Manchester United គាំទ្រ Ole ជាគ្រូបង្វឹកដឹកនាំលេងក្នុងគម្រោង វែងឆ្ងាយ

មករា — Mon, 18 Oct 2021 01:15:27 +0000

កីឡា៖ Manchester United ត្រូវបានគេរាយការណ៍ថាសប្បាយចិត្តជាមួយនឹងទិសដៅរបស់ក្លិបក្រោមការដឹកនាំរបស់គ្រូបង្វឹកបច្ចុប្បន្នគឺលោក Ole Gunnar Solskjaer។
បិសាចក្រហមគ្មានគម្រោងបណ្តេញចេញចំពោះគ្រូបង្វឹក ន័រវេសនោះទេបើទោះបីជាមានទម្រង់លេងដ៏ខកចិត្តក៏ដោយដែលក្រុមនេះឈ្នះតែ ១ លើកគត់ពីការប្រកួត ៥ លើកចុងក្រោយរបស់ពួកគេនៅក្នុងការប្រកួតទាំងអស់។

លោក Antonio Conte អតីតគ្រូបង្វឹកតោខៀវ ត្រូវបានគេចាត់ទុកថាជា អ្នកដែលជំនួសតំណែងលោក Ole Gunnar Solskjaer យ៉ាងស័ក្តសម ប៉ុន្តែបើយោងតាមសារព័ត៌មាន The Sun បាន ឲ្យដឹង ថា Man United ចាត់ទុកបុរសវ័យ ៤៨ ឆ្នាំរូបនេះជាគ្រូបង្វឹករយៈពេលវែង។

របាយការណ៍នេះអះអាងថាក្រុមម្ចាស់ជើងឯកអង់គ្លេស ២០ សម័យកាលនៅពីក្រោយអ្នកគ្រប់គ្រងរបស់ពួកគេហើយនឹងបន្តគាំទ្រគាត់ខណៈដែលក្លឹបព្យាយាមវិលត្រឡប់មកកាន់កំពូលតារាង Premier League ម្តងទៀត។

Man United ទទួលបានតែ ១ ពិន្ទុប៉ុណ្ណោះពីការប្រកួតលីក ៣ លើកចុងក្រោយរបស់ពួកគេហើយបច្ចុប្បន្នកំពុងឈរនៅលេខ ៦ ក្នុងតារាងមាន ៥ ពិន្ទុតាមពីក្រោយក្រុម Chelsea ។
ក្រុម Man Utd នឹងវិលមកវិញនៅថ្ងៃពុធសប្តាហ៍នេះ ដើម្បីប្រកួត ក្នុងពាន Champions League ជាមួយក្រុម អាតាឡង់តា៕

Man Utd មិនបណ្តេញលោក Ole ពីតំណែង ទោះចាញ់ Leicester City

មករា — Sun, 17 Oct 2021 02:35:53 +0000

កីឡា៖ តំណែងរបស់លោក Ole Gunnar Solskjaer ក្នុងនាមជាគ្រូបង្វឹកក្រុមបិសាចក្រហម Manchester United ត្រូវបានគេរាយការណ៍ថាមានសុវត្ថិភាពបើទោះបីជាក្រុមរបស់លោកបរាជ័យក្នុងទម្រង់លេងក៏ដោយ។
ការបរាជ័យ ៤-២ នៅថ្ងៃសៅរ៍នៅលើទឹកដីក្រុម Leicester City ក្នុងក្របខ័ណ្ឌ Premier League វាបានក្លាយជាការចាញ់ ៣លើកក្នុងចំណោម ៥ប្រកួត សម្រាប់ក្រុមម្ចាស់ជើងឯកអង់គ្លេស ២០ សម័យកាលដែលមិនបានឈ្នះនៅក្នុងលីកចាប់តាំងពីពាក់កណ្តាលខែកញ្ញា។

បិសាចក្រហមទទួលបានតែ ១ពិន្ទុប៉ុណ្ណោះ សម្រាប់ ៣ប្រកួតចុងក្រោយ របស់ពួកគេ ហើយត្រូវប្រឈមការប្រកួតដ៏ស្វិតស្វាញចំនួន៣ ទៀត ជាមួយក្រុមខ្លាំងក្នុងនោះរួមមាន Liverpool, Tottenham Hotspur និង Manchester City។

ខាង The Athletic បានចុះផ្សាយថា Solskjaer នៅតែមានការគាំទ្រពេញទំហឹង ពីក្រុមប្រឹក្សាភិបាល របស់ Man Utd ដែលមិនគិតពីការបណ្តេញគ្រូបង្វឹកជនជាតិន័រវេសរូបនេះចេញពីតំណែងគ្រូបង្វឹកឡើយ។
Man United ដែលបច្ចុប្បន្នឈរនៅលេខរៀងទី ៥ ក្នុងតារាង Premier League នឹងសម្លឹងរកវិធីឈ្នះនៅពេលពួកគេប្រកួតជាមួយ Atalanta BC ក្នុងការប្រកួត Champions League នៅយប់ថ្ងៃពុធ៕

Ole – Champey News

Manchester United គាំទ្រ Ole ជាគ្រូបង្វឹកដឹកនាំលេងក្នុងគម្រោង វែងឆ្ងាយ

Man Utd មិនបណ្តេញលោក Ole ពីតំណែង ទោះចាញ់ Leicester City