិតខាង។

ដូច្នេះសូមប្រជាកសិករ ដែរមានផល្លានុផល ផ្លែមៀន សូមទំនាក់ទំនងមក ក្រុមការងាររបស់ នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង និងចាប់ផ្ដើមទទួលទិញ ពីថ្ងៃទី១៨ ខែសីហា ឆ្នាំ២០២១នេះតទៅ ។

ទីកន្លែងទទួលទិញ ៖ ក្នុងសាលាខេត្តបាត់ដំបង
ទំនាក់ទំនង តាមរយៈ ទូរសព្ទ លេខ៖
1-0977773737 លោក សេង ឌីលីន
2-0889037777 លោក ស៊ុន ម៉េងហៃ៕

សូមបញ្ជាក់ថា ក្រសួងកសិកម្ម កាលពីថ្ងៃទី១២ ខែសីហា ឆ្នាំ២០២១ បានប្រកាសថា បច្ចុប្បន្នផ្លែមៀនប៉ៃលិន បានចាប់ផ្តើមប្រមូលផលហើយ ប៉ុន្តែដោយសារបញ្ហា រីករាលដាលនៃជំងឺកូវីដ-១៩ និងរបាំងភូតគាម អនាម័យ ជាកត្តាធ្វើឲ្យមានបញ្ហាប្រឈមមិនទាន់អាច ធ្វើការនាំចេញទៅកាន់ ទីផ្សារក្រៅប្រទេសបាន ពិសេសប្រទេសថៃ កំពុងបិទមិនឲ្យនាំចូលមៀន ប៉ៃលិនតាមច្រកព្រំដែន ទើបក្រសួងបានអំពាវនាវដល់អ្នក នាំចេញផ្លែមៀនប៉ៃលិន បង្វែរទិសដៅពីប្រទេសថៃ ទៅប្រទេសវៀតណាមវិញម្តង៕