យោងតាមលិខិតមួយច្បាប់របស់ប្រជាពលរដ្ឋចំនួន២ភូមិគឺភូមិព្រែកថ្មី និងភូមិត្រើយ ត្រឹង្ស ស្ថិតក្នុងឃុំព្រែកអំបិលស្រុកស្អាង ខេត្តអមដោយស្នាមមេដាយទៅកាន់លោកគង់  សោភ័ណ្ឌអភិបាលខេត្តកណ្តាលបានស្នើសុំបង្កាន់ដៃ និងប្លង់ដីដែលមន្ត្រីសូរិយោដីស្រុកស្អាង បានចុះបាញ់រួចហើយតែមិនចេញឲ្យ។

បើតាមប្រជាពលរដ្ឋបានលើកឡើងថាមន្ត្រីសូរិយោដីថាជាដីរបស់ធនធានទឹកខណៈដីទាំងនោះត្រូវបានពួកគាត់កាន់កាប់អាស្រ័យផលតាំងពីឆ្នាំ១៩៨៥មកម្ល៉េះ ហើយមានឈ្មោះ ហុង ស្រ៊ុនគាត់ជាមេភូមិឆ្នាំ១៩៧៩ជាអ្នកចែកដីឱ្យប្រជាពលរដ្ឋ។

ក្នុងលិខិតក៏បានលើកឡើងទៀតថាដោយសារភូមិត្រើយត្រឹង្សមានប្រជាពលរដ្ឋច្រើន ដីបង្ករបង្កើនផលមានតិចជាងភូមិដទៃស្ថិតក្នុងឃុំព្រែកអំបិលពួកគាត់ក៏បានស្នើសុំបង្កាន់ដៃកាន់កាប់ដីតាមរយៈភូមិ ឃុំ ស្រុក រយៈពេលជាង២ឆ្នាំមកហើយពោលគឺតាំងពីលោក ជឺ គីមហៃ នៅជាអភិបាលរងស្រុក រហូតដល់ឡើងជាអភិបាលស្រុកស្អាង។

បើតាមប្រជាពលរដ្ឋដែលស្នើសុំនេះបានឲ្យដឹងថាបើអភិបាលមិនព្រមដោះស្រាយជួនពួកគាត់ទេ ពួកគាត់ដាក់លិខិតដល់សម្តេចតេជោ ហ៊ុន សែន នាយករដ្ឋមន្ត្រី សម្តេចក្រឡា ហោម ស ខេងឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដើម្បីជួយដោះស្រាយឲ្យពួក គាត់ពីព្រោះពួក បានដីទាំងនេះជាកន្លែងចិញ្ចឹមឆ្នាំងបាយ និងចិញ្ចឹមកូនចៅ។

សូមជម្រាបថាលិខិតស្នើនេះត្រូវបានដល់ដៃអភិបាលខេត្តកណ្តាលរួចហើយ ប៉ុន្តែរហូត មកដល់ពេលមិនទាន់មានការឆ្លើយតបយ៉ាងណាទៅកាន់ប្រជាពលរដ្ឋនោះទេ។

ប្រជាពលរដ្ឋបានឲ្យដឹងមានភូមិជាច្រើននៅក្នុងឃុំព្រែកអំបិលស្រុកស្អាងត្រូវបានមន្ត្រីសូរិយោដីចុះវាស់វែង និងបានផ្តល់បង្កាត់កាន់ដៃស្ទើទាំងអស់។ ជាងនេះទៅបានប្រគល់ប័ណ្ណ កម្មសិទ្ធិបានភាគច្រើនហើយនឹងផ្តល់ជាបន្តបន្ទាប់នៅពេលខាងមុខនេះ។

ក្នុងពិធីសំណេះសំណាលនិងផ្តល់បណ្ណកម្មសិទ្ធិជូនប្រជាពលរដ្ឋក្នុងភូមិអន្លង់តាសេកលើកលោក គង់ សោភ័ណ្ឌបានស្នើឲ្យមន្ត្រីសូរិយោដីត្រូវតែខិតខំធ្វើយ៉ាងផ្តល់ប័ណ្ណកម្មសិទ្ធិជូនប្រជាពលរដ្ឋនិងមិនយកប្រាក់ផងដែរ។ ជាងនេះលោកអភិបាលបានឲ្យមន្ត្រីសូរិយោដីត្រូវយកប័ណ្ណកម្មសិទ្ធមកចែកជូនប្រជាពលរដ្ឋដល់ខ្នងផ្ទះទៀតផង៕

