ស្ត្រីម្នាក់ធ្វើដំណើរ ទៅពេទ្យដល់ពាក់កណ្ដាលផ្លូវ ឈឺពោះខ្លាំង ក៏សំរាលកូនតែម្ដង

0
15

ភ្នំពេញ៖ នាព្រឹកថ្ងៃទី២៦ ខែតុលា ឆ្នាំ២០២០ វេលាម៉ោងប្រមាណជា ១០៖១៥នាទី មានករណីស្រ្តីឈឺពោះខ្លាំង សំរាលកូនតាមផ្លូវ ត្រូវបានសង្រ្គោះដោយបុគ្គលិកឆ្មប នៃមណ្ឌលសុខភាពស្រុកអូរយ៉ាដាវ រួចបានដឹកបញ្ជូនមក មណ្ឌលសុខភាពតាមរយ:កម្លាំងអធិការដ្ឋាន នគរបាលស្រុកអូរយ៉ាដាវ។

ស្រ្ដីសំរាលកូនឈ្មោះ ទូច សុខខឿ ទីកន្លែងកំណើតភូមិឡំ ឃុំប៉ក់ញៃ ស្រុកអូរយ៉ាដាវ ក៏ប៉ុន្តែសព្វថ្ងៃបានផ្លាស់ទីលំនៅ មកនៅភូមិប៉ក់ធំ ឃុំប៉ក់ ញៃ ស្រុកអូរយ៉ាដាវវិញ។

ស្រ្ដីសំរាលកូនខាងលើបានឈឺពោះខ្លាំង ហើយក៏បានធ្វើដំណើរមក មណ្ឌលសុខភាពស្រុកអូរយ៉ាដាវ តែមកដល់ពាក់កណ្ដាលផ្លូវ ស្រ្តីនោះក៏ឈឺពោះខ្លាំង ហើយក៏បានសំរាលកូននៅពាក់
កណ្ដាលផ្លូវតែម្ដង ដោយមានការសង្រ្គោះដោយបុគ្គលិកឆ្មប នៃមណ្ឌលសុខភាពស្រុកអូរយ៉ាដាវ។

សូមបញ្ជាក់ថា ពេលនេះស្រ្ដី និងកូន បានមកដល់មណ្ឌលសុខភាពស្រុកអូរយ៉ាដាវ ហើយទាំងម្ដាយទាំងកូន មានសុខភាពល្អ ក្រោយការសង្រ្គោះពីអ្នកគ្រូពេទ្យ៕

LEAVE A REPLY

Please enter your comment!
Please enter your name here