ក្រសួងសុខាភិបាលនិងអង្គភាពសុីម៉ាក់​ រៀបចំកម្មវិធីសិក្សាស្រាវជ្រាវនិងអភិវឌ្ឍន៍សុនខជាជំនួយហិតរកអ្នកផ្ទុកវីរុសកូវីដ១៩

0
5

ភ្នំពេញ÷ ផ្អែកតាមគំនិតផ្តួចផ្តេីមនិងអ​នុសាសន៍ដ៍ខ្ពង់ខ្ពស់របស់សម្តេចអគ្គមហា សេនាបតីតេជោ​ បានប្រគល់ភារកិច្ចជូនក្រសួងសុខាភិបាលនិងអង្គភាពសុីម៉ាក់​ ឱ្យរៀបចំកម្មវិធីសិក្សាស្រាវជ្រាវនិងអភិវឌ្ឍន៍សុនខជាជំនួយហិតរកអ្នកផ្ទុកវីរុសកូរ៉ូណា​ (កូវីដ១៩)​ដោយមានក្រុមអ្នកវិទ្យាសាស្ត្រវេជ្ជសាស្ត្រនិងក្រុមអ្នកជំនាញសុនខ​ សិក្សារួ​មគ្នា។

យោងតាមហ្វេសប៊ុក របស់លោក ហេង រតនា អគ្គនាយកមជ្ឈមណ្ឌលកំចាត់មីនកម្ពុជា(CMAC) បានឲ្យដឹងថា គំនិតផ្តួចផ្តេីមនេះ​ បង្ហាញពីការគិតគូររបស់សម្តេចតេជោ​ ក្នុងការស្វែងរកគ្រប់វិធីសាស្ត្រដែលអាចធ្វេីទៅបាន​ ដេីម្បីប្រយុទ្ធប្រឆាំងជំងឺកូវីដ១៩!។

នៅថ្ងៃទី២៤​ ខែមីនា ឆ្នាំ២០២១ លោក ហេង រតនា បានចុះមកពិនិត្យការងារសុនខនៅវិទ្យាស្ថានបច្ចេកទេសសកម្មភាពមីន​សុីម៉ាក់ខេត្តកំពង់ឆ្នាំង ដេីម្បីរៀបចំត្រៀមលក្ខណ:ធ្វេីការស្រាវជ្រាវ​និងអភិវឌ្ឍន៍បច្ចេទេសសុនខហិតរកអ្នកផ្ទុកវីរុសកូរ៉ូណា(កូវីដ១៩​)។

លោក ហេង រតនា ថាផ្អែកតាមបទពិសោធន៍ជាង២២ឆ្នាំ​ ក្រុមអ្នកបច្ចេកទេសសុនខ​នៃអង្គភាពសុីម៉ាក់ មានទំនុកចិត្តអាចហ្វឺកហ្វឹនសុនខនៅកម្ពុជា​ ក្នុងការហិតរកអ្នកផ្ទុកវីរុសកូរ៉ូណាបាន។

អង្គភាពសុីម៉ាក់​ ត្រៀមសុនខ​ ត្រៀមឯកសារហ្វឹកហ្វឺន​ រៀបចំទីតាំងហ្វឹកហ្វឺន​ និងអ្នកឯកទេសសំរាប់បំរេីការងារសិក្សាស្រាវជ្រាវនេះ ដោយត្រៀមធ្វេីការសហការជាមួយអ្នកវិទ្យាសាស្ត្រវេជ្ជសាស្ត្រនៃក្រសួងសុខាភិបាល​។ ខ្ញុំបានពិភាក្សាការងារនេះជាមួយលោក ម៉ម​ ប៊ុនហេង​ រដ្ឋមន្ត្រីក្រសួងសុខាភិបាល​ ដោយលោករដ្ឋមន្ត្រីប្រគល់ភារកិច្ចឱ្យសកលវិទ្យាល័យវិទ្យាសាស្ត្រសុខាភិបាល​ជាអនុវត្តផ្ទាល់ជាមួយអង្គភាពសុីម៉ាក់។

សូមបញ្ជាក់ថា​ មានប្រទេសមួយចំនួនដូចជា​ អាល្លឺម៉ង់​ ហ្វាឡង់​ អូស្ត្រាលី​ រុស្សុី​ ជាដេីមបាននិងកំពុប្រេីប្រាស់សុនខជាជំនួយហិតរកអ្នកផ្ទុកវីរុសកូរ៉ូណា​ ផងដែរ៕

LEAVE A REPLY

Please enter your comment!
Please enter your name here