យោងតាមសេចក្ដីសម្រេចរបស់អភិបាលខេត្តកណ្ដាល បានបញ្ជាក់ថា ផ្សាររដ្ឋទាំងអស់ក្នុងភូមិសាស្ដ្រក្រុងតាខ្មៅ ត្រូវផ្អាកជាបណ្ដោះអាសន្នបន្ដទៀត រយៈពេល៧ថ្ងៃ គិតចាប់ពីថ្ងៃទី២០ ខែឧសភា ឆ្នាំ២០២១ រហូតដល់ថ្ងៃទី២៦ ខែឧសភា ឆ្នាំ២០២១៕

លោកអភិបាលខេត្តកណ្ដាល បានដាក់បញ្ជាបែបនេះ ក្នុងឱកាសអញ្ជើញដឹកនាំកិច្ចប្រជុំ គណៈបញ្ជាការឯកភាពរដ្ឋបាលខេត្ត ដើម្បីត្រួតពិនិត្យ និងពង្រឹងវិធានការក្នុងការប្រយុទ្ធប្រឆាំងជំងឺកូវីដ-១៩ ក្នុងខេត្តកណ្ដាល កាលពីរសៀលថ្ងៃទី០៧ ខែមីនា ឆ្នាំ២០២១ នៅវិទ្យាល័យទេពប្រណម្យ ស្រុកពញាឮ។

លោកបន្តថា អភិបាលក្រុង-ស្រុក ទាំងអស់ ត្រូវសហការជាមួយ បណ្ដាលរោងចក្រ សហគ្រាស និងក្រុមហ៊ុននានានៅក្នុងមូលដ្ឋានរបស់ខ្លួន ត្រូវធ្វើការចុះពិនិត្យ និងស្រាវជ្រាវ ដើម្បីស្វែងរកជនបរទេសទាំងអស់ មកយកសំណាក ដើម្បីធ្វើតេស្តរកមេរោគកូវីត-១៩ ក្នុងគោលបំណងរួមគ្នាបង្ការ ការពារ និងទប់ស្កាត់ជំងឺកូវីដ-១៩ ឱ្យមានប្រសិទ្ធភាពខ្ពស់ក្នុងភូមិសាស្ត្រខេត្តកណ្ដាល។

ជាងនេះទៅទៀតអភិបាលក្រុង-ស្រុកទាំង១១ ត្រូវត្រៀមមណ្ឌលចត្តាឡីស័ក ដើម្បីត្រៀមដាក់បងប្អូនពលករ ដែលបានវិលត្រឡប់មកពីប្រទេសថៃ ដើម្បីធ្វើចិត្តាឡីស័កឱ្យបានត្រឹមត្រូវ តាមការណែនាំរបស់ក្រសួងសុខាភិបាល។

លោក គង់ សោភ័ណ្ឌ អភិបាលខេត្តកណ្ដាល បានបញ្ជាក់ផងដែរថា អ្នកដែលបានប៉ះពាល់ដោយផ្ទាល់ និងប្រយោល ក្នុងព្រឹត្តិការណ៍សហគមន៍ ២០ កុម្ភៈ ក្នុងភូមិសាស្ត្រខេត្តកណ្ដាល មានចំនួន ៥៤២២ នាក់ និងបានយកសំណាកទៅពិនិត្យចំនួន ៤៧៣៥ នាក់ អ្នកធ្វើចត្តាឡីស័កនៅមណ្ឌលមានចំនួន ១១៨៨ នាក់ និងអ្នកធ្វើចត្តាឡីស័កនៅផ្ទះមានចំនួន ៤២៣៤ នាក់។

លោកអភិបាលខេត្តកណ្ដាលក៏បានបន្ថែមទៀតថាចំពោះតួលេខទាំងអស់នេះនឹងនៅមានការកើនឡើងបន្តទៀតផងដែរ។
គិតត្រឹមព្រឹក ថ្ងៃទី៧ ខែមីនា ឆ្នាំ២០២១អ្នកឆ្លងជំងឺកូវីដ១៩សរុបមានចំនួន៩៨៧ នាក់ចំណែក អ្នកជាសះស្បើយ ៥១០ នាក់និងអ្នកកំពុងព្យាបាល ៤៧៦ នាក់៕