សូមជម្រាបជូនថា នៅពេលកើតហេតុបុរសជាប្តីវ័យចំណាស់រូបនេះបានប្រើដំបងឫស្សី វាយសំពងទៅទីលើប្រពន្ធរបស់ខ្លួនយ៉ាងដំណំ បង្កឱ្យមានការភ្ញាក់ផ្អើល ហើយបន្ទាប់ពីកើតភ្លាមសមត្ថកិច្ចនគរបាលបានចុះអន្តរាគមន៍ឃាត់ខ្លួនជនសង័្សយជាប្តីតែម្តង និងដកហូតបានដំបងឫស្សីមួយដើម រីឯប្រពន្ធដែលទទួលរងរបួសបាន នាំទៅសង្រ្កោះនៅមន្ទីរពេទ្យ។

ចំពោះមូលហេតុដែលនាំទៅដល់ការប្រើហិង្សាវាយទៅលើប្រពន្ធរបស់ខ្លួនបែបនេះ គឺដោយសារបុរសជាប្តីផឹកស្រាស្រវឹងនិងខឹងប្រពន្ធមិនបានដាំបាយឱ្យប្តីហូប។

បច្ចុប្បន្នជនសង្ស័យខាងលើត្រូវបាននគរបាលស្រុកឃាត់ខ្លួននិងកសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្ត ដើម្បីអនុវត្តបន្តតាមផ្លូវច្បាប់៕

អធិការនគរបាលស្រុកមោងឫស្សី បានអោយដឹងថា នៅចំណុចក្រុមទី៤ ភូមិពោធិ៍២ ឃុំគារ ស្រុកមោងប្ញស្សី ខេត្តបាត់ដំបង សមត្ថកិច្ចបានឃាត់ខ្លួនជនសង្ស័យ ក្នុងបទល្មើសគ្រឿងញៀនខុសច្បាប់ចំនួន០២នាក់ ១.ឈ្មោះ សេង ស៊ីឡុង ភេទប្រុស អាយុ២៤ឆ្នាំ រស់នៅភូមិគារ៣ ឃុំគារ ស្រុកមោងឫស្សី ខេត្តបាត់ដំបង និង៣.ឈ្មោះ ធា រដ្ឋា ហៅ រដ្ឋ ភេទប្រុស អាយុ១៧ឆ្នាំ រស់នៅភូមិប្ញស្សី១ ឃុំមោង ស្រុកមោងប្ញស្សី ខេត្តបាត់ដំបង។

វត្តុតាងដកហូតរួមមាន ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន០៦ថង់ ទម្ងន់ ៧,៣៦ក្រាម ទូរស័ព្ទចំនួន ១គ្រឿង និងកាបូប១។

ដោយឆ្លងតាមចម្លើយសាភាពរបស់ជនសង្ស័យឈ្មោះ សេង ស៊ីឡុង ភ្លាមៗនោះសមត្ថកិច្ចយើងបានបន្តឃាត់ខ្លួនជនសង្ស័យ២នាក់ទៀត នៅចំណុចក្រុមទី១ ភូមិគារ៣ ឃុំគារ ស្រុកមោងប្ញស្សី ខេត្តបាត់ដំបង។ ១.ឈ្មោះ នី សុបញ្ញា ភេទប្រុស អាយុ១៨ឆ្នាំ រស់នៅភូមិរាមគន់ ឃុំគារ ស្រុកមោងប្ញស្សី ខេត្តបាត់ដំបង និង២.ឈ្មោះ រុន ដេវីដ ភេទប្រុស អាយុ១៦ឆ្នាំ រស់នៅភូមិគារ៣ ឃុំគារ ស្រុកមោងប្ញស្សី ខេត្តបាត់ដំបង។ ជាលទ្ធផលសមត្ថកិច្ចបានដកហូត ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន៣ថង់ ទម្ងន់ ០,៧៥ក្រាម ដែកកេះ២ និងឧបករណ៍ប្រើប្រាស់សម្រាប់ជក់ថ្នាំញៀនមួយចំនួន។

បច្ចុប្បន្នជនសង្ស័យទាំង៤នាក់ខាងលើត្រូវបានសមត្ថកិច្ចនគរបាលស្រុករៀបចំសំណុំរឿងបញ្ជូនមកការិយាល័យជំនាញនៃស្នងការដ្ឋាននគរបាលខេត្ត ដើម្បីចាត់ការតាមនីតិវិធី៕