បើតាមការផ្សព្វផ្សាយរបស់ ក្រុមហ៊ុនបានឱ្យដឹងថា ជាមួយកម្មវិធី iOS 15.0.2 ក្រុមហ៊ុនបានធ្វើការកែសម្រួលបញ្ហា ដែលធ្វើឱ្យរូបថតនៅក្នុងកម្មវិធី Photos ត្រូវបានលុបចោល និងបញ្ហាដែលអ្នកប្រើប្រាស់ មិនអាចរកឃើញ iPhone Leather Wallet និង AirTags នៅក្នុងកម្មវិធី Find My។
ជាងនេះទៀតក្រុមហ៊ុន ក៏បានធ្វើការកែសម្រួលបញ្ហាសុវត្ថិភាព ដែលមានលេខសំគាល់ CVE-2021-30883 ដែលអាចឱ្យជនខិលខូចដំណើរការ កូដដោយពុំមានការដាក់កំណត់ នៅក្នុងប្រព័ន្ធឧបករណ៍បច្ចេកវិទ្យា (Kernel mode)។

គួរបញ្ជាក់ដែលថា កាលពីខែកញ្ញា អ្នកប្រើប្រាស់មួយចំនួន បានរកឃើញថា រូបភាពរបស់ពួកគេដែលបាន ទាញយកពីកម្មវិធី Messages ដើម្បីរក្សានៅក្នុងកម្មវិធី Photos ត្រូវបានលុបចោលដោយស្វ័យប្រវត្តិ នៅពេលដែលទូរសព្ទ របស់ពួកគេបានបានធ្វើការ Backup ជាមួយនឹងកម្មវិធី iCloud ប្រសិនបើពួកគេបានលុបចោលសារ ដែលមានរូបភាពទាំងនោះចេញពីកម្មវិធី Messages។

ដើម្បីធ្វើបច្ចុប្បន្នភាព កម្មវិធីនៅក្នុងទូរសព្ទ លោកអ្នកអាចចូលទៅក្នុង Settings > General > Software Update៕

សម្រាប់គណនីដែលមានក្មេងក្រោមអាយុ ១៣ ឆ្នាំ នៅពេលដែលក្រុមហ៊ុនស្កេនឃើញរូបភាពអាសអាភាសនៅក្នុងសារ ក្រុមហ៊ុនមិនត្រឹមតែធ្វើឱ្យរូបភាពទាំងនោះព្រិល ថែមទាំងបង្ហាញនូវពាក្យពេចន៍ព្រមានទាក់ទងនឹងរូបភាពទាំងនេះផងដែរ។ ប្រសិនបើកុមារបើកមើលរូបភាពទាំងនោះ ក្រុមហ៊ុនអាចនឹងផ្ដល់ដំណឹងទៅអាណាព្យាបាល ប្រសិនបើពួកគេបានបើកប្រើមុខងារនេះ។ សម្រាប់គណនីដែលមានក្មេងពីអាយុ ១៣ ដល់ ១៧ឆ្នាំ ក្រុមហ៊ុនគ្រាន់តែបង្ហាញសារព្រមាន និងធ្វើឱ្យរូបភាពព្រិលតែប៉ុណ្ណោះ។

គួរបញ្ជាក់ផងដែរថា អ្នកប្រើប្រាស់អាចបើកប្រើឬបិទមុខងារនេះបាន។ ម្យ៉ាងវិញទៀតក្រុមហ៊ុនបានប្រើកុំព្យូទ័រដើម្បីស្កេនរករូបភាពដែលមាននៅក្នុង iMessage ជាមួយនឹងប្រព័ន្ធសុវត្ថិភាព end-to-end encryption ដូច្នេះពុំមានអ្នកណាអាចចូលទៅមើលរូបភាពទាំងនោះបានឡើយ៕

