ប្រសិនបើលោកអ្នកបាន បើកប្រើមុខងារចាក់សោរ Incognito tabs កម្មវិធីនឹងទាមទារឱ្យលោកអ្នកបញ្ចូល ទិន្នន័យជីវមាត្រមានដូចជា ក្រយ៉ៅម្រាមដៃ ផ្ទៃមុខ ឬលេខសម្ងាត់ដើម្បីអាចចូលទៅប្រើ Incognito tabs ឡើងវិញបន្ទាប់ពីលោកអ្នកបានបិទ ហើយព្យាយាមបើកកម្មវិធី Chrome វិញនោះ។ ដូច្នេះមុខងារនេះអាចជួយរារាំង មិនឱ្យអ្នកប្រើប្រាស់ដទៃទៀត ដែលប្រើទូរសព្ទរបស់លោកអ្នកអាចចូលទៅ មើលអ្វីដែលលោកអ្នកបានមើលនៅក្នុង Incognito tabs។

ដើម្បីប្រើមុខងារថ្មីនេះ លោកអ្នកអាចចូលទៅក្នុង Settings របស់កម្មវិធី Chrome > Privacy > Lock Incognito tabs ដើម្បីបើកមុខងារនេះ៕

ភាពចម្រូងចម្រាសនេះគឺ ដោយសារតែប្រទេសជាច្រើននៅសហភាពអឺរ៉ុប និងនៅជុំវិញពិភពលោកបានចាប់ផ្ដើមទាមទារឱ្យក្រុមហ៊ុន Google និងក្រុមហ៊ុនខ្នាតយក្សជាច្រើនទៀតបង់ប្រាក់កម្រៃសេវាកម្មទៅឱ្យក្រុមហ៊ុនសារពត៌មាន នៅពេលដែលពួកគេយកព័ត៌មានទាំងនោះទៅផ្សព្វផ្សាយបន្ត បើទោះបីជាក្នុងលក្ខណៈសង្ខេប (News snippet) ដូចក្រុមហ៊ុន Google បានផ្សព្វផ្សាយក៏ដោយ។

ទន្ទឹមនឹងការផាកពិន័យនេះ អាជ្ញាធរក៏បានគំរាមថានឹងធ្វើការផាកពិន័យជាទឹកប្រាក់ចំនួនមួយលានដុល្លារអាមេរិកក្នុងមួយថ្ងៃប្រសិនបើក្រុមហ៊ុន Google មិនបានធ្វើសំណើជាមួយនឹងក្រុមហ៊ុនសារព័ត៌មានក្នុងរយៈពេលពីរខែនោះ។

គួរបញ្ជាក់ផងដែរថា កាលពីឆ្នាំកន្លងទៅអាជ្ញាធរបារាំងបាន ដាក់កំណត់រយៈពេល ៣ខែឱ្យក្រុមហ៊ុន Google ធ្វើការពិភាក្សាជាមួយនឹងក្រុមហ៊ុនសាព័ត៌មានដើម្បីដោះស្រាយបញ្ហានេះ ឬក្រុមហ៊ុននឹងរងការផាកពិន័យ៕

ក្រោយពីរងការផាកពិន័យ ក្រុមហ៊ុនបានបង្កើតកម្មវិធីដេញថ្លៃ សម្រាប់ក្រុមហ៊ុនដែលមានកម្មវិធីស្វែងរកណាដែលចង់បង្ហាញកម្មវិធីរបស់ពួកគេនៅក្នុងទូរសព្ទ Android។ ក្រុមហ៊ុន Google នឹងជ្រើសរើសយកក្រុមហ៊ុនចំនួនពីរដែលបានដេញថ្លៃខ្ពស់ជាងគេមកដាក់បញ្ចូលជាមួយនឹងកម្មវិធីរបស់ខ្លួន ដែលអ្នកប្រើប្រាស់អាចជ្រើសរើសបាន។

ការប្រើវិធីដេញថ្លៃនេះបានធ្វើឱ្យក្រុមហ៊ុនដែលពុំមានថវិកាច្រើនមានការពុំពេញចិត្ត និងជាវិធីមួយដែលក្រុមហ៊ុនបង្កើតដើម្បីរកចំណូលបន្ថែម។ ដោយមើលឃើញពីភាពលម្អៀងនេះ សហភាពអឺរ៉ុបបានធ្វើការទាមទារជាថ្មីម្ដងទៀតឱ្យក្រុមហ៊ុនបញ្ចប់ការដេញថ្លៃ និងតម្រូវឱ្យមានចំនួនកម្មវិធីស្វែងរកច្រើនជាងមុនសម្រាប់អ្នកប្រើប្រាស់ជ្រើសរើស។

ដើម្បីចៀសវាងពីការស៊ើបអង្កេត ដែលអាចនឹងរងការផាកពិន័យផងនោះ ក្រុមហ៊ុនបានយល់ព្រមបញ្ឈប់ការដេញថ្លៃ។ ជាងនេះទៅទៀតក្រុមហ៊ុននឹងបង្ហាញកម្មវិធីស្វែងរក ដែលអាចមានចំនួនដល់ទៅ១២ សម្រាប់អ្នកប្រើប្រាស់ជ្រើសរើស ចាប់ផ្ដើមពីថ្ងៃទី ១ខែកញ្ញាចុងឆ្នាំនេះ៕

