ជាមួយនឹងការសម្រេចនេះ រដ្ឋបាលរាជធានីភ្នំពេញ បានណែនាំឲ្យនាយករដ្ឋបាលរាជធានីភ្នំពេញ ស្នងការរាជធានីភ្នំពេញមេបញ្ជាការកងរាជអាវុធហត្ថ រាជធានីភ្នំពេញ អភិបាលនៃគណៈអភិបាលខណ្ឌទាំង១៤ ប្រធានមន្ទីរអង្គភាពក្រោមឱវាទ និងគណៈគ្រប់គ្រងផ្សារ ត្រូវអនុវត្តសេចក្តីណែនាំនេះ ឲ្យមានប្រសិទ្ធភាពខ្ពស់៕

ក្នុងសេចក្ដីអំពាវនាវដដែល លោក ឃួង ស្រេង ក៏បានសុំឱ្យម្ចាស់ផ្ទះ ឬបន្ទប់ជួល យោគយល់អធ្យាស្រ័យចំពោះការយឺតយ៉ាងក្នុងការបង់ថ្លៃឈ្នួលផ្ទះ ឬឈ្នួលបន្ទប់ផងដែរ។ បន្ថែមពីលើនោះ គួរលើកលែងការពិន័យឱ្យបង់ប្រាក់បន្ថែម ឬដកយកប្រាក់កក់ចំពោះការយឺតយ៉ាវក្នុងការបង់ប្រាក់ថ្លៃឈ្នួលផងដែរ។

លោកអភិបាលរាជធានីភ្នំពេញ ក៏បានស្នើមិនឱ្យមានការបណ្តេញអ្នកជួលចេញពីផ្ទះ ឬបន្ទប់ ព្រោះតែការយឺតយ៉ាវក្នុងការបង់ថ្លៃជួលផ្ទះ និងបន្ទប់ផងដែរ។

ជាមួយគ្នានោះដែរ អភិបាលរាជធានីភ្នំពេញ
សង្ឃឹមថា ម្ចាស់ផ្ទះ និងបន្ទប់ជួល នៅរាជធានីភ្នំពេញ នឹងចូលរួមដោយស្មារតីយោគយល់អធ្យាស្រ័យខ្ពស់៕