នាយកដ្ឋានប្រឆាំងបទល្មើសបច្ចេកវិទ្យាបានឲ្យដឹងថាការហាមឃាត់នេះត្រូវបានដាក់ចេញបន្ទាប់ពីរដ្ឋាភិបាលបានរកឃើញថាក្រុមហ៊ុន Didi បានប្រព្រឹត្តល្មើសយ៉ាងធ្ងន់ធ្ងរទៅលើការប្រមូល និងប្រើទិន្នន័យឯកជនភាពរបស់អ្នកប្រើប្រាស់។ ឆ្លើយតបនឹងការចោទប្រកាន់នេះក្រុមហ៊ុនបានប្រកាសថា ពួកគេនឹងធ្វើការកែសម្រួលទៅតាមអ្វីដែលរដ្ឋាភិបាលបានស្នើសុំ ប៉ុន្តែក្រុមហ៊ុនមិនបានបញ្ជាក់នៅពេលវេលាដែលពួកគេអាចនឹងដាក់ឱ្យកម្មវិធីនេះអាចទាញយកបានវិញនោះទេ។

គួរបញ្ជាក់ផងដែរថា នាពេលបច្ចុប្បន្នអ្នកប្រើប្រាស់អាចបន្តប្រើកម្មវិធី Didi ប្រសិនបើពួកគេបានទាញយកកម្មវិធីនេះហើយ ប៉ុន្តែអ្នកប្រើប្រាស់ថ្មីនឹងមិនអាចចុះឈ្មោះប្រើប្រាស់បានទេ៕

ដោយសារតែមានអ្នកប្រើប្រាស់នៅក្នុងប្រទេសកម្ពុជាយើងជាច្រើនកំពុងតែប្រើប្រាស់ទូរសព្ទ iPhone នោះ នាយកដ្ឋានសូមបង្ហាញនូវមុខងារសំខាន់ៗមួយចំនួនដែលក្រុមហ៊ុនបានបន្ថែមទៅក្នុងប្រព័ន្ធប្រតិបត្តិការ iOS 15៖

១-សម្រាប់កម្មវិធីស្វែងរកឧបករណ៍ (Find My app) ក្រុមហ៊ុនបានបន្ថែមមុខងារដែលអាចឱ្យអ្នកប្រើប្រាស់ ដឹងអំពីទីតាំងចុងក្រោយ បើទោះបីជាទូរសព្ទរបស់ពួកគេត្រូវបានបិទក៏ដោយ។ ម្យ៉ាងវិញទៀត ប្រសិនបើលោកអ្នកបានបើកប្រើមុខងារ Activation Lock កម្មវិធីនេះនឹងនៅតែអាចបន្តផ្ដល់ទីតាំងថ្មីបើទោះបីជា អ្នកដែលទទួលបានទូរសព្ទរបស់លោកអ្នកបានលុបចោលទិន្នន័យទាំងអស់ដែលមាននៅក្នុងទូរសព្ទក៏ដោយ។

២-ប្រសិនបើលោកអ្នកកំពុងតែបង់លុយដើម្បីប្រើកម្មវិធី iCloud ក្រុមហ៊ុនបានបន្ថែមមុខងារ iCloud‌ Private Relay ដែលនឹងអុីនគ្រីបរាល់ទិន្នន័យទាំងអស់ដែលលោកអ្នកបញ្ជូនទៅ iCloud។ Apple នឹងប្រើក្រុមហ៊ុនឯកជនដើម្បីបង្កើត និងគ្រប់គ្រងអាសយដ្ឋាន IP បណ្ដោះអាសន្នក្នុងពេលបញ្ជូនទិន្នន័យ ដូច្នេះសូម្បីតែក្រុមហ៊ុន Apple ក៏ពុំបានដឹងអំពីអាសយដ្ឋាន IP នេះផងដែរ។ ប៉ុន្តែមុខងារនេះនឹងពុំមាននៅក្នុងប្រទេសមួយចំនួនមានដូចជា China, Belarus, Colombia, Egypt, Kazakhstan, Saudi Arabia, South Africa, Turkmenistan, Uganda, និង Philippines ដោយសារតែច្បាប់របស់ប្រទេសទាំងនោះ។