ការឯកភាពនេះគឺដើម្បីបញ្ចប់នូវការស៊ើបអង្កេត ហើយក្រុមហ៊ុន Google បានយល់ព្រមបង់ប្រាក់ពិន័យចំនួន ២៦៨លាន ដុល្លារសហរដ្ឋអាមេរិក និងបានសន្យាថានឹងធ្វើកំណែទម្រង់របៀបគ្រប់គ្រងផ្សព្វផ្សាយពាណិជ្ជកម្ម ចាប់ផ្ដើមពីត្រីមាសទីមួយឆ្នាំ២០២២ ដោយមានការឃ្លាំមើលពីក្រុមអ្នកគ្រប់គ្រងដាច់ដោយឡែកមួយផ្សេងទៀត។ នេះគឺជាលើកទីមួយហើយដែលក្រុមហ៊ុនបច្ចេកវិទ្យា ដ៏ធំមួយនេះបានទទួលស្គាល់ទាក់ទងទៅនឹងភាពលំអៀងនៅក្នុងរូបមន្តបច្ចេកវិទ្យាក្នុងការផ្សព្វផ្សាយពាណិជ្ជកម្ម។

ទោះបីជាកិច្ចព្រមព្រៀងនេះគឺសម្រាប់តែប្រទេសបារាំងតែមួយ ហើយការផាកពិន័យគឺវាមានចំនួនទឹកលុយតិចតួចសម្រាប់ក្រុមហ៊ុន Google នោះក្ដី ក៏ប៉ុន្តែអ្នកវិភាគគិតថានេះគឺគ្រាន់តែជាជំហានដំបូង ហើយពួកគេសង្ឃឹមថាប្រទេសជាច្រើនទៀតនៅអឺរ៉ុប និងសហរដ្ឋអាមេរិក នឹងបើកការស៊ើបអង្កេតទាក់ទងទៅនឹងករណីនេះផងដែរ៕

ក្រុមអ្នកស្រាវជ្រាវធ្លាប់បានបង្ហាញ ពីការព្រួយបារម្ភរបស់ក្រុមហ៊ុន Google ជាមួយនឹងមុខងារថ្មីនេះ ដែលវាអាចធ្វើឱ្យប៉ះពាល់ដល់ប្រាក់ចំណូលដល់ច្រើនសន្ធឹកសន្ធាប់ពីការផ្សព្វផ្សាយពាណិជ្ជកម្មរបស់ពួកគេ។ ប៉ុន្តែដោយសារតែក្រុមហ៊ុន Apple បានដាក់ឱ្យប្រើប្រាស់មុខងារនេះហើយនោះ បានជា Google ត្រូវតែដាក់ចេញនូវមុខងារស្រដៀងគ្នានេះ ដើម្បីកុំឱ្យអ្នកប្រើប្រាស់គិតថា ក្រុមហ៊ុនមិនបានគិតពីការការពារទិន្នន័យឯកជនភាពរបស់អ្នកប្រើប្រាស់។

ជាមួយមុខងារថ្មីនេះក្រុមហ៊ុន Apple បានទាមទារឱ្យអ្នកអភិវឌ្ឍកម្មវិធីបន្ថែមមុខងារក្រើនរំឭក (prompt) ឱ្យមានការឯកភាពពីអ្នកប្រើប្រាស់ទាក់ទងទៅនឹងការប្រើលេខសំគាល់ដើម្បីអាចតាមដានអ្នកប្រើប្រាស់ពីកម្មវិធីមួយទៅកម្មវិធីមួយទៀត ក្នុងការផ្សព្វផ្សាយពាណិជ្ជកម្ម។ ចំណែកឯក្រុមហ៊ុន Google វិញនោះ អ្នកប្រើប្រាស់អាចបិទឬបើកមុខងារនេះនៅក្នុងការកំណត់ (Settings) របស់ទូរសព្ទវិញ។

គួររំឭកផងដែរថា ក្រុមហ៊ុនហ្វេសប៊ុកធ្លាប់បានធ្វើការផ្សព្វផ្សាយរិះគន់ក្រុមហ៊ុន Apple ខ្លាំងៗ ដោយចោទប្រកាន់ថា មុខងារនេះគឺមិនមែនដើម្បីសម្រាប់ការពារទិន្នន័យឯកជនភាពនោះទេ ផ្ទុយទៅវិញគឺវាដើម្បីឱ្យក្រុមហ៊ុន Apple ទាញយកផលចំណេញតែប៉ុណ្ណោះ។ ប៉ុន្តែសម្រាប់ក្រុមអ្នកស្រាវជ្រាវសុវត្ថិភាពបច្ចេកវិទ្យាវិញនោះគិតថា នេះគឺជាមុខងារដ៏ល្អ ហើយក្រុមហ៊ុនហ្វេសប៊ុកមានការមិនពេញចិត្តដោយសារតែ ភាគច្រើននៃប្រាក់ចំណូលរបស់ពួកគេគឺបានមកពីការប្រមូលទិន្នន័យឯកជនភាពរបស់អ្នកប្រើប្រាស់ដើម្បីផ្សព្វផ្សាយពាណិជ្ជកម្ម ឬលក់ទៅឱ្យក្រុមហ៊ុនទីបីនោះ៕

