សៀមរាប៖ នេះបើយោងតាមទិន្និន័យផ្លូវការរបស់គ្រឹះស្ថាន អង្គរ បានអោយដឹង រយៈពេល ១១ខែក្នុងឆ្នាំ២០១៩នេះ ដោយគិតចាប់ពីថ្ងៃទី១ ខែមករា រហូតដល់ថ្ងៃទី១ ខែធ្នូ ឆ្នាំ២០១៩ គឺខាងគ្រឹះស្ថានលក់សំបុត្រចូលទស្សនាអង្គរវត្តបាន ១,៩៩៧,២៦៧នាក់ បើប្រៀបធៀបទៅនឹងឆ្នាំទៅ មានការធ្លាក់ចុះ ១៤.០៣ ភាគរយ។
ហើយបើនិយាយអំពីចំណូលនៃការទិញសំបុត្រនេះមានចំនួន ៨៩,៥៥៥,៤៧៤ដុល្លារអាមេរិកធ្លាក់ចុះ១៤.៣២ភាគរយ។ ហើយក្នុងនោះដែរ ថវិការ ៣៨៦,៥២០ដុល្លារ ត្រូវបានឧបត្ថម្ភដល់មូលនិធិគន្ធបុប្ផា ដើម្បីទ្រទ្រង់ដំណើរការរបស់មន្ទីរពេទ្យគន្ធបុប្ផា សម្រាប់ជួយសង្គ្រោះជីវិត និងព្យាបាលជំងឺកុមារកម្ពុជា៕