៣-ជាមួយ iOS 15 លោកអ្នកអាចប្រើកម្មវិធី FaceTime ដើម្បីធ្វើការទំនាក់ទំនងបានយ៉ាងទូលំទូលាយជាងមុន បើទោះបីជាអ្នកប្រើប្រាស់ខ្លះពុំមានប្រើឧបករណ៍របស់ក្រុមហ៊ុន Apple ដោយលោកអ្នកគ្រាន់តែបង្កើតតំណភ្ជាប់ហើយពួកគេអាចចូលរួមបានតាមរយៈ web browser។

៤-ប្រសិនបើលោកអ្នកកំពុងតែប្រើទូរសព្ទ iPhone ដែលមានប្រព័ន្ធប្រតិបត្តិការ iOS 14 ហើយលោកអ្នកពុំមានបំណងចង់ធ្វើបច្ចុប្បន្នភាពកម្មវិធីទៅជំនាន់ iOS 15 នោះ លោកអ្នកអាចបន្តប្រើប្រព័ន្ធប្រតិបត្តិការចាស់បាន ហើយក្រុមហ៊ុន Apple នឹងបន្តផ្ដល់ការធ្វើបច្ចុប្បន្នភាពកម្មវិធីទាក់ទងទៅនឹងសុវត្ថិភាពរបស់ប្រព័ន្ធប្រតិបត្តិការនេះ៕

បើតាមការរកឃើញរបស់ក្រុមអ្នកស្រាវជ្រាវផ្នែកសុវត្ថិភាពបច្ចេកវិទ្យាកាលពីខែមុនបានឱ្យដឹងថា ជនខិលខូចអាចប្រើភាពចន្លោះប្រហោងនៅក្នុងកម្មវិធីប្រព័ន្ធប្រតិបត្តិការ macOS ដែលអាចឱ្យពួកគេរំលងប្រព័ន្ធសុវត្ថិភាពរបស់កុំព្យូទ័រ និងបញ្ចូលកម្មវិធីមេរោគ XCSSET។

ក្រៅពីអាចថតរូបភាពស្គ្រីនកុំព្យូទ័រ ភាពចន្លោះប្រហោងនេះក៏អាចឱ្យជនខិលខូច លួចយកទិន្នន័យ cookies ពីកម្មវិធី Safari ដែលអាចឱ្យពួកគេចូលទៅក្នុងគណនីអនឡាញ ផ្សេងៗទៀតរបស់អ្នកប្រើប្រាស់។ ជាងនេះទៅទៀតពួកគេក៏អាចមានសិទ្ធិបើកប្រើម៉ៃក្រូហ្វូន កាមេរ៉ា និងចូលកន្លែងផ្ទុកទិន្នន័យ(Full Disk Access) បានទៀតផង។

ដូច្នេះដើម្បីសុវត្ថិភាពក្នុងការប្រើប្រាស់កុំព្យូទ័រ Macs ដែលមានប្រព័ន្ធប្រតិបត្តិការ macOS Big Sur‌ សូមលោកអ្នកធ្វើបច្ចុប្បន្នភាពជាបន្ទាន់ ដោយគ្រាន់តែចូលទៅក្នុង System Preferences របស់កុំព្យូទ័រ៕

ដើម្បីចៀសវាងកុំឱ្យជនខិលខូចប្រើឧបករណ៍ AirTag ដើម្បីតាមដានជនណាម្នាក់នោះក្រុមហ៊ុន Apple បានបង្កប់ជាមួយនឹងមុខងារមួយចំនួនមានដូចជា ការបញ្ចេញសំឡេងនៅពេលដែលឧបករណ៍ AirTag មិននៅជិតជាមួយនឹងទូរសព្ទដែលត្រូវបានកំណត់អស់រយៈពេល ៣ថ្ងៃ ឬប្រសិនបើលោកអ្នកប្រើទូរសព្ទ iPhone វិញនោះ លោកអ្នកនឹងទទួលបានស្រ្គីនក្រើនរំឭក ប្រសិនបើមានឧបករណ៍ AirTag ដែលនៅជិតប៉ុន្តែមិនមែនជារបស់លោកអ្នក។

