ការផ្តល់ផ្លាកគណបក្សនេះធ្វើឡើងតាមការស្នើសុំពីបងប្អូនជាមេក្រុមចលនាបើកបររថយន្តម៉ូតូឌុប កង់បី និងបងប្អូនកម្មករ ខេត្តបាត់ដំបងដោយបានផ្តល់ជូននូវស្លាកសញ្ញាគណបក្សប្រជាជនកម្ពុជា ចំនួន០៩ស្លាក ដល់ក្រុមការងារចលនាអ្នករត់ម៉ូតូឌុបនិងម៉ូតូកង់បី ដើម្បីបងប្អូនបានយកទៅដាក់តាំងនៅពីមុខគេហដ្ឋានផ្ទាល់របស់ខ្លួន និងនៅតាមគោលដៅទាំង៩ ក្នុងក្រុមការងារ ដើម្បីជាការតបស្នងនូវការដឹងគុណនិងពីការស្រឡាញ់គាំទ្រ និងមានជំនឿជឿជាក់ លើការដឹកនាំដ៏ត្រឹមត្រូវរបស់គណបក្សប្រជាជនកម្ពុជា ដែលបានសង្គ្រោះប្រទេសជាតិ និងអាយុជីវិតប្រជាជនឲ្យរួចផុត ពីការកាប់សម្លាប់របស់ខ្មែរក្រហម និងបានធ្វើឲ្យប្រទេសជាតិមានសុខសន្តិភាពយ៉ាងពេញលេញបរិបូរណ៍ ថែមទាំងធ្វើឲ្យប្រទេសជាតិមានការអភិវឌ្ឍន៍រីកចម្រើនដោយឥតឈប់ឈរយ៉ាងស្វាហាប់រឹងមាំ៕

ក្នុងកិច្ចប្រជុំពិភាក្សាការងារ ជាមួយសមាសភាពក្រុមការងារម៉ូតូកង់បី​និងម៉ូតូ​ឌុប​ទាំង០៧​គោលដៅ ក្នុងក្រុងបាត់ដំបង​គឺដេីម្បីស្វែងយល់ពីជីវភាពរស់នៅ​ប្រចាំថ្ងៃ​ និងការលំបាករបស់បងប្អូនក្រុមម៉ូតូកង់បី​និងម៉ូតូឌុប​ ដើម្បីរិះរកនូវដំណោះស្រាយសមស្របដើម្បីឆ្លើយតបបញ្ហាប្រឈមនានា ដែលពួកគាត់កំពុងជួបបញ្ហា និងជួយពួកគាត់តាមលទ្ធភាពសមស្របបានទាន់ពេលវេលា។

ទន្ទឹមនោះ​ផងដែរ ឯកឧត្តម​ ក៏បានណែនាំអោយបងប្អូនទាំងនោះ រៀបចំចងក្រង ជាក្រុមដេីម្បីងាយស្រួលផ្តល់ព័ត៌មាន​ និងរកលទ្ធភាពបានជួយគ្នាទៅវិញទៅមក​ ជាពិសេសគឺបងប្អូនដែលខ្វះលទ្ធភាពត្រូវរាយការណ៍បន្ទាន់ជូនមកក្រុមការងារដេីម្បីដោះស្រាយតាមស្ថានភាពជាក់ស្តែង។

ក្នុងកិច្ចប្រជុំនេះ​ឯកឧត្ដម​ ព្រួញ​ រិទ្ធថា​ ប្រធានក្រុម​ចលនា​អ្នកបេីកបរ​រថយន្ត​ ម៉ូតូ​កង់​បី​ ម៉ូតូ​ឌុប​ និងកម្មករ​ បាន​ឧបត្ថម្ភ​ថវិកា​ជូនបងប្អូនប្រធានក្រុមទាំង៧​ ក្នុងម្នាក់ៗទទួលបាន នូវ ថវិកាចំនួន​ ៥០ ០០០​ រៀល​ផងដែរ៕