ក្នុងន័យកោតសរសើរស្រដៀងគ្នានេះផងដែរ លោកស្រីវេជ្ជបណ្ឌិត លី អានលែន (Dr. Li Ailan) តំណាងអង្គការសុខភាពពិភពលោកប្រចាំកម្ពុជា តាមរយៈបណ្តាញសង្គម twitter បានឱ្យដឹងថា “ខ្ញុំសូមចូលរួមអបអរសាទរកម្ពុជា ក្នុងការគ្រប់គ្រងព្រឹត្តិការណ៍៣ វិច្ឆិកា យ៉ាងមានប្រសិទ្ធភាព និងធ្វើឱ្យកម្ពុជាមានសុវត្ថិភាពពីរីរុសកូវីដ-១៩នេះ។ ការឆាប់រកឃើញ ការឆ្លើយតបរហ័ស ជាមួយនឹងអន្តរាគមន៍ដែលមានគោលដៅច្បាស់លាស់ គឺជាកត្តាចាំបាច់នាំមកនូវជោគជ័យ”។

គួររម្លឹកថា ព្រឹត្តិការណ៍ ថ្ងៃ៣ វិច្ឆិកា បានកើតឡើងក្នុងដំណើរទស្សនកិច្ចរបស់ រដ្ឋមន្ត្រីការបរទេសហុងគ្រី នៅព្រះរាជាណាចក្រកម្ពុជា ហើយដែលធ្វើឱ្យ មនុស្សចំនួន ៤នាក់ ឆ្លងវីរុសកូវីដ-១៩៕