ប៉ុន្តែទោះបីជាក្រុមហ៊ុន Apple មានការប្រុងប្រយ័ត្នជាងក្រុមហ៊ុនដទៃទៀតទាក់ទងនឹងការការពារកុំឱ្យមានការប្រើប្រាស់ឧបករណ៍នេះសម្រាប់ការតាមដាននោះក្ដី ក៏ជនខិលខូចអាចប្រើឧបករណ៍នេះសម្រាប់ធ្វើការតាមដានបានយ៉ាងងាយស្រួលផងដែរ។

ជាឧទាហរណ៍ ឧបករណ៍ AirTag នឹងបញ្ចេញសំឡេងបន្ទាប់ពីរយៈពេលបីថ្ងៃដែលវាមិននៅជិតទូរសព្ទដែលត្រូវបានកំណត់ដូច្នេះជនខិលខូចអាចតាមដានលោកអ្នកបាន ដល់ទៅ ៣ថ្ងៃមុននឹងលោកអ្នកមានការចាប់អារម្មណ៍នោះ។ ជាងនេះទៅទៀត ប្រសិនបើជនខិលខូចគឺជាអ្នកធ្វើការ ឬជាអ្នករស់នៅជាមួយលោកអ្នកផងនោះ ឧបករណ៍នេះនឹងមិនបញ្ចេញសំឡេងអ្វីទាំងអស់ ដោយសារតែជនខិលខូចមានឱកាសច្រើនដើម្បីឱ្យទូរសព្ទរបស់គេអាចនៅជិតឧបករណ៍នេះបាន៕ឧ

នាយកដ្ឋានប្រឆាំងបទល្មើសបច្ចេកវិទ្យាបានបញ្ជាក់ថា ដើម្បីចៀសវាងពីការវាយប្រហារ លោកអ្នកគួរតែធ្វើបច្ចុប្បន្នភាពទូរសព្ទ iPhone ជាមួយ iOS 14.4.2 ដោយគ្រាន់តែចូលទៅក្នុង Settings > General > Software Update។ សម្រាប់ព័ត៌មានលម្អិតលោកអ្នកអាចចូលទៅអានការណែនាំរបស់ក្រុមហ៊ុនតាមតំណភ្ជាប់ដូចខាងក្រោម៖
https://support.apple.com/en-us/HT212256៕

បើតាមការផ្សព្វផ្សាយរបស់ក្រុមហ៊ុន Apple បាន បញ្ជាក់ថា អ្នកប្រើប្រាស់នាឡិកាវៃឆ្លាត Apple Watch 5 និង SE ជាមួយនឹងប្រព័ន្ធប្រតិបត្តិការ watchOS 7.2 ឬ 7.3 ខ្លះមិនអាចសាកថ្មបានបន្ទាប់ពីនាឡិកាបានប្រើមុខងារ Power Reserve ដើម្បីជួយសន្សំសំចៃថ្មនោះ។ ក្រុមហ៊ុនក៏បានបញ្ជាក់ផងដែរថា ប្រសិនបើលោកអ្នកជួបប្រទះបញ្ហានេះ លោកអ្នកអាចសាកល្បងសាកនាឡិកាឱ្យបានយ៉ាងតិចបំផុត ៣០នាទី ហើយប្រសិនបើវានៅតែមានបញ្ហានោះ លោកអ្នកអាចទាក់ទងទៅក្រុមហ៊ុនដើម្បីធ្វើការវាយតម្លៃ ថាតើនាឡិការបស់លោកអ្នកអាចត្រូវបានជួសជុលដោយឥតគិតថ្លៃឬអត់។