បើតាមការបំភ្លឺនៅក្នុងសវនាការមួយនៅក្នុងរដ្ឋ Arizona សហរដ្ឋអាមេរិក បានបង្ហាញថា អ្នកប្រើប្រាស់ស្ទើរតែមិនអាចចៀសវាងពីការតាមដានទាញយកទីតាំងពីក្រុមហ៊ុន Google ដោយសារតែភាពស្មុគស្មាញក្នុងការផ្លាស់ប្ដូរការកំណត់ ដែលសូម្បីតែលោក Jen Chai ដែលជាបុគ្គលិកជាន់ខ្ពស់ទទួលបន្ទុកផ្នែកតាមដានទីតាំងរបស់ក្រុមហ៊ុន ក៏មិនយល់ច្បាស់អំពីមុខងារកំណត់ការតាមដានទីតាំងនេះទៀតផង។

បើតាមនាយកដ្ឋានប្រឆាំងបទល្មើសបច្ចេកវិទ្យាបានបញ្ជាក់ថាក្រុមហ៊ុន Google នៅតែអាចបន្តទាញយកទីតាំងរបស់អ្នកប្រើប្រាស់ទោះបីជាពួកគេបានបិទការតាមដានទីតាំង ហើយថែមទាំងបានបង្កប់មុខងារសម្រាប់បិទទីតាំងយ៉ាងសម្ងាត់ ដើម្បីចៀសវាងអ្នកប្រើប្រាស់អាចចូលទៅបិទមុខងារនេះបាន។ ជាងនេះទៅទៀតក្រុមហ៊ុន Google ក៏បានដាក់សម្ពាធទៅលើក្រុមហ៊ុនផលិតទូរសព្ទមានដូចជាក្រុមហ៊ុន LG ដើម្បីឱ្យពួកគេជួយក្នុងការលាក់មុខងារតាមដានទីតាំងផងដែរ៕

បន្ទាប់ពីក្រុមហ៊ុនបានដកមុខងារត្រីវិស័យនោះមក អ្នកប្រើប្រាស់ជាច្រើនបានសំដែងការមិនពេញចិត្តតាមរយៈប្រព័ន្ធទំនាក់ទំនងសង្គម ដែលពួកគេចង់ឱ្យក្រុមហ៊ុនដាក់បញ្ចូលមុខងារនេះមកវិញ។ ដូច្នេះហើយក្រុមហ៊ុន Google បានដាក់បញ្ចូលមុខងារត្រីវិស័យជាមួយនឹងកម្មវិធីផែនទីកាលពីម្សិលមិញនេះ។

ប្រសិនបើលោកអ្នកកំពុងតែប្រើកម្មវិធី Google Maps ជាមួយទូរសព្ទដែលប្រើប្រព័ន្ធប្រតិបត្តិការ Android ហើយលោកអ្នកចង់ប្រើមុខងារត្រីវិស័យនោះ លោកអ្នកអាចធ្វើបច្ចុប្បន្នភាពកម្មវិធីដោយទាញយកកម្មវិធី Google Maps ជំនាន់ 10.62៕

នាយកដ្ឋានប្រឆាំងបទល្មើសបច្ចេកវិទ្យា បានឲ្យដឹងថា ការធ្វើបច្ចុប្បន្នភាពកែសម្រួលនេះគឺមានការប៉ះពាល់ជាមួយប្រព័ន្ធប្រតិបត្តិការទាំងបីធំៗ Windows, Mac និង Linux។

ក្រុមហ៊ុន Google ពុំបានផ្ដល់ព័ត៌មានលម្អិតទាក់ទងនឹងបញ្ហានេះទេ ប៉ុន្តែក្រុមហ៊ុនទទួលស្គាល់ថា ជនខិលខូចកំពុងតែប្រើភាពចន្លោះប្រហោងនេះដើម្បីធ្វើការវាយប្រហារ ដូច្នេះអ្នកប្រើប្រាស់គួរតែធ្វើបច្ចុប្បន្នភាពជាបន្ទាន់។ ជាងនេះទៅទៀតក្រុមហ៊ុន Google ក៏បានបញ្ជាក់ផងដែរថា គេនឹងបង្ហាញព័ត៌មានលម្អិតទាក់ទងនឹងការវាយប្រហារនៅពេលដែលអ្នកប្រើប្រាស់ភាគច្រើនបានធ្វើបច្ចុប្បន្នភាពរួចហើយនោះ។

ដូច្នេះដើម្បីសុវត្ថិភាពក្នុងការប្រើប្រាស់កុំព្យូទ័ររបស់លោកអ្នក នាយកដ្ឋានសូមឱ្យលោកអ្នកធ្វើបច្ចុប្បន្នភាពកម្មវិធី Chrome ជាបន្ទាន់ដើម្បីចៀសវាងពីការវាយប្រហារ៕