ករណីនេះបានកើតឡើងនៅត្រង់ ចំណុចភូមិរលាំងគ្រើល ឃុំត្រពាំងសាច ស្រុកបាទី ខេត្តតាកែវ កាលពីថ្ងៃទី ៦ ខែ មករា ឆ្នាំ ២០២២ វេលាម៉ោង ១២ និង ៤០នាទី ដែលបង្កឡើងដោយជនសង្ស័យឈ្មោះ ធូ ប៊ុនថន ភេទប្រុស អាយុ ២០ឆ្នាំ មុខរបរមិនពិតប្រាកដ ជាមុខសញ្ញាប្រើប្រាស់គ្រឿងញៀន។

សមត្ថកិច្ចនគរបាល បានឲ្យដឹងថា មុនពេលកើតហេតុ ជនបង្កបានសុំលុយ ពីឪពុក តែឪពុកមិនអោយ ក៏មានការជជែកគ្នាជាមួយឪពុក បន្ទាប់មកឈ្មោះ ធូ សម្ជស្ស ភេទស្រី អាយុ ៤១ឆ្នាំ ត្រូវជាបងបង្កើត មានទីលំនៅភូមិរលាំងគ្រើល ឃុំត្រពាំងសាប ស្រុកបាទី ខេត្តតាកែវ បានដើរមកផ្ទះ រួចជេរមកលើជនសង្ស័យថា មិនដើររកលុយចាយខ្លួនឯងទេ ចាំតែសុំលុយគេចាយ រួចអ្នកទាំងពីរបានទាក់មាត់គ្នា រហូតជនសង្ស័យបាន យកដំបងឈើជ្រុងប្រវែង ៩០ សង់ទីម៉ែត្រ គប់ទៅលើឈ្មោះ ធូ សម្ផស្ស តែ គេចផុតមិនបណ្តាលឲ្យរងរបួសទេ ក៏ជនបង្កបានយកកាំបិតចិតបន្លែចុងស្រួចប្រវែង ៣០ សង់ទីម៉ត្រ ដេញចាក់ទៀត តែជនរងគ្រោះរត់គេចខ្លួនផុត មិនបណ្តាលឲ្យរងរបួសទេ។

មូលហេតុ ជនបង្កខឹងបងស្រីស្តីបន្ទោស និង ប្រើប្រាស់គ្រឿងញៀន ទើបបង្ករអោយមាន ករណីប៉ិនប៉នហឹង្សានេះ កើតឡើង។

ក្រោយកើតហេតុ ជនបង្កបានរត់គេចខ្លួន ដោយមានការចង្អុលបង្ហាញពី ឧត្តមសេនីយ៍ទោ ស្នងការនគរបាល ខេត្តតាកែវ និងសម្របសម្រួលនីតិវិធី ពីព្រះរាជអាជ្ញាអម សាលាដំបូងខេត្តតាកែវ រហូតដល់វេលាម៉ោង ១៤ និង០០ នាទី ថ្ងៃខែឆ្នាំដដែលបានឃាត់ខ្លួនជនបង្កនិងដកហូតវត្ថុតាង នៅត្រង់ចំណុច ភូមិរលាំងគ្រើល ឃុំត្រពាំងសាប ស្រុកបាទី ខេត្តតាកែវ ដើម្បីសាកសួរ និងកសាងសំណុំរឿងតាមនីតិវិធី៕

សម្ដេចក្រឡាហោម ស ខេង មានប្រសាសន៍បែបនេះ ក្នុងកម្មវិធីប្រកាសផ្សព្វផ្សាយដាក់ឲ្យប្រើប្រាស់ជាផ្លូវការ ផែនការសកម្មភាពជាតិ ស្ដីពីការទប់ស្កាត់អំពើហិង្សាលើស្ដ្រី ២០១៩-២០២៣ នាព្រឹកថ្ងៃទី១៩ ខែមករា ឆ្នាំ២០២០ នៅសណ្ឋាគារ សូហ្វីតែល ភ្នំពេញ ភូគីត្រា។