ដូច្នេះដើម្បីចៀសវាងពីបញ្ហាសាកថ្មនេះ អ្នកប្រើប្រាស់គួរតែធ្វើបច្ចុប្បន្នភាពកម្មវិធីប្រព័ន្ធប្រតិបត្តិការឱ្យបានឆាប់រហ័ស ហើយប្រសិនបើលោកអ្នកជួបបញ្ហានេះ លោកអ្នកអាចធ្វើការទំនាក់ទំនងទៅកន្លែងទទួលជួសជុលផ្លូវការរបស់ក្រុមហ៊ុន Apple ដើម្បីទទួលបានព័ត៌មានបន្ថែម៕

សម្រាប់ក្រុមហ៊ុន Apple វិញនោះ ចាប់តាំងពីឆ្នាំ ២០១៧ ក្រុមហ៊ុនបានងាកមកប្រើផ្ទៃមុខដើម្បីបើកសោទូរសព្ទ ប៉ុន្តែដោយសារអ្នកប្រើប្រាស់ជាច្រើននាពេលបច្ចុប្បន្នតម្រូវឱ្យពាក់ម៉ាសដើម្បីការពារពីការឆ្លងនៃមេរោគកូវីដ១៩នោះ បានធ្វើឱ្យពួកគេមានការលំបាកក្នុងការបើកសោទូរសព្ទ ព្រោះវាតម្រូវឱ្យពួកគេវាយបញ្ចូលលេខសម្ងាត់វិញ។

ដើម្បីសម្រួលដល់ការប្រើប្រាស់របស់លោកអ្នកដែលត្រូវពាក់ម៉ាសនោះ ក្រុមហ៊ុន Apple កំពុងតែសាកល្បងមុខងារបើកសោជាមួយនឹងទូរសព្ទវៃឆ្លាតក្នុងប្រព័ន្ធប្រតិបត្តិការ iOS 14.5។ មុខងារបើកសោនេះគឺវាស្រដៀងគ្នាទៅនឹងការបើកសោដែលក្រុមហ៊ុនកំពុងតែប្រើជាមួយនឹងកុំព្យូទ័រ Mac ដែរ។ នៅពេលដែលទូរសព្ទត្រូវបានបើកសោ នាឡិការបស់លោកអ្នកនឹងញ័រ ជាការជូនដំណឹងថាទូរសព្ទត្រូវបានបើកសោ ជាងនេះទៅទៀតវាក៏ផ្ដល់ជម្រើសសម្រាប់លោកអ្នកអាចចាក់សោរទូរសព្ទវិញបាន ប្រសិនបើអ្នកដទៃព្យាយាមបើកសោទូរសព្ទនោះ។

គួរបញ្ជាក់ផងដែរថាមុខងារនេះគឺប្រើសម្រាប់តែបើកសោទូរសព្ទប៉ុណ្ណោះ ហើយលោកអ្នកមិនអាចប្រើសម្រាប់បញ្ជាក់អត្តសញ្ញាណជាមួយនឹង Apple Pay ឬ App Store បានទេ។ នាយកដ្ឋាននិងបង្ហាញពីការប្រើប្រាស់មុខងារនេះជាលម្អិតនៅពេលដែលក្រុមហ៊ុន Apple ដាក់ឱ្យប្រើប្រាស់មុខងារនេះជាផ្លូវការ៕

បញ្ហានេះបានចាប់ផ្ដើមតាំងពីម៉ោងប្រហែល ១១យប់ម៉ោងនៅប្រទេសកម្ពុជា ហើយបច្ចុប្បន្នកម្មវិធីមួយចំនួន ត្រូវបានកែសម្រួលរួចហើយផងដែរ។

សម្រាប់ព័ត៌មានលម្អិត លោកអ្នកអាចចូលទៅគេហទំព័រ របស់ក្រុមហ៊ុនផ្ទាល់តាមរយៈ តំណភ្ជាប់ដូចខាងក្រោម៖ https://www.apple.com/support/systemstatus/