ភ្នំពេញ៖ ឧបនាយករដ្ឋមន្ត្រីរដ្ឋមន្ត្រីក្រសួងការពារ សម្ដេចពិជ័យសេនា ទៀ បាញ់ បានធ្វើការអំពាវនាវ ឲ្យកងទ័ព សិស្ស និស្សិតដែលកំពុងបំពេញបេសកកម្មរក្សាសន្តិភាព និងសិក្សានៅតាមបណ្ដាប្រទេសនានា ត្រូវប្រុងប្រយ័ត្នចំពោះកូវីដ១៩។
តាមរយៈបណ្ដាញសង្គមហ្វេសប៊ុក នាព្រឹកថ្ងៃទី២៥ ខែឧសភា ឆ្នាំ២០២១នេះ បានឲ្យដឹថា “អត្រាចម្លងនៃមេរោគ កូវីត-១៩ នៅតែបន្តកើនឡើងជារៀងរាល់ថ្ងៃ នៅតាមបណ្តាប្រទេសនានា នៅលើពិភពលោក ដូចនេះសូមក្មួយៗ កងទ័ព សិស្ស និស្សិតដែលកំពុងបំពេញបេសកកម្មរក្សាសន្តិភាព និងសិក្សានៅតាមបណ្ដាប្រទេសនានា ត្រូវប្រុងប្រយ័ត្ន និងថែទាំសុខភាព អនាម័យឱ្យបានល្អ ព្រមទាំងអនុវត្តនូវវិធានការការពារ “៣ការពារ ៣កុំ” ឱ្យបានខ្ជាប់ខ្ជួន”៕