សម្ដេចក្រឡាហោម បានបញ្ជាក់យ៉ាងដូច្នេះថា «បញ្ហាអំពើហិង្សាក្នុងគ្រួសារ ការរំលោភសេពសន្ថវៈ អំពើជួញដូរមនុស្ស និងអំពើធ្វើអាជីវកម្មផ្លូវភេទលើស្ត្រី និងកុមារ ព្រមទាំងបញ្ហាគ្រឿងញៀន នៅតែជាកង្វល់ចំពោះមុខរបស់យើងនៅឡើយ។ បញ្ហាទាំងអស់នេះ ទាមទារឱ្យយើងទាំងអស់គ្នាជាអ្នកពាក់ព័ន្ធ បន្តយកចិត្តទុកដាក់ខិតខំប្រឹងប្រែងពុះពារជំនះ និងដោះស្រាយប្រកបដោយយុត្តិធម៌ និងកាន់តែមានប្រសិទ្ធភាពថែមទៀតដើម្បីឱ្យប្រជាជនយើង ជាពិសេសស្ត្រីកម្ពុជាដែលមានចំនួន រហូតដល់៥២ភាគរយ នៃប្រជាជនសរុបរស់នៅប្រកបដោយការគោរពសិទិ្ធ សេចក្តីសុខ និងសុវត្ថិភាពក្នុងជីវិត និងភាពសុខដុមរមនាក្នុងសង្គម»។

សម្ដចក្រឡាហោម បន្ដថា ដើម្បីសម្រេចបានគោលបំណងនេះ រាជរដ្ឋាភិបាលបាននឹងកំពុងអនុវត្តយ៉ាងខ្ជាប់ខ្ជួន នូវយុទ្ធសាស្រ្តចតុកោណដំណាក់កាល ទី១ ទី២ ទី៣ និងទី៤ ផែនការយុទ្ធសាស្រ្តអភិវឌ្ឍន៍ជាតិ កម្មវិធីកំណែទម្រង់ច្បាប់ និងប្រព័ន្ធយុត្តិធម៌ គោលនយោបាយ និងកម្មវិធីតាមវិស័យ ជាពិសេស ការអនុវត្តគោលនយោបាយ ភូមិ-ឃុំ មានសុវត្ថិភាព ដែលលក្ខណៈសម្បតិ្តទី៣ចែងថា «គ្មានអំពើអនាចារ ការជួញដូរស្រ្តីនិងកុមារ និងអំពើហិង្សាក្នុងគ្រួសារ » ព្រមទាំង បានបង្កើតយន្តការ លិខិតបទដ្ឋានគតិយុត្ត គោលនយោបាយ និងផែនការសកម្មភាពជាតិនានា ដើម្បីឆ្លើយតបចំពោះអំពើហិង្សាគ្រប់ទម្រង់លើស្រ្តី និងក្មេងស្រី និងលើកកម្ពស់គុណភាពនិងប្រសិទ្ធភាពនៃការផ្តល់ សេវាជាពហុវិស័យជួយស្រ្តីរងគ្រោះ ដោយអំពើហិង្សាឱ្យបានទាន់ពេលវេលា។

សម្ដេចក្រឡាហោម បន្ថែមថា រាជរដ្ឋាភិបាលកម្ពុជាក៏បាននឹងកំពុងបន្តបោះជំហានទៅមុខលើទិសដៅ ដ៏ត្រឹមត្រូវ និងប្រកបដោយយុទ្ធសាស្រ្តក្នុងការពង្រឹងស្ថាប័ន និងកិច្ចការពារដល់ប្រជាពលរដ្ឋ ជាពិសេសគឺផ្តោតការយកចិត្ត ទុកដាក់ខ្ពស់ទៅលើស្រ្តី និងកុមារនៅកម្រិតសហគមន៍ដើម្បីធានា នូវសិទ្ធិស្មើភាពគ្នារវាងស្រ្តីនិងបុរស។

ជាងនេះទៅទៀត សម្ដេចក្រឡាហោម ស ខេង ក៏បានលើកឡើងថា «យើងជឿជាក់ថា ផែនការសកម្មភាពជាតិ ស្តីពីការទប់ស្កាត់អំពើហិង្សាលើស្រ្តី ២០១៩-២០២៣នេះ នឹងក្លាយជាផែនទីតម្រង់ទិសដ៏ស័ក្តិសិទ្ធិមួយ ដែលនឹងជួយជំរុញបន្ថែមទៀតក្នុងការអនុវត្តការងារទប់ស្កាត់និងលុបបំបាត់អំពើហិង្សាលើស្រ្តីគ្រប់ទម្រង់ឱ្យកាន់តែសម្រេចបានឆាប់រហ័សតាមការរំពឹងទុក»៕