មុននេះបន្តិចប្រុសឡា ដែលគ្រប់គ្នាស្គាល់ថាជាតារាចម្រៀងរ៉េបមួយរូបដែលមានការគាំទ្រយ៉ាងច្រើនបានបង្ហោះថា ” ខ្ញុំសូមជម្រាបជូនសាធារណជន ក៏ដូចជាអង្គភាពសារពត៌មានជ្រាបថា ខ្ញុំបាទប្រុសឡាមិនបានបង្ករហិង្សារទៅលេីបុគ្គលណាម្នាក់នោះទេ ប៉ុន្តែបុគ្គល មួយចំនួនបានផ្សព្វផ្សាយពត៌មានក្នុងគោលបំណងបរិហារដែលធ្វេីអោយប៉ះពាល់ដល់កិត្តិយសរបស់ខ្ញុំបាទ។ សំរាប់បុគ្គលណាម្នាក់ដែលមានបញ្ហា ជាមួយខ្ញុំសូមធ្វេីការទាក់ទងសាមីខ្លួនខ្ញុំដេីម្បីដោះស្រាយ តាមនិតិវិធីច្បាប់។ រាល់ការផ្សព្វផ្សាយពត៍មានមិនពិតនានាដោយចេតនាក្តី និងអចេតនាក្តី ខ្ញុំបាទនឹងឈានដល់ការចាត់វិធានការផ្លូវច្បាប់។ សូមអរគុណ “៕

តាមរយៈបណ្ដាញសង្គមហ្វេសប៊ុក នៅថ្ងៃទី២៦ មករានេះ តារាចម្រៀងរ៉េប Vid Cooler បានសរសេររៀបរាប់ថា “ស្វាគមន៍​​លោក​ តារា​ល្បីៗ​ ទាំង​ប៉ុន្មាន​ដួងនៅ​ខាង​ក្រោម​នេះ​..! សូមលោក​អញ្ជើញ​មក​តុលាការ​ ដេីម្បី​ដោះស្រាយ​រឿង​នេះ​ ខ្ញុំ​រង​ចាំ​នៅ​តុលាការ​ ..!! មាន​ភស្តុតាង​​នេះ​រឿង​ ស្អុយជា​ច្រើន​ដែលលោក​ត្រូវ​ចូល​ខ្លួន​ ..!! កុំ​គេចវេះ​ ព្រោះ​រឿង​នេះ​ បេី​មិនដោះ​ស្រាយ​ គឺ​វា​ជាប់​ជាមួយ​អស់​លោក​មួយ​ជីវិត​ ..!! ផ្ញើ​ជូន​ទៅ​ក្រុមហ៊ុន​ Smart ផង​ដែរ​កំពុង​តែ​ មាន​វត្តមាន​ តារា​ យូកូង​ បាត​ផ្សារ​ ពាល​ ដែរ​ជា​បុគ្គល​ ប្រេី​អំពី​ហឹង្សា​ដោយ​ចេតនា​ ប្រាស់​ចាក​នឹង​សង្គម​ បែប​នេះ​នៅ​ក្នុង​ក្រុមហ៊ុន​របស់​ខ្លួន​ សូម​ក្រុមហ៊ុនជួយ​ត្រួត​ពិនិត្យ​ឡេីង​វិញ​ផង​ដេីម្បី​កុំ​ប៉ះពាល់​ដល់​ស្ថាប័ន​នឹង​សង្គម​ប្រទេស​កម្ពុជា​ទាំង​មូល​ ..! ចុងក្រោយ​ ខ្ញុំ​ពិតជា​សោកស្ដាយ​ណាស់​ ដែល​ពួក​គាត់​ជា​បុគ្គល​គំរូ​ ទៅ​កាន់​ក្មេង​ជំនាន់​ក្រោយ​ ដែល​ប្រព្រឹត្ត​អំពើ​ហឹង្សា​ដែល​សង្គម​មិន​គាំទ្រ​!”៕

ជាមួយគ្នានោះដែរ ម្ចាស់បទនារីសក់ខ្លី ក៏បានចេញមុខបំភ្លឺយ៉ាងខ្លីលើហ្វេសប៊ុកថា «បងប្អូនចាំស្តាប់សាច់រឿង ទាំងសងខាងសិន ចាំវិនិច្ឆយ រាល់រឿងរ៉ាវ វាតែងតែមានដើមហេតុ មេធាវីរបស់ខ្ញុំកំពុងតែធ្វើការ សូមអរគុណ»។